Wednesday, June 27, 2007

كش ملك



تمر بذهنى ذكريات و خواطر على خلفية بلوغ عدد الزيارات ال 10000 زيارة
اتذكر اول مدونة رايتها و كانت يتنفس بصعوبة و كيف لم استسغ فكرة المدونات حيث فكرت انها لا تختلف عن المنتديات كثيرا
الا انه مع مرور الايام و تزايد اعداد المدونات و زيادة اطلاعى عليها ترسخت بذهنى فكرة المدونة كأداة اعلامية تتميز بقدر كبير من الحرية و منبرا يمكن من خلاله توصيل افكارى الى الناس و اتفقت مبدأيا مع محمد على انشاء مدونة نتشارك فى الكتابة فيها و كان هذا فى مرحلة امتحانات مما دفعنا للانتظار مدة قبل البدء و كنت اتحرق شوقا لكتابة اولى التدوينات .
رسالة المدونة اظهرناها بشكل مبسط من خلال التدوينة الاولى بداية اللعبة و اعتقد اننا نسير فى الخط الذى اتفقنا عليه تماما
فى تلك الفترة القليلة التى قضيتها فى عالم التدوين تعلمت الكثير و حقا ابهرنى ذلك العالم الجديد و تحقيقه نجاحا اعتبره قياسيا فى فترة وجيزة
خلينا نعمل فلاش باك سريع على اهم تدويناتى علشان من لحقوا بنا متأخرا :
جون يا خبر ابيض
طفل معتدل و طفل متطرف
دى مش مصر يا عبلة
أمن فنام
الاثنين الاسود
دا شعب عبيط يا عم
فى تونس المرأة سعيدة و منشكحة
مصر ترعى الفن الهادف
طبقا لأليكسا المصريون تافهون
ممنوع الدقن يا كابتن
هل ترانا نلتقى
وداعا يا جامعة النور
ميلادى و تكوينى
لا سواء
فى وادى نورين

خطــاب

------------------------

مش عارف ابدء ازاى هل اقول اسم المدونات اللى اثرت فيا ولا اقول اسم المواضيع اللى كتبتها وغيرت منى كتير. ولا اكتب اسم المدونيين اللى بسبب التدوين اتعرفت عليهم وحسيت معاهم بمشاعر جميلة. المفروض الواحد بعد كل فترة بيبدء يقعد مع نفسه ويشوف هل استفاد من الفترة بتاعتة اللى قضاها .. انا فعلا استفدت واكبر استفادة انى اتعرفت على ناس افكارهم زى افكارى بيحبوا الحرية وبيعشقوها ومستعدين انهم يموتوا من اجلها .. مش عارف هل اكتب عن فكرتنا ولا اكتب عن الناس دول ولا اكتب عن ايه ..اللى هقولة بس فى الاخر .. هى رسالة لربنا .. يارب تكون راضى عنى وان كل كلمة كتبتها كانت من اجل الاسلام وانك يارب لو فى حاجة مكنتش راضى عنها.. متزعلش منى يا رب انتا عارف انا كنت عاوز اعمل ايه من وراها .. يارب توكلت عليك فمن توكل عليك فانت حسبة ..
وفى الاخر جزاكم الله كل خير .. جزاكم عن تغييرى بكلامكم المبدع...
مــحــمــد
-------------------------
احباؤنا

زوار المدونة احد أهم مكوناتها ان لم يكن المكون الاساسى فلولاهم لكانت المدونة مجرد مفكرة شخصية و لما كان نشرها على الشبكة ذا جدوى فإنـا ننتظر رأيكم فى المدونة سلبيات , ايجابيات , اقتراحات , انطباع عام على مستوى الشكل او المحتوى رأيكم يهمنا نحن فى انتظاره

كش ملك

26 comments:

منة الله said...

كش ملك دي انا مكنتش فاهمة انها مدونة

لاني مكنتش اعرف يعني ايه مدونة اصلا

بالنسبة للايجايبات فاكتر ايجابية بالنسبالي بتميز كش ملك هيا التنوع

و ده معناه جمهور اكبر

لانهم مش حاصرين نفسهم في شكل واحد من التدوين

و اكتر حاجة انا شايفة انه كش ملك محتاجة تشتغل عليها

هيا الافتكاسة

بمعنى ان افكار المواضيع في حد ذاتها تبقى مطرقعة كده مانليقهاش في حتة غير عندهم

لان احيانا بشوف بوستس مبحسش انها جامدة اوي

مش عشان الكلام وحش لا

بس حاسة اني كان قريتو قبل كده

بس

FloNa said...

مممممم

انا جذبني اسم المدونة جدا فعلا

ولما دخلتها انتم قدرتوا بمواضيعكم تخلونا من زوارها الدائمين


فيه مدونات كتير جدا الواحد يدخلها كل فين وفين


بس المدونة دي من غير مجاملة من المدونات اللي الواحد بداوم على دخولها

من الحاجات اللي عاجباني ان هدف المدونة واضح جدا

ومع ذلك تلاقيكم بتفصلوا بمواضيع تحمل مشاعر رقيقة بعد كذا موضوع يحمل واقع مؤلم

يعني المزيج المتكامل من مشاعر الغضب والحماسة والالم والفرح والحب طابع مميز للمدونة


مفيش كلمة اتكتبت هنه غير اثرت في الواحد فعلا

ربنا يجعله في ميزان حسناتكم

تطابق شخصياتكم كمان عامل طابع مميز للمدونة تحس الافكار متشابهة والمشاعر واحدة

تصميم المدونة نفسه والسايد بار بتاعها جميل جدا


بتهيألي المناسبة دي تحتفلوا بيها بتجديد النية مرة اخرى ووضع المخطط الجديد كمان

ربنا يباركلكم يارب ويوفقكم

:) :)


flona

علاء said...

مبروك يا عم محمد
و لك عندي بوسة هدية :)
ربنا يجعلها في ميزان حسناتك

Anonymous said...

كلامك حلو ياخطاب

ومحمد كمان كلاماته جميلة خاصة جملة ان لازم كل فترة لازم الواحد يشوف الفترة اللى فاتت الجديد اللى فيها وهو استفاد منها اية



Manas

Dr_Moslim said...

ربنا يبارك فيكم يا محمد انت وخطاب
وربنا يوفقكم يارب
ومدونتكم جميلة جدا
وانا عن نفسي استفدت منها كتييييييير قي مدونتي انا المسلم

وربنا يقدركم يارب

بس برضه عايزين تنويع
في المواضيع
وخصوصا علي الساحة المحلية
ي\عني خلينا علي مستوي القاعدة
ونحاول نشوف الخطأ ونحاول نصلحه بأفكار
انت فاكر موضوعي الجديد علي المدونة بتاع إعلامنا الفاسد منه لله
انا بحاول أشوف الحاجت الصغيرة دي
بس هي مش صغيرة دي ليها تأثير كبير جدا في حياتنا اليومية

ربنا يوفقكم يااااااااااارب

أخوكم محمد بركات

§a§a said...

جميل جدا مشاء الله

ويارب دايما تكون المدونه فى تقدم وازدهار

sharkawoo said...

ما شاء الله :)

الولاد بيكبروا :D

لا والله مبروك علي هذا المستوي والي بتقدموه ... وربنا يوفقكم دائما لما فيه الخير ...

لا تنسونا تجديد النية ... وتكملوا في هدفكم إلي انتوا واضعينه :)

وعانكم الله علي فعل الخيرات :)

mo'men mohamed said...

إخوانى الأعزاء
انا تقريبا متبعتى لمدونتى جديدة
يعنى لسة معرفش الكتير
بس مبدأيا كده
انا بحب فى المدونة أسلوبها الساخر
وجزاك الله خير
ومبروك عليكم ال 10000 زائر
السلام عليكم

mohamed said...

جزاكم الله خير على تعليقاتكم

بس يا جماعة احنا عوزين نعرف

ارائكم من حيث السلبيات .. انتم كلكم قولتوا ايجابيات واحنا مش خالين من السلبيات فياريت تقولولنا سلبياتنا .

وكمان نعرف انتم منتظرين مننا ايه الفترة القادمة ..


وهكذا يلا يا جماعة

انتم روحتم فين


:)

Anonymous said...

الف مبروك عليكم ال10000زائر وكفاية عليكم كده واقفولها احسن عشان غيركم ياخد فرصته0
انا بهزر
كملوا فيها وربنا يتقبل منكم يارب بس فعلا افتكروا تجديد النية0
عز

بن توفيق said...

بصراة كش ملك من المدونات الرائعة

ربنا يجعلها فى ميزان حسناتك ان شاء الله

Monzer said...

انتو عاةوزين ايه تتخانقو مثلا
الناسعمالة تشكروتقول انتم كويسين ومدونةحلوة
خلاص المدونة ده مسكونة

وانا أول مرة دخلتا حسيتى انى مش لوحدى فيها كمان
ويالا بأه من هنا علشان هنبخر المكان
ايه يا عم انت وهو
زعلانين ان الناس مسعيدة بالمدونة

انا للأسفبرده متباعتى للمدة كان متأخر، وكان من ساعة الوقفة وأول مروحت دخلت على الناس الى اعجبتبيهم جدا وكان اولهم كش ملك ، لأنى أعجبت بمحمد أوى اعبجت بتفالعه وغيرته على الدين

ربنا يوفقكم ان شاء الله

مصراوي أوي said...

كويس جدا الوقفة مع النفس دي

ومراجعة ما كان

والاجمل انها لاتنين مدونين مع بعض

ربنا يزود قراءكم ويزود افادتكم لنا

نقطة مية said...

مدونة ناجحة و يارب دائما...و تحتفلوا بيها على طول و تفرحوا بانتاجكم و فكركم..و تسعدوا بتفاعل الناس معاكم دائما
تحياتي

مـحـمـد مـفـيـد said...

حبيبي محمد
لو اي حد دخل عندك ودخل تاني فاعرف ان استفاد من عندك بحاجه
دائما الي الامام واستمرار النجاح والتفوق

وكل سنه وانت طيب

خطــاب said...



منة الله
رأيك قيم فعلا ربنا يكرمك

------

فلونا
جزاك الله خير .. التنوع بالفعل هام لتفادى الاملال

-----

منص
اهلا بيك

----

د مسلم
فى دماغى افكار منوعة ان شاء الله ربنا يكرم و تتم على خير

--------

صاصا
اللهم امين

Kad0o0ora said...

:D

خطــاب said...


شرقاوو
ربنا يكرمك

مؤمن
اهلا بيك و نتمنى ان نراك دوما

عز
نجم التعليقات ربنا يكرمك يا ريس

بن توفيق
جزاك الله خير

منذر
لا ابدا
و لكن رحم الله امرىء اهدى الى عيوبى
و اهلا بيك

مصراوى
جزاك الله خير

نقطة مية
شكرا لتشريفك

قدورة
ربنا يسعدك دوما

هاني جابر said...

ما شاء الله
بصراحة انا لسه مطلع جديد علي المدونة
بس فعلا المدونة توحي بجمالها و سمو هدفها
فعلا ربنا يكرمكم ويعينكم علي الثبات في نشر الفكر السليم للناس
والف مبروك
لا تنسونا من دعائكم

عبوووووووود said...

ألف مبروك على تخطيكم حاجز الـ 10000 زائر
انا دي اول مرة ادخل المدونة لكن هاحاول ان شاء الله اني اعمل معاكم فلاش باك على اهم التدوينات على الأقل اللي اللينكات بتاعتها موجودة في البوست ده
سلاااااااااااااام

Anonymous said...

في تعقيب بسيط
نصيحة من اخوكم اصل كل شئ في الدنيا التجديد حاولوا تلاقوا الجديد يا خطاب انت ومحمد مواضيع فكرتها جديدة يعني مثلا تناولوا شخصية عظيمة في تاريخ المسلمين او مثلا يعني اكتب ترجمة للصحف الاسرائيلية ورايها وتحليلها للامور اللي بتحصل في امتنا يعني اقصد حاول تعمل حاجة جديدة محدش عملها وتبقي متفرد بيها والا هتبقوا زيكم زي المدونات التانية اللي في مصر او غير مصر 0
اخوكم في الله عز

mohamed said...

جزاك الله يا أخ هانى على تشريفك لمدونتناوعلى اطراءك الجميل ده





الله يبارك فيك يا أخ عبووووووووود .وجزاك الله خير على مرورك







ازيك يا عز يا حبى ايه الاخبار .. احنا والله الفترة الجاية ان شاء الله وضعين خطة عمل ان شاء الله تعجبكم وتكون جديدة .. بس انت ادعيلنا يا حبى وجزاك الله خير على وجودك معانا وعلى رايك الجميل .

بحب الحرية said...

ماشاء الله ..مدونة جميله ..وبتحمل فكر راقي ..

من أكثر المدونات إللي كنت بتابعها قبل أن أبدأ التدوين ..

بالتوفيق دائما

cleopatra said...

kish malek men a7la el blogat elli badkholha .. rabbena iewafa2koo .. we iegma3koo ma3a el 7abib fi el janna

زهرة الامل said...

بجد المدونه دى رائعه فعلا
(:
جميل أوى التعاون اللى بينكم دا

انا معنديش خبره اوى بمجال التدوين دا
لسه مبتدأه
بس مدونتكم جميله جدا

الحقيقه مقرأتش مواضيعها كلها
بس ان شاء الله اتابعها
وبالتوفيق
(:

المجاهدة said...

ربنا يباركلكم و يجعلها في ميزان حسناتكم
:)

عاجباني طريقة انكم بتكتبو البوست مع بعض :d