اكثر 100 موقع زيارة فى مصر
اذا طالعت اكثر 100 موقع نشاطا فى مصر على اليكسا يمكنك ملاحظة الاتى :
تصنيفهم كالتالى :
- 10 مواقع عالمية مثل : جوجل و msn و ياهو
- 5 مواقع للتعارف و الدردشة و لعل اشهرهم هو hi5
- 5 مواقع لرفع الملفات مثل rapidshare
- 12 موقع للاخبار عالمية و محلية كالمصرى اليوم و الجزيرة
- 4 منتديات و ابرزها dvd4arab
- 5 مواقع لتحميل البرامج كشبكة اقلاع سوفت
- 8 مواقع رياضية كلهم مواقع مخصصة لكرة القدم الا واحدا للمصارعة
- 5 مواقع اباحية
- 9 مواقع للاغانى
- 3 مواقع للاستضافة كجيران و بلوجر
- موقعي الفيديوهات الاشهر و هما youtube و metacafe
- 5 مواقع لشركات كاتصالات و لينك
- 6 مواقع عامة لم اجد لها تصنيفا محددا كمصراوى و مكتوب
- 5 مواقع اسلامية كموقع عمرو خالد و اخوان اونلاين و اسلام ويب
مع ملاحظة ان بعض المواقع لم اتمكن من تحديد ماهيتها بدقة
نسبة كبيرة جدا لمواقع الكرة و الاغانى تصل لما يقرب من 15 % من الاجمالى .
نسبة ضئيلة للمواقع الاسلامية بالنسبة لنسب مواقع الاغانى و الكرة و المواقع الاباحية.
فى المركز السادس موقف للتعارف و فى المركز التاسع موقع للاغانى و فى المركز الخامس عشر موقع اباحى ..... و يطل علينا اول موقع اسلامى فى المركز ال 32
يظهر موقع اخوان اونلاين فى ال توب 100 بينما لا تزال الحكومة تعتبرها جماعة محظورة
الحقيقة ان هذه القائمة تعكس لنا سبب تأخرنا و تخلفنا .. شاهد بنفسك
و اننى اتسائل الى متى يحارب التطرف ولا يحارب الانحلال
كش ملك
12 comments:
جزاكم الله خيرا على هذا التقرير
انا الصراحه هبص للجانب المشرق فى الموضوع لانى اليومين دول احتاج الى التفائل اكثر منه الى التشاؤم
كويس ان المواقع الاخباريه والاسلاميه فى الميه الاوائل
وربنا يهدى المصريين
موضوع جميل جدا
جزاكم الله خيرا
وان شاااء الله نرى الموااقع العربية المفيدة فى اواائل الموااقع ان شاااء الله
Abdosaleh
لا تعليق
انا بردة هنظر للجانب المشرق .. فعلا كويس اوى ان فى موقع أسلامى ..
ان شاء الله يكون اول المواقع وليس 100
السلام عليكم
بصراحة هذه النتيجة مشرقة إلى حد ما بالنسبة لنتيجة السنوات السابقة عندما كانت المواقع الأولى في عدد المشاهدة إباحية
هدانا الله
لفت نظرى ان اغلب التعليقات تصف النتائج بال"مشرقة" و للحق فان هذا يثير دهشتى
انا لم ارى نتائج سابقة .. و لا ادرى ان كانت اسوأ
لو كان هذا صحيحا و كان المؤشر ايجابى فالحمد لله و نتمنى ان يسير الى اعلى
الا ان هذا لا ينفى ان النتائج بالنسبة لدولة المفترض انها اسلامية مقززة
بصراحة انا انظر اليها نظرة اخرى
...
عندما تكون النسبة الاولي للمواقع الاخبارية فهذا شئ ممتاز... وعندما تكون نسبة مواقع الكرة والاغاني 15% فقط فهذا شئ انجاز بل وممتاز... واذا استمر الوضع في الصعود هكذا اعتقد ان نسبة المواقع الاسلامية التى تهتم بشئون المسلمين ستتعدي ال 80 % لكن علينا بداية ان نقدم مواقع على المستوى
طبيعى انهم هيحاربوا الاسلام والمتدينين والكلام ده
امال الفوضى اللى عايزين يزرعوها فى المسلمين هتيجى منين
اديهم مواقع ملهاش لزمة تضيع وقتهم .. وتاخد فكرهم اتجاه ناجية معينة
وبعد كده شكرا
الله يرحمكم يا مسلمين
جهد كبير
وإحصائية ممتازة
وانا في الحقيقة سعدت كثيرا لما عرفت إن المواقع الإخبارية عليها الإقبال ده
محمد حمزة
بالنسبة للإحصائية فكويس فعلا ان المواقع الاخبارية ليها نسبة عالية..... و كويس برده ان مواقع الاغاني 15% بس ..... بس بالنسبة لسؤالك لإمتى هتفضل الدولة تحارب التدين و اي حاجة جد عامة و تسيب الإباحية؟ فده إجابته بسيطة اوي لما يمسكها ناس عدلة تخاف على مصالحها فعلا و لما يحبوا انهم يفوقوا الناس مش يغيبوها ساعتها بس هيحاربوا الإباحية, هما حاليا يهمهم انهم يشغلوا الناس بأي حاجة سواء اغاني,هلس,كورة,إباحية,اي حاجة مش جد عشان مش عايزين الناس تفكر و تقولهم بتعملوا ايه و هتودونا لحد فين؟ البلد في طريقها للضياع ده إن مكانتش ضاعت اصلا.....
على فكرة هيافة الشباب دي مش بإختيارهم,هما مختاروش يبقوا هايفين, هما مجبرين على كده, مجبرين انهم يفكروا في اي حاجة مش جد, مجبرين انهم يبقوا مغيبين, يعني ده هروب, هروب من الواقع المؤلم و المأساه اللي اتولدنا لقيناها و حتى مش واخدين فرصة نحاول نصلحها, لو لقوا حاجة تفهمهم صح اكيد هيروحوا ناحيتها بدليل اقبالهم على المواقع الإخبارية
ربنا ييسر ونوصل للمستوى المطلوب وتتشال المواقع اللى ملهاش لازمة دى
الله المستعان
علي الرغم من ان كلامك ممكن يكون في صح كتير لكن مايدكش حق انك تخلي عنوان البوست
"المصريون تافهون"
:(
Post a Comment