Thursday, May 10, 2007

وداعا .. يا جامعة النـــور


منذعام تقريبا
حضرت حفل تخرج سنة رابعة فى الكلية عندى
كانت حفلة رائعة و استمتع الحضور بفقراتها
و بعد الحفلة صعد على المسرح جميع افراد دفعة رابعة و اصدقائهم من باقى الفرق بعد نشيد لا فراق ولا كلمة وداع
و بدأ مشهدا أثر فى يومها بقوة
بدأ الجميع فى وداع بععضهم البعض و سالت الدموع انهارا
و رأيت اثنين يعانقان بعضهما البعض و تنفجران بالبكاء دون ان يستطيع ايهما ان يلفظ بكلمة
الحق ان مرأى هؤلاء الشباب تتدفق مشاعرهم تجاه بعضهم البعض جعلنى كدت ابكى
برغم انى وقفت بعيدا لاشاهد فقط
حيث لم تكن تربطنى باحدهم علاقة قوية الا واحدا و كان سيعيد السنة
الا اننى حينها فكرت .. كيف سيكون الوضع بعد عام ؟؟
حينما اكون احد افراد الدفعة التى ستغادر الكلية
طيلة العام لم انسى مشهد الوداع الذى يلى الحفل
كنت انتظره .. و اهابه بشدة
مر العام و جاء اليوم ... منذ شهر تقريبا
يوم حفل تخرج الفرقة الرابعة
و تكرر سيناريو العام الماضى بحذافيره
نفس المكان
و بعد نشيد حفلة هذا العام .. متستغربش

لما تبص بعنيك كدا .. متستغربش فى ايه
اصلك معشتش وسطنا و شفت الى احنا فيه
اتعرفنا على بعضنا من غير انساب
دايما نسامح بعضنا من غير عتاب
متستغربش فى ايه
ثم بدأ مشهد الوداع الذى رايته العام الماضى
و كنت فى قلبه هذا العام
رغم اننى لم تكن علاقتى بافراد الدفعة قوية جدا
لكنى اكتشفت يومها انها اقوى مما تصورت
اهذه اخر مرة اراهم فيها ؟؟
لم استطع معانقة كل فرد ووداعه
جلست على الافريز
و عاد شريط الذكريات امامى
و بكيت
بكيت حينما تذكرت او عامين لى فى الجامعة
ضائع لا هدف لى
عايش و خلاص
جل اهتماماتى فى الحياة سفاسف الامور و اتفهها
كرة ؟ اغانى ؟ بنات ؟
عامين ضاعوا منى هدرا
سرقوا منى
بكيت ندما عليهما
و ماذا عن العامين الاخرين ؟؟
هل جمعت القدر الكافى من الثواب فيهما ؟؟
ابدا و الله
هل ظفرت فيهما بأكثر من صحبة صالحة ؟
هؤلاء يغادرون الكلية و قد عملوا لله كثيرا
فماذا عنى ؟؟
بكيت عليهما
ادرت وجهى فى الوجوه .. حقا احبب من شئت فانك مفارقه
ترى هل ساعود كما كنت غارقا فى دوامة الحياة ؟؟
دوامة العمل و السعى لجلب الرزق التى تبتلع من هم افضل منى
بكيت خوفا من المستقبل
ثم الجامعة نفسها
على مدار 4 اعوام تعلقت بها
مسجد الكلية ... المدرجات .. بل و الطرقات
كل هؤلاء سافتقدهم ..
اعرف ان الزمن ينسى
و لن البث عدة اشهر حتى انسى الجامعة بما فيها و من فيها
الا ان هذا يؤرقنى ايضا .. فالذكريات الاليمة هى ما نحب من ننسى
و الاشخاص الرديئة هى من نحب ان نفارق
هناك من سبقونى بهذا الشعور
فكم من مرة سمعت نشيد جامعة النور

و لكنى لا اعتقد اننى استشعرت معانيه كاليوم

اخيرا اطلب من كل من عرفنى يوما فى الجامعة ان يسامحنى لو اخطأت فى حقه
و ان يذكرنى بالخير و يدعو لى
اخوانى ..اخواتى.. اودعكم

اودعكم بدمعات العيون
اودعكم و انتم لى عيونى
اودعكم و فى قلبى لهيب
تجود به من الشوق شجونى
اراكم ذاهبين و لن تعودوا
اكاد اصيح اخوانى خذونى
فلست اطيق عيشا لا تراكم
بها عينى و قد فارقتمونى
فلا يا اخوة فى الله كنتم
على المأساة لى خير معين
و كنتم فى طريق الشوك وردا
يفوح من شذاه عطرا من غصون
اذا لم نلتقى فى الارض يوما
وفرق بيننا كأس المنون
فموعدنا غدا فى دار خلد
بها يحيا الحنون مع الحنون
يا راحلين عن الحياة و ساكنين بأضلعى
هل تسمعون ؟
هل تسمعون توجعى و توجع الدنيا معى



41 comments:

mohamed said...

مشاعر جميلة وصادقة يا خطاب

cleopatra said...

:( معرفتي لبعض الناس في سنه رابعه السنادي .. خلاني احس اوي .. يعني ايه ان حد هيوحشك .. ويعني ايه هتفتقدو ..

هتفتقد عطاءو :( وخلاني اتسائل .. يا تري احنا برضو لما هنبقي في رابعه .. هيبقي عندنا نفس القدره علي العطاء ؟؟؟؟؟

يااااااااه .. بجد ادتونا اوي .. وعلمتونا اوي

دمتم .. ووفقكم الله حيثما شاء

رينـــــــــــا said...

:(
معلش نحن السابقون وانتم اللحقون
احساسك وصلنى

safa7_karmooz said...

هتنسانى كده يا خطاب...اهىء اهىء

انا ليسه قدامى سنتين

لازم ااطمن على كل اللى اعرفهم بعد كده اتخرج
هههههههههههههههههه

ربنا يوفقك

Neo said...

احساس الفراق عامة صعب اوي لما تفارق اصحابك في المدرسة اللي قعدت معاهم 13 سنة في نف المكان و تدخل الجامعة لوحدك

لما تتخرج من الجامعة كمان ده اصعب عشان صحاب الجامعة دول غير اي حد

بجد كنت هيغيط لولا مسكت نفسي من اللي انت كاتبه, تخيلت نفسي بعد الامتياز كده, هفارق ناس قعدت معاهم 7 سنين, ضحكنا, و فرحنا, و زعلنا, و اتنكدنا, يااااااااااه ده هيبقى صعب اوي

تخيل بقى لما يكون معظم صحابك مش هيقعدوا في البلد بعد التخرج يعني فرصتك انك تقابلهم حتى بقت صعبة جدا اللي هيرجع بلده و اللي هيروح لأهله البلد اللي هما فيهم و انا نفسي ان شاء الله هسافر برده..... احسا صعب اوي كنت بحاول ماتخيلوش, زي احساسنا لما جينا مصر اول مرة و سبنا كل صحابنا هناك, هناك هو ده اللي انا نفسى اروحه تاني, بس للأسف لو رجعت مش هلاقي نفس المكان ولا نفس الناس

هقول ايه بقى هي دي سنه الحياة ,تقابل ناس و تسيبها عشان كده انا مش عايزه اكبر

احساسك وصلني اوي و خوفني اوي

Neo said...

عارف, بس الفراق مش بيمنع التواصل برده, انا معظم صحابي بره مصر, السنة دي اعز صديق ليا حول من الكلية بس عادي لسه بنتصل ببعض و احيانا بيجي يزورنا يعني لسه بنتواصل برده

المشكلة بقى لما يبقى ليك صحاب فلسطنيين طب دول هتروح تزورهم ازاي؟ هما ممكن ب انت ماينفعش!!!! و تفضل على طول قلقان عليهم

حرام عليك يا خطاب فكرتني ليه بس من اللي كان مخوفني؟

Kad0o0ora said...

عااوز اقولك انك رااجل عسل يااخطااب

mohamed said...

أظاهر إن الأحاسيس دى مش ممكن إن الواحد ينكرها ..

انا فعلا كنت بقرء الموضوع وببكى .. انا بردة السنة الجاية أخر سنة ليا .. ومش عارف هل هيحصلى كدة .. انا مش عارف بس فعلا أحساسك قوى أوى يا خطاب وبيفكرنى باليوم ألى هيجى وهيمر على .. وسعاعتها مش هعرف أقول حاجة غير إنى أبكى ..

AmR said...

حسيت الإحساس ده وأنا بشوف الدفعات بتتخرج

السنة دي برضه في حفلة التخرج ..

شعور صعب .. ستفارق أصدقائك
وياعالم هتتقابلو تاني ولا لا ..

وتفتكر القعدات اللي كنتوا بتقعدوها ..
هنا كنتوا بتهرزوا ..وهنا كنتوا بتاكلو ..


ربنا يعينك

Arabian GiRl said...

ربنا يسعدكم ان شاء الله :)

AbdElRaHmaN Ayyash said...

ياااااه يا خطاب
ربنا يكرمك يارب
رغم اني في السنة الاولى
واقدر اقوللك اني مش حاسس بالاحساس ده
الا اني متصوره في عيونكم
ياارب ميكونش الفراق الاخير وتتجمعوا دايما
سلام

sharkawoo said...

ليه كدا يا حبي تقلب عليا المواجع ...

مشاعر جميلة ... ربنا يكرمك

كن دائماً معهم ولا تفارقم ...

فالحياة فيما بعد صعبة للغاية ...

safealeslam said...

انتم السابقون و نحن بكم اللاحقون

يعنى و الله من رأى ان الواحد مدام بيحب حد يستحيل يسيبهبسهوله كده

و ومدام انت ارتبط بحد فى الجامعة صدقنى عمرك ما هاتسيبه ايا كانت الظروف

انما لو صداقة عابرة اه ممكن تنسى فى يوم من الايام

مللت الصمت said...

رغم ان شخصيتى مش عاطفيه ولا تميل للعاطفيه خالص....

و كنت بقعد اتريق على الناس فى اول السنه انهم يقعدوا يقولوا انى احبك فى الله و الكلام ده كله.....

بس بجد لما جيت يوم الحفله و اتحطيت فى موقف ان الناس اللى ساعدونى و اللى انا اتعلقت بيهم جدا خلاص مش هيبقوا معايا فى الجامعه,ماكنتش عارفه اعمل ايه؟؟مش عارفه اعيط ولا لأ؟؟مش عارفه اقولهم وداعا لانى مش عايزه اقولها....


بس جيت لحد البيت و قعدت اعيط,فقعدت افكر لقيت ان الناس دول انا حبيتهم فى الله و بجد من غير ما احس.......


ربنا يديم الود بيينا دائما يا رب,و مننساهمش و نرد لهم جمايلهم علينا....

زهـــرة العطـــاء said...

جميل جدا الموضوع ده

وحاسه انه فعلا خارج من القلب

ربنا يكون فى عون كل الفى سنه رابعه

صعبة اوى انك تحس ان صديقك اللى كنت

بتقضى معاه وقت كبير يمكن اكبر من

الوقت اللى بتقضية فى البيت ومره واحدة

تبعد عنه

فعلا احساس صعب جدا

بس ان شاء الله ربنا يوقفكم وتسألوا على بعض على طول

Anonymous said...

ازيك ياعم خطاب عامل ايه0
المشاعردي لايمكن تتوصف بالالسنة هذه اشياء تحسها القلوب0
اقولك علي خاطرة كانت علي طول بتجيني وانا جالس مع اخواني0
ايه اللي جمع اليشر دي مع بعضها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اللي من الفيوم واللي كان اشتراكي (وطبعا هو عارف نفسه)
واللي كان ضايع ومالوش لازمة زي حالتي واللي من المنوفية 0
المهم افكار وطباع واخلاق وبلاد مختلفة ايه اللي جمع كل البشر دي مع بعض؟
رغم انهم من الصعب انهم يتلموا مع بعض ابدا في الظروف العادية0
بس تعرف ايه اللي جمعهم الحب في الله ودعوة الله ونصرة دين الله نحسبهم كذلك0
انا فاكر طه البحيري في الحفلة السنةدي هو اللي خلاني ابكي (رغم ان علاقتي بيه زادت في الاخر بعد اليوم اياه)0
تعرف قالي ايه ؟
اوعي ياعز تنساني لواتقابلنا يوم القيامة ولقني داخل النار ابقي ابقي شدني بعيد عنها 0
عايزين نقابل ربنانقوله يارب اوذينااو اضربنا في سبيلك0

الشيخ طه البحيري بيقول لعز لولقتني داخل النار ابقي شدني بعيد عنها يا نهار مش بيانله شمس هو اللي بيقولي انا كده امال كنت المفروض اقول له ايه؟0

افتكر يا خطاب دائما ان هذه قلوب قد اجتمعت علي طاعة الله وتعاهدت علي نصرة شريعته ونشر دعوته0
فاعلم ان الله سيوثق رابطتها وسيدم ودها ويرزقها نور التوكل عليه واسال الله ان يجمعنا وكل المسلمين في الجنة0
وعلي فكرة في واحد ندل مشي يوم الحفلة ومسلمش علي حد0
اخوك في الله عز

بن توفيق said...

انتم السابقون ونحن بكم لاحقون

كلمة بنقولها كده لبتوع سنة رابعة فى الكلية
ومتأكد اننا مش هنحس بيها الا واحنا فى ستة رابعة

انا من السنة اللى فاتت وانا بفكر انا هيبقى شعورى ايه وانا فى سنة رابعة

ربنا يستر ساعتها

الريدي said...

اه واه ثم اه

با رك الله فيكم يا دفعة 4

لا اجد كلا ما يعبر عن حالي


وكلامك يا عز ثقيل عليا جدا

خطــاب said...

محمد
ربنا يكرمك

-----------------------

كليوبترا
فعلا علمونا كتير
ربنا ينفعنا بالى اتعلمناه منهم

-------------------------

رينا
شكرا ليكى

------------------------

سفاح
لا تقلق .. طول ما فى كورة اكيد هشوفك ان شاء الله

-------------------------

نيو
الحمد لله
النت بيقرب المسافات كتير

-----------------------

عبده

ربنا يكرمك يا ريس

-----------------------

دييجو

عقبالك كلها سنة

-----------------------

عمرو

امين

-----------------------

اريبين

امين

----------------------

شرقاوى

معلش كان لازم اكتب الموضوع دا
يمكن تاخرت شوية بس معلش

--------------------------

سيف الاسلام

ربنا ييسر و مننساش حد

--------------------------

خطــاب said...

عبد الرحمن
اوعى تضيع سنة واحدة من سنوات الكلية

------------------------

مللت الصمت
ربنا يكرمك على شعورك

-------------------------

زهرة

اتمنى .. ان شاء الله

---------------------------

عز

ربنا يكرمك يا عز
و انا كمان لو ملقتنيش فى الجنة لا تترك عرش الرحمن حتى ادخلها
اوعى تنسى

---------------------------

بن توفيق
شد حيلك ساعتها

---------------------------

ريدى
من اجمل الناس الى عرفتها
ان شاء الله هبقىانزل الكلية اسلم عليك

---------------------------

عاشقة الرحمن said...

بجد احساس رائع

عز said...

خطاب بمناسبة الاخوة من اكثر الناس اللي عندها الحكاية دي ورباني فعلا وعمل مواقف اخوة مينفعش تتطلع غير من واحد بيحب اخوانه في الله0
علي فكرة انا في اليوم ده عرفت يعني ايه اخوة في الله يعني ايه واحديضحي بنفسه عشانك0
كنا في مرة في مسيرة (وكانت اول مرة اطلع حاجة زي كده) المهم الضابط حد سمعه بيقول انهم يبعتلوا قوات خاصة لقيت اخ وكنا كثير وقتها فالواحداقلق بس ماقلتش لحد كده المهم لقيت ماهر بيقولي هات الجاكيت ولبسه وطلع قدامنا كلنا لما سمع انه في حاجة زي كده0
تعرف ليه؟عشان لوحصل ضرب يشيل عن اخوانه0
علي فكرة لوبعتوا حد بجد كنا اتنفخنا وهو عارف حاجة زي دي0
قولي بالله عليك تلاقي اخوة زي دي فين0
موقف تاني احد اخواني في هندسةكان بيحكيه0
كانوا في مرة الاخوة عايزين فلوس باي شكل اقصد في ساعتها وفلوس عشان يرفعوا قضية بسبب مشكلة حصلت لهم في الكلية ،المهم كان معاهم اخ كانت ظروفه المادية مش اوي واقعد اربع اوخمس سنين عشان يجمع ويحوش فلوس عشان مشروع التخرج0
لما حصلت القصة دي طلع كل الفلوس اللي معاه اعطاها لهم 0
انا عمري ماشوفت حاجة كده اربع سنين بيحوش عشان المسروع ولما اخوانه يحتاجوا فلوس يطلعلهم، مش الاخوة اللي تقول له تعالي اعزمنا علي حاجة شوية يطرشوا وشوية يتعموا واللي ممكن يبلع لسانه من الصدمة(وكلنا هذا الرجل)0
ههههههههههههه
المهم ياعم خطاب عرفت فالزم الشغل لله مش في الجامعة بس في كل مكان0
يقول تعالي(قل انصلاتي ونسكي ومحياي ومماتي لله رب العالمين *لاشريك له وبذلك امرت وانا اول المسلمين)0
كلمة تاني من اخوك في الله (ماكان لله دام واتصل وما لغير الله انقطع وانفصل)0

Neo said...

May be u sometimes need change, change in ur life, in people u know, u deal with, even those who u dislike and love, or maybe hatred and love couldn't ever be changed, or maybe they r the true things in our lives that need to be changed, i don't know....maybe and maybe not.

But all what i know is that I need change, cuz life wocould be so boring without change.

Stop knowing someone u dealt with, shared ur moments with is so hard, but sometimes circumstance force u to do so.

Life must go on & on. IT won't stop for anyone, if u stopped, life would move and leave u behind, so u have to move along & leave ur pain, tears behind ur back, but u would alway keep ur memories.


i don't know why i wrote this but i felt omething and i wrote it, i thought it might help, help me or help anyone who can read it here.

i also felt it's so cruel but that's reality, maybe i wrote it cuz i wanted to be like that, or that what i would be, life can force u to do stuff u didn't want to, u r obligated to do them, and i hate that, i hate to be obligated to do something i don't want to, but that's our faith, we can't change it (that's the only thing that can't be changed). and remember that not every wish of us would come true, we dream alot but can u tell me how many dreams of urs came true?

let's get back to reality, welcome back on earth.('_')

خطــاب said...

عاشقة الرحمن
جزاك الله خير

------------------

عز
ايه يا عم انت فاكرنى خطاب مين
انا خطاب الاولانى مش التانى :D

اسماء العـــــــريان said...

مش عارفه اقول ايه ... بس بجد ربنا يصبرك وياريت متقطعش العلاقه بيهم

وانا قلقانه اوى من اليوم ده

خطــاب said...

neo
i'm gonna remind you with a single situation that can really express that issue ..
do you remember when prophet mohammad PBUH was leaving makka ?? you may think he was so happy and convinient with ending the torture days however he was very sad .. i think university wasn't that amazing place but that situation is similar

خطــاب said...

اسماء
يا رب
و شكرا على المرور :)
و مرحبا بيكى فى المدونة

وضـّاح said...

جميلة هي

وأرجو أن تكون حياتك القادمة أجمل

بارك الله فيك .. فقد عشت معك الموقف وكأني أنا أنت

safa7_karmooz said...

سفاح
لا تقلق .. طول ما فى كورة اكيد هشوفك ان شاء الله


يا معفن مش هنشوف بعض يعنى الا عشان مصلحه

امشى بالامتياز بتاعك من هنا















اوع تزعل ...يابنى انت فى قلبى ومبرطع كمان :D

واحدة بتحب البلد دي said...

ياااااااااااه

كان حضرتك بتوصف نفس اللي حصل

من كام يوم حضرت حفلة ختامية لدفعتنا ..دفعة رابعة ..اللي المفروض
حنتخرج السنة دي

نفس نظرات العيون ونفس المشاهد اللي ذكرتها في موضوعك

نفس الاناشيد تتردد علي الالسنة

اتذكر نفسي واناامرر عيني علي جميع الوجوه
احاول ان احفر هذه الوجوه في ذاكرتي كي لا انساها ابدا
احاول ان املا عيني بهم

هل ساتركهم ولن اراهم ثانية

تري اتاخذني الدنيا وانساكم

يبدا البكاء وتملا الدموع العيون

ولا ندري انبكي علي فراقهم وافتقادنا لهم

ام نبكي علي ايام رحلت ولن تعود

ام نبكي علي حالنا من بعدهم

ايام لن انساها ما حييت
وصحبة لن تغيب عن ذاكرتي قط

تترد دائما في ذهني كلمات النشيد
وداعا وداعا ايا اخوتي
غدا سوف ناتي غدا نلتقي
غدا سوف نرجع ايامنا
نجدد فيها عري الموثق
فوا حسرتا من زمان مضي
مضي عن قريب مضي وانقضي
ومر سريعا كان لم يكن
كومض انار رحاب الفضا

بالفعل مضت الايام وانقضت
لكن مهما باعدت الايام بيني وبين اخواتي ومهما فرقت بيننا المسافات ستظل القلوب تذكرهم ودعواتنا لبعضنا البعض في جوف الليل هي ما يقرب هذه المسافات

barbie girl said...

نفس الاحساس والخوف عندى مما بعد التخرج
وما ينتظرنى
ولا ادرى كيف ستكون حياتى بعد شهر من الان وربما اقل

اللهم اكتب للجميع الخير وامنع عنا الشر

Anonymous said...

كلنا بنتكلم عن فراق اخواننا واحبتنا في نهاية كل سنة وتلك المشاعر الجياشة التي نخرجها في ذلك اليوم من بكاء وتذكرللمواقف واللحظات الجميلة التي قضينها معهم0
شئ جميل وانا بفكر في الموضوع ده ياخطاب فكرت هل احنا اخرجنا كل تلك المشاعر من البكاء وماشابهها من مواقف جميلة تظهر الحب لفراق حبيبنا وروح قلبنا رسول الله (صلي الله عليه وسلم)0
فكرت وقتها ازاي انا هافارق اخويا اللي في الجامعة واسيبه وممكن اقابله بعد كده في اي مكان اخر،وازاي اخواننا في فلسطين بيفرقوا اخوانهم الي الابد اذا ماستشهدوا اوقتلوا في سبيل ربهم0
الفراق شئ صعب يا صاحبي لكن اشد انواعه الفراق للابد،وفقدانك من تحب ومن رايت معهم اجمل لحظات حياتك0
اخوك في الله عز

خطــاب said...

سفاح لا تقلق
كله مكتوب
-----------------------
وضاح
امين

---------------------

واحدة

ربنا يصبرنا

---------------------------

باربى
ان شاء الله تكون احسن

-------------------------

عز
منور البلوج يا جميل
ضيفنى على الماسنجر

مصراوي أوي said...

مشاعر قاسية اوي مشاعر الفراق دي

لولا ان ربنا بينسينا وبيرزقنا بناس تانية وحياة جديدة كانت بقت صعبة اوي

Neo said...

i can totally understand u and if u read my comment u will find at the end " that i find those thoughts very cruel but they might help or maybe that's what i want to be" sometimes u wish to be something u won't really be able to be but if u r that persone u would have been comfortable in many things in ur life

like watching the news as an example, if u didn't watch them u will feel happy cuz u won't know what disasters happen in this world but if u did so u won't be urself, something as a self annoyance, u r annoying urself.

صوت عصفورة said...

بجد ابكتني التدوينة ... لانها نفس الخواطر و نفس المشاعر لسنة رابعة ...
كنت دائما أخاف من هذا اليوم و اتمنى من الله أن يتأخر .. و كنت أعلم أنه يوم علي صعب و شاق ..
و لكنه عندما جاء .. رأيته أضعب علي و أشق مما تصورت حقا ..
و مش قادرة اقول حاجة تانية بقى

khaled said...

يلا يا خطاب شد حيلك
هيبدأ مشوارك من بعد رابعه

أسد مسجون said...

مشاعر جميله يخطاب

عمرو غريب said...

مشاعر جميلة

beto said...

مشاعر صادقة فعلا

علشان انا شوفتها بعينى

ربنا يوفقك يارب

طالبه الفردوس said...

السلام عليكم

ما شاء الله

مفيش اجمل من الحب فى الله والاخوه فى الله

كلنا شايلين هم اخر سنه لينا فى الكليه

لكن اللى مصبرنا اننا على موعد تحت عرش الملك