Sunday, June 24, 2007

فى وادى نوريـــن

فى وادى نورين
ذلك الوادى البعيد
اسند ظهرى للجبل و ارمق جدول الماء ..
يتحرك ببطء
و كأن امامه الدهر كله
لا عجل ..
بهدوووووووء يتحرك السائل الشفاف النقى

عن يمينى شجرة خضراء مورقة
على ذلك الغصن القريب بنى العصفور عشه
انه الفجر ..
يالرائحة الفجر

يعزف العصفور و عصفورته مقطوعة الصباح ..
لا تتغير ولا املها

قبل ان يغدو صوب الشمال خماصا ..
ليعودو فى المساء بطانا

و تبدأ الشمس رحلتها اليومية تطلع عن يمين الجبل ..
يحجب حرارتها ولا يحجب نورها

بين الجبلين ارى الصحراء الممتدة
تفصلنى عن العالم الخارجى
حاجز مفتوح فلا اشعر بأنى سجين بل انا حر ..
حر كالارنب الصغير
يركض هنا و هناك
على ضفة الجدول المقابلة
حيث النباتات اليانعة..
ياكل منها فى استمتاع

ارقد مستويا على الارض و انظر للسماء ..
انه اروع شعور فى الدنيا

اشعر و كانما يعاد تطهيرى داخليا ..
من الضيق و الاحزان و مشاغل الحياة و متاعبها
اغلق عينى بقوة
أفتحها على مشهد اروع مما فات بكثير
على مشهد انسانى ما كنت افكر به
على رؤياها!!


24 comments:

cleopatra said...

نفسي أحس بالشعور ده دلوقتي .. بجد محتاجاه أوي .. محتاجه فعلا " اعاده تطهير داخليه " زي مانت ما قلت .. من حاجات كتييييييير اوي .. من أفكار كتير .. ومن مشاعر كتير.. ومن احداث كتير .. بجد ..تعبت منها

my24434 said...

فاكر يا خطاب اخر يوم كنت معاك فيه




ساعة لما كنا قاعدين على النيل




قلتلك انا محتاج افضل مع نفسي شوية




و اتفقنا ساعتها على بور .......(انت عارف)




بجد عايز اروح


منتظر ردك

ضحكايه said...

الله

safealeslam said...

احسا جميل

ما أقدرش أقول

حاجة عنه


سبحان الخالق العظيم العظيم العظيم

نعصيه و يحبنا ..... يعطينا ولا نشكره

اللهم اغفر لى و لكم

بالله المستعان said...

الله
حلوة اوووي

Anonymous said...

ياااااااااااه ياعم خطاب
كلامك جامد بس للاسف لااعتقد اننا هنلاقي في الدنيا عليك وعلي الجنة يامعلم واسرح بقي
تخيل ياسلام لو انك قاعد علي مركب علي وش الميه ومسترخي علي المركب وبتبص للسما وسحابة جت عشان تغطي ضوء الشمس والجو جميل واعصابك مستريحة ومفيش توتروحواليك يجي تلات اربع ......متفهمنيش غلط علي اساس انك في الجنة دلوقت ياااااااه واجمل حاجة هو الاطمئنان وهدوء النفس 0
اللهم ارزقنا الجنة ونعيمها ومصاحبة الصالحين فيها وقنا شر جهنم يارب العالمين0
عز

عمر الشرقاوى said...

تشرفت بمعرفتك فى نقابه الصحفيين وسعيد جدا بمعرفتك وبالمناسبه دى ووادى نورين ايه رايك لما تكون معنا فى رحله اسكندريا هانسعد بيك جدا دعوه لك شخصيا

Neo said...

حلوه اوييييييييييييييييييييييييييييييييييي بجد تحفة يا خطاب

إلي الأمام

Neo said...

عارفة ان الموضوع اللي هقوله ملوش علاقة باللي مكتوب هنا بس ليه علاقة بالموضوع اللي كنتوا كاتبينه عن فتح و حماس

شوف كده

http://shakhabeeet.blogspot.com/2007/06/blog-post_24.html

خطــاب said...

كليوبترا
و انا مثلك ربنا ييسر اخلص حاجات ورايا و هسافر اغير جو ان شاء الله
---
ماى
نفس الرد السابق :D
----
ضحكاية
ربنا يكرمك

---------

سياف
اهلا بيك يا ريس

-------

بالله المستعان
جزاك الله خير

----------

عمو عز

اعتقد صعب تصورى للوادى ينطبق على الجنة لان فيها ما لا يخطر بقلب بشر
ربنا يرزقنا الفردوس

----

عمر شرقاوى

اهلا بيك
الى كاتب البوست دا انا خطاب
مش محمد الى قابلته فى يوم الندوة
عامة هو سايبلك ايميه و عايزك تضيفه
didodido_2005@hotmail.com

--------

نيو
ربنا يكرمك

فلسطينية الهوى said...

وصف رائع بجد


احلى حاجة في الموضوع

الكلمات المعبرة التي تنقلنا لنفس المكان

بورك قلمك

نقطة مية said...

خاطرة جميلة جدا...
رسمت صورة بالكلمات...
تحياتي الى قلمك المبدع

حراس الحقيقة said...

عجبتنى جدا جزئيه وانظر للسماء
فعلا منظر حلو جدا

حراس الحقيقة said...

سألت سؤال فى المدونه عندى ويهمنى جدا اعرف رأى المدونين و ازاى هيجوبوه
عسى ان تعم الافاده
.
.
.
الدعوه عامه

mohamed said...

شكرا يا استاذ عمر على تشريفك مدونتنا..

هو الحقيقة ان الموضوع ده حبيب قلبى خطاب هو اللى كتبة ..


اما من ناحيه الرحلة انا فعلا بفكر لانى انا مخنننننننننوق اوى نفسى اسافر عشان استريح شوية واغير جو ..


بس هل الامن يعرف ب الموضوع ده .. عشان اعمل حسابى واجيب السلاح معايا

:)

Dr_Moslim said...

جميلة قويي يا خطاب
وفعلا كل واحد لازم يقعد قعدة حلوة مع نفسه كده
ينقي نفسه
ولو بصوت الماء العذب
وغناء العصافير الجميلة
ااااااااااااااااه رجعتني لأيام الأنس والخلاء
بس انت عارف لما تخلو بينك وبين نفسك مع الله وتناجيه ، ده شعور أجمل منه مفيييش
وياعم ادينا رايحين مرسي مطروح قريب هنقعد براحتنا بقي

FloNa said...

جامدة بجد

كنا محتاجين نفصل السحنة اللي جوانا بان احنا نروح نستجم في حتة بعيدة اوي


حضرتك تعرف انك خلتني فعل احجز في حتة بعيدة الواحد يفصل فيها كدة


بس مش حتوصل للاحساس اللي حضرتك وصفتهولنا :)

mo'men mohamed said...

عندما يشعر الفرد وكأن هناك شىء ما قلبه
يشعر وكأنه يريد ان يجلس جلسة كتلك
يستشعر فيها ما حوله من جمال وهدوء
جزاك الله كل خير أخى
السلام عليكم ورحمة اله وبركاته

حسن ارابيسك said...

القصيدة رائعه بحق
أتمنى تشريفك لي في مدونتي
هاتنور بزيارتك ليها

دعوة لزيارة مدونة شاعر تستحق الزيارة

http://mosaiiic.blogspot.com/

hapasa said...

جميل ورومانسية جدا وشاعرية جدا
تخليك طاير
ما هو لازم كده وكده
بس المشكلة انا هاسي هنا وهاروح لصاحب البوابةوهلاقى كلام كبير قوى ادعولى ان دماغى ماتضربش
ولعى فكرة أنا شفت محمد بس انت يا خطاب كنت موجود ومستخبى ولا ماكنتش موجود خالص

سعدت بمعرفة هذه المدونة الجميلة وياريتكم انتم الاتنين تجيو رحلة اسكندرية
وماحدش يوقل لشاويش اننا رايحين
تحياتى للجميع

mohamed said...

انا هحاول اجى يا حبى .. بس انتا ادعيلى .

shab masry said...

احم احم احم...
رؤية مين دي ان شاء الله:P:P:P:P
انت شكلك خرفت عشان اتخرجت فبدات تخاريف قبل الزواج:P:P:P:P

بس اول مرة اعرف انك ليك في الشعر يا ولدي.. او الاصح انه مش شعر.. بس رائع صراحة.. لانه خارج من قلب العواطف.. وما خرج من القلب يصل الى القلب...

الواحد فعلاً محتاجة اسبوع في حاجة زي دي كده يفرغ فيها كل الشحنة...

حسن ارابيسك said...

لا مفيش كلام بوست جامد قوي
إحساس عالي قوي
بالعيشه واللي عايشنها
بالمقهورين اللي مش عاوزينها
بالمطحونين اللي اطحنوا منها
بالطفشانين اللي طفشوا منها
بالزهقانين اللي قرفوا منها
بالمظلومين اللي نادرينها
وناوينها
تمنى تشريفك لي في مدونتي

هاتنور بزيارتك ليها

دعوة لزيارة مدونة شاعر تستحق الزيارة والموضوع مش بعيد نفس الدايرة من زاوية أخرى

http://mosaiiic.blogspot.com/

المجاهدة said...

بقالي فترة مش باجي هنا للاسف...

المدونة دي حلوة اوى ماشاء الله
:)
خلتني اتنقل بشعورى هناك.. و احس انى نفسي ابقى في مكان عامل كده
:)
اسمه فيه صوت المية و صوت عصافير...

عجبني جدا جملة انهم مش بيسكتو عن الصوت ده و انتا مش بتمل منه
:)

ربنا يكرمك
:)