Tuesday, May 29, 2007

لا تسألنى من انا


لا تسألنى من انا فأنا لا اعرف من انا ..


سألنى كثيرا من انت فلم استطع ان اقول من انا ..


جلست منفردا لكى اعرف من انا ..


ولكنى وجدت نفسى غريبا جئت من مكان لا اعرفه


سألتها من انتى ولماذا تفعلين هكذا ..


فلم استطع ان اعرف الاجابة ..


سالتها لماذا تطرحين هذا السؤال ..


فلم تجوبنى ..


نظرت اليها لكى اعرف من انا .. ولكنها خفت فلم تنظر اللى ..


لم اعرف من انا ولكنى اعرف انى انا لست انا من يرى انه انا ..


فلو لم اعرف من انا .. فلا اريد انا اكون انا .. حتى لا أكون جاهل بى انا


فنمت طويلا حتى لا اتذكر من انا ..


ولكنى لم استطع ان انام بسبب هذا السؤال .. من انا


تحدثت معها مره اخرى .



من انتى ..


فلم تجوبنى ..


قولت : لماذا تفعلين هكذا بى


فبكيت ..


ومن شدة البكاء نمت ..


فحلمت .. نعم حلمت بأقدام كبيرة ..


تجرى هنا وهناك ..


اقدام كادت ان تقترب منى وتقتلنى ..


وكنت انا صغيرا جدا .


وفى هذا الحلم البسيط


الذى لا يتعدى الفيمتوثوانى


علمت من انا


فبدئت تقترب منى لكى تقول لى من انا ..


فطلبت منى ان اكتب هذا ..


فجئت ب القلم والورقه..


فقالت .


اكتب هنا من انت ..


وعندما امسكت القلم والورقة وبدءت اكتب ..


فعرفت من انا



ولكن لا تسألنى ماذا كتبت


لإنى سوف اقول لك


اكتب لكى تعرف ماذا كتبت


اكتب لكى تعرف من انت ..

Sunday, May 27, 2007

حتى الموت



تحديث 29-5
تحديث 28-5

كم ساعة نقف يوميا للصلاة ؟؟
اعتقد انها لن تتجاوز الساعة الواحدة فى الاحوال العادية
و على فترات متقطعة .. خمس مرات على الاقل
ربما ساعتين او اكثر ان كان بمقدورنا
فهذا من رحمة الله بنا
و هو الله مالك الملك

و لكن ماذا عن طفلة تقف لساعات طوال تحت الشمس الحارقة حتى تموت ؟؟



ليس بارادتها و لكن رغما عنها
و الأهم
ماذا يستحق ؟؟ اضغط هنا لتعرف قصتها

جديد

جريدة الاهرام عملت تحقيق عن ضربات الشمس و كيفية الوقاية و العلاج و الكلام دا كله
و ذكرت ان فى طفلة فى قنا ماتت بضربة شمس
و طبعا مذكرتش سبب اصابتها بضربة الشمس
المهم دا دليل على صدق الخبر عشان محدش يقول متفبرك
و دليل من ملايين الدلائل على قذارة الاهرام


جديد
واحد صاحبى ثقة والده كان فى قنا و قاله ان الموضوع مكانش سببه الوزير و كدة فكنت ناوى اشيل البوست و انزل اعتذار
بس قابلت انهاردة محمد عبد العاطى و قالى ان الراجل والد الطفلة طلع فى التليفزيون و حكى القصة كلها و تقريبا رفعو قضية و كدة .. و تانى يوم علطول طلع على التليفزيون و قال كلام تانى خالص
!!!!





Monday, May 21, 2007

ميلادى و تكوينى

يقول صديقى ابراهيم الشرقاوى : هل نسينا ؟؟ نعم نسينا !! تبا لنا ان نسينا




دعى الاحزان يا أمى و غذينى .. و غذينى

بحب الله يزهر فى شرايينى
و لا تبكى على ماض يعذبنا


فما العبرات بعد اليوم تجدينى

فما العبرات بعد اليوم تجدينى


فما العبرات بعد اليوم تجدينى

----------

انا نهر

انا شجر

انا بشر

دم الزيتون غصن من شرايينى

فكيف تصادر الشريان من قلبى

و كيف تجز من جسدى بساتينى

وكيف تجز من جسدى بساتيني

----------------


كفى حزنا ايا اماه و امتشقى

دمى درعا من الطلقات يحميني

قفى اماه رغم الجرح شامخة

وردى القهر عن زرعى وزيتونى

و ردى القهر عن زرعى و زيتونى


-----------------


لانى مت فوق الارض مبتسما

فهذا الموت ميلادى وتكويني

وهذا الموت يبنى جسر عودتنا

لارض القدس نرجع مجد حطين

لارض القدس نرجع مجد حطين



ميلادى و تكوينى


Sunday, May 20, 2007

ارهاب ارهاب فى كل مكان



تتوالى سخافات رسام الكاريكاتير هذا بالاهرام

اخر شطحاته تظهر الطفل البرىء يسأل جده المسلم الملتحى صاحب الزبيبة ضارب البوز المتين

قولى يا جدو هو احنا اعلنا الحرب على العالم ولا ايه

الله اكبر بوم الشيشان
الله اكبر بوم العراق
الله اكبر بوم دارفور
الله اكبر بوم مصر

مما يدفعك للتأمل فى وحشية المسلمين فى الشيشان حينما هاجموا روسيا مستغلين ضعف قوتها و صغر مساحتها
و همجية المسلمين الذين تركو دارهم و ذهبوا للامريكان فى العراق لقتالهم
و ارهاب المسلمين فى مصر .. حيث يحاربون القيم العلمانية الاصيلة فيغلقون المساجد و يعتقلون الملتحين و خطباء المساجد و يضربون بكلمة القاضى عرض الحائط
و اضطهاد المسلمين للمسيحين فى الفلبين
و .. و ..
و لا مانع من الخلط بين عمليات فردية فى لندن او مدريد مع مقاومى الشيشان فى الزحمة ماحدش واخد باله

كنت اتمنى ان يصل الارهاب الاسلامى لدرجة منع هذا الشخص من نشر مثل هذا الكاريكاتير المهين


كش ملك

Saturday, May 19, 2007

اصدار امر توريد


كتير مننا بيحب حجات اوى ومبيحبش يفتقدها خالص


يعنى مثلا كلنا كل يوم اكيد بيحب يشوف والدة الصبح او أخوة او.... الخ ..
بس لما تكون بتحب الأكل ومبتحبش تفقدة خالص وبذات وقت المذاكرة

بس هل كلنا بيحب ياكل وهو بيذاكر .. دى بقه المشكلة الكبرى ..


ويسلام بقه لما تكون بتاكل وعمال تاكل ومحدش بيمنعك خالص..
لأن كلهم فى الوقت ده بيكونوا نايمين


يعنى مثلا انا من النوع اللى مبعرفش أذاكر إلا لما يكون فى أكل جمبى ..


احس ان فى حاجة نقصانى .. مبعرفش اركز خالص ..


المهم كان الوقت كدة الساعة 3.5 بليل لما حصلت المشكلة ..


كنت قاعد عادى بذاكر وكنت مخنوق اوى ..


عاوز اقترح على والدى انه ينقل مقر الثلاجة جمب المكتب بتاعى على طول ..


عشان كل شوية اروح واجى اروح واجى ..


وكمان عشان مقطعش حبل افكارى
ما هو حبل افكارى
وانا كده كل شوية بدل مذاكر مادة المشتريات والمخازن
عمال افكر يا ترى لو عندى مخزن ايه نوع الأكل اللى هيكون فيه
وهيخلص امتى عشان اقدر اصدر امر توريد ب الطلبية الجديدة ..
وهل هتيجى فى ميعدها..


قولت مش مهم ناضل يا واد يا محمد عشان مذكرتك وعشان تنجح..
وعشان تطلب من باباك انه بعد كدة ينقلك الثلاجة جمب المكتب
وميقولكش ان الأكل بيضيع وقتك
وتقدر تحسب ساعتها تكلفة تأخير الطلبية


وكلة ان شاء الله مكتوبلك فى الميزان..


المهم انا رايح على الثلاجة وجى من الثلاجة وطبعا كل انواع الأكل معايا ..


وفجأة حصلت المشكلة الكبرى اللى الواحد عمرة مكان يتوقعها فى وقت ذى ده ..


الثلاجة فضيت..


اة والله الثلاجة فضيت .


يعنى مفيش حاجة خالص
كدة لازك اصدر امر توريد بس فين المورد اللى هيكون صاحى دلوقتى


الاكل كله خلص ، الخضروات فنش، المية خلصت كمان ،


كل حاجة .... كل حاجة


. كنت مخنوق اوى مش عارف ازاى اتعامل مع الموقف دة وانا كدة فى نص تركيزى كده ..


المهم قررت انى أطلب اى حاجة تيكاوى فول طعمية كدة .. بس المصيبة بقه بفتح المحفظة ملقتش فلوس خالص..


فكر يا واد يا محمد هتعمل ايه .....هتعمل ايه .. ملقتش حل خالص


..طيب انا مبعرفش اذاكر ألا لو الأكل جمبى اعمل ايه ..


طبعا هتقولولى انى اروح انام ..


لأ طبعا أمل فين قاوم نفسك وشهواتك ..


قولت يا واد يا محمد بص انت لازم بقة تقاوم عشان تكون ..


منتا كده مش معقولة هتنجرف ناحية شهواتك ..
وكمان مش معقوله الطفاسة دى


بص انت تروح تتفرج على التليفزيون عشان تقاوم شهواتك ..


طبعا انا روحت اتفرجت على التليفزيون واول مفتحت التليفزيون كان على برنامج طهى ..


اة برنامج طهى الساعة 3.5 بليل مهو دة حظى ..


قفلت التليفزيون .. وقررت إنى أنتظر الفجر..عشان اصلى وأنام



بس المشكلة الكبرى بقه ..
هل كل الناس فعلا كده..ولا انا اللى غريب
ولا هو فى ايه ب الظبط
دة لو كلهم كده هتبقة مصيبة كبرى حلت على ارض الفصوليا قصدى الوطن
والسؤال الأخير اللى بيلح عليا كتير فى الوقت ده


هى تكلفة الطلبية الجديدة هتبقة تكلفة جارية ولا واقفة



ربنا يستر

Thursday, May 17, 2007

و عينا قـــط



أيا عين قط بالقفر البعيد
اضائت دروبا للعبد الفقير
عشقت و كيف يعشق سوط اللهيب
فى محجريها عينا الحبيب
فيهما اشاهد حب الام
و فيهما اشاهد عذابا اليم
و بهما اسمع لحن الصمود
و بهما المح صوت المنون
بعيدا بعيدا اراهما معا
يمحصان الكون بلا رحمة
فيهما تلمع عبقرية الجنون
و من سهامهما يكاد قلبى ان ينقطع
و عينا قط تحدقان فى
فما من مهرب و اين تذهب
شواظا شواظا لهيب سعير
يلفح قلبى بحب مشتعل
ففى الليل تظهر
فى سكون البرا
تعافى النوم تجافى الكرى
احب غزالا احب الطيور
ففى شريانى غصن الشجر
فلا تلمنى اذا عشقتها
كيف لا و هى قرين القمر
ارتنى بحارا ارتنى القصور
ارتنى حياة السدى فى القبور
مواء خفيضا كأنه النذير
يواسى يواسى .. جرحى الكبير
تشم فيها شذا العبير
و ما هو الا قطى الصغير

ملحوظة : لو عايز تفهم شوف التدوينة دى

Thursday, May 10, 2007

وداعا .. يا جامعة النـــور


منذعام تقريبا
حضرت حفل تخرج سنة رابعة فى الكلية عندى
كانت حفلة رائعة و استمتع الحضور بفقراتها
و بعد الحفلة صعد على المسرح جميع افراد دفعة رابعة و اصدقائهم من باقى الفرق بعد نشيد لا فراق ولا كلمة وداع
و بدأ مشهدا أثر فى يومها بقوة
بدأ الجميع فى وداع بععضهم البعض و سالت الدموع انهارا
و رأيت اثنين يعانقان بعضهما البعض و تنفجران بالبكاء دون ان يستطيع ايهما ان يلفظ بكلمة
الحق ان مرأى هؤلاء الشباب تتدفق مشاعرهم تجاه بعضهم البعض جعلنى كدت ابكى
برغم انى وقفت بعيدا لاشاهد فقط
حيث لم تكن تربطنى باحدهم علاقة قوية الا واحدا و كان سيعيد السنة
الا اننى حينها فكرت .. كيف سيكون الوضع بعد عام ؟؟
حينما اكون احد افراد الدفعة التى ستغادر الكلية
طيلة العام لم انسى مشهد الوداع الذى يلى الحفل
كنت انتظره .. و اهابه بشدة
مر العام و جاء اليوم ... منذ شهر تقريبا
يوم حفل تخرج الفرقة الرابعة
و تكرر سيناريو العام الماضى بحذافيره
نفس المكان
و بعد نشيد حفلة هذا العام .. متستغربش

لما تبص بعنيك كدا .. متستغربش فى ايه
اصلك معشتش وسطنا و شفت الى احنا فيه
اتعرفنا على بعضنا من غير انساب
دايما نسامح بعضنا من غير عتاب
متستغربش فى ايه
ثم بدأ مشهد الوداع الذى رايته العام الماضى
و كنت فى قلبه هذا العام
رغم اننى لم تكن علاقتى بافراد الدفعة قوية جدا
لكنى اكتشفت يومها انها اقوى مما تصورت
اهذه اخر مرة اراهم فيها ؟؟
لم استطع معانقة كل فرد ووداعه
جلست على الافريز
و عاد شريط الذكريات امامى
و بكيت
بكيت حينما تذكرت او عامين لى فى الجامعة
ضائع لا هدف لى
عايش و خلاص
جل اهتماماتى فى الحياة سفاسف الامور و اتفهها
كرة ؟ اغانى ؟ بنات ؟
عامين ضاعوا منى هدرا
سرقوا منى
بكيت ندما عليهما
و ماذا عن العامين الاخرين ؟؟
هل جمعت القدر الكافى من الثواب فيهما ؟؟
ابدا و الله
هل ظفرت فيهما بأكثر من صحبة صالحة ؟
هؤلاء يغادرون الكلية و قد عملوا لله كثيرا
فماذا عنى ؟؟
بكيت عليهما
ادرت وجهى فى الوجوه .. حقا احبب من شئت فانك مفارقه
ترى هل ساعود كما كنت غارقا فى دوامة الحياة ؟؟
دوامة العمل و السعى لجلب الرزق التى تبتلع من هم افضل منى
بكيت خوفا من المستقبل
ثم الجامعة نفسها
على مدار 4 اعوام تعلقت بها
مسجد الكلية ... المدرجات .. بل و الطرقات
كل هؤلاء سافتقدهم ..
اعرف ان الزمن ينسى
و لن البث عدة اشهر حتى انسى الجامعة بما فيها و من فيها
الا ان هذا يؤرقنى ايضا .. فالذكريات الاليمة هى ما نحب من ننسى
و الاشخاص الرديئة هى من نحب ان نفارق
هناك من سبقونى بهذا الشعور
فكم من مرة سمعت نشيد جامعة النور

و لكنى لا اعتقد اننى استشعرت معانيه كاليوم

اخيرا اطلب من كل من عرفنى يوما فى الجامعة ان يسامحنى لو اخطأت فى حقه
و ان يذكرنى بالخير و يدعو لى
اخوانى ..اخواتى.. اودعكم

اودعكم بدمعات العيون
اودعكم و انتم لى عيونى
اودعكم و فى قلبى لهيب
تجود به من الشوق شجونى
اراكم ذاهبين و لن تعودوا
اكاد اصيح اخوانى خذونى
فلست اطيق عيشا لا تراكم
بها عينى و قد فارقتمونى
فلا يا اخوة فى الله كنتم
على المأساة لى خير معين
و كنتم فى طريق الشوك وردا
يفوح من شذاه عطرا من غصون
اذا لم نلتقى فى الارض يوما
وفرق بيننا كأس المنون
فموعدنا غدا فى دار خلد
بها يحيا الحنون مع الحنون
يا راحلين عن الحياة و ساكنين بأضلعى
هل تسمعون ؟
هل تسمعون توجعى و توجع الدنيا معى



Monday, May 7, 2007

يا لها من وقحة



في إحدى الليالي جلست سيدة في المطار لعدة ساعات في انتظار رحلة لها.

وأثناء فترة انتظارها ذهبت لشراء كتاب وكيس من الحلوى لتقضي بهما وقتها.

فجأة وبينما هي متعمقة في القراءة أدركت أن هناك شابة صغيرة قد جلست بجانبها وأختطفت قطعة من كيس الحلوى

الذي كان موضوعا بينهما.

قررت أن تتجاهلها في بداية الأمر,,

ولكنها شعرت بالإنزعاج عندما كانت تأكل الحلوى وتنظر في الساعة بينما كانت هذه الشابة تشاركها في الأكل من الكيس أيضا.



حينها بدأت بالغضب فعلا ثم فكرت في نفسها قائلة: "لو لم أكن امرأة متعلمة وجيدة الأخلاق لمنحت هذه الحمقاء عينا سوداء في الحال".

وهكذا في كل مرة كانت تأكل قطعة من الحلوى كانت الشابة تأكل واحدة أيضا.

واستمرت المحادثة المستنكرة بين أعينهما وهي متعجبة بما تفعلة,,

وبهدوء وبابتسامة خفيفة قامت الفتاة باختطاف آخر قطعة من الحلوى وقسمتها إلى نصفين فأعطت السيدة نصفا بينما أكلت هي النصف الآخر.

أخذت السيدة القطعة بسرعة وفكرت قائلة "يالها من وقحة كما أنها غير مؤدبة حتى أنها لم تشكرني".

بعد ذلك بلحظات سمعت الإعلان عن حلول موعد الرحلة فجمعت أمتعتها وذهبت إلى بوابة صعود الطائرة دون أن تلتفت وراءها إلى المكان الذي تجلس فيه تلك السارقة الوقحة.

وبعدما صعدت إلى الطائرة ونعمت بجلسة جميلة هادئة أرادت وضع كتابها الذي قاربت على إنهائه في الحقيبة,

وهنا صعقت بالكامل... وجدت كيس الحلوى الذي اشترته موجودا في تلك الحقيبة,

بدأت تفكر " ياالهي لقد كان كيس الحلوى ذاك ملكا للشابة وقد جعلتني أشاركها به".

حينها أدركت وهي متألمة بأنها هي التي كانت وقحة, غير مؤدبة, وسارقة أيضا.

*********
ولكن لماذا كتبت هذا ...
لا أعرف ولكنى أشعر إن أحوال المسلمين هكذا ..
نعرف أو نرى بعضنا من وجهه نظرنا ..
إذا أخطأ فقد أخطأ لإنى أرى إنة أخطأ..
ولكن إذا تمهلنا سوف نرى إننا كلنا نخطأ ..
ولإن كلنا بنخطأ لازم نسامح بعض..
وعشان نسامح بعض لازم نتقبل أراء الأخرين
وعشان نتقبل أراء الأخرين لازم نعرفهم ..
وعلشان نعرفهم لازم نعاشرهم..
وعشان نعاشرهم لازم نحبهم بعيوبهم وبمزايهم ..
يارب أكون عرفت اوصل المعنى ..

Saturday, May 5, 2007

هل ترانا نلتقــــى ؟؟




أحبهــــــا
نعم احبها
تسأنى من هى ؟
اجيبك بأنى لا ادرى
لا اعرف كيف تبدو
من هى ؟
اين هى ؟
لا ادرى
لكنى اعرف انها هناك
فى مكان ما
تحمل اسم ما
قد اكون لم ارها من قبل
لكنى اشعر بها
اشعر بوجودها
و اشعر انها تشعر بى
و انها تنتظرنى
كما انتظرها
و انها توافقنى فى ارائى
و انها تواسينى عند حزنى
و تفرح لفرحى
و انها الوحيدة التى تحبنى كما احبها
و تنتظـــــرنى
قد لا اقابلها ابدا
لكن مجرد التفكير فى هذا يملؤنى جزعا
كيف ؟
كيف كيف ؟
انها لى و انا لها
الا انى موقن انى ملاقيها
هو حسن ظن بالله
فهو ادرى بى و بحالى
بمدى احتياجى لها
و لكنى اعرف شىء واحد
حينما اراها
سأعرفها
لم ارها من قبل لكنى سأعرفها
و أعرف شيئا اخر
انها طريق لنعيم دائم لن يزول
و عيش ناعم تحت الظلال
فقط افعل ما استطيع فعله
فأسأل الله ان يجمعنى بها
عاجلا غير اجل
فهل ترانا نلتقى ؟؟


Wednesday, May 2, 2007

Tag 2


السلام عليكم ورحمة الله وبركاتة ..
طبعا إحنا بنتأسف أوى لأخونا شرقاوى على التأخير..
بس أوعة ردينا أهو يا عم ..أى خدمة ..
علشان اللغبطة...
محمد هيجاوب ب الأزرق ..
خطاب هيجاوب ب الأحمر ..

من هو:أحب شخص لقلبك فى الدنيا؟

الرسول و صحابته
و فى العهد الحالى ابى و امى و كل من سعى لخدمة دين الله و لو أوذى فيه .

أبى وأمى وأختى وعمى بس الأولانى مش التانى .....

انسان مستعد تضحي بحياتك - ركز فى كلمة حياتك- علشانة؟


كل من احب من قلبى .
أمى

اسم أول حب؟

سيكرت طبعا :D
صعب السؤال دة ...

اسم اخر حب(حتى الان)؟

سيكرت برضه

هو أول حب بس بردة صعب السؤال دة

ما هو :اسم أجمل كتاب كتبه بشر قرأته ومحتفظ به حتى الان ؟

كل كتابات أحمد خالد توفيق

عوض بن القرنى ولة أفضل كتاب أسمة حتى لا تكون كلا

اسم كتاب-كتبه بشر برضة- انت متعلق بيه وبتقرأه كل فترة؟

الاجابة السابقة

غير كتاب دكتور عوض هناك قصة صغيرة لشخص يدعى محمد أحمد تدعى الدمية الشريرة هى تجسد الحياة الأن
وأحب أن أقرءها كل مرة ....

اهم جهاز منزلى انت متعلق بيه او بتستخدمه كتير ؟

الكمبيوتر
الكمبيوتر

شىء تحس بالراحة النفسية عندما تنظر اليه ؟

وادى بعيييييييد .. تحيط به الجبال .. به نهر صغير و خضرة
السماء بع صلاة الفجر مباشرا

مكان تحس فيه بالحنين الى شىء لا تدرى ماهو و ذكريات جارفة الى لاشىء ؟

الجامعة
الأردن

مكان تحس بالراحة عندما تدخله ؟
السرير
السرير بحس بكامل النعومة...

اجمل مدينة زرتها داخل مصر ؟

اسكندرية

بور سعيد

أجمل مكان طبيعي رأيته داخل مصر؟

احب منظر الجبال
حديقة الأزهر

نوع هاتفك المحمول؟

نوكيا
نوكيا 3100

سرعة بروسيسور جهازك ؟

مش عارف
أوع مقولكش أسرع جهاز فى العالم.. هقولك لما أشوفك علشان الحسد

حجم ذاكرة –هارد- جهازك ؟
80
80

المساحة التى تشغلها المواد الاسلامية على جهازك ؟

محسبتهاش بس مساحة كويسة الحمد لله

لا يوجد لإن الجهاز كلة فاضى وانا أستعملة للنت فقط

نفس المساحة السالف ذكرها فى قلبك-الاجابة لنفسك عشان الرياء يا اخواننا ؟

حاضر
اللهم ما إنى أسئلك الإخلاص

أهم هدف انت واضعه لحياتك دلوقتى ؟

اجيب جيد جدا فى الترم دا ان شاء الله

أفتح شركة سمسرة...

مواصفات فتاة –أو فتى للبنات- الأحلام بالنسبة لك ؟

ملتزمة – ذكية – عقل متفتح – شكلها مقبول – مستوى اجتماعى و مادى متقارب – قصيرة – بتعرف تطبخ – بتحبنى – بحبها – مثقفة – مش زنانة – ظريفة .... و على من تتوافر فيهن الشروط ارسال ال سيرة الذاتية على البريد الالكترونى
أن تكوت متدينة ..وجميلة بيضاء وعيونها خضراء وليست بشقراء ولا حمراء ولا صفراء..ولها فى السياسة وليست جاهلة عن الحياة وقصيرة ليست بطويلة ورفيعة ليست بتخينة ..وأستيل بقة ... مش فارقة معايا الطبخ .. ياريت يكون عندها حافز للنقاب ... بس..

صف ما يأتى :شعورك لما بتسمع كلمة مصر؟

للاسف اصبح لا شعور
أغمن عليا :)

شعورك لما بتسمع كلام عن اليهود ؟

يأتى ببالى تلقائيا من يضعون ايديهم فى ايديهم و لا يحاربوهم

ببكى على حالنا .. هما بينصروا اليهودية ونحن نتخاذل غن نصرة الإسلام

شعورك لما بتشوف ظابط شرطة ؟

اسىء الظن للاسف
لو أمن عسكرى أنظر له نظرة شفقة أما لو كان رجل شرطة ذو مراتب أنظر لة نظرة غيظ ...

شعورك لما بتشوف الكناس العجوز فى الطريق ؟

حزن
أبكــــى

لون البطانية اللى بتتغطى بيها فى الشتاء ؟

اشمعنى
أبيض فى أزرق

لون الجورب-الشراب- المفضل لديك ؟

رمادى
أبيض

احساسك اذا داست قدمك فى الطريق على مخلفات اخراج حيوان- *** ولا مؤاخذة- ؟
احساس بالاشمئزاز
القرف بــــس

افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف ؟
احساس بالسعادة و بأطيل النظر اليه
أكون فرحان أوى أن هناك لسة فى شباب كويسين ومش كلهم صيعين


احساس يراودك فى اشارة مرور مغلقة بسبب مسئول كبير؟


اتذكر مقولة : رحمك الله يا عمر

حكمت فعدلت فأمنت فنمت يا عمر


نشيع التاج دا لمين ؟؟

شابـــ مصريـــ

وتستمر الحياة

رنيـن الصمــت

صندوق باندورا