Thursday, April 26, 2007

الكاميرا المخفية ..



بابرباربابا.... بببربابابا..


(عاوز تزيع قول زيع مش عاوز هنزيع برضة )


كل واحد مننا لازم تكون هناك كاميرا بترقبة .. حتى لو كان مبيعملش حاجة ..


فى يوم الأربع الماضى .. كانت هناك حفلة تخرج دفعة رابعة من طلاب الإخوان المسلمين ..


انا فى الحفلة دى مكنش لية دور خالص .. ألا إنى أشوف برامج الحفلة ذى أى واحد عادى ..


المهم روحت الحفلة وحضرتها زى أى طالب سواء كان من طلاب الإخوان أو كان طالب عادى ..


وتفاجأت بعد كدة ..


يوم الثلاثاء الماضى .. قابلت أخويا الريدى ..


المهم لقيت فى أيدة ورقة فخطفطها منه علشان أشوفها ..


المهم قالى متفتحاش يا محمد .. قولتلة لية ياريدى .. قالى كدة بعد إذنك ..


قولتلة ماشى يا عم خد خلاص مش هشوفها ..


المهم سلم على بطريقة وحشة .. طبعا أنا كنت مخنوق أوى بسبب كدة ..


المهم وانا واقف معاة كان كل ميمر علينا واحد من الإخوة يقولة إنتا عندك تحقيق ..

وأنا زعلان أوى على الإخوة ألى عندهم تحقيق ..


المهم كان فى بعض الإخوة مكنوش موجودين أصلا فى اليوم دة وميعرفوش أزاى عندهم تحقيق ..


المهم إتخنقت.. فقولتلة أنا مروح البيت ..


قالى طيب بس متنساش معادنا يوم الأحد ..


قولتلة لية .. قالى عندك تحقيق يا نجم ..طبعا أنا أستغربت أوى .. فقولتلة هو انا عملت حاجة عشان يجيلى تحقيق ..


قولت يلا الحمد لله ..


بس دى الحكاية ..


أدعولى أوى .. علشان دى أول مرة يكون عندى فيها تحقيق ..


على فكرة الجارحى عندة تحقيق صاحب مدونة أيام من حياتى .. وعمر جمال صاحب مدونة سلامتك يا دماغى ..


وإبن توفيق صاحب مدونة هتكلم وهقول ..


والريدى الرأس الكبيرة عندة أيضا تحقيق.. بس هو يستاهل علشان هو بلطجى وبيضرب المخبريين ..


أدعولنا بقة يا جماعة ربنا يستر ..


..

33 comments:

مللت الصمت said...

ان شاء الله ربنا هييسرها

و التحقيق ده بيبقى حاجه بسيطه جدا.

هما مابيبقوش عايزين حاجه غير انهم يدخلوا الرعب لقلوبنا,و الحمد لله مابيقدروش.

فربنا يسهلهم و يسهلكوا.
و ان شاء الله خير

Rehab Saber said...

خير ان شاء الله

هندعلكم كتير

متستغربش عادى جدا

ربنا يعينكم

اسماء العريــان said...

تحقيق ... ربنا يسترها معاكم يارب

على فكرة انا لسه صحبتى كان عندها تحقيق من كام يوم

وهو حاجه سهله خالص .. زى شكه الدبوس

ربنا يستر وتنتخرج الجامعه من غير مناخد تحقيقات

بن توفيق said...

يا محمد يا فضحى

حتى التحقيقات ... بس مين اللى قالك انى عندى تحقيق

انا على فكرة عندى تحقيقين مش تحقيق واحد .. ومتخفش الموضوع سهل خااالص وخفيف جدا

السنة اللى فاتت انا فى اسبوع فى الكلية اتحقق معايا 8 مرات بـ 8 تحقيقات بالاضافة الى مجلس تأديب وكنت محقق انا وشرفقاااوى رقم قياسى فى التحقيقات فى الكلية

لا تقلق يا محمد وادعى كده ربك انه ربنا ييسرلك امورك

وان شاء الله الامور هتعدى بسلام

خطــاب said...

حسبنا الله

cleopatra said...

ربنا معاكو .. بجد اتصدمت اوي ...

Saif Allah said...

فعلا الكلام دا كله حصل واداامى


ربنا معااك يامحمد وانت بنفسك قولتلى دا ابتلاااء من ربنا ولا انت نسيت انك قولتلى كدا

ربنا معااك يااحبى

وزى مااتفقنا قبل مااتدخل رن عليا علشان اخلى ال باالى باالك يكلمك وتفتح الفويس ادااامهم loooooolz

وقتها هيدولك براااءة على طوول وممكن يستعدووك نهاائى كماان هاهاهاهاها

ربنا معااك ياغالى

Abdo Saleh

محمود سعيد said...

يالا كل دول

إحنا لازم نعمل مدونون ضد التحقيقات بقى

m_elmenofy said...

متقلقش باذن الله كل ده اشتغالات علشان يخلوك تقلق و كده
انت اجباتك هتنحصر فى تؤ و احيانا تؤتؤ و لما تكون متضايق و تستنكر هتقول تؤتؤتؤ
يلا ربنا يعديها على خير و متقلقش و احتسب
و الله اكبر و لله الحمد

محمد said...

لا تحزن

إن الله مع الصابرين

بإذن الله خير

بإذن الله ندعيلكم

david santos said...

Thanks for you work and have a good weekend

Anonymous said...

الكاميرا الخفية جابتك يا خطاب وانت مع الجمهور العادي وزاعوا اللقطة ......ولا يهمك يا خطاب .........في كاميرات خفية ربانية مسلطة علي الظالمين

ربنا معاكم كللللللللكم

خطــاب said...

توضيح بس :)

الى كتب التدوينة دى محمد مش انا

Anonymous said...

حسبى الله ونعم الوكيل

الذين اخرجوا من ديارهم بغير حق الا ان يقولوا ربنا الله

كل يوم ارى هذه الاية مجسدة

كش ملك said...

جزاك الله خير يا أخت سمية بدر...

وإن شاء الله خير بس أدعيلنا كدة ..





جزاكى الله ياأخت أريبين.. وياريت فعلا تدعولنا ..



جزاك الله خير يا أخت أسماء.. وربنا يستر .. ويارب يكون خير فعلا ..



جزاك الله خير يا أبن توفيق على الرد وأنا لو مكانك مروحش خلاص .. منتا فعلا عديت الرقم القياسى .. يابنى مش هتبطل تطرف وإرهاب ..





عادى يا خطاب.. دة جزية أى حد عاوز ينشر الإسلام




جزاك الله ياأخت كليوبترا.. وإن شاء الله خير ..





عبدو صالح حبيبى .. أنا فكرت فى الفكرة دى بس ياترى الإغنية هتبقة بتاعت مين .. ياريت تبقة بتاعت نانسى عجرم علشان هو لو سمعها ممكن يروحنى على طول ..




جزاك الله خير يا أخ محمود وفعلا كلنا عندنا مدونات وكلنا عندنا تحقيقات ..
ربنا يستر بقة ..







جزاك الله خير يا منزفى على ردك ...وأنا سعيد جدا أنى أتعرفت عليك ونورت البلوج يا جميل ...



جزاك الله خير يا وضاح .. وفعلا إن الله مع الصابرين..






david santos جزاك الله خير يا

وإن شاء الله يكون فعلا عمل يتقبل ..






جزاك الله خير يا مصراوى ..

وفعلا جبتنا وهتجيب كل واحد حتى لو عمل حجات بسيطة وممكن ميكنش بيعمل حاجة خالص بردة هيتاخد ...




Anonymous جزاك الله خير يا ..

يارب بس يتقبل مننا ويجعلة الله فى ميزان حسناتنا

Anonymous said...

يابني ابعد عن السكة دي بدل ماتروح في داهية لازم تعمل راجل ادي اخرت مشيك في السكة دي هتتعذب في المكتب بتاع الشئون القانونية ويعلقوك من رجلك ذي الدبيحة عشان ينتزعوا الاعتراف منك ويكهربوك وكمان هيجبولك كلاب بوليسى انا بس حبيت اطمنك من نحيت التحقيق ياديدو وربنا يستر ولو حظك حلو هيعملو معاك اول 3 اسطر بس ولو انما لو عملت راجل تاني ممكن يكملوك بقيت التعليق

كفاح said...

حسبى الله ونعم الوكيل

Anonymous said...

لعله خير

:)

المجاهدة said...

انا لسه عارفة من شوية....

ربنا يثبتكم يا رب و يحفظكم من اي سوء..


خيرأً ان شاء الله

Anonymous said...

اخي الكريم محمد لست ممن يهوي الرد في المدونات ولكن

اذكرك اخيي الحبيب

انه لولا المحن لشككنا في الطريق

لم ندخل ذلك الطريق ونحن علي علم باننا سنصبح وزراء ولكن

علمنا انه طريق الابتلاءات والتحقيقات

والاستدعاءات لأمن الدولة

والبهدلة



صبرا اخيي


ان مع العسر يسرا

اظن انه آن لليل ان ينجلي
فان احلك لحظات اليل ظلمة
هي تلك التي تسبف الصباح



اخوك المحب

عبد الرحمن الريدي

cleopatra said...

:) كلامك رائع أخونا الريدي ..



***********

يا تري عملتو اييييييييه؟

كش ملك said...

جزاك الله يا أخت زهرة العطاء.. وربنا يثبتنا ..



جزاك الله خير يا أخت منة الله على تعليقك وممكن يكون تكفير لذنوبى الكتييييييييييير أوى وياريت ..



جزاك الله خير يا أخت مجاهدة .. أميييييين يارب ثبتنا ..




حبيب قلبى الريدي كلامك فعلا جميل أوى .. انا مش خايف من حد إلا الله سبحانة وتعالى وفعلا إحنا مش بنعمل كدة لمنصب ولكن إبتغاء وجهه الله .. ويارب يتقبل منى بإذن الله





جزاك الله خير يا أخت كليوبترا على أهتمامك..


إحنا فعلا روحنا فى معادنا عادى الساعة 3 قالنا إن الأستاذ عبد المنعم ألى هيحقق معانا مجاش لسة .. فتعالوا الساعة 3.30

فروحنا فقالنا أنة جة ومشى فتعالوا بكرة ..

فطبعا انا كنت عاوز أضربهم بس خفت لحسن أعورهم وقولت يواد يا محمد بلاش..

فسمعت كلام شيطانى وقولت بلاش..

وإن شاء الله هنروح النهاردة الساعة 12 الصبع..

وإن شاء الله خير..


جزاكم الله خير

mohamed said...

يبني عادي دا تحقيق

يعني تروح زي الباشا تحضر

تسيبة يرغي وفي الاخر تقوله لا
محصلش معملتش

وبس

يعني كله كلم فاضي واتهمات ملهاش لزمة

ولما تتخرج وتاخد الملف بتاعك

في صندوق زباله جمب شئون الطلبة وانت معدي من جمبة ممكن ترمي فيه الورق اللي مش عايزة منه

والاتهمات انك وزعت بمبني

وانك قلت كلمة بحث علي الفضيلة ومكارم الاخلاق

والتهم بتاعتهم دي

cleopatra said...

كمان المحقق هو اللي مجاش :( الله السمتعان ..


عملتو ايه بقا النهارده ؟ وزعوكو برضو ؟

Anonymous said...

لا حول ولا قوة إلا بالله

Anonymous said...

لا يا جماعة المحقق جه الحمد لله

والامر يسره الله

وتم التحقيق مع 15 اخ من اصل 60

ولي عودة غدا مع ادارتنا العزيزة ادارة الشئون القاانونية

وحسبنا الله ونعم الوكيل



اللهم انك تعلم ان هذا الوقت في سبيلك وانه يضيع منه جزء عظيم


فافتح علينا من كرمك في اوقات مذاكرتنا




الريدي

cleopatra said...

اللــهم أمين

مشروع انسان said...

التحقيق ده بقى حاجة بسيط اقل من شكة الدبوس وبعدين هما يعنى هيضروا مين ولا مين خلاص معدش فيه مكان عادى يا بطل ربنا معاك العملية بسيطة اعرف واحد جاله عشرات التحقيقات وعادى خالص مفيش مشكلة ولا حتى راح القسم

safa7_karmooz said...

اوع يكونوا اخدوا خطاب فى السكة...ده فسفس ومش يستحمل...هههههههههه

طمنى يابنى عملت ايه ...

كش ملك said...

الحمد لله الموضوع كان عادى فعلا ذى مقال محمد انا سيبتة يرغى خالص وفى الأخر محصلش..

المصيبة أنة قالى انك أشتركت مع طلاب إخوان فى تعليق لوح مكتوب عليها الله أكبر ولله الحمد تحث الطلاب على حضور حفلة سنو رابعة .. فقولتلة محصلش.. قالى طيب أنت أشتركت مع 100 من طلاب الإخوان المسلمين فى أعداد أسكتش هزيل فى الحفلة .. قولتلة محصلش..

بس فى الأخر قالى انك منتضم مع جماعة الإخوان المسلمين المحظورة فقولتلة لا..

بس فقالى هى أدارة الجامعة مرضتش تديكم أذن .. قولتلة انا معرفش حاجة .. السؤال دة جديد أول مرة ينزل مع أسئلة التحقيقات ..


يلا أش معنا كل حاجة فيها موضة أش معنا ميكونش فى الأسئلة كمان ..


المهم اليوم مر على خير الحمد لله


وجزاكم الله خير على أهتمامكم..

Rehab Saber said...

الحمد لله

Anonymous said...

انا اول مره ادخل هنا بس

فعلا مدونه فوق الرائعه كلها

وربنا يثبتكم جميعا

وربنا ينصر الاسلام ويعز المسلمين

نهر الصدق

shimaa said...

السلام عليكم محمدانا مشى عارفة اقول ايه بس حسبى الله ونعم الوكيل من اختك فى الله