Wednesday, May 2, 2007

Tag 2


السلام عليكم ورحمة الله وبركاتة ..
طبعا إحنا بنتأسف أوى لأخونا شرقاوى على التأخير..
بس أوعة ردينا أهو يا عم ..أى خدمة ..
علشان اللغبطة...
محمد هيجاوب ب الأزرق ..
خطاب هيجاوب ب الأحمر ..

من هو:أحب شخص لقلبك فى الدنيا؟

الرسول و صحابته
و فى العهد الحالى ابى و امى و كل من سعى لخدمة دين الله و لو أوذى فيه .

أبى وأمى وأختى وعمى بس الأولانى مش التانى .....

انسان مستعد تضحي بحياتك - ركز فى كلمة حياتك- علشانة؟


كل من احب من قلبى .
أمى

اسم أول حب؟

سيكرت طبعا :D
صعب السؤال دة ...

اسم اخر حب(حتى الان)؟

سيكرت برضه

هو أول حب بس بردة صعب السؤال دة

ما هو :اسم أجمل كتاب كتبه بشر قرأته ومحتفظ به حتى الان ؟

كل كتابات أحمد خالد توفيق

عوض بن القرنى ولة أفضل كتاب أسمة حتى لا تكون كلا

اسم كتاب-كتبه بشر برضة- انت متعلق بيه وبتقرأه كل فترة؟

الاجابة السابقة

غير كتاب دكتور عوض هناك قصة صغيرة لشخص يدعى محمد أحمد تدعى الدمية الشريرة هى تجسد الحياة الأن
وأحب أن أقرءها كل مرة ....

اهم جهاز منزلى انت متعلق بيه او بتستخدمه كتير ؟

الكمبيوتر
الكمبيوتر

شىء تحس بالراحة النفسية عندما تنظر اليه ؟

وادى بعيييييييد .. تحيط به الجبال .. به نهر صغير و خضرة
السماء بع صلاة الفجر مباشرا

مكان تحس فيه بالحنين الى شىء لا تدرى ماهو و ذكريات جارفة الى لاشىء ؟

الجامعة
الأردن

مكان تحس بالراحة عندما تدخله ؟
السرير
السرير بحس بكامل النعومة...

اجمل مدينة زرتها داخل مصر ؟

اسكندرية

بور سعيد

أجمل مكان طبيعي رأيته داخل مصر؟

احب منظر الجبال
حديقة الأزهر

نوع هاتفك المحمول؟

نوكيا
نوكيا 3100

سرعة بروسيسور جهازك ؟

مش عارف
أوع مقولكش أسرع جهاز فى العالم.. هقولك لما أشوفك علشان الحسد

حجم ذاكرة –هارد- جهازك ؟
80
80

المساحة التى تشغلها المواد الاسلامية على جهازك ؟

محسبتهاش بس مساحة كويسة الحمد لله

لا يوجد لإن الجهاز كلة فاضى وانا أستعملة للنت فقط

نفس المساحة السالف ذكرها فى قلبك-الاجابة لنفسك عشان الرياء يا اخواننا ؟

حاضر
اللهم ما إنى أسئلك الإخلاص

أهم هدف انت واضعه لحياتك دلوقتى ؟

اجيب جيد جدا فى الترم دا ان شاء الله

أفتح شركة سمسرة...

مواصفات فتاة –أو فتى للبنات- الأحلام بالنسبة لك ؟

ملتزمة – ذكية – عقل متفتح – شكلها مقبول – مستوى اجتماعى و مادى متقارب – قصيرة – بتعرف تطبخ – بتحبنى – بحبها – مثقفة – مش زنانة – ظريفة .... و على من تتوافر فيهن الشروط ارسال ال سيرة الذاتية على البريد الالكترونى
أن تكوت متدينة ..وجميلة بيضاء وعيونها خضراء وليست بشقراء ولا حمراء ولا صفراء..ولها فى السياسة وليست جاهلة عن الحياة وقصيرة ليست بطويلة ورفيعة ليست بتخينة ..وأستيل بقة ... مش فارقة معايا الطبخ .. ياريت يكون عندها حافز للنقاب ... بس..

صف ما يأتى :شعورك لما بتسمع كلمة مصر؟

للاسف اصبح لا شعور
أغمن عليا :)

شعورك لما بتسمع كلام عن اليهود ؟

يأتى ببالى تلقائيا من يضعون ايديهم فى ايديهم و لا يحاربوهم

ببكى على حالنا .. هما بينصروا اليهودية ونحن نتخاذل غن نصرة الإسلام

شعورك لما بتشوف ظابط شرطة ؟

اسىء الظن للاسف
لو أمن عسكرى أنظر له نظرة شفقة أما لو كان رجل شرطة ذو مراتب أنظر لة نظرة غيظ ...

شعورك لما بتشوف الكناس العجوز فى الطريق ؟

حزن
أبكــــى

لون البطانية اللى بتتغطى بيها فى الشتاء ؟

اشمعنى
أبيض فى أزرق

لون الجورب-الشراب- المفضل لديك ؟

رمادى
أبيض

احساسك اذا داست قدمك فى الطريق على مخلفات اخراج حيوان- *** ولا مؤاخذة- ؟
احساس بالاشمئزاز
القرف بــــس

افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف ؟
احساس بالسعادة و بأطيل النظر اليه
أكون فرحان أوى أن هناك لسة فى شباب كويسين ومش كلهم صيعين


احساس يراودك فى اشارة مرور مغلقة بسبب مسئول كبير؟


اتذكر مقولة : رحمك الله يا عمر

حكمت فعدلت فأمنت فنمت يا عمر


نشيع التاج دا لمين ؟؟

شابـــ مصريـــ

وتستمر الحياة

رنيـن الصمــت

صندوق باندورا




29 comments:

Maha said...

وعليكم السلام ورحمة الله وبركاته

:)

جميلة الإجابات ما شاء الله

وإن شاء الله أرد على الوسم في أقرب فرصة :)

وضـّاح said...

وعليكم السلام

جميلة إجابتكم

ربنا يكرمكم

sharkawoo said...

التاج دا شكله هيلف كثير :)

ربنا يكرمك علي الإيجابات الجميلة دي ..

وإن كان الهروب هو الصفة الملازمة لكم ...


ربنا يعينكم كدا علي طول :)

Neo said...

nice post

Hessain said...

hi?

omar مشروع بطل said...

جميل يا محمد وجميل يا خطاب

وان شاء الله يا شرقاوى ده وعد منى انى هجاوب التاج

Arabian GiRl said...

اجابات جامدة

وفى اجابات ضحكتنى

ماشاء الله


ربنا يكرمكم

:)

Arabian GiRl said...

اه صحيح

هرد على التاج حاضر

FloNa said...

جميلة اوي اجاباتكم ما شاء الله

:)


عجبتني اوي اجاباتكم في سؤال احلى منظر بتشوفه

:) :)

جزاكم الله خيرا كثيرا

Kad0o0ora said...

ايه الحلاوياات دى يااولاد والله براافو عليكم

:)

وبراافو عليك انت كماان ياولد يااشارقو

ياريت تعدو عليا فى المكتب علشان اعملك عقوداات عمل جديدة بمرتباات جديدة بقا

:)


Abdo Saleh

cleopatra said...

ههههههههههههههههههه


ربنا يكرمكو .. اجاباتكو اكثر من رائعه ..

Arabian GiRl said...
This comment has been removed by the author.
خطــاب said...

مها
فى انتظار اجاباتك على الوسم

-----------------

وضاح
جزاك الله خير

------------------

شاشا
فين الهروب دا .. دا اسمه المختصر المفيد

------------------

نيو
شكرا

------------------

حسين
اهلا و سهلا

-----------------

عمر
فى انتظار اجابتك

------------------

اريبين
هدفنا اسعادكم

------------------

فلونا
جزاك الله خير
و مرحبا فى البلوج
-------------------

عبده صالح
بدك تسوى عقود معاى ؟

------------------

كليبواترا
جزاك الله خير

بن توفيق said...

انا التاج ده مبعوتلى انا كمان

ادعولى انى اجاوب عليه وانزله :)

AbdElRaHmaN Ayyash said...

جميلة اوي اجاياتكم انتم الاتنين و الله
ربنا يوفقكم
:) بقالي كتير مدخلتش هنا
وحشتوني بجد
سلام

منة الله said...

انا عايزة ارد بس مش عارفة اقول ايه يعني

المشكلة ان البلوج مفهوش حركة الاقتباس

بس يعني الكلام عاجبني و يضحك خالص

خطــاب said...

بن توفيق
شد حيلك

---------------------

عبد الرحمن عياش
طيب خلينا نشوفك علطول بقى اوعى تنسى :)

---------------------

منة الله
ربنا يكرمك
خلينا نشوفك علطول برضه

-----------------------

خطــاب said...

من الملاحظات العجيبة انه لم ترسل على الميل ولا سيرة ذاتية

هو المواصفات الى انا طالبها صعبة كدة ؟؟

:D

ASADMASGON said...

اجابات جميله منك يمحمد انت وخطاب

ربنا يكرمكم

Neo said...

جميل الموضوع
الردود فيها مراوغة و خاصة من خطاب
كالعادة

بس انا كان ليا سؤال: في السؤال عن فتاة الاحلام الإجابات دي كانت بجد ولا بهزار؟
يعني انتوا يهمكوا اوي المواصفات الخارجية؟

على فكرة الموضوع مش كده خالص................. انت ممكن تحلم براحتك بس هتتعب بعد كده عشان مش هتلاقي حلمك ده عشان ببساطة اننا في احلامنا بنحلم بالمثاليات اللي مش على ارض الواقع اصلا و الموضوع في الاول و الاخر نصيب

بجد اللي بيتعب الشباب و البنات هو موضوع فتى و فتاه الاحلام ده!!!!

خطــاب said...

اسد
ربنا يكرمك

-----------------

نيو

المواصفات الى انا قلتها مضبوطة
بس انا مش شايف انها شكلية خالص

safealeslam said...

السلام عليكم

هههههه

حلوة اوى الاجابات ديه

بس ليه انتوا الاتنين عايزين ( زوجة ) قصيرة

دى عقدة ولا ايه .... ؟

mohamed said...

جزاكم الله خير على كل ألى علقوا

وشكرا يا عبد الرحمن عياش على أطراءك الجميل دة ..

.......

وشكرا يانيو على أهتمامك وانا لية رد على سؤالك .. لا مش دى المواصقات بس انا معنديش مواصفات أكتر من إنها تكون متدينة وتساعدنى وكمان تكون مثقفة اوى متكنش ملهاش فى الطور ولا البرسيم وكمان أكرة أوى لما تقولى ياعم ملناش دعوة بحد خلينا فى نفسنا .. بس متهيألى المواصفات دى سهلة.. وعلى فكرة انا أيميلى موجود فى البروفيل لو حد شافلى حد ولا حاجة ..



مش عارف ياسيف الإسلام بس انا مبحبش الطوال وكمان انا قصير أزاى هتجوز واحدة طويلة ..

وعموما

Neo said...

لأ انا كنت بسألعلى موضوع بيضة و بعين خضراء دي

لو على المواصفات في الشخصية دي مقدور عليها بس نصيحة منى بردو متحطش مواصفات كتير و متقرنش الشخصية مع الشكل عشانن نصيحة مني انا شفت ناس كتير اوي في العيلة بيحلموا بحاجات و لما اتجوزوا تقريبا اتجوزوا ابعد مايكون عن احلامهم بس طبعا في ثوابت

و على موضوع العين الخضرا دي هتلاقي احنا عيلتنا كلهم كده و بنات المنصورة كده بردو هتلاقي يعني متخافش و لو على البنات القصيرين مفيش اكتر منهم متقلقش بس صدقني برده الموضوع موضوع نصيب انا يمكن صغيرة بس اصغر واحدة في العيلة يعني خبرات الكبار كلها عندي

بالنسبة بقى للأخ خطاب انا فعلا كنت عايزة اعرف موضوع القصيرين دي بس في حد سأل عليها قبلي طب محمد و عرفنا انه قصير طب وانت؟ انا عارفة انك طويل ولا انت عايز تتجوز واحدة قصيرة عشان تزلها و كل شوية تقولها يا قصيرة!!!ههههه

بهزر

بس بجد لو لقيت واحدة و شفت فيها كل اللي انت عايزة و شفت فيها شريكة حياتك و ام ولادك الي اخرة.... بس فيها عيب في الشكل او فيها صفة واحدة مش عجباك او طلعت طويله تسيبها عشان كده؟
و السؤال ده ليكوا انتوا الاتنين

Arabian GiRl said...

ممممممم

معلش بس حاجة كدة على الماشى

جددوا نوايكم

ربنا يكرمكم

خطــاب said...

سيف
عقدة ايش يا عم .. خلينى ساكت
بلاش انت :P

----------------------

دييجو
اخيرا دخلت
بس كويس و الله
اول مرة اعرف انك قنوع كدة

---------------------

نيو
ردا على سؤالك .. اكيد فى اولويات يعنى فى كام صفة صعب اقرب منهم و الباقى اولويات

---------------------

اريبين
جزاك الله خير على التذكرة

Neo said...
This comment has been removed by a blog administrator.
Anonymous said...

رحم الله امرئ تكلم فغنم وسكت فسلم


اختي الكريمة اربين اري ان تعقيب حضرتك هو الوحيد الذي افادني في هذة التعليقات

بجد جزاكم الله خيرا

وجعله في ميزان حسناتكم


الريدي

mohamed said...

جزاك الله خير يا أخ ريدى