Saturday, April 21, 2007

ذكريات أليمة ...


بدء العد التنازلى لإمتحانات الثانوية العامة .. وما أدراك ما إمتحانات الثانوية العامة .. كنت فى الثانوية العامة أتمنى

كل التمنى ان أتركها وأذهب بعيدا .. أو انى أنجزها بحرارة شديدة .. كانت أيام لا يعلمها إلا الله .. فى ثانية ثانوى


بعد أن حددت لنفسى هدف إنى خلاص عاوز أطلع مهندس زى كل المهندسيين .. بس مكنتش أعرف ليية .. ذى


مكنت بقول زمان .. انا عاوز أطلع أية .. أطلع مهندس .. أو دكتور .. المهم جت الثانوية العامة .. وجاء وقت تحديد


الرغبات .. عاوز تدخل أدبى ولا علمى ... علمى طبعا .. طيب علمى علوم ولا رياضة .. رياضة طبعا .. طيب ..


كتبت الرغبات خلاص .. وبعدين بدء العام الدراسى حيث العلمى أى الرياضة والحسابات المطولة .. المهم البيت كلة


فى قلق .. سيبوا محمد يذاكر .. محدش يقرب منة .. سيبوة علشان يجيب تقدير كويس .. دة كان كلام بابا وماما .. لما

أختى كانت بترخم عليا زمان .. المهم بدءت الإمتحانات .. وبدء الدح على عينة .. بس متفتكروش أنى كنت بذاكر من


الأول لا والله .. محصل أبدا .. المهم دخلت الإمتحانات وكل مخلص إمتحان أرجع البيت ويسئلونى عملت أية .. أقول


لهم متخفوش الحمد لله 90 % وبابا يقولى ولية متجبش 100% ..


وانا أقول لة مش لدرجة دى يابابا .. أكيد فى ظلم فى التصحيح .. المهم خلَصت الإمتحانات .. وجت الأجازة..

قضيتها ب الطول والعرض .. وبعد مقربت النتيجة على الظهور .. بدء القلب ينفض من كتر الخوف .. المهم

ظهرت النتيجة .. هااا يا محمد عملت ايه ..

75% يابابا ..

ينهاااااااااااااااااااااار .. وبدء الزعيق والتهزيق والشتايم ..

منت حمار لو كنت بتذاكر مكنش حصل الكلام دة .. وتقلبت الأـجازة ..

وطبعا مرت الأجازة بسرعة .. وكالعادة حولت أدبى .. طبعا منا لازم أحول أدبى ..

المهم بدءت الدراسة فذكرت كويس .. ونفس الأسطوانة تانى سيبوا محمد يذاكر محدش يكلمة بس طبعا بزيادة بعض الجمل زى) دة جايب( 75 %

.. سيبوة يتنيل يذاكر ..المهم جاء وقت الإمتحانات ..

وكنت أخلص كل أمتحان وأروح البيت .. ويسألنى بابا .. عملت اية .. أقولة الحمد لله كويس 90% يقولى أة منا عارف ..

طبعا بكل تريقة .. المهم خلصت الإمتحانات .. وقضيت الأجازة ب الطول والعرض .. وظهرت النتيجة ..

وجبت النتيجة .. وروحت البيت .. وبابا سئلنى .. هااااااااااااااا ربنا يستر عملت اية..

94% يابابا..

قال لى شوفت بزعيق لو كنت ذكرت من الأول مش كنت دخلت كلية عدلة .. بدل منت هتدخل كليات الشعب .

طبعا مكنش فى فرحة على وجهه .. لإنة كان زعلان أوى ..

المهم انا كلمتة وقولتلة انا يابابا شايف نفسى فى كلية التجارة .. هطلع رجل أعمال قد الدنيا .. قالى يا عم أتنيل ..

زى الثانوية العامة كدة ..
المهم خلصت الثانوية العامة ودخلت كلية التجارة ..

كانت الثانوية العامة مصدر قلق فى بيتنا .. لدرجة ان كان بيمر عليا وقت ساعات أتمنى ان ربنا يخدنى وأخلص ..

بس يلا الحمد لله ..
خلصت الثانوية العامة بحلوها ومرها ..
وربنا يكون فى عون طلاب الثانوية العامة ..
مــحــمــد




15 comments:

وضـّاح said...

ليه كده ؟؟

ليه تقلب المواجع ؟؟

الحمدلله خلصنا الثانوية والكلية باقي إيه ؟؟؟؟

§a§a said...

فعلا الثانويه العامه دى مشكله الله يكون فى عون الطلبه جميعا

Arabian GiRl said...

انا عندى اخ فى ثانوى

ربنا يستر

امام الجيل said...

اه عندك حق دى فعلا كانت من اصعب الايا على الواحد الاهى لا يعودها الحمد لله انها مرت بسلام
ربنا يوفقك فى تجارة بقى وتحقق حلمك بجد
ومش بعيد يعنى ولا مستحيل
بس خليك مصر على تحقيقه بس ربنا يوفقك

Anonymous said...

فعلا جت عليا أيام وأنا فى الثانوية العامة اتمنيت فيها الموت من كتر الضغط العصبى والنفسى والبدنى والذهنى
كانت ايام سودا الله لا يعيدها

barbie girl said...

يااااااااااااااه

فكرتنى بالايام اللى نسيتها او باتظاهر انى نسيتها

دى كانت ايام ربنا لا يرجعها


الحمد لله انها انتهت

يا مراكبي said...

المهم .. ألف مبروك وكويس إنها عدت على خير

المم تخطط لقدام شوية عن كده .. وربنا يكرمك

bastokka طهقانة said...

كانوا مفهمنا زمان ان الثانوية العامة عنق الزجاجة
و اكتشفت اننا في شفشق


اوروفوار

AbdElRaHmaN Ayyash said...

وقع بيان المدونين للتضامن مع عبدالمنعم محمود
شارك بتوقيعك
أنشر البيان في كل مدونة تعرفها
ساهم في حرية المدونين .. وحرية منعم
http://free4monem.blogspot.com/

mohamed said...

والله فعلا الثانوية العامة دى كانت كبوس على كل واحد مننا ربنا يستر بقة ..

Tamer Nabil said...

بالتوفيق
خلى قلبك جامد



تحياتى

منة الله said...

دي اللي كنا بنغنيلها

خلي الكتاب صاحي صاحي
لو نامت الدنيا صحيت مع كتابي

:D

mohamed said...

بالتوفيق
خلى قلبك جامد
...

هحاول يا تامر أدعيلى


دي اللي كنا بنغنيلها

خلي الكتاب صاحي صاحي
لو نامت الدنيا صحيت مع كتابي
...فعلا ولدرجة ان الإغنية الوحيدة ألى كلنا بنرددها فى كل وقت ..



جزاكم اله خير على تعليقاتكم

خطــاب said...

ذكريات اليمة

ذكريات تانية ثانوى

الا ان نتيجة الصف الثالث اعادت لى الثقة بالنفس الحمد لله

Neo said...

انتوا زعلانين اوي من ايام الثانوية طب يا ريت يوم من ايامها!!!! امال لو جيتوا عندنا طب هتعملوا ايه؟
انا كنت الحمد لله مرتاحة جدا في الثانوية بخلاف اني عيطت عالدرجة و نص اللي نقصتهم في الmath في تانية ثانوي بس مكانش في ضغط عصبي زي مابتحكوا بس في الكلية و الحمد لله جاتلي قرحة في المعدة من الضغط فعلا ايام الثانوية دي جنة بالنسبة للكلية!!!