Tuesday, June 12, 2007

صباح المهزلـة



بعد ان انقضى الاستفتاء ومسرحيه المهازل المريعه

بما فيه من انتهاكات لجميع طوائف الشعب لصالح الرئاسه

ثم من بعدها انتخابات مجلس الشعب وما جرى فيها

حيث كانت الشوارع مسرح لاحداث داميه

راح ضحيتها العشرات والعديد من الاصابات والاعتقالات التى مازلنا
لا ندرى ما اسبابها القانونيه الا انهم تمسكوا بالقانون نفسه

ثم توالت الاحداث وكشف الستار عن مهزله جديده لانتخاب مجلس الشورى

اصبحت مصر حديث المدينه يضرب بها المثل فى الديمقراطيه وحقوق الانسان

التى فضحتها قناه الجزيره على مرأى ومسمع من الجميع

وسبقها عشرات المدونات لشباب هم الان اما وراء القضبان او تحت الرقابه
الى متى ستستمر هذه المهازل

وفى النهاية يخرج السيد حبيب العادلي وزير الداخلية

ويشيد بالجهود التي بذلتها أجهزة الشرطة من توفير المناخ الآمن والملائم لسير العملية الانتخابية ،


ومع نفي مساعد وزير الداخلية تدخل أجهزة الشرطة في انتخابات التجديد النصفي لمجلس الشورى

والتزامها الحياد التام بين جميع المرشحين ،

إلا أن الانتخابات شهدت حوادث عنف قام بها رجال أمن

وبعض من أنصار مرشحي الحزب ضد خصومهم السياسيين في معظم الدوائر الانتخابية

ولسنا ببعيد ..

فكلنا نعرف ماحدث فى الشرقية من انتهاكات لأحدى المرشحين..


أسمع ...أسمع

صباح المهزلة



من هنا البداية وليست النهاية ..


هى بداية التوريث التى يسعى الرئيس وأعوانة على تنفيذها ,,


ولكن لن يحدث ابدا

18 comments:

FloNa said...

هوه الموضوع عدى المهزلة اساسا الواحد ئرف منهم بحيث انه بقى يسمع اسوأ ما يمكن سماعه ويبقى وشه بارد جدا

تحسهم فاضيين اساسا بدوروا على اي حاجة ممكن تعمل دوشة ومشاكل


ديمقراطية ايه بس خليهم يصلوا على النبي احسن


الواحد تعب نفسيا منهم والله

فوضى منظمة said...

صدقوني يا جماعة ..كل شويه قبح النظام ده وظلمه بيظهر للناس على ايد النظام نفسه ..عشان الغباء ليه ناسه..الناس خلاص عرفت الحق فين والباطل فين ..ناقص آخر خطوه ..أمتى نتحرك ومين يحركنا..يا رب عفوك ورضاك

Rehab Saber said...

اللهم ما لا حول ولا قوة الا بالله

الواحد بقى يتوقع كل شىء فى البلد دى

Anonymous said...

سئل احد الصالحين ويقال انه الامام الشافعي (ايمكن المرء ام يبتلي؟
قال لايمكن حتي يبتلي)0
ويقول تعالي (اصبروا وصابروا ورابطوا وانتم الاعلون ان كنتم مؤمنين)0
شئ عادي يامحمد اللي بيحصل وادعو كلكم ربنا انه يهدي الناس دي قبل ماتقابله0
في موقف عايز احكيه في الموضوع ده
يوم الامتحان اخر امتحان شوفت اخ لي في الدفعة بقوله مالك (كان شكله تعبان)بيقول لي انا مدخلتش البيت بقالي اربعة ايام امن الدولة بيدور عليا انا واخويا وجوز اختي عشان الانتخابات
سؤال ؟ ايه اللي يخلي شاب عنده امتحان بعد يومين يبهدل نفسه كده؟؟؟؟؟؟؟؟؟؟؟؟؟
انا اقول لكم هوشخص مؤمن بمبدا وبيحتسب اللي بيحصله كله عند الله
ياسيدي خليهم يحبسوا ويسحلوا ويعمل كل اللي يخترلهم علي بال ده هدفهم ودي افعالهم بس الله عز وجل له كلام اخر
يقول تعالي (والله غالب علي امره ولكن اكثر الناس لايعلمون)0
الذي اراده الله سوف يتم والتكين سيكون لاولياء الله الذين دافعوا وجاهدوا في سبيل دين الله0
عز

Anonymous said...

سئل احد الصالحين ويقال انه الامام الشافعي (ايمكن المرء ام يبتلي؟
قال لايمكن حتي يبتلي)0
ويقول تعالي (اصبروا وصابروا ورابطوا وانتم الاعلون ان كنتم مؤمنين)0
شئ عادي يامحمد اللي بيحصل وادعو كلكم ربنا انه يهدي الناس دي قبل ماتقابله0
في موقف عايز احكيه في الموضوع ده
يوم الامتحان اخر امتحان شوفت اخ لي في الدفعة بقوله مالك (كان شكله تعبان)بيقول لي انا مدخلتش البيت بقالي اربعة ايام امن الدولة بيدور عليا انا واخويا وجوز اختي عشان الانتخابات
سؤال ؟ ايه اللي يخلي شاب عنده امتحان بعد يومين يبهدل نفسه كده؟؟؟؟؟؟؟؟؟؟؟؟؟
انا اقول لكم هوشخص مؤمن بمبدا وبيحتسب اللي بيحصله كله عند الله
ياسيدي خليهم يحبسوا ويسحلوا ويعمل كل اللي يخترلهم علي بال ده هدفهم ودي افعالهم بس الله عز وجل له كلام اخر
يقول تعالي (والله غالب علي امره ولكن اكثر الناس لايعلمون)0
الذي اراده الله سوف يتم والتكين سيكون لاولياء الله الذين دافعوا وجاهدوا في سبيل دين الله0
عز

إنسان || Human said...

انت عارف انا كنت بتابع مجريات تلك المهزلة على الجزيرة واذا بي اقرأ بجوار أخبار الإقبال الضعيف وضرب النار و القتيل ..والخناقات وتطويق اللجان
&ذا بي اقرأ خبرا في الشريط ..يقول ان اسرائيل اطلقت قمرا للتجسس
....أه يابلد لا نستطيع ان نجري انتخابات ودول اخرى تعدت تلك المرحلة بعشرات السنين
للأسف

ومضات .. أحمد الجعلى said...

خسارة يا مصر يا ألف خسارة.

ولإمتى حتفضل بلدنا الغالية كده فى ايد حبة ... ؟؟

كش ملك said...

المصيبة مصيبتين

انا مش عارف ليه كده

هل بسببنا ولا ايه .. الواحد فعلا تعب اوى

Nermien Hani said...

المهزلة في اللي بيحصل من تدخل الأمن بس المهزلة الأكبر لما واحد يدخل مجلس الشورى ب 11 ألف صوت نسبة 4% من الناخبين

الناس مبتنتخبش و هما بيعملوا اللي هما عايزينه

الريس بيحكم مصر بأصوات 7 مليون إزاااااااااااااي؟ انا مش قادرة افهمها دي

هو م المفروض في أي بلد محترم ان لو نص الناخبين مانتخبش الانتخابات تتعاد!!!! ولا م عندنا دي موصلتلهمش
يعني؟

لأ و كمان وقت غبي انا مسدقت اكبر و يبقى عندي بطاقة انتخابية بس طبعا منتخبتش عشان وقت امتحاناتي اسيب انا اناتومي عشان الانتخابات ليه؟ ايه الحاجات الغبية اللي بتحصل دي؟

Anonymous said...

للاسف حاجه عدت المهزله و للاسف للاسف هو ده الواقع
بس رايى ان "ماولى عليكم حاكم الا باعمالكم" وعشان كده لازم نبتدى بنفسنا عشان نقدر نصلح فى غيرنا ده رايى

كش ملك said...

لا ومش اكتر من كدة يا نيو المصيبة الاكبر ان الوحيد اللى كان واقف ضدة وهو ايمن نور مسبهوش فى حالة راح حبسة كمان عشان يطمن على ابنه بعد كدة حسبى الله ونعمة الوكيل..




وفعلا يا حارس الواحد لازم يبدء بنفسة ويبدء مع الناس يعنى يمشى فى الطريقين ..

cleopatra said...

السلام عليكم

اولا .. حمدا لله علي السلامه يا محمد


ثانيا .. الموضوع فاق المهزلة بمراحل .. زمان كانت مهزلة .. دلوقتي بقيت كوارث ومصايب .. مش عارفين أخرتها فين .. كل العالم بيتطور الا احنا .. كلهم بيتقدمو علشان عندهم ديمقراطية .. واحنا بلادنا من أكتر البلاد تأخرا بسبب الديكتاتوريه والفظاعة اللي فيها


ربنا يستر

كش ملك said...

الله يسلمك ..





فعلا والله يا كليوبترا.. الموضوع صعب اوى

الواحد كل ميتفرج على الناس فى الخارج بيحس بزهول ..

والمشكلة الكبرى انهم عملوا حاجة هى اللى تكسر البسض .. واحنا لسه بنستورد ابر البوتاجاز من برة

Anonymous said...

انا معترض معاك يامحمد علي حكاية ايمن نور0
انا رائ ان ايمن نور ده مجرد فيلم بيتعمل وبيضحك بيه علي الشعب ايمن نور وسعدالدين ابراهيم من اكبر المؤيدين لفكر امريكا وبالتالي فكرة العلمانية بوجه عام0
ولازم يتعمل فيلم الحبس والاعتقال والكلام ده كله علشان ايه 0
علشان يتعمل بطل قومي في البلد وبص علي كتابات سعد الدين ابراهيم منك كام سنة وبص علي كتاباته واراه دلوقت يا حبيبي الناس دي بتمثل والحكومة بتاعتنا بتمثل زيها وياما حصل محاكمات عسكرية للاخوان وغير الاخوان وايه امريكا نطقت 0
قبل سقوط الخلافة العثمانية علي يد مصطفي كمال اتاتورك والحزب بتاعه(انا مش حاضرني اسمه دلوقت)عملوا ايه عشان يسقطوا الخلافة قالوا احنا بنكره الاسلام ولااحنا ضد حكم دين الله ابدا 0
انجلترا انهزمت لهم في معركة مخصوص عشان يبقي ابطال قوميين وبعدين هو حزب الترقي ده خرج في مظاهرات عشان يسقطوا الخلافة رفعوا ايه ياتري في المظاهرات دي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لافتات عليها العلانية هي الحل (لا)0
رفعوا المصاحف ياحبي وهما دول برضه بعد ماتمكنوا هما اول ناس حرقت المصاحف وقتلت العلماء في تركيا وهما اللي خلوها تركيا القذرة اللي انت شايفها دلوقت0
حكمة (ليس كل مايبرق ذهبا)0
عز

sharkawoo said...

ذكريات السرقة والغضب ما زالت تنابني وانا بتفرج او بقرأ أي حاجة علي الإنتخابات ... بقي الطبيعي بتاعنا ان حقي يؤخذ ... وانا ساكت ..

حسبنا الله ونعم الوكيل

طبيب مسلم said...

صباااااااااااح الخير ياعم محمد
وانا بقول انت مش بتدخل عالماسنجر كتير ليه
شكلك اتمسكت يا صاحبي ، طب قولي انا أجيبلك حلاوة بحبها مووووت وناكلها مع بعض (( طبعا بعد لما أكتب رده حلحقك علي .... علي طول ))
يابني انت مش عايز تعرف ليه إن دي بلدهم وهم حرين فيها
كتر خيرهم إنهم مقعدينا فيها يا أخي
هي دي أول مرة تحصل يابوحميد
بس لازم تفتكر إن الحل الوحيد
فابدأ بنفسك فانهها عن غيها فإذا انتهت عنه فأنت حكيم

والله غالب علي امره ولكن اكثر الناس لايعلمون
لازم تعرف كده كويس
ابدأ باصلاح القاع (( الي هو نفسك وبيتك وبعدين نعلي بالبناء واحدة بوحدة
وبعدين بقي محدش هيقدر يقف قصادك

طبيب مسلم said...

اه بالمناسبة طب ممكنوا تشوفوا المقال ده بالمرة يا جماعة علي المدونة
اسمه ((بلاش نتكلم كتير ممكن ))وياريت تتطمني عليك يا محمد
http://analmoslim.blogspot.com/

كش ملك said...

اولا جزاك الله خير على معلومات يا أخ عز بس انا اعترض على كلامك ذى مقولتلك ان ايمن نور ممكن يكون تبع امريكا ودى حاجة مستبعدهاش بس سجنة مش هزار او صورة ..






جزاك الله خير يا شارقو على ردك والله انا كمان كل مشوف الجزيرة بتعرض التزوير اللى فى الانتخابات احس ان البلد دى خلاص كل حاجة بقت علنى مفيش خوف ولا حاجة ..




انا لسه موجود يا حبى ازيك انت يا محمد ايه اخبارك والله وحشتنى .. وطمنى عملت ايه فى امتحان الجمعة ..

اما على تعليقك انا شايف ان الواحد فعلا لازم يغي من نفسة ولازم كل يوم يقف توبة بينة وبين ربنا بس لازم مع الوقفة والرجوع واللاصلاح انه يغير بلدة

يعنى الاثنين فى تفس الخط



وجزاكم الله خير