Monday, May 7, 2007

يا لها من وقحة



في إحدى الليالي جلست سيدة في المطار لعدة ساعات في انتظار رحلة لها.

وأثناء فترة انتظارها ذهبت لشراء كتاب وكيس من الحلوى لتقضي بهما وقتها.

فجأة وبينما هي متعمقة في القراءة أدركت أن هناك شابة صغيرة قد جلست بجانبها وأختطفت قطعة من كيس الحلوى

الذي كان موضوعا بينهما.

قررت أن تتجاهلها في بداية الأمر,,

ولكنها شعرت بالإنزعاج عندما كانت تأكل الحلوى وتنظر في الساعة بينما كانت هذه الشابة تشاركها في الأكل من الكيس أيضا.



حينها بدأت بالغضب فعلا ثم فكرت في نفسها قائلة: "لو لم أكن امرأة متعلمة وجيدة الأخلاق لمنحت هذه الحمقاء عينا سوداء في الحال".

وهكذا في كل مرة كانت تأكل قطعة من الحلوى كانت الشابة تأكل واحدة أيضا.

واستمرت المحادثة المستنكرة بين أعينهما وهي متعجبة بما تفعلة,,

وبهدوء وبابتسامة خفيفة قامت الفتاة باختطاف آخر قطعة من الحلوى وقسمتها إلى نصفين فأعطت السيدة نصفا بينما أكلت هي النصف الآخر.

أخذت السيدة القطعة بسرعة وفكرت قائلة "يالها من وقحة كما أنها غير مؤدبة حتى أنها لم تشكرني".

بعد ذلك بلحظات سمعت الإعلان عن حلول موعد الرحلة فجمعت أمتعتها وذهبت إلى بوابة صعود الطائرة دون أن تلتفت وراءها إلى المكان الذي تجلس فيه تلك السارقة الوقحة.

وبعدما صعدت إلى الطائرة ونعمت بجلسة جميلة هادئة أرادت وضع كتابها الذي قاربت على إنهائه في الحقيبة,

وهنا صعقت بالكامل... وجدت كيس الحلوى الذي اشترته موجودا في تلك الحقيبة,

بدأت تفكر " ياالهي لقد كان كيس الحلوى ذاك ملكا للشابة وقد جعلتني أشاركها به".

حينها أدركت وهي متألمة بأنها هي التي كانت وقحة, غير مؤدبة, وسارقة أيضا.

*********
ولكن لماذا كتبت هذا ...
لا أعرف ولكنى أشعر إن أحوال المسلمين هكذا ..
نعرف أو نرى بعضنا من وجهه نظرنا ..
إذا أخطأ فقد أخطأ لإنى أرى إنة أخطأ..
ولكن إذا تمهلنا سوف نرى إننا كلنا نخطأ ..
ولإن كلنا بنخطأ لازم نسامح بعض..
وعشان نسامح بعض لازم نتقبل أراء الأخرين
وعشان نتقبل أراء الأخرين لازم نعرفهم ..
وعلشان نعرفهم لازم نعاشرهم..
وعشان نعاشرهم لازم نحبهم بعيوبهم وبمزايهم ..
يارب أكون عرفت اوصل المعنى ..

29 comments:

Anonymous said...

قال رسول الله (صلي الله عليه وسلم ):الظن اكذب الحديث

ممكن بعض الاوقات نغضب من اشخاص وناخذ منهم موقف عنيف وفي النهاية نحن المخطئين
ماتراه صواب قد اراه انا خطا
.عز

خطــاب said...

ان بعض الظن اثم

فعلا لازم نحاول نفكر بعقول الى قدامنا

عشان ماتحصلش اختلافات كتير

Nermien Hani said...

nice words what u wrote at the end that are truly the muslims
i'll go to hav lunch them i'll come back to write my comment but primarly u r great

Nermien Hani said...

iam back

المشكلة ان النا مابتعزرش حد عشان هما مقتنعين انهم ملايكة مابيغلطوش

كان دايما ماما تقولنا اننا لازم زي ما بنؤمن بربنا نؤمن بوجود الشيطان و بقدرته اللي ربنا اداهاله على اغواءنا لو امننا بكده هنحاسب و هنحاول مانغلطش عشان احنا بشر و خطائين بطبعنا, انما لما الواحد يحس انه ملهم و انه مابيغلطش يبقى هو الغلط بعينه

المشكلة بقى ان معظم الناس كده و كمان بيسيبوا الغضب يسيطر عليهم الغضب يجيب الغلط عشان كده الواحد لازم يتحكم في نفه عشان يشوف الدنيا من منظور صح مش بنظرة الغضب الضيقة

و المشكلة بردو ان الناس مش بتتقبل النقد, و المشكلة الاكبر ان تعاملات الاسخاص مع بعض بتنعكس على تعاملات الدول مع بعض يعني المسلمين كأشخاص وحشين مع بعض و الدول الالامية بردو ماهى الدوله ماهي إلا اشخاص

لو كل واحد حط نفه في مكان اللي قصاده و عزره عشان هو يحب ان الناس تعزره يعني حب لأخيك ما تحب لنفسك و بطلنا أنانية شوية الحال ان شاء الله هيتصلح

المشكلة في الأنانية

طولت عليكم معلش بس انتوا بتفتحوا نفسي عالكلام

السلام عليكم و رحمه الله وبركاته

محمد said...

جميلة جدا

ذكرتني بهذه القصة كانت مكتوبة في كتاب اسمه

وحضرتك عايش ولا حي

فعلا كلنا أو الصنف البشري عموما يعتقد أن نظرته هي الأصوب فهو يمشي على مبدأ في الحياة رأيي صواب لا يحتمل الخطأ ورأي غيري خطأ لا يحتمل الصواب

ولكن دائما هناك قلة قليلة قالت كل يؤخذ من كلامه ويرد إلا الرسول صلى الله عليه وسلم

وأرجو أن تكون منهم

نحن ينقصنا التفكير بالآخر ومعرفة طريقة تفكيره

جزاك الله خيرا أخي محمد

عمر عاشق القرآن said...

الحقيقة انا سمعت القصة دى قبل كده
بس انت عندك حق احنا عندنا مشكلة ان كل واحد فاكر نفسه هو بس اللى صح وان و مش شايف غير وجهة نظره وبس

فكرتك وصلت (على ما أعتقد)

اسماء العريــان said...

جميل جداااا

جزاكم الله خيرا

الـفجـريـــة said...

القصة ى رائعة

و غير انها بتوضح موضوع اننا دائما نحكم على الأمور بمنظرونا

فهى كمان بتقول اد ايه بيكون سهل وضع اخطاءنا على عاتق الاخرين
وما هذا الا لجهلنا الشديد بانفسنا

Anonymous said...

فعلا لازم نفكر قبل ما نحكم علي الامور


لازم نحط نفسنا مكان اللي قدامنا

لازم نفكر قبل اتخاذ اي قرار

وسلام الله عليك

كش ملك said...

انا عاوز والله بجد أشكركم كلكم على تعليقاتكم .. وفعلا من كل التعليقات توضح اننا بندور فى نفس الدائرة وهى اننا لازم نسمع أراء الأخريين ولازم نسمعهم ونعرف هما بيفكروا فى اية ...

انا مش عارف لية أندرجت فى القصة دى بس علشان انا كل ما أفتح التليفزيون وخاصة الجزيرة بشوف منظر المسلمين وألى بيحصل مع بعض كلهم بيفهموا بعض من وجةة نظر مختلفة على الرغم من إنهم كلهم صح بس هما علشان مبيتعونوش بيحسوا إنهم كلهم غلط ..

بس أنا اسف على التطويل ..

Anonymous said...

ازيك يا حمادة
في حاجة ثانية في القصة
اتبع السيئة الحسنة تمحها
اعتقدت احدي السيدتين ان الاخري اعتدت علي حقها ولكن في النهاية العكس كان صحيحا .
في النهاية شعرت المراة بتانيب ضمير لانها كانت هي المخطئة ؟؟؟؟؟؟؟
شؤال لماذا شعرت بتانيب ضمير ؟
ادب واخلاق وابتسامة السيدة الاخري
لانها ظلمت انسان اخر
.عز

Anonymous said...

اسم القصة غير مناسب لمعناها

واحد من الناس said...

المشكله ان محدش عايز يفهم حد
واصبح سوء الظن هو العرف السائد
فليرحمنا الله

رينـــــــــــا said...

المعنى وصل جدا
ربنا يحمينا من سوء الظن

عصفور المدينة said...

حدث لي موقف ذكرته في هذه التدوينة بعد إذنك
http://ctybrd.blogspot.com/2007/04/blog-post_26.html
فعلا نحتاج أن نضع أنفسنا مكان الآخرين قبل الحكم عليهم
مدونتك رائعة

Rehab Saber said...

المعنى وصل

ربنا يكرمك :)

كش ملك said...

جزاك الله خير على ردك يا واحد من الناس ..
وعندك حق مبقناش أصلا بنطيق بعض ..




جزاك الله خير يا رينا وعلى فكرة المدونة بتاعتك رائعة اوى بجد ..





جزاكى الله خير يا أريبين

كش ملك said...

Anonymous said...
اسم القصة غير مناسب لمعناها
....

جزاك الله خير على ردك وكنت أتمنى أن تختار لى أسم ..







جزاك الله خير يا اخ عز على مروروك .. وكلامك فعلا حقيقى .. بس لحد أمتى هنفضل كدة ومش هنتغير ..

Nermien Hani said...

عارفين محمد قال كلمه حكمة اوي "ان الملمين بيفهموا بعض غلط مع انهم كلهم صح عشان مابيتعاونوش" كلامك صح بس الاهم من كده انهم بيغلطوا بعض عشان بيبصوا للموضوع من منظور صغير حتى في الدين في ناس تلاقيها تقعد تدور عالحلال مع اننا المفروض ندور عالحرام عشان مانعملوش واي حاجة تانية تبقى حلال مش عارفة الناش بتحب تصعبها على نفسها ليه مع ان دينا اصلا دين يسر لو حطوا في دماغهم ان ربنا نزلنا الدين عشان ينظم حياتنا مش عشان يزلنا هيرتاحوا و هيعرفوا الحلال من الحرام هو يمكن الناس تقول ان كلامي بعيد عن الموضوع بس انا شايفة انه كله مرتبط ببعضه نظرة الناس الضيقة للأمور و اصرارها على انها هي الصح و اي حاجة تانية غلط!!! لأ في حاجات كتير اوي صح ممكن يكونوا ماشيين في طرق مختلفة بس كلها مؤدية لنفش الهدف "تنظيم الحياة للأحسن" بس دول كانوا كلمتين في نفسي و قلتهم
شكرا
صدعت دماغكم معلش

šσяšαяαα said...

يالها من كلامات :)))

جزاك الله خيرا انك فكرتنا بالقصه دى

معانيها واضحه ومهم لينا اننا نستوعبها ونركز فى تعاملاتنا مع الغير

دى اول مرة ازورك فيها وسعيدة بالتعرف عليك
اتمنى تنورنا فى مدونة المسابقات وتشارك معانا بالتصويت

تحياتى ودمت بألف خير

عاشقة الرحمن...سميه العريان said...

بوست جميل

وفعلا خطا يقع فيه الجميع

Saif Allah said...

فعلا الوااحد لاازم يفكر الاول اكتر من مرة
للاسف كل وااحد عقله مريحه

ِِAbdo Saleh

كش ملك said...

أنا مش هضيف على ألى قالتلة نيو بس أنا عاوز بجد أتطرف لنفس موضوع نيو إننا لية منحبش بعض .. لية منحسش أن أخويا دة هو فعلا أخويا .. هو ألى انا بحس معاة ب الراحة بشتيكيلة من كل حاجة .. والله فعلا أحساس جميلة فتحت فية نيو ..

بجد جزاكى الله كل خير وأنتى مطولتيش خالص ولو كلامك كلة هيبأة كدة يحرك القلوب ويخلى المسلمين يحبو بعض كدة .. أتكلمى طبعا كتييييييييييير وبرحتك خالص .. يمكن يرجع الكلام دة الحب بين المسلمين ويبعد الحقد والكرة والمصلحة ألى بينهم ..



جزاك الله خير يا صرصرة على مرورك وهتلاقينى معاك إن شاء الله ..





جزاك الله خير على تعليقك يا عاشقة الرحمن ..



حبيب قلبى عبدو وحشتينى يا ريس..
جزاك الله خير على أهتمامك يا جميل

Nermien Hani said...

شكرا محمد على تعليقك و بطلب منك او من خطاب انكوا تكتبوا موضوع عن الحكاية دي و متخافش ساعتها ههريكوا كلام "موضوع اختلاف الاراء في الدين و كل واحد بيتمسك برأيه و بيقول عالأراء التانية غلط ليه مش عارفة مع ان اختلاف العلماء رحمه مش عارفة الناس بتحب تضيقها على نفسها ليه؟!!! و ان كل واحد مش عاجبة شيخ يشتمه ويقول عليه مابيفهمش و المفروض هو ولا هي اللي بيفهموا يعني!!!! ليه اي حد بيخالفنا رأينا مابنتحملوش؟ ليه لما حد بينتقدنا بنزعل؟ ليه لما بننتقد الناس بنفضحهم؟ احنا ليه وحشين كده مع بعض؟ و السؤال الأخير انا اتجننت ولا لسه؟ عشان انا حاسة ان عقلي هيطير و اني مش قادرة اتحمل خلاص.....................

Nermien Hani said...

على فكرة حرف ال س عندي بايظ شوية و لازم ادوس جامد عشان يتكتب فلو ملقيتهوش في الكلام حطوه انتوا من عندكوا عشان للأسف مفيش تعديل للتعليقات هنا

شكرا

مللت الصمت said...

حلوه جدا....

و احلى جزء فيها ان البنت ابتسمت لها و اقتسمت معاها اخر قطعه.....

ففى مواقف فى الحياه بنبقى بنشيط و بنغلى من جوانا بس و جهنا لازم يظل مبتسم,لاننا مش عارفين اللى قدامنا فاهم ايه عننا....

كش ملك said...

جزاكى الله خير على تعليقك يا نيو وشكلك متحمسة اوى اوى على الموضوع دة بس انا بنصحك انك أنتى اللى تكتبية علشان هو هيخرج منك انتى افضل لإنك انتى اللى حاسة بية اكتر منى ..

فياريت من الأفضل إنك تكتبية ..وانا ممكن أساعدك لو عاوزة اى مساعدة ..







جزاكى الله خير يا مللت الصمت وفعلا الكلمة دى حلوة اوى وانا بقرءها بجد حسيت بيها اوى ..

Nermien Hani said...

انت عارف اني عملت بلوج بالعربي مخصوص عشان الموضوع ده!! بس لما افضاله في الاجازة ان شاء الله

و شكرا محمد على عرضك المساعدة ان شاء الله اكيد هحتاجك

Anonymous said...

بإذن الله