Sunday, May 20, 2007

ارهاب ارهاب فى كل مكان



تتوالى سخافات رسام الكاريكاتير هذا بالاهرام

اخر شطحاته تظهر الطفل البرىء يسأل جده المسلم الملتحى صاحب الزبيبة ضارب البوز المتين

قولى يا جدو هو احنا اعلنا الحرب على العالم ولا ايه

الله اكبر بوم الشيشان
الله اكبر بوم العراق
الله اكبر بوم دارفور
الله اكبر بوم مصر

مما يدفعك للتأمل فى وحشية المسلمين فى الشيشان حينما هاجموا روسيا مستغلين ضعف قوتها و صغر مساحتها
و همجية المسلمين الذين تركو دارهم و ذهبوا للامريكان فى العراق لقتالهم
و ارهاب المسلمين فى مصر .. حيث يحاربون القيم العلمانية الاصيلة فيغلقون المساجد و يعتقلون الملتحين و خطباء المساجد و يضربون بكلمة القاضى عرض الحائط
و اضطهاد المسلمين للمسيحين فى الفلبين
و .. و ..
و لا مانع من الخلط بين عمليات فردية فى لندن او مدريد مع مقاومى الشيشان فى الزحمة ماحدش واخد باله

كنت اتمنى ان يصل الارهاب الاسلامى لدرجة منع هذا الشخص من نشر مثل هذا الكاريكاتير المهين


كش ملك

19 comments:

Anonymous said...

اساسا الاهرام دي توجهها نصراني بحت وانت زعلان من ده في 1/5/1980 رسم واحد في الاهرام رب العزة في كاريكتير نقله عن جريدة اجنبية شوفت المصيبة المشكلة ان يحببك الله فيه وفي رسوله وكل مايقربك لله وللرسول(صلي الله عليه وسلم)
في مرة واحد صاحبي كان معايا في اعدادي وكنت انا وهو خاربين الدنيا فبالصدفة وقعت نمرته معايا الكلام ده من سنة وشوية فكنت متخيل انه هيفرح اننا كلمنا بعض المهم الواحد وقتها كان اتغير وكان هو هدانا وهداه الله زي ماهو فوجد ان اسلوب كلامي اتغير وكده فقالي اياك تكون بقيت سني (انا ماكنتش مربي دقني ولاحاجة)
فقلت له بتقول الكلمة دي ليه قال اصل انا اكثر حاجة اكرهها في حياتي السنية ويقصد الملتحيين0
المهم في مرة كنت عند دكتور راغب في الطالبية وبحكيله عن الموقف ده قالي كلمة غريبة>>هومش هيقلك انه بيكره سنة رسول الله(صلي الله عليه وسلم
هوبس غير رايه بدل ميقلك كده بقي يكره كل من يتشابه بالنبي(صلي الله عليه وسلم)0
اخوك في الله عز

mohamed said...

والله يا عز الغلط مش فيهم الغلط فى المتخلفين اللى بيسموا نفسهم صحفيين


عارف بيفكرنى بى ايه الموقف ده


ذى وزير الثقافة ب الظبط تخيل وزير ثقافة يخرج يقولك ان الحجاب مش فرض


ياريت تكونوا فهمتونى

مللت الصمت said...

انا الحقيقه بحس انه اهدار لوقتى ولجهدى انى اقرأ جرنانا الاهرام.......ة كمان بحس انه استخفاف لعقلى.....


بس يعنى هى امريكا ولا اسرائيل هتجيبه من بره.....

بماان ده حال الصحفيين "الشرفاء" المصريين,يبقى امريكا هتعمل فيينا ايه؟؟؟؟

Neo said...

حد قاللك تقرأ الأهرام ماهو انت اللي جبتو لنفسك!!! يابني ده جرنال تعبان اصلا

و على فكرة كلام محمد و مللت الصمت صح جدااااااااااااا

بن توفيق said...

مش فى الاهرام .. يبقى عادى

اصل الاهرام من الصحف القومية .. فعادى

حسبى الله ونعم الوكيل

Arabian GiRl said...

كنت بتكلم واحدة بتكتب فى الاهرام..بتقولى ان فى كلام بيجلهم من فوق اوى

طيب ونستغرب ليه مدى صحيفة قومية !!

وضـّاح said...

ممكن تسمح لواحد يطلع على سطح بيتك أو في شباكك ويشتم فيك ؟؟

طبعا الحكومة اغتصبت البلد فعمرها ما هتقول كلام مش كويس على نفسها في جرايدها

الحاجة التانية إنها لو لم تهاجم الإسلام والسنية فهي مجبرة على اتباعهم

هي خطة مرسومة من الشريف وأمريكا

حسبي الله ونعم الوكيل

يعقــــوب .... said...

hehehehehehehehhe :)

Anonymous said...

العيب ان جيه من اهل العيب مايبقاش عيب

Anonymous said...

كلب من الكلاب اللى بتعوى ولو بحثت عن حجر لكل كلب بيعوى الصخر هيبقى بفلوس
وحسبنا الله ونعم الوكيل
(ولا تحسبن الله غافلا عما يعمل الظالمون انما يؤخرهم ليوم تشخص فيه الابصار )صدق الله العظيم

منة الله said...

سبحان الله القران دائما كان بيحذر الرسول و المؤمنين من المنافقين

لانهم فعلا اشد خطرا من الكفار انفسهم

مش بنتهم حد في دينه و لا حاجة

بس الشاهد ان الضربة لما بتبقى من الاصدقاء بتبقى وحشة اوي

Anonymous said...
This comment has been removed by a blog administrator.
cleopatra said...

سبحان الله ..


ربنا يرحمنا برحمتو ...

§a§a said...

))0

mohamed said...

والله يا خطاب حرام الفلوس اللى بتدفعها فى الاهرام العقيم ده

صوت عصفورة said...

انا فعلا شفت هذا الكاركاتير الغريب ده في الأهرام و ظللت فترة كبيرة اتأمله و احاول افهم المعنى الذي يريد ايصاله ، و بعد كده فضلت ابحث يمكن يكون مكتوب انه نقلا عن جريدة اسرائيلية مثلا او امريكية ملقتش حاجة ، فقلت يمكن انا اللي مش فاهمة اصلا و الشكل يحمل معنى تجريدي اكبر من مستوى فهمي .. و كان التساؤل الأخير ... منين مع مين على مين ؟؟؟؟؟
حسبنا الله و نعم الوكيل

DR_NIGHTWING said...

سيبكم من ان توجه الاهرام نصراني . . لان ده مش موضوعنا. . بس الراجل ده فعلاً مستفزو برضه كان عامل كاريكاتير تاني بيتتريق فيه على الشيوخ

لا بجد فعلاً راجل مستفز

د/عصام عبد الوهاب said...
This comment has been removed by the author.
د/عصام عبد الوهاب said...

انا لم اقرأ الاهرام منذ زمن طويل لانها اعلام موجه