Tuesday, May 29, 2007

لا تسألنى من انا


لا تسألنى من انا فأنا لا اعرف من انا ..


سألنى كثيرا من انت فلم استطع ان اقول من انا ..


جلست منفردا لكى اعرف من انا ..


ولكنى وجدت نفسى غريبا جئت من مكان لا اعرفه


سألتها من انتى ولماذا تفعلين هكذا ..


فلم استطع ان اعرف الاجابة ..


سالتها لماذا تطرحين هذا السؤال ..


فلم تجوبنى ..


نظرت اليها لكى اعرف من انا .. ولكنها خفت فلم تنظر اللى ..


لم اعرف من انا ولكنى اعرف انى انا لست انا من يرى انه انا ..


فلو لم اعرف من انا .. فلا اريد انا اكون انا .. حتى لا أكون جاهل بى انا


فنمت طويلا حتى لا اتذكر من انا ..


ولكنى لم استطع ان انام بسبب هذا السؤال .. من انا


تحدثت معها مره اخرى .



من انتى ..


فلم تجوبنى ..


قولت : لماذا تفعلين هكذا بى


فبكيت ..


ومن شدة البكاء نمت ..


فحلمت .. نعم حلمت بأقدام كبيرة ..


تجرى هنا وهناك ..


اقدام كادت ان تقترب منى وتقتلنى ..


وكنت انا صغيرا جدا .


وفى هذا الحلم البسيط


الذى لا يتعدى الفيمتوثوانى


علمت من انا


فبدئت تقترب منى لكى تقول لى من انا ..


فطلبت منى ان اكتب هذا ..


فجئت ب القلم والورقه..


فقالت .


اكتب هنا من انت ..


وعندما امسكت القلم والورقة وبدءت اكتب ..


فعرفت من انا



ولكن لا تسألنى ماذا كتبت


لإنى سوف اقول لك


اكتب لكى تعرف ماذا كتبت


اكتب لكى تعرف من انت ..

17 comments:

Anonymous said...

انت في ناس زيك مروا بالمرحلة دي كثير بس الحل انك تتغطي كويس وتقفل المروحة قبل ماتناموان منفعش ده تروح الاحوال المدنية يطلعولك بطاقة شخصية0
عز

Neo said...

انا اول ماقريت الكلام ده افتكرت خطاب هو اللي كاتبه بس لقيتك انت اللي كاتبه قلت خير بقى عندنا اتنين فلاسفة بس تعرف بجد كلامك ليه معنى و معنى كبير كمان

كلامك عبر عني

فلسطينية الهوى said...

يارب كل اللي مش لاقي الأنا بتاعته

يلاقيها


موضوع جميل

وفي رأي يعكس فكر وحيرة ناس كتير

Anonymous said...

الله.. جميله يا جماعة التدوينة دي اوي ..افتكرت مقولة لاينشتاين بتول يستطيع الانسان ان يعيش عندما يعيش خارج نفسة

بالتوفيق
شاهين

Anonymous said...

1-الارتباط بالله عز وجل في كل امورك ولو كانت دقيقة0
2-قل لنفسك انا فلان بعمل في كذا 0
3-تحديد قدرايك وامكانياتك سواء كانت مادية اواجتماعية او تعليميةاو ثقافية000الخ0
4-تعرف علي اشخاص يساعدوك علي اخراج تلك الامكانيات0
5-رتب اولويتك في اهدافك لان ذلك سوف يعينك علي النجاح وبالتالي الثقة في نفسك وبالتالي معرفة من انت0
5-حاول التواجد في اماكن تعرفت او وجدت فيها نفسك0
كل هذا لعله يكون سببا لمعرفة نفسك ومعرفة من انت0

خطــاب said...

اتمنى الا تطول مرحلة من أنا هذه

فالانسان المسلم المفروض عارف طريقه ةو هدفه

و ان كان من الطبيعى المرور بفترات محاسبة و اعادة نظر

omar مشروع بطل said...

من انا؟؟؟
المشكلة ان فيه كتير مش بيعرفوا يجاوبوا على السؤال ده
المشكلة الاكبر بقى فى اللى ماسالش نفسه السؤال ده اصلا

بالله المستعان said...

تدوينه رائعة محمد

ولن اسالك من انت!!!
ولكن سأسالك من هي؟؟

من تلك التي استفزت مشاعرك لهذه الدرجة!!!

اهي الكتابة ام الفكرة ام الرؤية
ام لعلها الحبية
التي تدفع حبيبها الي معرفة ذاته؟؟؟

لا تقل لنا
اكتبوا من انتم
ولكن قل ابحث عنها
هي
عن تلك القيمة التي تجعل منك
شخصا مختلف

omar مشروع بطل said...

أنا باستاذنك يا "محمد " و "خطاب" فى حاجتين :
1-انى احط اسم البلوج بتاعكم فى "حاجات بدخل عليها" عندى فى مودنتى

2- وانى اسرق منكم فكرة الاناشيد و الصورة كمان (شفت البجاحة)

طبعا انتوا موافقين ولو مش موافقين
مش مهم برضه هاحطهم

N.B
يفضل الرد فى مدونتى حتى أقرا الرد سريعا

Anonymous said...

ماشاء الله

تدوينة مميزة

كما يقولون نصف المشكلة معرفة الحل

والمشكلة الان ان نعرف من نحن

بقى الجواب

اخى الكريم ...كلنا نمر بهذه اللحظات

ولكن الاهم الا تمر مر الكرام

تمر وننزعج منها ...نعم

ولكن نخرج منها اقوى واشد عودا

انا فى هذه المرحلة حاليا

لكن باذن الله الامل موجود

........

أروى الطويل said...

جميل جدا
حلوة أوي التدوينة دي
سؤال معلش
هيا الافنية التانيه اسمها ايه ؟؟
بتاعة ميين ؟؟
والاغنية الاولي دي اسلامية ولا مش ؟؟
معلش غلاسة يعني عاوزة اعرف بس :D

Neo said...

بيتهيألي محمد بيقصد بسؤاله لنفسه عن نفسه (أو عالأقل ده اللي أنا فهمته) إنه يسأل من أنا في هذه الحياة؟
يعني انا جيت هنا ليه؟ عشان أعمل ايه؟ طب هدفي ايه؟ طب الهدف ده كفايه؟ طب انا بحققه ولا هو بعيد؟ طب انا مقتنع بنفسي و بحياتي ولا لأ؟ وأنا بقوللك لأ... محدش بيقتنع بنفسه و بحياته عشان لو رضيت أوي عن نفسك تبقى وصلت للغرور عشان مفيش حد كامل مش معنى كده إن الرضا يبقى مش موجود لأ الرضا بالمقسوم مطلوب بس السعي للأحن مطلوب بردو

المشكلة هي إن الواحد عارف و متأكد إنه أكيد مخلوق لسبب عشان يعمل حاجة, بس إيه هي الحاجة دي؟!!! هي دي المشكلة......في وسط الزحمة اللي احنا فيها دي الواحد مش عارف يعمل ايه ولا إيه؟!!!!!!!! مشكلة بس في نفس الوقت عايز تصلح الكون وده مستحيل طبعا, بس تقول لمين ده انت بتعرف ده في نوبات العقل بس اللي بتنزل علينا احيانا أو عالأقل بتكلم عن نفسي, بس ترجع تاني بعد ما تحدد هدف وتقول لأ مش كفاية عشان احنا عايزين نصلح الكون, وترجع تفكر تاني لحد ماتتعب من التفكير و متوصلش لحاجة بردو, مشكلة!!!!!! بس نعمل ايه؟ طبيعة البشر, المهم في ناس بتهرب من كده انها تبقى تافهة بس بردو في ناس مش بيعرفوا يبقوا تافهين,هممممممم, هو في إيه؟! حد فاهم حاجة؟ لأ, ولا أنا لو حد فهم ياريت يفهمني

مشكلة لما الواحد مايفهمش نفسه ولما يحس انه اصغر من اللي حواليه مش بزنبه بس هو اتولد كده اتولد صغير عشان اللي قبله هما اللي ضيعونا و صغرونا اوي عشانم نبقى اقزام في وصت جزم الغير زي ما الصورة مصوره تمام هو ده حال أمة المسلمين

Dr_Moslim said...

والله يا محمد بجد
انا كنت محتاج الكلمتين دول دلوقتي ، لأني كنت بمر بحالة صعبة جدا
ومش عارف بجد انا مين وعايز ايه
بس الواحد لا يفقد الأمل
أذكر أن رسول الله زار أحد أصحابه وهو يحتضر
فقال له كيف تجدك (( قال له خائف من عذاب الله لكني أرجوه ))فقال له الحبيب ما اجتمعا في قلب عبد مؤمن إلا أدخلاه الجنة ....أو كما قال صلي الله عليه وسلم
يبقي أجيبلكم السند بتاعه
بس بجد يا محمد هي صحت في حاجات كتير ، وخلتني اقعد أقول من أناااااااااااا
بس مش هقول من أنت ؟؟؟؟؟؟
وبعدين انت مش قلت هتكلمني .......
Iam Waiting

خطــاب said...

اهلا بيكى يا اروى

مش عارف لو قصدك على الحاجات الى فى
km player

عامة لو هما .. اول اغنية دى اغنية الوداع بتاع الدفعة بتاعتى و دا لنك للبوست الخاص بيها
http://kishmalik.blogspot.com/2007/05/blog-post_09.html

تانى نشيد بقى بيغينه اطفال من فلسطين
و كنت عملت ليه بوست برضه
http://kishmalik.blogspot.com/2007/05/blog-post_20.html

cleopatra said...

من أنا ... سؤال صعب للغايه

والاجابه عليه .. لا يمكن أن تكون مباحه للجميع .. ولكن يعرفها 5 او 6 علي الأكثر ..

mohamed said...

اولا انا بتأسف اوى اوى على التأخير فى الرد وعشان الامتحانات ..

اولا انا بشكر كل من اهتم بالرد عليا وجزاكم الله خير..

انا شايف ان نيو ردت على كل اللى انا كنت عاوز اقولة واوضحة


بس الحمد لله


المهم يا مشروع بطل اعمل اللى انت عاوزة وخد اللى انت عاوزة وانا عارف انها جت متأخرة


جزاكم الله خير

وانا اسف مرة اخرى

star said...

حقيقى حلوه كلها بس بالذات

اكتب لكى تعرف ماذا كتبت

اكتب لكى تعرف من انت