Sunday, April 15, 2007

دا شعب عبيط يا عم


خبر مضحك جدا وقعت عليه عينى اليوم بالاهرام
لاحظ مدى الاستخفاف بعقولنا
و شر البلية ما يضحك


اضغط على الصورة للتكبير


كيف يمكن لثلاثة اشخاص اصلا تناول هذا الكميات من الطعام فى وجبة واحدة ؟؟
اعتقد انه لو صح هذا لامكننا ضمان مساحة جيدة بموسوعة جينيس
ثم انهم يطلقون على جماعة الاخوان بأنها محظورة فلماذا يفترضون الان ان افرادها تبحث عن الدواء و رئيسها يبذر الاموال
اليس من الاحرى ان تبحث عن المسؤلين اصحاب الارصدة المليونية فى بلد اغلب سكانها تحت خط الفقر ؟؟
ثم ان هذا الرجل الذى يدعون انه لا يأبه لاخوانه المعتقلين قضى هو نفسه ما يربو عن 20 عاما وراء القضبان.
قد يكون تعليقتى زائدا و الصورة وحدها تكفى
و لكننا مللنا من تلك الطرق السخيفة للتعامل مع عقول المصريين



9 comments:

السكندرى said...

السلام عليكم ورحمة الله

على فكرة كل اللى بيعملوه ده ما عادش بيدخل على الشعب
يعنى الشعب مش شعب أهبل زى ما بيتخيلوا

وعلى فكرة هذه الحملة لتشويه الإخوان كانت ممكن تنجح زمان لما كان الناس مخدوعين فيهم ومش عارفينهم على حقيقتهم

أما الأن فالنظام أتضح قبحه وفساده لكل الناس سواء المتعلم أو الجاهل الغنى أو الفقير

وعلى فكره الإخوان ما بيزعلوش من اللى بيتقال ده
لأن إحنا مش حنكون أفضل من النبى صلى الله عليه وسلم

اللى قالوا عليه مجنون وقالوا عليه شاعر

معنى كلامى إن دى سنه إلاهيه
صاحب االحق لازم يسب ويؤذى

وطبعا ده بيبقى إبتلاء كما قال المولى عز وجل

أحسب الناس أن يتركوا أن يقولوا آمنا وهم لا يفتنون

صدق الله العظيم

على فكرة نورت مدونتى وبنرحب بيك فيها دائما

أبو حنين السكندرى

Anonymous said...

أولا بس كنت عاوز اؤلك حاجة...يا ابني الواحد فينا نظره راح من الشغل و الكومبيوتر.الواحد مش شايف حاجة من الصورة بتاعت الجرنال سواء كبرتها و لا عملن ايه...مش ناقصة الحبة الموجودين يروحوا هما كمان...اما بخصوص الخبر طب ما ده عادي مش جديد عليهم..ده مرة قالوا عليه انه معلم ولاده احسن تعليم....مكنتش اعرف ان ده جريمة..معندوش حق برضه يعلمهم..ده اسراف

Rehab Saber said...

!!يا سلام

كان فى احدى خطابات الريس كان بيقول مش لازم الشعب ياْكل كل يوم كفيار


بس على فكرةالشعب بدء يبقى عنده وعى كامل ولما بنقرء حاجة زى دى بتبقى نكتة بالنسبة لبعضنا

sharkawoo said...

مش عارف الموضوع كبير....

3 أكله كل دا ؟؟؟

طيب يا تري الريس علي كدا بياكل كاااااااااااااااام


مش عارف متابعين أوي الراجل ومشيين وراه ... طيب ما تشوفوا محافظ المنوفية إلي جاب طق اكل ب 35 الف جنيه لريس مبارك عشان زيارة واحدة....


لا تعلييييييييييييق

مشروع انسان said...

دع الكلاب تنبح القافلة تسير

محمود سعيد said...

:-D
الله يسامحك ضحكتنى وأنا مش عاوز أضحك

لأ وإيه مزعلهم المعتقلين هه ههههههههههههههههههه

خطــاب said...

ابا حنين
ربنا يكرمك انت الى منور المدونة

يعقوب
عذرا .. للجودة الرديئة بس مقدرتش اعمل احسن من كدة

اريبين
ايه الكافيار دا

شرقاوى
35 الف بس ؟؟
ايه البخل دا

امام الجيل
و الله مبدأ بينفع كثيرا

محمود سعيد
ضحكنى انا برضه المقال دا
فقلت نضحك الناس معانا

كش ملك said...

يسلام وهما متعبين نفسهم اوى .. وفيها اية يعنى لما ياكل سمك ..

والله موتنى من الضحك .. افتكرت مرة الريس طلع فى التليفزيون وقال انة باكل كل يوم فول .. كل يوم ..

وانا اراهن انة اصلا مشفش شكل الفول فى حيانتة اصلا..

Anonymous said...

انتوا مزعلين نفسكوا ليه؟
شعب عبيط مش عبيط مش هي دي المشكلة
في كلتا الحالتين ده شعب ساكت
و حلو مبدأ الكلاب تعوي و القافلة تسير ده بجد ده زي مبدأ اللي يتكلم يتكلم و اللي يقول يقول هو الكلام عليه جمرك!!!!! هو ده الشعب المصري و اللي بيقول الشعب مش اهبل بقوله ماتبصش على نفسك انت عندك 40% من الشعب جاهل و امي و قول قدهم اميين متعلمين من بتوع مبدأ واحنا هنعرف اكتر من الحكومة!!!!

يعني ضايعين ضايعين لا مفر

حزبي الله و نعم الوكيل