Monday, July 2, 2007

فكرت تعمل دماااااااغ قبل كدة



فى يوم كنت مخنوق اوى ففكرت انى انزل الشارع وامشى مع نفسى..


فكنت اتأمل فى وشوش الناس .. والله لقييت الموضوع مسلى اوى ..


واحد واقف مع خطيبتة عند قفص الاسود وبيقولها .. بصى اهو ده بقه اسد..


شاعرا بأنه الهمها كل المعلومات الموجودة فى العالم والمعرفة المطلقة واسرار الكون.


او اثنين ماشيين مع بعض وهما كبار فى السن على الكورنيش وضربين الدنيا جزمة ولو سئلتهم انتم فرحنين هيقولولك طبعا .. شايفين ان دى الحرية من وجهه نظرهم ..


وواحد مخنوق من الدنيا وبيتمنى ان ربنا يموتة.. بسبب همومها وهمومة ومشاكل


وبناااات كتير بعد ميخرجوا من المدرسة يبدء الصوت العالى والالفاظ التى ليس لها معنى فى القاموس ..


وبنت غريبة الاطوار هتلاقيها لابسه غريب اوى وبتركب المترو مع الرجالة وحشرة نفسها معاهم ..


او هتلاقي واحدة تخيييينة اوى اوى سايبة عربية البنات وبتركب مع الرجالة ولو سألتها انتى ليه بتركبى مع الرجالة هتقولك عادى عصر الانفصال انتهى ودلوقتى المساواة هى المسيطرة ..



او لو غلط ومشيت فى مكان شبه ظلام.. ولقيت واحد قاعد مع واحدة وفكرت بس.. فكرت... انك عاوز تنصحهم وتقولهم ان ده غلط..


هتلاقى اول رد انها خطيبتى .. يعنى هى لو خطيبتك تعمل فيها كدة ..



ولو فكرت انك تمشى ب القرب من جامع ولا حاجة هتلاقى الناس جوه بتتخانق على فرع وسيبين الاساسيات ..



وحجات زى دى كتييييييير اوى ..
بس هل الناس كلها كدة
ولا فى حجات تانية ..
المهم ان الموضوع بقه مسلى اوى وتقلب من الحزن لأبتسامة خفيفة على وشى
فكرت تجربها؟؟؟؟؟؟؟؟

16 comments:

cleopatra said...

al salamoo 3alaikom .. ezaiak ya m7amad

e7na me7tageen ketir awe 3alashan natatawar .. begad el sha3b el gamil dah na2soo 7agat ketir

we lamma haibattal kol el 7agat dih ( elli bete7sal fi el masjed .. we elli beie7sal fi el share3 ) begad haneb2aa a7la nas fi el donia

post gamel ... we momaiaz awe

Monzer said...

أنا مرة عملت كده
رجعت مخنوق أكتر
لأنى شفت أطفال شوارع وشحاتين وبلطجية، وغلاسة ع الطريق الى يكسر ع التانى والى ييقف فجأة ، توتر يعنى
شفت غلاسة
ممكن أكون اتمشيت فى مكان غلط
بس هاجرب أتمشى ع الكورنيش
تحيات واحترامى

Alaa said...

أنا اول واحد في مصر على فكرة كتب عن طريقة عمل دماااغ ناس
:)

عايز اشوووفك يا عمنا
وحشتني يا سيدي
:)

احمد الجيزاوى said...

بصراحه انا مرة عملت كدة كنت هجنن سبحان الله الذى خلق كل هولاء الناس وكل هولاء الذين يدبر لهم امرهم
فعلا صبحنا الله

بن توفيق said...

ايه يا عم كمية الكآبة اللى انت شايلها دى

انت كده عامل دماغ ولا عامل مصايب

ربنا ييسر .. اعزمنى انت بس على خروجه .. وانا افرفشك

Anonymous said...

بسم الله الرحمن الرحيم
دعوة إلى الانضمام إلى مجموعة المدونين الإسلاميين على الياهو
{قُلْ هَـذِهِ سَبِيلِي أَدْعُو إِلَى اللّهِ عَلَى بَصِيرَةٍ أَنَاْ وَمَنِ اتَّبَعَنِي وَسُبْحَانَ اللّهِ وَمَا أَنَاْ مِنَ الْمُشْرِكِينَ }يوسف108
تهدف هذه المجموعة البريدية إلى :
1- الترابط بين المدونين الإسلاميين و زيادة الثراء الفكري.
{وَاصْبِرْ نَفْسَكَ مَعَ الَّذِينَ يَدْعُونَ رَبَّهُم بِالْغَدَاةِ وَالْعَشِيِّ يُرِيدُونَ وَجْهَهُ وَلَا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا وَلَا تُطِعْ مَنْ أَغْفَلْنَا قَلْبَهُ عَن ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطاً }الكهف28
2- أن تكون هذه المجموعة هي نواة إعلام إسلامي قوي يعرف الناس بعراقة أصولهم و ذخره و زرع ذلك في نقوسهم.
{وَمَنْ أَحْسَنُ قَوْلاً مِّمَّن دَعَا إِلَى اللَّهِ وَعَمِلَ صَالِحاً وَقَالَ إِنَّنِي مِنَ الْمُسْلِمِينَ }فصلت33
3- مكافحة الإعلام العلماني السلولي و التخريبي من قبل الطابور الخامس الممسوخ.
{يَا أَيُّهَا النَّبِيُّ جَاهِدِ الْكُفَّارَ وَالْمُنَافِقِينَ وَاغْلُظْ عَلَيْهِمْ وَمَأْوَاهُمْ جَهَنَّمُ وَبِئْسَ الْمَصِيرُ }التوبة73
http://groups.yahoo.com/group/is_blog/

عمر عاشق القرآن said...

انا على كده بعمل دماغ كتيييييير

اصل هى عادتى انى ابص للناس وافكر فى اللى هما بيعملوه و احيانا بتخيل قصتهم كمان .. بس مش ببقى فرحان اوى بالعكس ممكن احزن

يعنى اطلع عامل دماغ حزن جامدة اوى

محمود الدوح said...

فكرة دماغ جديدة خالص
بس اظن ان الناس كلها جربتها
على العموم فى هدات كتير بتتعدل من اى حاجة
اهو دماغ والسلام

فوضى منظمة said...

أنا على فكرة مبحبش أعمل كده خالص ..بحس اني بحكم على الناس من غير مبخش جواهم..بس في الاخر ساعات بعمل كده غصب عني لان بيبقى في مواقف فعلا تغيظ..انت واحشني اوي يا خطاب على فكره

FloNa said...

عجبني اوي الموضوع ده عشان انا بجد بحب جدا اعد اتفرج على الناس كدة في الشارع ...

بغض النظر عن الحاجات الوحشة اللي بنشوفها ..

بس بجد اعد بص على عامل يا عيني كدحان طول النهار وتعبان عشان ياكل عياله


اعد بص على ست كبيرة كدة وابنها جنبها ساندها وهم ماشيين


اعد بص على شلة بنات مع بعض ماشيين رايحين الكورس وعنيهم ماليانة جدية :)



طب والله حتحس بنعمة كدة ان احنا انسان لينا مشاعر وفيه الفة ما بينا :)

Nermien Hani said...

انا في الغالب والحمد لله دي نعمة مبخدش بالي من حاجة في الطريق خااااااااااااااااااالص

يعني نمشي قد مانمشي مع صحابي مع قرايبى و نرجع يحكوا حاجات عجيبة شفتوها فين دي يا جماعة؟ يقولوا واحنا ماشين انتي كنتي نايمة يا بنتي؟

كده احسن عشان مايجيليش اكتئاب

عشان انا لو شفت حد بيرمي ورقة في الشارع هكتئب

معلمة صحابي الادب مبيقدروش يعملوا كده قدامي

بس في حاجات بقى تلاقي نفسك بتشوفها غصب عنك

يعني موقف بايخ حصل معاك او مع صحابك وانت ماشي

او تلاقي صاحبتي تضرب في كتفي وتقوللي شوفي كده يعني

فبشوف بردو بس بحاول ماشوفش عشان مازعلش على حاجة ما باليد حيلة مش هعرف اعمل فيها حاجة

يعني بمعنى اصح بحاول اتغاضى عن سبب من مسببات الاكتئاب الكتييييييييييييييييييييييير اللي حوالينا

مش ناقصة يعني

Anonymous said...

الموضوع اللي انت بتحكي فيه تلخيصه هم يبكي وهم يضحك0
المشهد واحد جالس مع واحدة بس في قعدة غلط حبتين تلاتة
الاخ:لوسمحت استاذن حضرتك كلمة علي جنب
الشاب باندهاش وقرف:نعم فيه حاجة
الاخ :انا اخوك في الله فلان في كلية كذا وحضرتك0
الشاب:فلان وفي كلية كذا في حاجة0
الاخ:(وبدا الوعظ والنصيحة لله)0
الشاب:انت كلامك كويس بس انت تعرف دي مين؟؟؟؟؟؟؟؟؟؟؟؟
الاخ :مين
الشاب: دي خطيبتي
بعد كده الاخ ينكسف ويسكت ويمشي0
علي فكرة كلمة دي خطيبتي دي بتنرفزني جدا دي لومراته مينفعش يقعد معاها كده(في الشارع طبعا)0
وبعدين يعني ايه دي خطيبتي ياستاذ انا مش فاهم الصراحة تقربلك ايه خطيبتك عشان تقعد معاها كده0
ولامؤاخذة يبقوا قاعدين قعدة غريبة
1-لوبوكس عدي ممكن يلمهم
2-خطيبته لاتحل له شرعا
3-البنت اللي معاه دي المفروض ميبهدلهاش كده عيب دي برضه هاتبقي ام عياله0
4-لوافترضنا جدلا انها مراته الحاجات دي مش في الشارع كده قدام اللي رايح واللي جي الحاجات دي في البيوت مش قدام الناس0
ملحوظة(الكلاب والقطط هما بس اللي ميخدوش في بالهم في ناس ولامفيش ناس)0
معلش خنقت عليك يا صاحبي عشان الحكاية دي بتخنقني جدا في الجامعة وفي غير الجامعة0
عز

Anonymous said...

اسف الحكاية دي بتخنقني وبتضحكني ردود الناس جدا انا اسف0
عز

Anonymous said...

افتكرت موقف لما قريت اهو ده بقى اسد كنت قبل كده ماشيه فى الشارع وولد وبنت ماشيين ورايا وكنت راميه ودن معاهم فسمعت البنت بتقول للولد تصدق انا مكنتش اعرف الفرخه بتولد ولا بتبيض فالولد قالها ياااااه معقول بتبيض طبعا
والله حسيت ان الضغط على وكنت شبه مشلوله الحمد لله ماخدتنيش الجلاله وحشرت نفسى فى الحوار ...يعنى البنت هبله ماشى ده الطبيعى اليومين دول يبقى الولد كمان اهبل ؟؟؟؟
سبحان الله

رضوى said...

فكرة حلوة بجد

انا بقيت بحس ان الحاجات اللى بيكتشفها الانسان فى الدنيا وهو مضايق بالذات بتكون اكتر حاجات صح

حتى لو بعد كده حس انها مش ذات قيمة

فرج الله همكم

طبيب مسلم said...

تصدق بالله يا محمد
انا لما ببص في وجوه الناس الغلابة وبلاقي الراجل بيسعي علشان لقمة العيش
وانت لو بتروح المستشفي هتعيط
والله كنت مرة رايح صيدناوي لقيت بنت رجليها تعبانة وأبوها قاعد جنبها عمال يعيط
الموقف ده عمر ما هنسااااااه
ولما بشوف كده
بيبقي هواي أخد الناس في حضني وأطبطب عليهم وأقلوهم غن نصر الله لأت
واصبروا
بجد بتعب نفسيا
ربنا يسترها علينا