الكاميرا المخفية ..

بابرباربابا.... بببربابابا..

(عاوز تزيع قول زيع مش عاوز هنزيع برضة )

كل واحد مننا لازم تكون هناك كاميرا بترقبة .. حتى لو كان مبيعملش حاجة ..

فى يوم الأربع الماضى .. كانت هناك حفلة تخرج دفعة رابعة من طلاب الإخوان المسلمين ..

انا فى الحفلة دى مكنش لية دور خالص .. ألا إنى أشوف برامج الحفلة ذى أى واحد عادى ..

المهم روحت الحفلة وحضرتها زى أى طالب سواء كان من طلاب الإخوان أو كان طالب عادى ..

وتفاجأت بعد كدة ..

يوم الثلاثاء الماضى .. قابلت أخويا الريدى ..

المهم لقيت فى أيدة ورقة فخطفطها منه علشان أشوفها ..

المهم قالى متفتحاش يا محمد .. قولتلة لية ياريدى .. قالى كدة بعد إذنك ..

قولتلة ماشى يا عم خد خلاص مش هشوفها ..

المهم سلم على بطريقة وحشة .. طبعا أنا كنت مخنوق أوى بسبب كدة ..

المهم وانا واقف معاة كان كل ميمر علينا واحد من الإخوة يقولة إنتا عندك تحقيق ..

وأنا زعلان أوى على الإخوة ألى عندهم تحقيق ..

المهم كان فى بعض الإخوة مكنوش موجودين أصلا فى اليوم دة وميعرفوش أزاى عندهم تحقيق ..

المهم إتخنقت.. فقولتلة أنا مروح البيت ..

قالى طيب بس متنساش معادنا يوم الأحد ..

قولتلة لية .. قالى عندك تحقيق يا نجم ..طبعا أنا أستغربت أوى .. فقولتلة هو انا عملت حاجة عشان يجيلى تحقيق ..

قولت يلا الحمد لله ..

بس دى الحكاية ..

أدعولى أوى .. علشان دى أول مرة يكون عندى فيها تحقيق ..

على فكرة الجارحى عندة تحقيق صاحب مدونة أيام من حياتى .. وعمر جمال صاحب مدونة سلامتك يا دماغى ..

وإبن توفيق صاحب مدونة هتكلم وهقول ..

والريدى الرأس الكبيرة عندة أيضا تحقيق.. بس هو يستاهل علشان هو بلطجى وبيضرب المخبريين ..

أدعولنا بقة يا جماعة ربنا يستر ..

..

ممنوع الدقن يا كابتن

يقول محمد : هى الدقن بدعة صح ؟؟

**************

يقول محمد : ذهبت الى معهد القوات المسلحة للغات لدفع مصاريف كورس اللغة الانجليزية.. اتجهت الى البوابة فاذا بالجندى على الباب يمنعنى من الدخول ..
الجندى : رايح فين
محمد: داخل ادفع فلوس الكورس
الجندى: مينفعش
محمد: هو ايه الى مينفعش ؟؟ ليه ان شاء الله
الجندى: لانك ملتحى و ممنوع يكون عندنا طلبة ملتحين
محمد: و الله ؟؟ طب هاتلى حد اكلمه
الجندى: تعال قابل العميد محمد
و هكذا اتجها لغرفة العميد محمد الذى لم يكن متواجدا فى ذلك الوقت و انتظره محمد ردحا من الزمن الا انه لم يأتى
تذكر محمد انه يعرف عميد يدعى اسامة بالمعهد فطلب كارت زيارة ليقابله و يتفاهم معه
و لكنه لم يجد العميد اسامة ايضا فعاد للأمن مرة اخرى
محمد : ملقيتوش برضه
الامن: بص انت تعمل الاتى :.. تروح الكافيتريا هتلاقى مكنة حلاقة خدها و شد دقنك
محمد: انت بتهرج ولا بتهزر ؟؟
الجندى: انا مش بهزر قبل الساعة 3 العصر
محمد: يا راجل ؟ طب انا هطلع استناه
الا ان مكان دفع المصاريف كان قريب من حجرة العميد اسامة فاتجه محمد الى هناك للدفع
محمد: عايز ادفع المصاريف
الموظفة: لا مينفعش
محمد: ليه يعنى
الموظفة: مينفعش الملتحين يدفعو الفلوس
محمد: ملتحى مين انا مش ملتحى دى موضة انا بقلد ريكى مارتن عارفاه ؟
الموظفة: اه اه طبعا .. هى از ماى فيفريت .. كوووووول فانكى جاى هيم
و هكذا تم دفع المصاريف بنجاح بعد ان اثبت محمد انه لا يتشبه بالرسول بل كان تشبهه بريكى مارتن المؤمن المجاهد
حقا انها دولة اسلامية ترعى قيم الدين الحنيف
بقى ان نذكر ان محمد لم يكن ملتحيا بشكل كامل بل ترك ذقنه لبضعة ايام فقط

و كش ملك

طبقا لأليكسا : المصريون تافهون

اكثر 100 موقع زيارة فى مصر

اذا طالعت اكثر 100 موقع نشاطا فى مصر على اليكسا يمكنك ملاحظة الاتى :

تصنيفهم كالتالى :

- 10 مواقع عالمية مثل : جوجل و msn و ياهو

- 5 مواقع للتعارف و الدردشة و لعل اشهرهم هو hi5

- 5 مواقع لرفع الملفات مثل rapidshare

- 12 موقع للاخبار عالمية و محلية كالمصرى اليوم و الجزيرة

- 4 منتديات و ابرزها dvd4arab

- 5 مواقع لتحميل البرامج كشبكة اقلاع سوفت

- 8 مواقع رياضية كلهم مواقع مخصصة لكرة القدم الا واحدا للمصارعة

- 5 مواقع اباحية

- 9 مواقع للاغانى

- 3 مواقع للاستضافة كجيران و بلوجر

- موقعي الفيديوهات الاشهر و هما youtube و metacafe

- 5 مواقع لشركات كاتصالات و لينك

- 6 مواقع عامة لم اجد لها تصنيفا محددا كمصراوى و مكتوب

- 5 مواقع اسلامية كموقع عمرو خالد و اخوان اونلاين و اسلام ويب

مع ملاحظة ان بعض المواقع لم اتمكن من تحديد ماهيتها بدقة

من النتائج السابقة يلاحظ ان النسبة الاكبر هى للمواقع الاخبارية و هو ما يبرز دور الانترنت كأداة اعلامية هامة خاصة فى ظل الرقابة على الفضائيات و الصحف الحكومية .

نسبة كبيرة جدا لمواقع الكرة و الاغانى تصل لما يقرب من 15 % من الاجمالى .

نسبة ضئيلة للمواقع الاسلامية بالنسبة لنسب مواقع الاغانى و الكرة و المواقع الاباحية.

فى المركز السادس موقف للتعارف و فى المركز التاسع موقع للاغانى و فى المركز الخامس عشر موقع اباحى ..... و يطل علينا اول موقع اسلامى فى المركز ال 32

يظهر موقع اخوان اونلاين فى ال توب 100 بينما لا تزال الحكومة تعتبرها جماعة محظورة

الحقيقة ان هذه القائمة تعكس لنا سبب تأخرنا و تخلفنا .. شاهد بنفسك

اضغط هنا

و اننى اتسائل الى متى يحارب التطرف ولا يحارب الانحلال

كش ملك

ذكريات أليمة ...

بدء العد التنازلى لإمتحانات الثانوية العامة .. وما أدراك ما إمتحانات الثانوية العامة .. كنت فى الثانوية العامة أتمنى

كل التمنى ان أتركها وأذهب بعيدا .. أو انى أنجزها بحرارة شديدة .. كانت أيام لا يعلمها إلا الله .. فى ثانية ثانوى

بعد أن حددت لنفسى هدف إنى خلاص عاوز أطلع مهندس زى كل المهندسيين .. بس مكنتش أعرف ليية .. ذى

مكنت بقول زمان .. انا عاوز أطلع أية .. أطلع مهندس .. أو دكتور .. المهم جت الثانوية العامة .. وجاء وقت تحديد

الرغبات .. عاوز تدخل أدبى ولا علمى ... علمى طبعا .. طيب علمى علوم ولا رياضة .. رياضة طبعا .. طيب ..

كتبت الرغبات خلاص .. وبعدين بدء العام الدراسى حيث العلمى أى الرياضة والحسابات المطولة .. المهم البيت كلة

فى قلق .. سيبوا محمد يذاكر .. محدش يقرب منة .. سيبوة علشان يجيب تقدير كويس .. دة كان كلام بابا وماما .. لما

أختى كانت بترخم عليا زمان .. المهم بدءت الإمتحانات .. وبدء الدح على عينة .. بس متفتكروش أنى كنت بذاكر من

الأول لا والله .. محصل أبدا .. المهم دخلت الإمتحانات وكل مخلص إمتحان أرجع البيت ويسئلونى عملت أية .. أقول

لهم متخفوش الحمد لله 90 % وبابا يقولى ولية متجبش 100% ..

وانا أقول لة مش لدرجة دى يابابا .. أكيد فى ظلم فى التصحيح .. المهم خلَصت الإمتحانات .. وجت الأجازة..

قضيتها ب الطول والعرض .. وبعد مقربت النتيجة على الظهور .. بدء القلب ينفض من كتر الخوف .. المهم

ظهرت النتيجة .. هااا يا محمد عملت ايه ..

75% يابابا ..

ينهاااااااااااااااااااااار .. وبدء الزعيق والتهزيق والشتايم ..

منت حمار لو كنت بتذاكر مكنش حصل الكلام دة .. وتقلبت الأـجازة ..

وطبعا مرت الأجازة بسرعة .. وكالعادة حولت أدبى .. طبعا منا لازم أحول أدبى ..

المهم بدءت الدراسة فذكرت كويس .. ونفس الأسطوانة تانى سيبوا محمد يذاكر محدش يكلمة بس طبعا بزيادة بعض الجمل زى) دة جايب( 75 %

.. سيبوة يتنيل يذاكر ..المهم جاء وقت الإمتحانات ..

وكنت أخلص كل أمتحان وأروح البيت .. ويسألنى بابا .. عملت اية .. أقولة الحمد لله كويس 90% يقولى أة منا عارف ..

طبعا بكل تريقة .. المهم خلصت الإمتحانات .. وقضيت الأجازة ب الطول والعرض .. وظهرت النتيجة ..

وجبت النتيجة .. وروحت البيت .. وبابا سئلنى .. هااااااااااااااا ربنا يستر عملت اية..

94% يابابا..

قال لى شوفت بزعيق لو كنت ذكرت من الأول مش كنت دخلت كلية عدلة .. بدل منت هتدخل كليات الشعب .

طبعا مكنش فى فرحة على وجهه .. لإنة كان زعلان أوى ..

المهم انا كلمتة وقولتلة انا يابابا شايف نفسى فى كلية التجارة .. هطلع رجل أعمال قد الدنيا .. قالى يا عم أتنيل ..

زى الثانوية العامة كدة ..

المهم خلصت الثانوية العامة ودخلت كلية التجارة ..

كانت الثانوية العامة مصدر قلق فى بيتنا .. لدرجة ان كان بيمر عليا وقت ساعات أتمنى ان ربنا يخدنى وأخلص ..

بس يلا الحمد لله ..
خلصت الثانوية العامة بحلوها ومرها ..

وربنا يكون فى عون طلاب الثانوية العامة ..

مــحــمــد

احترس من الشوارب

اتهمت السلطات في مصر الثلاثاء 17-4-2007 مهندسا في هيئة الطاقة الذرية المملوكة للدولة بالتجسس لحساب اسرائيل بالاشتراك مع اثنين من الاجانب هما أيرلندي وياباني قالت انهما هاربان. العربية

امس القبض على شبكة ارهابية و اليوم القبض على شبكة جاسوسية
و من توابع القبض على الشبكات الارهابية اعتبار اى مواطن ملتحى ارهابى مرتقب ..
بالطبع لا لأن اللحية احد علامات الالتزام الدينى و لكن لأنها احد علامات التطرف و الارهاب .
لو اتفقنا على هذا المبدأ فلنا ان نتوقع ان اصحاب الشوارب هم جواسيس محتملين كتتابع منطقى للاحداث
و كما تلاحق اللحى ستلاحق الشوارب
ترى هل يحدث هذا ؟؟ ام ان الاشتباه فى الملتحى ليس مجرد تتبع للارهاب كما يظن البعض

انا مش معاهم...

بعد غياب كبير عن الكتابة .. وكنت أنوى ان أكتب مرة أخرى ولكن بعد الإمتحانات .إلا انى لم أستطع بعد ما حدث لى .. كنت فى يوم أقلب محطات التليفزيون وظهر لى فى أحد المحطات إعلان فيلم انا مش معاهم ولقطات منه

فكان يجب أن أعرف حول ماذا يدور هذا الفيلم وأكتشفت الأتى :

تدور الأحداث حول شاب يدرس بالسنة النهائية بكلية الطب وهو الممثل

أحمد عيد ويعيش حياته بإستهتار ويتقابل بفتاة محجبة ويعجب بها.. ولكن شعورة ب الحب أتجاة هذة الفتاة يجعلة ان يتغير ..ثم يتعرف على أحدى الطلاب المعتقليين خلال الأمتحانات فيطلب منه ان يوصل رسالة لوالدته..ويظن طلاب التيار الدينى ان أحمد عيد قيادة مستترة .. وترصدة عيون الأمن كلة ويعتبرونة خطرا على أمن مصر يجب البحث وراءة..

فعندما يذهب أحمد عيد الى منزل حبيبتة ليطلب يدها يكتشف ان والدها مدمن خمور ووالدتها ترتدي ملابس مكشوفة، لتزيد التناقضات بداخله.

فتتم الخطوبة ولكنة يحاول ان يقنع حبيبتة بإن تخفف من تشددها الدينى ....ثم تكتشف ان أحمد عيد متدين مزيف .. وتتورط فى جريمة ارهابية فتخلع الحجاب وتتراجع عن كل أفكارها ..بينما يتشدد أحمد عيد فى المقابل ويرتدى الجلباب الابيض القصير والسروال.. ثم تعود الفتاة الى الحجاب مرة اخرى بعد تحول كبير ويعود هو عن تشددة ولكن ليس للأنحراف مرة أخرى ..

********************

كانت هذة قصة الفيلم بإختصار .. ولكن الغريب فى الامر هو تناول الفيلم شكل الفتاة المتدينة والشاب المتدين .. حيث تناول الفيلم الفتاة المتدينة على انها متشددة لأنها تهتم بالأمور التى نهى الله عنها كمثلا عدم الخروج مع خطيبها وقت الخطوبة إلا بمحلل .. عدم التحدث بكلام الحب والعاطفة فى فترة الخطوبة .. فإذا لم تقبل الفتاة المتدينة كل هذا فتعتبر فتاة متشددة .. كما انهم تناولوا الشاب المتدين ب الجلباب والسروال وكإن الجلباب والسروال يرتدية المتطرفون والارهابيون..

والغريب فى الأمر ان الفيلم لم يتناول سبب إنحراف الشباب كم انة لم يتناول كيف تكون الفتاة متدينة وغير متشددة من وجهه نظرهم .. وايضا كيف يكون الشاب متدين ولا يطلق علية لفظ التشدد؟؟؟

أسئلة كثيرة راودتنى عند قراءة هذا الفيلم .. لماذا ننظر لهؤلاء المتديننين بهذة النظرة.. وكيف تكون الفتاة متدينة ومتشددة وهى فى الأصل لاترتدى الزى الاسلامى الذى امر بة الله سبحانة وتعالى .. كمثلا ظهرت الفنانة بشرى على انها متدينة ولكن ترتدى الجينز والبادى .. وقيل عنها انها متشددة ..

فماذا تفعل حتى لا يقال عنها هكذا ..

على الرغم من ان الفيلم يعرض قضية سياسية تواجهه الشارع المصرى فإنها لا تخلوا من المشاهد الجنسية كالعادة .. مهما كان هدف الفيلم فالمشاهد الجنسية من وجهه نظرهم هى الأساس لنجاح الفيلم ..

وعلى الرغم من تناولة الجهه السياسية وبشكل كوميدى هذا السبب جعل من السهل عرضة ولكن إذا كان الفيلم هادف ويعرض قضية ب الفعل موجودة وتمس الشباب دون وجودة مشاهد عرى أو غيرها لا يعرض .. وهذا هو أسلوب الثقافة السينمائية فى الشارع المصرى ,..

وفى النهاية أستطيع ان أقول ..

انا فعلا مش معاكم ..

مــحــمــد

مصر .. دوما ترعى الفن الهادف

"المهرجان الفنى الاسلامى"
مهرجان فنى يقام بدار الحكمة بنقابة الاطباء سنويا .. و كما هو ظاهر من الاسم فإن الاعمال الفنية التى يرعاها المهرجان تكتسى بالطابع الاسلامى مما يجعلها بعيدة عن الابتذال و الاسفاف و هى ظاهرة نادرة للاسف
منذ عام تقريبا اقيم المهرجان فى نسخته الثالثة و عرض فيه من ضمن الاعمال الفنية فيلما مصورا بمجهودات الطلبة الذاتية تحت اسم العميل و قد لاقى نجاحا كبيرا و اثارت الاعمال المقدمة اعجاب الحضور

كان مقررا ان تقام النسخة الرابعة من المهرجان للعام 2007 يوم الاثنين الماضى وسط ترقب كبير من محبى الفن الهادف .
و بما ان مصر بلد راعى للفن الهادف فقد ألغى عميد كلية الطب الحفل و اغلق الامن النقابة .
بعد جهود شاقة فى الاعداد للحفل من مسرحية و فيلم تسجيلى و اناشيد و .. تم الغاء الحفل
الا اننى لا اعجب لهذا
حينما تقام حفلات المغنى الفلانى و المغنية الفلانية لا تعجب حينما يتم قمع اى عمل فنى اسلامى هادف
و حينما تنفق الملايين على افلام سينمائية هابطة و خادشة للحياء يلغى العمل الفنى الاسلامى
معادلة بسيطة و منطقية !!

فيلم تسجيلى قصير بعنوان "البوابة المصرية" كان مقررا عرضه فى المهرجان

فى تونس .. المرأة سعيدة و منشكحة

مقالة بالاهرام


طبعا فى ظل القيادة الحكيمة للرئيس التونسى زين ال(عابدين) بن على
الذى صرح من قبل بأن الحج عادة وثنية
تتمتع المرأة التونسية بالديموقراطية و الحرية و التقدم
هذا ما تنقله الينا الاهرام

و لكن دعنا نرى هذه المقالة ايضا عن المرأة التونسية

علمت لجنة الدفاع عن المحجبات بتونس أن البوليس التونسي قد دأب في الأيام الأخيرة على اعتقال الفتيات المحجبات و حجزهن في مخافر الشرطة البعيدة النائية عن مساكنهم الأصلية و إيقافهن مدة 24 ساعة إلى حين إعلام الولي و طلب حضوره للإمضاء على محاضر و التزامات تتعهد فيها المرأة المتحجبة بنزع حجابها و يمضي الولي على محضر بحث آخر في محاولة مفضوحةلاجبار الأولياء للضغط على النساء المتحجبات لنزع الحجاب و تجاوز واضح لما ينص عليه القانون التونسي من كون سن الثامنة عشر هو سن المسائلة الجزائية و سن العشرين هو سن المسائلة المدنية لامتلاك المرأة أو الرجل في هذه السن الأهلية القانونية.و بالتالي فالبوليس التونسي يعتبر النساء المحجبات مهما بلغت أعمرهن قاصرات يحتجن للتأديب و التوجيه من قبل أوليائهم و هو ما يحدث أحيانا حيث يعمد بعض الأولياء بضرب بناتهن أو نسائهن و منعهن من الخروج من المنزل لدفعهن للتخلي عن الحجاب نتيجة المضايقات المستمرة و الاهانات المتواصلة للنساء المحجبات و أوليائهن.
كما بلغنا أن إحدى النسوة العملات و تبلغ من العمر32سنة تعرضت للإيقاف بمعتمد ية تكلسه من ولاية نابل و تم اقتيادها بكل تغطرس لمركز الشرطة الخاص بولاية نابل الذي يبعد عن معتمد ية تكلسه مسافة 50كلم و لما رفضت هذه المرأة نزع حجابها قام أعوان الأمن بافتكاك بطاقة الهوية و القيام بتعنيفها مستعملين الأيادي و الأقدام و عصا البوليس كما وجهو لها كلمات غاية في القبح من قبيل " يا عاهرة " و " يا فاجرة " و توالت هذه الشتائم و تواصل معه إصرار هذه المرأة على عدم نزعها لحجابها فهددوها بالاغتصاب مدعين أنهم هم الحاكم و لا أحد سيجيرها منهم لن تجد من يسمع شكواها أو ينصفها إن هم اغتصبوها.
>هذا و قد بلغنا أيضا أن نفس الواقعة حدثت في نفس مركز الأمن بنابل بأنه عندما رفضت المرأة المتحجبة نزع حجابها حاول أحد أعوان البوليس تجريدها من جلبابها مهددا إياها بالاغتصاب قائلا أنه " إذا كنت تحاولين إثبات شرفك بحجابك فسنهتك عرضك و أنت ترتد ينه". و لم تستطع المرأة الإفلات منهم لا بالدموع و لا بالشكوى إلى حين حضور وليها المغلوب على أمره الذي ترجاهم الإفراج عن ابنته واعدا إياهم بإجبارها على نزع حجابها ممضيا في ذلك على محضر بحث.
و نعلمكم أن المرأتين الآنفتي الذكر قد رفضتا التصريح بأسمائهن خوفا من نقمة البوليس التونسي و قالتا أن إحدى النسوة المتحجبات اللاتي رفضن نزع حجابهن قد وقع حجزهن في زنزانات فردية داخل مركز الشرطة و أمضين الليل هناك .وتعيش المرأتان حالة نفسية خطيرة جدا كما انقطعت إحداهما عن العمل لتلزم بيتها. هذا و قد قام البوليس التونسي بنسخ أرقام الهواتف الموجودة في هاتفهما الجوال و أخذ أرقامهما و أمر إحداهما بلزوم منطقة إقامتها و عدم الخروج منها إلا بعد إعلام مركز الشرطة المتواجد في منطقتها أصبحت المرأة المسكينة تحت المراقبة الإدارية و تعيش إقامة جبرية في منزلها دون أي وجه حق و دون أية مخالفة قانونية أو حكم قضائي.و نظرا لكل ما سبق تعتبر لجنة الدفاع عن المحجبات بتونس أن ما يقوم به البوليس التونسي أصبح عبارة عن تحرش جنسي بالمرأة المتحجبة و يدخل أيضا تحت طائلة الجرم الجزائي باعتبار محاولة الاغتصاب و التهديد به جرم قانوني يعاقب عليه القانون التونسي بنفس عقوبة عملية الاغتصاب
و تهيب اللجنة بكل أحرار المجتمع التونسي و العالم العربي و الإسلا مي لمساندة النساء المحجبات في تونس ضحايا قمع و إرهاب الدولة و تدعو كافة جمعيات و لجان المجتمع المدني الوطنية و العالمية للضغط على الحكومة التونسية من أجل إيقاف حملتها الظالمة على هذا الشعب المستضعف
نقلا عن اخبار مكتوب
بتاريخ 3-4-2007

نلمس هنا غيرة الاعلام المصرى على اخواتنا المسلمات
عن طريق نقل صورة شفافة عن واقع الحال هناك

كش ملك

دا شعب عبيط يا عم

خبر مضحك جدا وقعت عليه عينى اليوم بالاهرام
لاحظ مدى الاستخفاف بعقولنا
و شر البلية ما يضحك

اضغط على الصورة للتكبير

كيف يمكن لثلاثة اشخاص اصلا تناول هذا الكميات من الطعام فى وجبة واحدة ؟؟
اعتقد انه لو صح هذا لامكننا ضمان مساحة جيدة بموسوعة جينيس
ثم انهم يطلقون على جماعة الاخوان بأنها محظورة فلماذا يفترضون الان ان افرادها تبحث عن الدواء و رئيسها يبذر الاموال
اليس من الاحرى ان تبحث عن المسؤلين اصحاب الارصدة المليونية فى بلد اغلب سكانها تحت خط الفقر ؟؟
ثم ان هذا الرجل الذى يدعون انه لا يأبه لاخوانه المعتقلين قضى هو نفسه ما يربو عن 20 عاما وراء القضبان.
قد يكون تعليقتى زائدا و الصورة وحدها تكفى
و لكننا مللنا من تلك الطرق السخيفة للتعامل مع عقول المصريين

حياة فى يومين وثلاث ليالى..

بدء اليوم كالعادة صحيت من النوم عادى وحضرت الشنطة بلوازمها كلها .. ونزلنا لحد موصلنا لنقطة التجمع .. وركبنا الأوتوبيس عادى .. ولكن ظهر بعض المشاكل فى البداية .. والدي في البداية كان عاوز يركب الأتوبيس ذي اى حد تانى .. بس المشكلة ان حظة جة فى االمكرباص.ا والدى مش عاوز يركب االمكرباص .. فتخانق مع الراجل .. فكان كلامهم ..

والدى: ممكن نركب ..
المسئول : ثوانى حضرتك ..
والدي :: طيب
أنتظر والدى طويلا حتى نفذ صبرة ..
والدى : كابتن ممكن نركب ..
المسئول :ثواني ..
والدى : ثوانى اية يا ريس عوزين نركب ..
المسئول:طيب أتفضل اركب فى المكرباص دة ..
والدى : نعم
المسئول: أتفضل اركب حضرتك فى المكرباص دة ..
والدى : مكرباص اية .. انت بتهزر انا استنا دة كلة عشان اركب المكرباص ..
المسئول ::حضرتك عاوز اية ..
والدى : انا هركب فى الأتوبيس و بعد شجار طويل بين والدى والمسؤول .. ركب والدى فى الاوتوبيس

والمشكلة الكبرى اننا قاعدناا فى الكرسى ألي أمام الشاشة ..وكمان تحت السماعات على طول ..

يعنى الأفلام والأغاني .. يلا ربنا يستر ..

انا كلة دة منتظر الأوتوبيس يمشى ..

ومنتظر

بابا مشاكل.. مسكتش .. راح قال للمسئولة عوزين بقة نعرف أنتى هتسكنينا فين بقة هناك ..
بس بابا دة مشكلة ...........

قالتة المسؤولة تعالى أأعدك فى أتوبيس لوحدك ..

طبعا بابا موفقش .. كالعادة لازم يختلف ...
بدء اليوم .. السندوتشات.... حيث ألانشون والجبنة وما أدراك بالريحة ..

طبعا بابا كالعادة بيعرفنى بمصر .. على أساس أنى أجنبي وهو المرشد ..
المهم وصلنا المصيف او العمارة المهم هيبدء توزيع الشقق على المسافرين..

والدى انتظر عقبال ميجى دورة .. وطبعا كالعادة .. والدي اتخانق تانى مع نفس الراجل ..
عشان مش معبر والدى خالص ..

المهم بعد شجار عنيف مع والدى والمسئول حتى عرف والدي كالعادة يخرج من المشاجرة بفايدة وهى شقة على البحر على طول ..

يسلام عليك يا بابا..

الجو هناك فظيع اوى .. انا برجح لو اى حد عاوز يريح دماغة شوية من اى حاجة .. اى حاجة .. من المشاكل والحياة كلها يروح هناك .. انا فعلا كنت تعبان أوى أوى .. مكنتش طايق حاجة خالص .. كان نفسى اغير جو اوى .. بس الحمد لله انا كويس دلوقتى ..

المهم نكمل بقة .. غيرنا لبسنا ونزلنا عشان نتمشى .. الجو على البحر فظيع اوى اوى .. انا بفكر انزل الصور بس مش دلوقتى .. يلا المهم الحمد لله ...على الرغم من ان الجو حلو ومن انى غيرت جو ألا انى مكنتش فرحان اوى .. كان نفسى احضر المؤتمر .. كان نفسى اتكلم مع الناس .. ( أصل بعيد عنكم انا مبصدق أفتح ومحدش بيعرف يوقفنى .. يعنى ذى مبيقولوا كدة .. مواطن ومخبر وحرامى .. انا المواطن بس مكنش فى مخبر أما الحرامى فمازال موجود وأكيد انتم عرفين مييين ))

بس أحلى حاجة طلعت فيها من اليوم الأول البنطلون أصلى اشتريت بنطلون جديد .. بجد انا مش مصدق أصلى ب الظبط كدة بقالي حوالى سنة مجبتش لبس جديد دة أنجاااز .. ومحدش يتريق عليا ....

دة تفصيل اليوم الأول...........................:

اليوم الثانى:

وماأدراك ما اليوم الثانى .. صحينا من الساعة 8 الصبح .. كان فى حوار كدة صغير بين بابا وانا ..

بابا:محمد يلا أصحى
انا : نعم سيبنى يابابا انا عاوز انام ..
بابا: يلا يبنى علشان ننزل البحر
انا :دلوقتى !!! بص روح انزل انت وأختى وبنت عمتى وجيبوا السمك وتعالوا ..
بابا: يلا يبنى بطل كسل ..
انا : مش قادر والله يا بابا انا منمتش امبارح كويس ..
بابا : ماشى انت حر ..

خرج والدى وأختى وبنت عمتى وانا نمت .. كان حوالى الساعة0 8.5
دخل بابا عليا تانى .. قولتلة انت لحقت تيجى وببص على الساعة لآتها 9 ينهاااااااااار يا بابا .. سيبنى انام بقة ..

طبعا انتم عرفين بابا ويسلام على أختى ولا بنت عمتى مسبونيش خالص انام .. واحد يضرب والتانى ب الماء والثالث بيغنى بصوت عالى ..

المهم بعد حرب كبيرة بينا .. صحــيــت

المهم نزلنا البحر والجو كان جميل اوى اوى .. بجد كان رائع .. أعدنا حوالى ساعتين بعدين مشينا
وروحنا السوق القديم .. سوق ملابس فى بور سعيد المهم .. جبت بقة النهاردة قميص لونة ابيض وواحد تانى لونة أحمر على أبيض.. وبعد كدة روحنا.
غيرنا ونزلنا تانى بس بعد العشاء .. قبل مننزل سمعنا صوت المطرة .. ففرحنا اوى اوى .. اصل بعيد عنكم أحنا بنحب المطرة عدا بابا .. المهم كان الجو جميل اوى والمطرة كدة يتنزل ..
والدى عمال يقول يلا نروح وانا وأختى وبنت عمتى لأ يا بابا حرام عليك الجو جميل لو عاوز تروح روح أنت .. طبعا بابا مش عاوز يسيبنا ... المهم وأحنا مشينا نفسنا هوتنا على فطير ب الكريمة ..

قصة الفطير دى بقة غريبة اوى اوى ..
احنا متعودين فى مصر اننا لما نقول عوزين فطير بتجلنا فطيرة كدة صغير ويدوب على قدنا ...
الحمد لله على كل شء .. المهم روحنا بقة للراجل الفطيرى وقولنا لة إحنا عوزين 3 فطاير ب الكريمة .. الراجل ضحك علينا فأحنا استغربنا فسألنا انتم عوزين 3 !!! قولنالة اة ..
المهم دفعنا الفلوس ومنتظريين الفطير .. المهم بعد مخلص الفطير وخدناة .. حسيت انة تقيل اوى اوى وانا بشيلة ..قولت لوالدى هو الفطير مالة تقيل اوى كدة لية .. قالى عادى علشان انت مبتكلش .. المهم قولت لأختى طيب خدى كدة شوفى .. فقالتلى اة فعلا هو مالة تقيل اوى كدة لية .. المهم بنفتح اول واحدة لإناها كبييييييييييييييييييييرة اوى .. بجد كبيييييييييييييييييييييييييرة فوق متتخيلوا .. أحنا فضلنا نضحك ضحك .. المهم روحنا البيت ويدوبك كل واحد فينا كل قطعة صغيرة اوى .. وسيبنا الباقى .. بعد عذاب كبير اوى مع النفس .. هكلها مش هكلها كدة يعنى ...
بس خلاص كدة اليوم اليوم الثانى خلص .. انا بقة فضلت أعد على الاب توب وهما نايميين ..
كان نفسى انزل اوى بس يلا النوم كبس عليا ومنزلتش ...

أنتظرونى بقة مع اليوم الثالث ودة أخر يوم ...

اليوم الثالث::
المفروض اننا هنتجمع الساعة واحدة .. صحينا بدرى علشان نحضر الشنط وكالعادة والدى المشاغب صحانا الساعة السابعة صباحا .. وانا أيضا كالعادة مصحيتش وهما حضروا كل حاجة بس.. متفتكروش أنهم سبوني ونفضوا.. لا طلع كل دة على دماغى بعد كدة .. المهم انا بقة بعد مصحيت على أعتقادى انى هغير علشان يدوب هننزل ونلحق نجيب لبس عشان نلحق نرجع ذى مقولتلكم الساعة واحدة .. المهم لبسنا ونزلنا وروحنا سوق اللبس وانا جبت بنطلون تانى وكام قميص .. المهم خلصنا المفروض بقة هنروح علشان نلحق الأوتوبيس .. روحنا البيت وكان مكتوب ورقة على الباب التجمع الساعة واحدة ظهرا .. عادى يعنى اية الجديد .. الجديد بقة اننا بعد مجبنا الشنط ونزلنا ملأناش حد خالص نزل غيرنا قولنا عادى يمكن نزليين .. فسألت المشرف قالى اننا هنتجمع الساعة 4 قولت ينهااااااااااااار .. قولت لبابا يلا نطلع قالى ياعم خلاينا أعدين .. قولتلة لا طبعا..
.. فخدت المفاتيح وطلعت انا .. وبعد مطلعت هما جم ورايا .. المهم فضلنا منتظريين لحد الساعة 4 والاوتوبيس

الحمد لله جة ..
المهم حملنا الشنط ومشينا .. جة وقت القلق .. المفروض ذى محنا عرفين ان فى بورسعيد فى جمارك .. احنا بقة مكناش نعرف خالص .. وانا معايا الاب توب

والمفروض انى قبل مدخل هسجلة عندهم علشان لما أخرج ميتخدش علية جمرك .. المهم جة وقت الجمرك وانا كنت خايف لأن الجمرك علية ألف جنية على الأكثر .. وإحنا معناش فلوس.. فلو مدفعناش هيخدوة .. المهم طول الطريق عمال أستغفر يارب أستر ويسر.. الناس بطمنى بتقولي متخفش انا بقالى سنتين بدخل وبخرج من بورسعيد ومتفتشتش خالص وناس تانية بتقول انهم لو فتشوا بيشوفوا الشنط من برة كدة وخلاص .. قولت الحمد لله ان شاء الله هنعدى ...الجمرك قربنا منة خلاص وانا قلبى بينفض .. قولت أنظر من الشباك واشوف منظر التفتيش .. لاقيت مصيبة .. الناس بتتفتش جامد اوى .. لدرجة انهم كانوا بيرموا الشنط كلها على الأرض ويفتشوها واحدة واحدة
جة الدور على الأوتوبيس بتاعنا ونزلنا كلنا .. وبدء التفتيش .. واحنا بنخرج شنطنا وبقرب خلاص على المفتش وفجأة قالى عدى عدى حاجة كدة والله معرف .. قالى عدى خلاص.. على الرغم ان كان فى ناس ورانا ومعانا أتفتشوا وأتاخد منهم خمسين جنية .. سبحان الله .. انا استغربت اوى ..
الحمد لله عديت وركبنا الأوتوبيس ووصلنا الحمد لله بسلامة..
بس قبل مختم وقولكم هدفى من كتابة هذة الخاطرة .. ان فى اليوم الأول وإحنا نزليين نتمش شوفنا شعب بورسعيد وهما بيحتفلوا بيوم المولد النبوى .. كانت ب النسبة لية أحتفالهم حاجة غريبة اوى .. انهم عتدهم معتقدات غريبة اوى .. ذى مثلا سيدى كذا وسيدى كذا والزار .. والطبل والرأس ..حجات غريبة اوى .. سبحان الله الواحد مستغرب اوى .. بنتذكر الرسول صلى الله علية وسلم مرة واحدة فى السنة ويوم منتذكرة ونصلى علية نتبع تقاليد وعاادات ليس لها اى قيمة ولا تتبع فى حياة الرسول .. لأ والحمد لله مصر لسة بخير ,, الأمن كان بيحميهم على الرغم من انهم عمليين شبة مظاهرة او على الأقل تجمع وموقفين الشوارع والأمن عادى حميهم وماشى وراهم .. سبحان الله علشان جهلة هما بيحموهم .. اما لو كانوا بيتكلموا عن الحرية هتلاقى الأمن بيعتقلهم .. يلا نسيبكم مع الصور ..

ودى الإسعاف عشان لو حصل حاجة لحد..(متلقهاش خالص وقت المظاهرات)

ودة الأمن بيوقف الشارع عشان هما يمروا...
*************************

لاتعــليـــــــق

والسلام عليكم ورحمة الله وبركاتة ..

مليون 20

20
مليون جنيه ترميمات لهرم سقارة

كش ملك