Wednesday, September 24, 2008

بطاطا .. يا حبوب

موضوعي اليوم فعلا ممكن يستفز الكثير من الناس
احنا شايفين في الآونة الأخيرة شغالين علينا اعلانات المدام فشخرة وجوزها الاستاذ محسن
منظر وعايزين يفهمونا ان هو دا حال الامة المصرية والاسرة المصرية
ان احنا مفتريين وبتوع فشخرة ومظاهر كل دا علشان اشتكينا من غلاء الأسعار وكأن لسان حالهم يقول
(مش انتو اللي اشتكيتوا؟؟ خدوا عندكم بقى)

بإختصار يا سادة يا كرام اعلانات مدام فشخرة والاستاذ محسن هي اعلانات تصور اسرة مصرية مفترية الى ابعد
الحدود وطبعا الاسرة دي لا وجود لها ولا حتى اسرة شبيهة لها في ارض الواقع

تخيلوا انهم مصورين الاسرة المصرية بتتسحر بخروف !!
لالالالالا استنوا دا مش خروف بس دا اللي شاف الاعلان هيعرف تعليمات السحور بتاعة مدام فشخرة حاجات
بحوالي 2000 جنية
والله هم يضحك وهم يبكي

انا عايز
اعرف انهي منطق يقول ان ممكن اسرة تتسحر في يوم بالمبلغ دا؟؟

والله دا لو عازمين جانكيز خان والمدام والاولاد ومعاهم كمان هولاكو مش هيتسحروا كدة

بجد حاجة تحرق الدم

لا والراجل اللي بيتكلم في الاعلان دا عليه رزااااااااااالة

وهو بيقول

اللى يولع الأسعار و يخرب الجيوب هوا الفشخرة و المنظرة يا حبوب
ونقول ليه السكر غلي وليه الرز غلي وايه اللي غلى التوم ياعم صحي النوم

والله بجد لو حد من دولة تانيه شاف الاعلان دا اقل حاجة هيقول علينا اننا نستاهل الابادة الجماعية

للاسف ميعرفوش ان المواطن المصري (العادي يعني....مش ساويرس(ولو انه موش بيتسحر) ولا عز ولا طلعت مصطفى
يكفيه طبق فول بالزيت وبيضة وعلبة زبادي في السحور وفي الفطار هو صنف واحد ولو عمل صنفين ينعي حظه طول
الاسبوع

واخيرا انا لله وانا اليه راجعون

7 comments:

shimaa said...

السلام عليكم
أولا
كل سنة وانت طيب
ثانيا
انتى مش بتعلق على المكتوب رغم انى عارفة أنك بتقراءه
أخير

حمدلله على السلامة للكتابة الجميلة هو دى محمد
الموضوع خطير بس الناس مش حسين بحاجة
هم بيدحكو وخالص
لكن مفيش كلام غير

حسبى الله ونعم الوكيل

marwa salah said...

سيب الناس تتفرخ على حاجات مبتشوفهاش غير فى التلفزيون .. حتى الفرجة ع الخروف هتحرموهم منها :P

أحمد سعيد بسيوني said...

الاعلام المصري مازال يعيش في دنيا الاحلام

لنا الله

Anonymous said...

هى جت على قد كده دا الواحد يشوف الاعلانات فى باقى القنوات العربية يحس ان احنا مش عايشين مجوهرات وعربيات ولا اكن فى ناس مش لاقيا تاكل وتحت خط الفقر والله احنا نستاهل اللى احنا فيه شعب مستهلك ولابيتكلم ولا بيدافع عن حقه معلش زى الغنام

العاشق....محمد على said...

ديدو حبيبى ازيكومبروك على الخطوبة

على فكرة انا عرفت صدفة عن طريق الفيس بوك

متنساش بقى تعزمنا على الفرح ولا هتعمله عائلى؟؟؟؟؟؟؟؟؟؟؟؟؟؟؟

سيبكمن الاعلانات دول ناس عايشي فى بلد تانية

يعنى انت عايز الاعلام يهتم بالفقرا
ولا يقول ان فى ناس عايشة تحت خط الفقر بالملاين لازميقولوا كده ان المواطن المصرى استهلاكى من الدرجة الاولى

ويجعله عامر

على خي نلتقى ......والله لى التوفيق

Anonymous said...

ربنا يوفقك

Anonymous said...

ماهر