Tuesday, September 9, 2008

صراع مع النفس


السلام عليكم ورحمة الله وبركاته.
انا فى صراع مع شخصيتين .. شخصية نفسها تستمر زى مهيا وهى شخصية محمد القديمة ( المرح اللى بيحب الهزار - اللى شايف الناس كلها كويسة ومحد بيكون وحش غير لما نتعامل معاه بطريقة وحشة ) طبعا محدش فاهم حاجة . تعالوا هحكلكوا حكاية صغيرة يمكن تفهمومها .


انا زمان لما كنت فى الكلية مع أصحابى .. كنت بحب اهزر وكانت شخصيتى اللى معروف بيها هى المرح والعفوية يعنى لما بحب حد مش بعرف أخبى لازم أقوله ممكن تقولوا عبيط بيوقع على نفسة على طول .. شايف الناس كلها كويسة وان الدنيا فى كويس بس ومفيهاش حاجة وحشة خالص او ممكن نقول ان ظروفها هى اللى بتغيرنا يعنى لو الشخص نفسة وحش بسبب ظروف مرت عليه ساعتها مقدرش اقول انه وحش لا بقول ان الظروف هى اللى جعلته كدة .. انا بقى كنت كدة شايف الدنيا وردى .. الناس جميلة والحياة أجمل بس اللى يفتحلها دراعه .. وان الناس كلها 100 % وقصة 100 % دى كبيرة اوى ..


هحكلكوا الحكاية .. انا كنت بشوف الناس كلها انها 100 % كويسة وكنت بتخانق كتير مع خطيبتى فى الموضوع ده وأفضل أقولها يابنتى اسمعى الكلام الناس كويسة وطول محنا كويسين معاها هما يكونوا كويسين .. وهى تقولى يابنى اسمع الكلام لازم تكون 80 - 20 طبعا


وقصة 80 - 20 دى طويلة بس مش قوى


تعالوا هحكلكوا الحكاية انا خطيبتى اللى بحبها اوى على طول بتبص للناس بدرجات متفاوته .. يعنى ممكن تنظر لواحد انه 80 -20 وواحد تانى 70 - 30 ومعنى الكلام دة ان الرقم الكبير هو رقم الرضا عم الشخص والرقم الصغير هو رقم الحذر من الشخص نفسة عششان لو عمل اى حاجة وحشة متتصدمش وهى بالطبع حطاله نسبة تغيير فلو حصل عادى مهى متوقعة فبالتالى مبتتعبش.




انا بقى أتصدمت



عشان كدة غيرت رأى.



وهكون بشخصية جديدة ..



حد فاهم حاجة؟


7 comments:

SERENITY8 said...

ياد انت ماتكمل كلمة على بعضها، انا دوخت منك.. بص ياعم الحاج انا هخش على المفيد، الناس 100% وزى الفل ورائعين بس اساسا 100& دى ليها قصة، انا هحكيلك بص ياسيدى مفيش اساسا النسبة دى ولا نظريا ولا عمليا...انا فاكر فى الفيزياء حاجة رائعه كنا بناخدها ان كل نظلاية بتثبت حاجة كنا لازم تختم النظرية بمقولة "مع ثبات كل المتغيرات" وعشان كده برضه لاحظ فى القرآن مفيش ابدا لبشر انه "يعلم" هتلاقى دائما "وظنو" ومعنى وظنو وتفسيرها انهم عرفو بس ليه مش كتوبة وش او عالطول كده وعرفو او وعلمو.....عشان ربنا الوحيد الكامل اللى بدون متغيرات اللى يقدر "يقينا" يعلم لكن اخر معرفتنا كبشر ان احنا نظن وفى درجات العلم او المعرفة الظن ممكن يوصل من 70% الى 99.9999999% وعشان كده ارشح حوار ال 80 20 ده بس نكتر نسبة الضمان او الاطمئنان للشخص اوي لنسبة 99% مثلا ونخلى الواحد اليتيم ده نسبة ان لو اتخدعنا مانفضلش نبكى على اللى فات....اسف للتطويل ومن الاول والاخر دى كانت مجرد Another point of View

خالد - كلام من القلب said...

انا فاهمك والله يا محمد

noha said...

بص يا محمد فاهماك طبعاً و ياما قلت لنفسي السؤال دا ...بس خليني اقولك وصلت لإيه ..
تذكر كلمة علي ن ابي طالب " لست بالخب و لا الخب يخدعني " بص للناس طبعا على انهم كويسين دائما لكنك بذكائك و مهارات مكتسبة تستطيع ان تتبين" علامات" في العلاقة تقرر ان تكون على حذر أو بمعنى آخر ابدأ بالخير لكن انتبه ...
و ذلك با محمد من النضج الذي لابد منه ...و حتى لا تصدم فيمن حولك
بس اقولك كلمة في سرك ..الصدمات مش هتنتهي و لكنها ستقل

نهى سلامه

shimaa said...

السلام عليكم
محمد اناس كلهم مشى زى بعض فى الخير وفى الشر
%انت نفسك مش 100
كل واحد فين فى جزء

بس المهمالنسبة تكون 80:20 او 70:30 زى خطبتك قالة

الا لو نسبة عكس تكون شخصية ؟؟؟؟؟؟؟؟؟؟؟؟؟؟؟
بس هى الدنيا كدة
%ولو زى ما انت قولة100
مكنش يبق فى جنة ونار
الان الحياة هتكون حلوة

بس انت أكيد إتصدمة فى حد خالك تقول الكلام ده

Anonymous said...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

ديساروف said...

حلوة فكرة 80 20 دي

الربح من الانترنت said...

الف شكر على الموضوع الرائع
التسويق الالكتروني
bookmarks