Saturday, July 12, 2008

احساس بدون وصف


اوقات بقعد مع نفسى وافضل اقول هو الماس اول مكتشفوه قالوا عليه ماس ..


ولا فضلوا يفكروا لحد مكتشفوا الاسم ..


طيب لما الواحد بيقول لحد انت عامل زى الماس ..


بيكون فرحان اوى على الرغم من ان كلمة الماس مكنتش موجودة قبل كدة ..

طيب ده بيتقال على الجماد ..




طيب لما الواحد بيكون بيحب حد اوى يقوله ايه




10 comments:

Anonymous said...

السلام عليكم و رحمة الله و بركاته مش مهم يا محمد تقوله اه المهم تتحمل مسؤلية الحب ده لان الحب اللى بجد بغض النظر كنت بتتبادلو مع مين مسؤلية كبيرة اوى اصعب حاجة فيها انك تكون دايما عند حسن ظنو بيك ولو على الكلام فمن زمان نسمع ان اجمل كلام و ابرع لغة هية لغة العيون و الصمت هوة تاج اللغة دى ربنا يجمعك بكل اللى بتحبهم....ادعيلى

الفقيرة إلى الله أم البنات said...

الحقيقه..ملقتش كلام ابلغ من كلام اختنا صفاء الحلوجى
بارك الله فيها
فعلا مش مهم الكلام..المهم صدقك تجاه من تحب يصله كافعال

روح said...

تقوله اني احبك في الله
وتعرف قيمة الجملة دي يعني مثلا
شوف الانصار كانوا بيترجموا
حبهم للمهاجرين ازاي
لو الانصاري معاة زوجتين يطلق وحدة
ويعطيها للمهاجر ولو عنده بيتين
يعطيه بيت منهم
يعني فعلا تتحمل معني الكلمة دي
والاهم من الحب مابعده وهو التقدير
والاهم من دول طاعة الله
تحياتي

SERENITY8 said...

بص ياسيدى, انا بس بجاوب عشان انت سالت مش اكتر ها؟ انا زمان كنت هقولك قوله ( وألف لك فى شوية اشعار وكلام حب) عقلت شوية ولقيت ان مفيش كلمة توازى بحبك مباشرة او بحبك فى الله اللى هى أفضل الأفضل فعلا بس بعد مافعلا عقلت (وتلاقيك بتسأل انت عمرك عقلت يا طارق) لقيت ان فعلا على رأى الاخت صفاء وكما قال رالف والدو اميرسون:(أفعالك تصيح بصوت مرتفع للغاية لدرجة أنى لا أستطيع أن أسمع أقوالك)....بس الراجل ده ظبط الليلة بكلامه ده.....من الاخر لو فعلا بتحب شخص اوي كده اثبت له بافعالك ياعم الحاج ايه ده......سلام واتصل بيا بقى عايزين نتقابل

shimaa said...

السلام عليكم ورحمة الله وبركاته
الحب مشى كلمة
الحب فعل
انا عارفة انك عاوز توصل لكلمة
تشمل المعنى

هى الفعل قبل النطق بها

مثل انا بحب ماما
بس مش كل يوم بقول بحبك يا ماما

بعمل حاجات توصلها الكلمة دى


وفى النهاية مفيش كلمة اعظم
من كلمة احبك فى الله


انا بقولها ليكم كلكم
انى أحبكم فى الله

كش ملك said...

استاذةصفاء جزاكى الله خير والله فعلا كلام حضرتك مظبوط وفعلا انا شايف ان مش مهم ان الواحد يقول لحد انه بيحبه اكتر من انه يعبرله عن طريق العيون والصمت ربنا يكرمك وادعيلى معاكى

كش ملك said...

استاذة ام البنات هو انا يمكن اول مرة اتشرف بوجود حضرتك عندى فى المدونة وربنا يكرمك وتستمرى معانا .. وانا مع حضرتك وادعيلى اوى ان الحب ده يكون صادق فعلا ويوصل كالفعل جزاكى الله خير وربنا يكرمك مع البنات :)

كش ملك said...

جزاكى الله خير يا استاذة روح وفعلا كلام حضرتك مظبوط بالذات فى الانصار انتى اثبتيلى وجهه نظر انا كنت قلقان منها ان الواحد اللى ممكن يضحى لسه موجود والحياة لسه بتربى اجيال واجيال زى المهاجرين والانصار ,.. ربنا يكرمك ويوفقك

كش ملك said...

استاذ طارق اللى مش بيقول كلام عدل ولازم يلخبط حتى وهو بينصح :)


والله فعلا انا سألت نفسى السؤال ده هو انت اساسا عاقل :)

المهم شكرا يا عم على النصيحة ويارب المرة الجاية تكون عدلة وارحمنى بقى وكلمنى يابنى وبطل تنفضلى كدة .. لحسن انت عارف .. خلى عندك دم هفضحك على الملئ لو مكلمتنيش


ربنا يخدك




















على طاعة طبعا :)

كش ملك said...

استاذة شيماء جزاكى الله خير على متابعتك للمدونة وعلى نصايحك اللى فعلا الواحد بيستفاد منها سواء كانت فى حياته الشخصية او العملية بجد جزاكى الله خير

وفعلا الحب فى الله هو احلى حاجة لان الواحد مبيكنش فى الحب ده مصلحة

ربنا يكرمك