Sunday, July 6, 2008

اوقات بحن




الواحد ساعات بيعدى عليه اوقات يحن لحاجات كتيرة اوى فى حياته .. سواء من اول حياته لحد دلوقتى


يعنى من اول مكان فى الحضانة وهو لسه بيلعب مع اصحابه او ممكن نقول ان الوقت ده كان كل حاجة يعرفها فى الحياة هى اللعب انه يصحى من النوم وينزل الحضانة وعارف انه رايح عشان يلعب وعشان يقابل اصحابه.. وأول مخلاص بدأ يكبر شوية والحياة بدأت تكبر بكل حاجة بمشاكلها وبهمومها وبفرحها وبكل حاجة بس طبعا فى الوقت ده مكنش الواحد بيفكر إلا برضة فى حياته اللى بتتلخص فى اللعب وتحقيق بعض الاهداف اللى الواحد ميعرفش كانت ايه بس عارف ان هناك حاجة محتاج الواحد ان يشبعها بس ايه مش عارف .


وبدأ الواحد يكبر .. ويكبر لحد موصل للثانوية ومعارفه بدأت برضة تكتر اصحاب .. اصحاب .. اصحاب وبدأ فى الفترة دى يختار بين الاصحاب الكويسين والاصحاب اللى مش كويسين او السوء بمعنى اخص.. وبدأ يروح فى الجهه اللى بتحقق اهادفه بس ايه هى اهدافه ميعرفش بس برضة اللى ممكن نسميها الإشباع..


يمكن الواحد مش فكر إلا متأخر فى موضوع الاهداف بس الحمد لله فكر وعرف ..


المهم كبر وبدأ يدخل الجامعة ويتعرف على اصحاب جدد تانى ليهم فكر اكبر وطموحات اعلى وبدأ يفكر انه يكون زيهم


وفعلا بدأت الاهداف من هنا تنطلق .. وبقى ليه اهداف نفسه يحققها.


وسعى كتير وفضل يمشى مشاوير كتير فى حياته متجه الى الهدف اللى عاوز يحققه ..


واتخرج .. واشتغل وحقق جزء من الاهداف وبيسعى انه يحقق الباقى ..



بس برضة بحن لطفولتى .. انى العب وارجع تانى افكر فى حياتى البسيطة ..


حجات كتيرة الواحد مش بيفتكرها إلا لما يكون عاوز يفتكرها.


يلا هنفتكرها وهننساها ونرجع تانى نفتكرها


المهم انها تكون دافعه ايجابية للى بعد كدة


يلا ربنا يسهل ويستر

4 comments:

عاشقة الحياة said...

بص كل اللي انت قولتة دة صح بالضبط
اول ما وقعت في قرار حاسم فكرت هو انا لو كنت لسة طفلة ما كنتش اتحطيت في الموقف دة
المهم اني كمان رجعت بالذاكرة لزمان قوي ساعة ما كانش عندي حاجة محتاجة لقرارات
ولقيت نفسي فجاة قعدت اضحك وافتكرت ايام النادي والتدريب لما كان كل همي اني اخد البطولة مش مهم اكسر مين ولا اعمل اية المهم اني اكسب
هههههههه وقعدت اضحك
و برضة اضطريت ارجع واخد القرار بس بعد ما كنت ارتحت حبة من الضغط
وحاسة اني كدة انا خدت القرار الصح
صح اعتقد انها كانت دافعة حلوة لية

صفاء الحلوجى said...

السلام عليكم و رحمة الله و بركاته مع انى زعلانة منك جداااااااا بس المسامح كريم بالنسبة للمدونة عيزة اقلك ان اكتر و \قت بحس فيه انى عيزة ارجع تانى النوتة الشأية اللى بتلعب فى الحوش وات مبتجرح من اى حد حتى اذا كان الحد ده امى بحس ان نفسى اسيب الدنيا دى كلها واهرب لحوش الحضانة و كل مكان الجرح اصعب كل مكنت عيزة ارجع اصغر لحد آخر مرة حسيت انى فعلا محتاجة ارجع جوه بطن امى تانى والله يا محمد من غير مبلغة حسيت ان نفسى اعيش الايام دى اللى محدش فكرها اصلا الا هية بس فعلا ربنا يستر ....ادعيلى اوى يا محمد سلام عليكم

shimaa said...

السلام عليكم
كل الكلام دى جميل بس فى حاجة انت تقصد اكثر تحمل المسئولية الان وحن صغيرين مبنفكرش الا فى العب
بس

لكن هى دى الدنيا وهى دى الحقيقة
وانس ان ممكن يوم واحد من الفات يرجع تانى

انظر للمستقبل وانسى الماضى مشى معنى كدة تنسى حلو ووحش انس الوحش فقطططططط

SERENITY8 said...

انا معاك تماما وده اللى كنت بتكلم فيه فى آخر تدوينة ليا وخاصة ان حياتى الان مختلفة تماما عن حياتى وانا صغير ( عشان اختلاف البيئات والمدن طبعا) بس فى حاجة ايجابية فى الليلة دى (وانت بتتشد للايجابية زى المغناطيس طبعا) فكر فى الحاضر والمستقبل اكتر وشوف كل الاحلام الجميلة البريئة واحنا صغيرين وحققها دلوقتى بالقدرات اللى بقت معاك وحاجة كمان قرر انك وقت ماتعوز ترجع للحياة دى ارجع يوم او يومين hey life don't worth it u know?