Thursday, July 3, 2008

امتى هتعلم؟


اوقات كتير الواحد بياخد قرارات غلط فى حياته.


طبعا فى البداية ميعرفش ان القرار ده غلط .. بس بيخده


وفى الاخر يندم على القرار ده


ويرجع تانى وياخد قرار تانى وبرضة يندم على القرار اللى خده



وياريته يتعلم



يارب علمنى .. انا محتاج انك تعلمنى وتخلينى لو مرة فى حياتى اخد قرارات ومندمش عليها.

7 comments:

عاشقة الحياة said...

عارف مش هنبقى بشر لو ما غلطناش مرة واتنين وتلاتةو اتعلمنامنها
انا كمان والله كل مرة اغلط اقول ياريتني كنت عرفت اني القرار دة غلط من قبل كدة بس لو ما غلطتش مش هتعلم
مهما كان الغلط دة كبير ومهما اثر فيا دة معناة اني مش هعملة تاني ان شاء الله حتى لو عملتة هو تاني مش هعملة تالت فالمفروض انك تفرح مش تزعل لانك اتعلمت وانت لسة صغير
اللهم علمنا جميعا امين

shimaa said...

ليه منقولش قد الله بما شاء فعل

هو لازم كل حاجة تكون حلوة فى الدنيا

متبقاش دنيا

لازم نغلط ونتعلم مرة ومرتن من كل غلطة
بس اعقلها وتوكل
مفيش حاجة فى هذه الدنيا تستاهل اى شىء ان احنا نزعل عليها
بجد

Miss Qatar said...

اخي العزيز ..

الانسان لم يخلق عالما او حكيما

بل التجارب هي من تصنع للانسان الخبرة والحكمة

اذا كنت لا تريد ان تخطئ في قراراتك القادمة .. فتعلم من القرارات الخاطئة التي اتخذتها وتمعن بها حتى لاتخطء في القرارات القادمة ..

تحياتي لك واتمنى ان شرفنا بمرورك على مدونتنا

http://missqtr.blogspot.com/

mohamed said...

جزاكى الله خير يا عاشقة الحياة فعلا كلامك صح وانا عارف بس عارفه ساعات الواحد بيعدى عليه اوقات احباط.. او مش هقول احباط عشان انا بكره الكلمه دى انا هقول زعل انه مستغلاش الفرصة بس زى منتى قولتى الحياة كلها غلطات واحنا بنتعلم منها بجد جزاكى الله خير

mohamed said...

جزاكى الله خير يا استاذة شيماء التوكل حاجة حلوة اوى بس زى منتى قولتى انى اعقلها ادعيلى ان الحياة تكون كويسة وتكون ماشية معانا كلنا وجزاكى الله خير

mohamed said...

ميس قطر .. طبعا اولا انا عاوز اقولك اهلا بيكى فى مدونتى وشرفتينى اكييييييد وان شاء الله يستمر تشريفك ليا وانا بالطبع هتابع مدونتك ..ان شاء الله


وجزاكى الله خير والله فعلا اثرت فيا كلمت حضرتك لما قولتى ان التجارب تخلق او تصنع الحكمة وبالتأكيد انا معاكى فى كلامك والحياة زى مقالت عاشقة الحياة وشيماء انها تجارب واننا لازم نقع فى فخ التجارب عشان نتعلم ..

جزاكى الله خير والله فعلا افادتونى كتير

SERENITY8 said...

السلام عليكم ازيك يا اككونت مانيجر, بص حضرتك انت فى الصورة اللى حاططها واكيد انت قرات اللى تحت بخط صغير بس هقولهولك تانى "life indeed would be dull if there were no such difficulties" يعنى من الاخر الحياة هتبقى خنيقة لو مفيهشا الصعوبات دي..سبحان الله زي فعلا م الانسه قطر قالت التجارب بتصنع الحكمة يعنى من الاخر بنتعلم اكتر كل مانقابل صعوبات ومشاكل اكتر ومعلش انا مش موافقك فى اساسا كلمة قرارات غلط والناس بيعزوك عشان ( اخذت قرارات غلط ) ياجماعه عقلانيا واحسبوها الاول قبل ماتردو على الكلام ده : لما بناخد قرار بنعمل(ساعتها واحنا بناخده) كل حاجة ممكنة عشان يطلع صح يعنى عملت كل اللى اقدر عليه عشان يطلع صح يعنى من الاخر كنت ساعتها شايف ان هو ده الصح وبالتالى مفيش قرار غلط احنا مسئولين عن افعالنا ومش عن نتائج افعالنا.....احم احم.. وشكراً