اللون الاخضر انسى ياباشا
******************
امتى ياريس هناكل لحمة
امتى ياريس هناكل فتة ..
يا معالى الريس الشعب جعان والاسعار بتغلى .. نفسهم يكلوا اى حاجة
اى حاجة يا معالى الريس
البطاطس ب 2.50 الكيلو والخيار 300جنية ..
واللحمة 35 جنية والفراخ 9.50
امتى هناكل لحمة ياريس
الفلية ب 26 جنية الكيلو
عاوزين بس ياريس ناكل
مش عاوزين كفيار اللى قولت ان الشعب بيكله واحنا منعرفش ايه الكفيار اصلا
ياحبيبنا ياريس
ياللى الشعب اختارك
ونجحت بأرادته مش بالتذوير ولا الرشوة ولا الكلام الفارغ اللى بيقول الناس عنه
بس ياريس عوزين حاجة واحدة
مش عاوزين إلا غيرها
عاوزين ناكل اى حاجة
بس غير الفول .. زهقنا من الفول
عاوزين ناكل لحمة كل 3 شهور مرة
عاوزين ناكل فراخ كل 3 شهور مرة
بس المهم نكلها نحس بوجودها
امتى ياريس
الاسعار بتغلى
بالله عليك يا ريس قولنا امتى
عارفين ان اللى حوليك هما اللى بيسرقوا
وهما السبب وان حضرتك بسبب انشغالك مش تعرف
وبسبب طيبة قلبك مش تعرف
ياريس احنا مش منعنهم يسرقوا
بس بدل ميسرقوا 2000 خليهم يسرقوا 1000
ياريس يسرقوا اى حاجة
بس ناكل ياريس لحمة
امتى يا ريس
انا بس حبيت ابعت لحضرتك الرسالة دى يمكن بسبب انشغالك الكبير
متعرفش ان الاسعار غليت
وربنا معاك ومعانا ياريس
امتى هتوصل الرسالة يا ريس)(
14 comments:
انا لو تعليق طيب تمام اوى
بس انت فكرتنى بكلمه الملكه فرنسا لو مش لقين عيش يكله جتوة
بس مشكله انى دست الجتوة الان بقت 30 وانت طالع بقه وكان فى جتوة سوريه ومشعرف ايه
المهم
انا جعت بعد قرائه هذا البوست
والله انا خيف انه يجى يوم يعمله المدوين حمله اسمه عوزين ناكل
احمد الجيزاوى
الريس خارج نطاق الخدمة .. ولو داخل النطاق مش هيرد .. وان رد مش هيسمع .. وان سمع.. مصيرك يا اما محاكمة عسكرية أو علقة في قسم او اعتقال غصب عن القانون واحكام القضاء.. واللي انضم جديد الي اللسته القتل والحتف من البلكونات .. يا رب ارفع الظلم ..بالتوفيق
اذا دخل الفقر من الباب دخل معه الكفر من الشباك
حمالات التنصير اللي بتم في مصر اغلبها بتم عن طريق مساومة علي لقمة العيش
وياسيدي مش لازم يكلوا لحمة شبعهم فطار وغدا وعشا وشغلهم عيالهم وساعدهم علي الجواز
وبعد كده نتكلم في اللحمة
hafedelya3qopy.blogspot.com
سؤال وجيه
:(
الله المستعان
دايما اكبر مشكلة الواحد شغالنى ومش قدرة مفكرش فيها غلى الاسعار
:D
عموماً
سؤال وجيه
بس يامين يرد !!
او حتى يسمع !!
السلام عليكم
فكرتني بمقولة بتقول
هشتكنا وبشتكنا ياريس
انت ريس والنعمة كويس
وفكرتني كمان بمقولة
ذيل ( ) عمره ميتعدل
موضوعك رائع أخي الكريم
جوعتني
هههههه
جزاك الله خير
وعاوز أقولك سؤال
ما لقيتش غير ابن الدايخة وتسأله
دا من رابع المستحيلات
أنه يبص لمدونتك
ولمدونتنا
ويقرا اللي فيها
وينفذه
ياللا مش مهم
حسبنا الله ونعم الوكيل
أخوك في الله
معاذ الحوت
http://www.mo3z.blogspot.com/
كل ده في الجنه ان شاء الله
لان بجد شكلها مش في الدنيا خالص
لا حياة لمن تنادي
i really liked ur blog :)
زمان و انا صغيره و قبل ما افهم كنت فاكراه يا عينى مش عارف حاجه و اللى حواليه بيضحكوا عليه
دلوقتى بقيت متاكده ان هو الاساس اصلا
و كل ما اشوف حاجه مش عاجبانى بفتكر الحديث الشريف " كلكم راع و مسئول عن رعيته الامام راع و مسئول عن رعيته "
و بفتكر سيدنا عمر لما كان بيخاف ان حيوان من الحيوانات يتعثر فى الطريق و خايف من سؤال ربنا
بس دلوقتى الوضع بيودى دماغى لحاجتين
اول حاجه ممكن نكون احنا وحشين لدرجه ان ربنا مش عايز يصلح لينا الحال
او ان ربنا بيحبنا فبيختبرنا
اخرها اننا لازم نشتغل عاشان نغير
و اى شغل عايز قائد
و القائد لسه مظهرش
و شكرا
تحياتى
هيــوصلة في القبر ان شاء الله يا محمد
انا ممكن أقولك وفتيه
بس مش اضمن اكون معاكم بعد كده
لما الحاج يم.............لا ياعم انا وراي كلية عايز أروحها
سلاااااام
فهمتني اكيد
بس لي رجااااء من الاخوة الكرام\بلاش نشتم وننزل لمستواهم
Post a Comment