Monday, August 6, 2007

لا تبكى يا قلب على ماض قد وضعة القدر لك

هؤلاء هم الرجال الذين لم يعرفوا لليأس طريق
رجال لم يقعوا فريسة للمقاهى والجلوس على الطرقات منتظرين مساعدة الحكومة
هؤلاء الرجال على الرغم من بيئة عملهم وعلى الرغم من ظروفهم إلا إنهم يعملون من اجل لقمة العيش

التى يعلمون كل العلم ان الله هو الرزاق وليس احد غيرة
على الرغم من صعوبة عملهم إلا إنهم لا يعتبروها صعبة مدام انهم يبحثون عن لقمة العيش الشريفة

وهذا ما قاله عبد الرحمن وهو احد الرجال اللذين يمارسون هذا العمل على الرغم من خطورة

يقول بصوت عالى لأبنه ويسأله سؤال
لماذا نعمل هكذا ؟؟
فيجيب عليه الطفل الذى لا يتجاوز عمرة عن 9 سنوات

. من اجل لقمة العيش يا أبى
لقمة العيش الذى قال عنها عبد الرحمن
انها لا تساوى من يسرق او من ينهب او من يرشو او يرتشى بل قالها بصوت عالى

انها لقمة شريفة كأنه اراد من هذا العرض ان يرسل برسالة الى الناس
وخاصة من على علوا فى الارض كبيرا
اراد ان يرسل برسالة صغيرة اليهم انه يعمل هذا من اجل لقمة العيش الحلال

عبد الرحمن يمارس هذة المهنة منذ 5 سنوات
وفى كل لحظة يعلم ان الله اذا امر بموته لمات بواسطة السكاكين او النار
ولكنة يقول ان الاعمار بيدى الله وانه مدام العمل شريف واللقمة شريفة فإنى انهى يومى بشكر الله

وعدم القلق على نهايتى

عبد الرحمن عند محادثتى معه لم استطع غير إنى اترك له العنان

وكلى اذانا صاغية كل ما اريده هو الاستماع اليه وكيفية تعبيره عن هذا

كنت خلال العرض انظر الى الطفل الذى لا يتجاوز عمرة التاسعة

كنت ارى عينيه وكيفية التعبير عن ما بداخله

وكيفية نظرة للاولاد مثل عمره

كنت اعلم انه يشعر بكسر من داخله يريد ان يلعب ولكنه لم يستطع

لانه إذا لعب سيخسر لقمة العيش التى يكافح من اجلها

رايت عينيه ارادت ان تبكى ولكن لم يستطع حتى لا يشعر ب الضعف

فيأتى أحد فيعطف عليه يريد ان يظهر بكل القوة

""وفعلا ظهر""

وعلى الرغم من الرد الذى كان يقوله لأبيه عندما كان يسئله

اين نحن؟؟

كان يقول بكل قوة اننا فى ارض الله

نعمل لكى نكسب من عرق جبيننا


لا نريد حسنة من احد من يريد ان يدفع فليدفع ومن لا يريد فرزقنا على الله
كانت كلمات اطلقها الطفل بكل قوة دخلت الى قلبى جعلت منه عيونا دامعة

عند انتهاءة من العرض اردت ان اذهب اليه لأقبله

ولكن تحاشدت عليه الاباء والامهات والاطفال

سعدت كثيرا عندما رايت هذا

اردت ان اذهب اليه ولكن تساقطت دموع من عينى

لم استطع ان امنعها فتركته حتى لا يشعر بشئ فيبكى بعد الفرحة فابتعدت وتركته

وشعرت بهذه الكلمة تنبض بداخلى
لا تبكى يا قلب على ماض قد وضعة القدر لك
*************************************
اترككم مع العمل الشاق


السكاكين

بيوزع على الاطفال هدايا
بيمر من داخل النار و السكاكين برضة

بياخد من الاطفال فلووس



انا بس كنت عاوز اقول فى الاخر ان الحاوى ده مش زى اى حاوى ..
ولا الولد ده زى اى ولد بيعيش

17 comments:

FloNa said...

فيه ناس بجد الحياة الشاقة هي نصيبهم من الدنيا !!

ساعات بعد اقول الحمد لله على اللي انا فيه !!
وساعات بقول بجد الناس دي احسن مننا داقوا طعم الشقا والتعب عشان لقمة العيش عشان كدة لما ياكلوا لقمة تلاقيهم بحمدوا ربنا الف مرة !!

دول اكيد حيدخلوا الجنة قبلنا لان الفقراء اول ناس بيدخلوا الجنة !!
بس عجبتني قناعة الولد !!
في قلبه قوة جبل فعلا وهوه صغير ..
احنا محتاجين جيل قوي زي ده يشيل هم بلدنا والله

فقاقيع كلام ـ شروق الشمس said...

في ناس مش بنحس بيهم ولا بنعرفهم حتى غير لما حد يعمل عليهم سبوت من قريب ونشوف ملامح حياتهم وتعاملتهم وعملهم الطفل ده والراجل بيعيشوا ازاي بيناموا فين بيرتاحوا امتى أين مأواهم من المطر لو أمطر المطر؟؟

ربنا يرزقهم من حيث لا يحتسبوا

الفاتح اليعقوبي said...

كان فيه واحد صاحبي قالي حكمة جامدة جداا
بيوقلي في مدير بياخد في الشهر مثلا
3000 مرتبه الحلال من الشغل ورغم كده بيرتشي وبياخد مال حرام
ومعاه موظف في الشغل ياخد 400جنيه ورغم كده محدش عرف يرشيه فقالي
الوظف ده غالي والمدير بتاعه ده رخيص
فقلتله:ازاي ده بياخد 3000جنيه غير الرشاوي يبقي رخيص ازاي وابو 400جنيه اغلي منه
قالي:اصل المدير ده حط لنفسه تمن فمهما علي او زادت الفلوس فبرضه ليه تمن اما الوظف ده فمالوش تمن فمحدش يعرف يشتريه

الولد اللي انت بتتكلم عليه ده بيكسب بالحلال بدل مايسرق في المقابل في شحته وواظيفهم بيباخدوا منها مرتبات خيالية ورغم كده بيسرقو
والسلام

عصفور المدينة said...

ياه يا محمد ده ذكريات انت جبته منين ده أنا كنت بامشي وراه من شارع لشارع لحد مااتوه وانا صغير واسمع الحكم والقوة وهو بيضرب على صدره ولا كان فيه راجل يقعد يربطه بحبل وبعدين يعدي عشان يلم فلوس وكنت أقف استناه يفك الحبل بس عمره مافكه
شكرا للمجهود بل وشكرا للتعليقات الرائع في ثنايا الكلام

Anonymous said...

http://ardel7arb.blogspot.com/
this post is very important
read it

m_elmenofy said...

لا حول و لا قوة الا بالله ....الناس تعبت لدرجة انها مستعدة تعمل اى حاجه علشان بس تعيش
مش عيشه رغدة .... ابسط انواع المعيشة

الله ينتقم من كل ظالم كا ليه دور فى البيحصل دلوقتى

فاروتا المصرى said...

ربنا يكرمه
فعلا الحلال طيب ولوكان قليل
بس مين يعرف كده

Anonymous said...

بجد شغلانه غريبه مكنت متوقعه ان حضرتك هتكتب عنها خااااااالص
بصراحه افتكرت بكلمه الولد ده كلمه ست كانت بتشتغل شغلانه بسيطه اوى كنت بتكلم معاها وبقولها ما شاء الله ان شغلها حلو جدا ومتقن ... فردت عليا وقالتلى ان بدام هى ارتضت الاجر اللى اخدته ومتكلمتش عنه يبقى لازم تشتغل برضاها عن الاجر ... والا ربنا هيحاسبها
بجد الست دى لا بتقرا ولا بتكتب ... بس ذهلت لما سمعت الكلمه دى
مسمعتهاش من متعلم ولا واحد بيقبض بالالوفات

روح said...

السلام عليكم
مش عرفة اقول اية
البوست اثر فيا جامد
مش هقول الا ان ربنا يرزقهم
بالرضا والرزق الحلال الطيب
مشكور اخي بوركت
تحياتي

عمر عاشق القرآن said...

بقالى فترة طويلة بفكر فى الناس المهمشة

قد ايه فيه ناس احنا مش حاسين بيها ولا نعرفها

"رب أشعث أغبر ... لو اقسم على الله لابره"

وحده الله هو الذى يعرف كل هؤلاء ويرزقهم ويسمع دعائهم ويحاسبهم يوم القيامة

فسبحان الله

آن الأوان said...

رحمك الله يا عمر كنت تخاف ان تتعثر بغله فا يسألك الله عنها

§a§a said...

دنياااااااااااااااا

mohamed said...

انت باصص للموضع علي انه مجرد افراز للمجتمع والفساد والوجع

ولكن هنا في عمل ان دول اصلاً حايتهم كداً وعايزين ولادهم يشتغلوا كدا
زي ما قولتلك دول اصلهم غجر
اللي بيسافروا يعرضو العابهم ويبيعوا بضاعتهم في النص

ومع الوقت اصبحوا من غير بضاعه مجرد العالب بيتسولوا عن طريقها

لا في تجارة ولا مشغولتات دهب بيبعوها زي زمان

بحب الحرية said...

!آآآه.. دنيا

Anonymous said...

كنت لسه بتكلم مع واحده صحبتى عن ناس زى الناس دول
و بجد سبحان الله بيكون فيهم قوه و عزه نفس
بس لازم ناخد بالنا لان الناس دول اول ناس بتقوم معاهم حملات التنصير

ربنا يثبتهم و يجعلنا سبب ان وضعهم يتحسن

Maha said...

سبحان الله

طبعا التدوينة تثير مشاعر عديدة .. وهي تدوينة طبقت معنى التدوين الصحيح .. أن تقابل في يومك ما يثير لديك مشاعر وأفكار تريد التحدث عنها

لكن جل ما بذهني الآن هو التساؤل عن مدى شرعية مثل هذا العمل الخطر !

shimaa said...

بجد موضوع غير متوقع لن فى حياتنا من هذه النماذج كتير بس كلام الطفل كبير قوى انا خايفة عليه لم يكبرها يتصدم صدمة كبير جدا