عندما يكون التلاعب مع ذات الله

هل يعتبر هذا كفرا

******************

اللون الاحمر توريه على كلام كبير اوى .. ياريت نفهمة

اولا انا اسف على الاطالة انا مكنتش ناوى اطول كدة بس عشان كان عندى مذاكرة و امتحانات كورس وكدة.

المهم انا مش هندرج فى الفيلم كلة انا بس هوضح نقطتين ..

يدور الفيلم حول رجل الاعمال المتوسط التعليم مرجان احمد مرجان (عادل امام) الذي يستثمر في جميع المجالات الاقتصادية من شركات مقاولات وتعبئة مياه وتجارة حليب وتجارة خارجية وغيرها وعلاقته مع ابنه (شريف سلامة) وابنته (بسمة) اللذين يدرسان في جامعة خاصة وينظران الى والدهما على انه جاهل وفاسد كما تقول عنه الصحف ويرتبطان بعلاقة مميزة مع استاذة الحضارة (ميرفت امين) التي تمثل الوجه المغاير للواقع الاجتماعي الفاسد.

ويقرر مرجان ان يحصل على الشهادة الجامعية ليبرز لهما قدراته فيشتري الجامعة ويرشو الاساتذة وهو الخبير في رشوة غالبية المجتمع بحسب المشهد الافتتاحي للفيلم الذي يقوم فيه بتقديم رشوة لموظف كبير في الدولة.
ويصل به الامر الى رشوة افراد فريق كرة القدم المنافس لفريق الجامعة والذي يقوده في اطار نشاطه الرياضي واللجوء الى الرشوة ايضا للحصول على عضوية مجلس الشعب متقدما على استاذة الحضارة التي تتمتع بشعبية كبيرة وترشحت في دائرته الانتخابية نفسها.

ويصل الصراع الى الذروة حين يضرب ابنته عندما تقول له انه "لا يشرفها ان يكون والدها" فتصاب بازمة عصبية تفقدها النطق وتدخل المستشفى.

وهنا ياتى دور الرشوة مرة اخرى ولكن بطريقة مختلفة وفى مكان مختلف وغريب ..

يطلب عادل امام بنقل ابنتة الى اكبر مستشفى فى اوروبا .. ولكن ترفض ميرفت امين وتعترض هنا وتقول له بنتك بين يدى الله فهل سترشى الله

فكر عادل امام برهة من الزمن .. ثم جاء المشهد الاخرى.

عادل امام يركع بين يدى الله يدعو له .. ثم ينتهى من الصلاة ب السلام

ثم يأتى له تليفون من السكرتير ويطلب عادل امام

منه ان يطعم حوالى 50 فقيرا

ويسفر حوالى 50 معتمرا ..

هذة هى النقطة الاولى التى اريد ان نقف عندها مليئا .. هل هنا فى هذا المشهد الذى يرتبط بعلاقة قوية مع المشهد الاولى انه يرشى الله سبحانة وتعالى .. ام انه ندم على فعلتة وهو يضرب ابنتة ولم يندم على الرشوة علما بإن

الراشى والمرتشى فى النار..

سأترك لكم الجواب والتعليق فى هذة النقطة ..

ولكن الان سأتحدث عن النقطة الثانية :

قبل ان اندرج تحت هذه النقطة اريد منكم التركيز لترابط الاحداث مع بعضها ..

عادل امام ينضم الى اسرة جديدة تدعى دعوة الحق التى أسسها احد طلاب الجامعة ..

مدعيا انه يقف ضد الفساد والعرى الذى تفاحش فى الجامعة ولكنة مايلبس طويلا حتى يخرج من هذة الاسرة

والسبب ان هذة الاسرة والمفروض ان اى حد متدين يكرة الجواز العرفى ده المفروض عندى وعندك بس فى افلام

عادل امام مفيش حاجة اسمها المفروض ..

يقبلون الجواز العرفى ولا يمكرونه بل يفرحون به

وان عادل امام يرفض هذا الجواز العرفى على اساس ان الرشوة مش حرام

عادل امام

شبح لحد امتى هيفضل يطردنا بأفلامة دى

والسؤال تانى ..

عندما يكون التلاعب مع ذات الله

هل يعتبر هذا كفرا

كارثة فى الشارع

ظاهرة غريبة منتشرة فى مجتمعنا و هى الحجاب المتبرج..او الحجاب النص نص
فتغطى الفتاة شعرها و ترتدى الضيق من الملابس و تتشدق بانها محجبة !!
و هذا سببه اما فهم خاطىء لمفهوم الحجاب او فهم صحيح مع تقصير فى التطبيق لاى سبب من الاسباب المعروفة و لا داعى للخوض فيها
فماذا نفعل بغطاء للشعر مع كشف او ابراز للعورات ؟؟
طيب ماهى شروط الحجاب ؟
لا يكشف .. فيغطى سائر الجسد
لا يشف..يعنى ميكونش الملابس شفافة
لا يصف.. اى لا يصف معالم الجسد
طبعا الا الوجه و الكفين

بس دى حرية شخصية !!!
بنفس المنطق ممكن واحد يعد سنة لا يستحم و لا يغير ملابسه و ينزل الشارع و يختلط بالناس و يقول دى حرية شخصية
الظاهرة فى قمة الخطورة ..
لا اعجب لارتفاع معدلات الاغتصاب و انحراف الشباب اكاد اجزم ان التبرج احد اهم اسباب هذا و قد حذرنا رسول الله صلى الله عليه و سلم من هذه الفتنة قبل وفاته لخطورتها و اثرها القوى على اى مجتمع بالاضافة الى ضررها البالغ على الفتاة نفسها
فالتعرى غريزة حيوانية . و من فطرة البشر ستر نفسه فتفقد الفتاة حيائها و تصبح رخيصة غير ذات قيمة و ان كانت عبقرية و ألفت مئات الكتب .. التبرج يلغى كل هذا و تتحول من انسان الى شىء للتسلية
بالاضافة الى تحملها باوزار كل من رأها و فتن بها . هذا قليل من كثير و عذرا اختصرت كثيرا نظرا لانشغالى


اقرأ ايضا اوعى تنفض جامدين جدا جدا جداااا

يوووووووه تانى الحجاب ؟؟
فتنة

-------

هؤلاء شاركوا فى الحملة مشكورين

بالحجاب انتى اغلى
حجاب دوت نص كم
فتياتنا و حجاب الموضة
كارثة فى الشارع-كلمة واقفة فى الزور
حجاب البنات-كارثة فى الشارع
الكارثة
حجاب و لكن

فتح بابــــــــــــــــــ النقاش ـــــــــــــــــــــ

طيب احنا عرفين اللى بيحصل فى المترو دلوقتى


سؤال بديهى بيسألة اى حد


هل التفتيش فى المترو اهانة لشعب مصر ام حفاظ على امن مصر؟

آراء حية .. من قلب المحاكمات العسكرية

في البداية .. شكر موصول الى الزميل اسلام توفيق

جزاه الله عنا خيرا

،


و ادع الاحداث تتحدث













اترك لكم التعليق

،

شكر خاص الى المدونة منة الله

خبر عاجل

خبر عاجل

تم اعتقال احمد الجيزاوى صاحب مدونة انا بحبك يا مصر

و صاحب مدونة المنفى

و على خلفية المحاكمات العسكرية تم تفتيش المحامى محمد مرسى بشكل مهين للغاية

حسبنا الله و نعم الوكيل

سنوافيكم بالتفاصيل و الفيديو لاحقا ان شاء الله

تحديث : المدون معتز عادل تم الافراج عنه

السرجانى و السويدان

السلام عليكم جميعا

باذن الله تعالى سيبدأ الدكتور راغب السرجاني برنامجه الجديد تاريخ الاسلام على قناة الناس الساعة 7 مساء ابتداء

من اليوم... البرنامج كل يوم خميس حلقة جديدة فاحرصوا على متابعته وابلغوا الجميع

خبر اخر...

دكتور طارق السويدان سيلقي ندوة يوم 18/7 القادم باذن الله تعالى في ساقية الصاوي بالزمالك من

8.30-10.30

هنساكى للأبد

قسم لك....لن أنساك أبداً

وسأذكرك حينما تعود الطيور إلى عشها تطعم فراخها

سأتذكرك حينما تتعانق الأمواج الزرقاء مع الشاطئ الأبيض السحري

ِ سأتذكرك حينما تحتضن أشعة الشمس الدافئة الجزر المهجورة

سأتذكرك حينما أرى الفراشات ترتشف الرحيق من الزهرة البرية

سأتذكرك حينما أرى أزواج الطيور مهاجرة من الجنوب إلى الشمال

سأتذكرك في كل لحظة

.. لن أنساك أبداً

لقد نهش القدر من قلبي قطعة منه، لأنه أخذك عني بعيداً حيث لا أراك

لكنه لم يأخذ صورتك، بسماتك، همساتك مني، لأنه لا يقدر

القدر آلمني، لأنه أبكاني، لأنه حرمني، لكنه لن ينسيني صورتك في عيوني

لقد انتزع من كل شيء، حينما أخذك معه

سأتذكرك مع إشراقة شمس كل صباح... ومع غروبها في كل مساء..

وستيقي في مخيلتي في كل وقت وزمان..

سأتذكر الشجرة التى كانت تجمعنا سويا..

وكوب العصير الذى كنا نأخذ منه رشفات ب الشليموه

وكنا نطلب كوب واحد لسببين

لتوفير

ولكى نكون قلبين بشليموه واحد

وسأتذكر بائع الترمس الذى كاد ان يقتلنا عندما قمنا بسرقة الترمس منه.

وسأتذكر المبلغ الذى قمت بتسليفة لأبيكى لكى يسد دينه..

لن انساكى ابدا

وسأتذكرك

ولكن عندما احصل على المبلغ الذى اخذتية منى

سأنساكى للأبد

صراخ كثير

عندى سؤال !!
ليه امبارح بين الساعة التاسعة و الثانية عشرة تقريبا كنت بسمع اصوات صراخ من الشارع على فترات متقطعة ؟؟
لو حد يعرف يا ريت يقولى
و لو محدش يعرف هقولكم انا
----------------

ان يكون اليوم مباراة كرة بين الاهلى و الزمالك فان هذا يعنى انه يوم عيد للكرة المصرية
فينتشر بائعى الاعلام و الرايات البيضاء و الحمراء فى الشوارع
و ترى السيارات ترفع هذه الاعلام فى مشهد مهيب كرمز للانتماء القوى
و يبدأ الزحف من كل حدب و صوب الى استاد القاهرة ليمتلىء بما يقارب المائة الف ربما قبل المباراة بساعات
و لابد بالطبع ان يتم فصل الاهلاوية عن الزملكاوية حتى لا يفتكوا ببعضهم البعض هؤلاء فى جانب بلون و راية و هؤلاء فى جانب بلون و راية .
و يبدأ زحف اخر على المقاهى لتمتلىء بالمشاهدين..يترقبون بدأ المباراة فى شغف
تبدأ المباراة و تتسع معها العيون فى متابعة قلقة مع الكثير من الصيحات و الشتائم عند ضياع فرصة او احتساب فاول او احراز هدف
اذا فهذا هو التفسير المنطقى للصراخ الشبيه بصراخ النساء الذى كنت اسمعه على فترات
و هكذا يشعر جماهير الفريق الفائز بنشوة الفوز فلابد من الصياح و التهليل و التفاخر بامجاد فريقهم
بينما يشعر جماهير النادى الاخر بمرارة الهزيمة
و اذا فتحت الماسنجر تجد عددا لا بأس به من الاسماء المستعارة قد تغيرت لتغطى الحدث و تشيد بأمجاد البطل
و لا بأس بأن يذهب الطلبة للجامعات حاملين اعلاما ضخمة بلون فريقهم .
و لا بأس بالطبع من ملايين المناقشات التى تغطى كل جوانب المباراة و حتى ادق التفاصيل

طيب تعالو نحكى قصة كدة و نرجع لموضوعنا
بيقولك مرة مدينة ما كانت عايزة تغزو مدينة تانية..بس المدينة التانية كانت اسوارها قوية و منيعة ففشلت كل محاولات الغزو..لحد ما الجيش الغازى ابتكر حيلة..نشر سؤال بسيط فى البلد "ايهما خلق اولا البيضة ام الدجاجة؟" سؤال محير بس مش هتفكر فيه اكتر من دقيقة بغرض الفضول او التسلية و بعدين تكبر دماغك.
شعب البلد دى بقى دخل دماغهم الفاضية التساؤل دا قوى..و قعدوا يفكروا و يجيبو فى براهين و اثباتات و كل واحد يجيب دلائل تدعم رأيه و انقسموا فريقين .. فريق البيضة و فريق الفرخة..لحد ما بقى دا شغلهم الشاغل فقدر الجيش المعتدى غزوهم بسهولة .
حد فهم حاجة ؟؟

دعونا نتفق على ااننى لا اهاجم اشخاصا بعينهم و لا افضل نفسى على احد..بل اننى ارصد ظاهرة و احداث فلا داعى لشخصنة الحوار.
انا لا انكر على احد مشاهدة مباريات الكرة فأناا احب الكرة .. ولا انكر على احد مشاهدة مباراة الاهلى و الزمالك
و لكن ضع الامور فى مقامها
نحن نشاهد الكرة للتسلية و لتمضية وقت ممتع
و لكن ليس هذا ما يحدث ابدا .. لو كانت مجرد تسلية لما سمعنا هذا الصراخ الهستيرى
ان هذا الذى يصرخ فرحا بنصر فريق كرة فشل فى ان يحقق نصرا فى حياته
و هذا الذى يسب الحكم الظالم ... فشل فى ان يتكلم بظلم حاكمه
و هذا الذى يكره الفريق المنافس "فريق كرة و الله مش كتيبة من اليهود" لم يشغل باله بمعرفه عدوه الحقيقى
و هذا المهندس الذى مات بالسكتة القلبية اثناء المباراة .. اعتقد انه لو كان مات بالسكتة القلبية لخبر سمعه عن العراق او فلسطين لمات شهيدا

يا عم سيب الشعب المطحون يرفه عن نفسه :
هل رفع علم فريق كرة و التشجيع الجنونى له و السباب القذر و شق الجيوب و الفرحة الطاغية بالنصر و الحزن القاتل للهزيمة ترويح عن النفس ؟؟ الصحابة كانوا ارق منا حالا و لكنهم كانوا يفرحوا لما يستأهل الفرح و يحزنوا لما يستأهل الحزن
ما يحدث هذا ليس ترويح عن النفس .. بل هروب و دفن رأس فى الرمال
الكرة وسيلة من وسائل الهاء الشعب . و هذا مقصود .. هل لاحظت التغطية الاعلامية الضخمة لاحداث الكرة ؟ هل لاحظت حضور رئيس الجمهورية لبعض المباريات ؟ (احدها كان بعد غرق العبارة بساعات)
و من الطبيعى جدا ان يتقاضى لاعب الاهلى 40 الف جنيه من اجل مباراة فى حين يتضور الشعب جوعا
عالم يتقاضى ملاليم و لاعب خريج صنايع يتقاضى ملايين !!
ولا اعجب اذا ما تحول مفهوم الوحدة الوطنية المزعومة من مسلمين و اقباط الى اهلاوية و زملكاوية
فاعجب لمن يتشدقون باهمية توحد المسلمين و عدم تفرقهم الى جماعات فى حين انه يسب مشجعى النادى الاخر و ينظر لهم نظرة الكراهية ( و هذا حقيقى و ان كنت لا تصدق طالع منتديات الاندية)
اذكر ذات مرة اضافنى احد اصدقائى فى محادثة ماسنجر مع بعض الشباب من الاسماعيلية و هؤلاء معروف عنهم كراهية الاهلى.. فكنت امزح قائلا فلان اهلاوى مما كان يثير حفيظتهم و اخذوا يتسائلون مين دا الى اهلاوى و كاننى قلت ان بيننا يهودى او كافر .. فحينما صارحتم بان الاهلاوية ليسوا يهودا كان الرد المنطقى بان اليهود افضل منهم
اعلم بان هذه حالة متقدمة و لكنها موجودة و بدرجات متفاوتة
و مما يثير العجب ان يتفاخر احدهم بانه زملكاوى متعصب و اذا كلمته عن الاسلام قال : بلاش تعصب
تعصب لفريق كرة و تساهل فى الدين
هنا اتسائل اين وصل مقام الكرة عندنا ؟؟؟
اعتقد اننا لا نستحق شرف تحرير الاقصى مادام شبابنا يرقص فى الشوارع ابتهاجا بماتش كرة .

شاهدوا الكرة و لكن ضعوها فى مقامها الطبيعى

اقرأ ايضا :
جووون يا خبر ابيض جون يا جماعة
(بالمناسبة البوست القديم دا كنت نشرته فى احد منتديات الاندية فالموضوع اتقفل و كان من ضمن الردود من اتهمنى بانى استغل الدين من اجل اهداف اخرى و من طالب بحذف اللنك لانه يحتوى على هجوم صريح على النادى
خطــاب

------------------

اولا انا هتكلم عن حاجة صغيرة ..

الموضوع انى مش بقف ضد تشجيع الاهلى او الزمالك ب العكس انا شوفت الماتش زى اى حد بس ..

لما شوفت الماتش عند واحد صاحبى فكان كل ميدخل جون للنادى الزمالك يطلع واحد من الشباك يقعد يسب فى النادى الاهلى والاهلاوية والله بجد وبعدين الموضوع ده اتكرر فى كل جون سواء من الاهلى او من الزمالك يطلع واحد من الاهلى يسب فى الزمالك بعد دخول الجون .. فى الاخر بعد فوز الاهلى قولت اخرج اتمشى شوية بعد اللى حصل ..

وانا ماشى كدة على فيصل شوفت صريخ كتييييييير فستغربت فسألت .. فقالولى

جماهيير الاهلى بيفرحوا ب الفوز

انا والله صعبوا عليا فى الاول قولت ياااه على الشعب مبيصدق يخرج يفرح بسبب الكبت الى هو فية

بس شوية وشوفت شباب بيجروا فبعديها وقفوا امام عربية فيها بنات

فكادوا انهم يخرجوهم لولا ان البنت اسرعت ب العربية

وكان هذا هو التعبير عن الفوز ..

الذى استطيع ان اعبر عنه ب ثلاث جمل

اعراض الفوز .. سب دين .. تحرش جنسى .. الفاظ قذرة

انا الاول كنت ضد خطاب بس الواحد لما شاف بعنية الحاجات اتغيرت كتير اوى

تعال بقه نقولهم نتجمع عشان فلسطين .. يا عم فلسطين ايه بلا نيلة

وتحيا مصر

محـمـــد

فكرت تعمل دماااااااغ قبل كدة

فى يوم كنت مخنوق اوى ففكرت انى انزل الشارع وامشى مع نفسى..

فكنت اتأمل فى وشوش الناس .. والله لقييت الموضوع مسلى اوى ..

واحد واقف مع خطيبتة عند قفص الاسود وبيقولها .. بصى اهو ده بقه اسد..

شاعرا بأنه الهمها كل المعلومات الموجودة فى العالم والمعرفة المطلقة واسرار الكون.

او اثنين ماشيين مع بعض وهما كبار فى السن على الكورنيش وضربين الدنيا جزمة ولو سئلتهم انتم فرحنين هيقولولك طبعا .. شايفين ان دى الحرية من وجهه نظرهم ..

وواحد مخنوق من الدنيا وبيتمنى ان ربنا يموتة.. بسبب همومها وهمومة ومشاكل

وبناااات كتير بعد ميخرجوا من المدرسة يبدء الصوت العالى والالفاظ التى ليس لها معنى فى القاموس ..

وبنت غريبة الاطوار هتلاقيها لابسه غريب اوى وبتركب المترو مع الرجالة وحشرة نفسها معاهم ..

او هتلاقي واحدة تخيييينة اوى اوى سايبة عربية البنات وبتركب مع الرجالة ولو سألتها انتى ليه بتركبى مع الرجالة هتقولك عادى عصر الانفصال انتهى ودلوقتى المساواة هى المسيطرة ..

او لو غلط ومشيت فى مكان شبه ظلام.. ولقيت واحد قاعد مع واحدة وفكرت بس.. فكرت... انك عاوز تنصحهم وتقولهم ان ده غلط..

هتلاقى اول رد انها خطيبتى .. يعنى هى لو خطيبتك تعمل فيها كدة ..

ولو فكرت انك تمشى ب القرب من جامع ولا حاجة هتلاقى الناس جوه بتتخانق على فرع وسيبين الاساسيات ..

وحجات زى دى كتييييييير اوى ..

بس هل الناس كلها كدة

ولا فى حجات تانية ..

المهم ان الموضوع بقه مسلى اوى وتقلب من الحزن لأبتسامة خفيفة على وشى

فكرت تجربها؟؟؟؟؟؟؟؟