Monday, February 26, 2007

حوار مع غريب ..





مش عارف ليه .. كان نفسى أكتب من زمان الشعور ده .. بس كنت خايف اوى .. مش من أنى أكتبه ..بس من أن والدى يشوفه..
يعنى كان نفسى أكتب أقول أنى تعبان أوى من ألى بيحصل ... يعنى الإخوان ألى أتخذوا ظلم من غير سبب ...
كنت كل محب أكتب كلمة إخوان .. كنت بنظر لباب الغرفة عندى .. كنت خايف ان بابا يدخل عليا ويلاقينى بتكلم عليهم ..
على الرغم من أنى من الإخوان .. إلا ان والدى ميعرفش إنى من الإخوان ..
يعنى على الرغم من أن فى مره حصلت مشاكل وكنت راجع للبيت بعد الكلية .. ولقيت جواب أستدعاء فى البيت .. كان السبب أنى كنت فى مظاهرة مع إخوانى


وكان وقت سب الرسول .. يعنى أكيد حتى لو والدى مش موافق أنى أكون مع الإخوان .. على الأقل أشارك معهم فى المظاهرات علشان سب الرسول ..

المهم جالى أستدعاء فى البيت وكان وقت صعب أوى عليا .. يعنى والدى وولدتى .. بس مكنتش خايف خالص .. مش عارف كنت حاسس ان ربنا واقف معايا ...
وحسيت وقته ا ان ربنا بيحبنى اوى اوى ..

انا مش عارف ليه قولت الكلام دة ... بس يمكن علشان إحنا مظلومين اوى

الإخوان بوجهه عام .. على الرغم من أنهم عوزين البلد كويسه إلا ان الحكومة مش سيباهم ..

هل سألنا نفسنا ليه

لو انتا فعلا بتكرة الإخوان او انك شيفهم غلط .

طيب سألت نفسك ليه طيب هام بقه عوزين يغيروا المادة التانية من الدستور ..
يعنى بتقول على قد فهمى ان مصر شريعتها الاسلام .. يعنى الحكم يكون الرجوع لمنهج او للشريعة الإسلامية ..
هما بقة عوزين يغيروا دة ويخلوا مصر دولة علمانية ..
هل هما صح والإخوان غلط .. هل علشان أحنا عوزين مصر تبقة دولة إسلامية غلطنا .
متيجى نسأل نفسنا السؤال دة ..
هل هما غلط فعلا والحكومة صح .. طيب هل شوفنا هما بيعملوا ايه..

هل هما فعلا صح .. وكل قرار بيخدوه صح

ليه ياخدوا محاكمة عسكريه .. عملوا ايه .. وأيه ذنب الاطفال
ألا تحركك هذة الصورة ..






هل علشان هو نفسة يغير دة غلط ..

فين صاحب عبارة السلام ألى غرقت .. فين صاحب القطارات ألى مات فيها الناس فى الصعيد .. وألى أتحرقت ..

مين سبب دة كلة .. وهل تم معاقبتهم بردة عسكريا ..


مين مسؤول عن أطفال الشوارع .. مين

مش المفروض بردة يتحاكموا .. مين السبب ..

قفلوا شركاتهم .. وخسروا أكتر من مليارات علشان من الإخوان ..
عندنا 7 مليون عاطل ... زادت البطالة بسبب خوفة من وجود الإخوان او ترشيح أنفسهم فى الانتخابات التشريعية ..
وبعدين أية نهاية القصة دى ..
هتعمل اية تانى
حتى مدير لجنة الإغاثة والطوارئ قبضوا علية ..
د/جمال عبد السلام ألى يشرفنى أنى اكتب أسمة ..

عمل أية علشان بردة بيساعد الفلسطينين
وقت حادث القطار راحت اللجنة وسعدوا المصابين وكمان عوضوهم ماديا على الحادث ..
انتا بقة عملت اية يا غريب .. سعدتهم .. قولتلهم بردة بنفس الفم دة ..
هيدي كل واحد تعويض وهل فعلا خذوا .. طبعا لا

فين حكمنا أحنا بقة عليك .. لما هربت أسلحة لحركة فتح

هربتها لفتح ليه.. وليه مهربتهاش لحماس ..
نفسك ففتنة .. نفسك انك يكون فى معارك فى الشارع الفلسطينبى تخليهم ينشغلوا ب الحرب بينهم وينسوا القضية نفسها .. أسرائيل..

وبعدين فين حكمنا أحنا عليك .. فين المحكمة العسكرية

هتموتهم .. وبعدين .. بنحارب البطالة ب البطالة .. وبعدين ..
جة وقال انة هيعمل وهيعمل وبعدين ~.. شوفنا اية .
أعتقالات , تعذيبات , قتل , من غير ميهمة حد خالص ..

محدش عارف يكلمة .. بطش ,

أقول اية ولا اية .. باطش , ظالم ,

نهايتة هتبأة عاملة أزاى
نفسى أشوفها ..
خد 89 وبعدين .. هيحكمهم عسركيا كلهم .. ولا هيجدد حبسهم مرة بعد مرة علشان تخلص الإنتخابات التشريعية وبعدين يفرج عنهم ..

عاوز تضمن انهم ميرشحوش نفسهم .. لا متخفش مش هتفرق كتيير خالص .. الحق موجود موجود حتى لو أصحابة ماتوا .. هيخرج ناس
تانى هيحربوا من أجل الحرية .. مهما عملت مهما قررت .. بردة هنحارب من أجل الحرية ..
وهيجى عليك يوم الناس هتقولك كش ملك ..

مش بعيد أهو قربت تنتهى وبعد كدة .. خلى الكرسى ينفع ..


خدة معاك فى القبر .. ومتنساش تقولهم مين رسولك ودينتك ..
أنصحك أنك تحفظ قبل متنزل تحت ... هههههه

يمكن تفتكر .. بس السؤال هنا هل فعلا هتفتكر لما يسألوك .. وهل فعلا الناس هتموت بعدك .. متجرب كدة وشوف رد فعل الناس ..

عبد الناصر لما تنحى عن الحكم الناس رجعوة تانى ... انتا بقة لو تنحيت الناس هترجعك تانى ..

اة طبعا 6 مليون هيرجعوك و 70 لا ..
متنساش فى واحد لحد دلوأتى ألى قالك كش ملك .
وسعتها هتعد علشان تعرف كام واحد بيقولك كش ملك .
انا الأول :: كـش مــ لــك

وهناك من قالها ..



16 comments:

Anonymous said...

ربنا يفك اسره يامحمد ويرجعه لبيته واهله سالمين

بوركت

Anonymous said...

ربنا يفك اسره يامحمد ويرجعه لبيته واهله سالمين

بوركت


Abdosaleh

None said...

ادخل عندى ضرورى جدا وانصر الطلبه المفصولينhttps://www.fnangeology.blogspot.com/

وسلااااام

Rehab Saber said...

جميل ان الواحد يفضفض

وكمان الاجمل ان الكلام من القلب

بصيغة القلب يعنى مش مقال لا كله عامى ولا كله فصحى

جزاك الله خيرا

اللهم فك اسرهم جميعا

اللهم كنا معانا ولا تكن علينا

اروي الطويل said...

حراااام كفايه والله الواحد نفسه يروح حته صحرا مايشفش فيها حد

اروي الطويل said...

من كتر اللى بيحصل ده بلا قرف

Anonymous said...

cleopatra89

كلام جميل يا محمد ... واجمل ما فيه .. انو طالع من القلب


وانا بحب الاخوان جدا .. وان شاء الله ربنا هينصرهم علشان حال البلد يتعدل بقا

بن توفيق said...

حبيبى الغالى
هذة ضريبة من قال ربى الله ومن قال لا اله الا الله

اصحاب النبى كانوا يعذبوا وكسرت رباعية النبى صلى الله عليه وسلم واتهم النبى بابشع التهم وقيل عنه مجنون وكذاب و.. و.. كل هذا حتى يصل الينا هذا الدين على طبق من ذهب

وها هم الاخوان الان يحاولون ارجاع هذة الذكريات التى يفخر بيها الاسلام والمسلمين
يعتقلوا ويسلب حريتهم وتصادر اموالهم ويسجنوا ويحولوا لمحاكمات عسكرية .. كل هذا لأعلاء كلمة الله عز وجل
وعلينا كما فعلت اننا نساعدهم ونقف جمبهم ونؤيدهم
مش عشان شخصهم .. عشان دينك .. عشان ابنى عد كده وابنك يصلهم هذا الدين عشان حفيدى وحفيدك يتعلموا منا زى ما احنا اتعلمنا من الصحابة ويجاهدوا عشان خاطر هذا الدين

اللهم ثبتنا واستعملنا لخدمة هذا الدين
اللهم آمين

Aml Ghonaim said...

أخى الفاضل ... خطاب
ودوا لو ظفروا منكم بهذه !!! اليأس...
لاتيأس ؛؛؛ ثق فى كرم الله وثق فى أنه سينصرنا ولكننا نمنا طويلا حتى أصبح صعب علينا الاستيقاظ...
لكن يوما ما _ ولعله يكون قريبا _ سننهض جميعااااا
وحينها ...
أبشركم بأننا سنننتصر ...
لا تيأس وتذكر أن النصر قادم ان لم يكن بأيدينا فبأيدى أبنائنا
بنى نور الدين منبرا للأقصى وهو فى أيدى الصليبين فضحك عليه من ضحك ... وبعد عشرين عاما وضعه صلاح الدين فى الأقصى ليخطب منه ...
فقط عشرين عاما من العزم الأكيد والاصرار وانتصروا
أفلا ننتصر اليوم ؟!!

خطــاب said...

اختى امل غنيم

كاتب هذه الخاطرة هو اخويا و حبيبى محمد

كش ملك said...

ع جزاك الله خير يا عبدو
على ردك .. وأنا معاك طبعا ربنا يفك أسرهم يارب العالمين ...


انا فعلا يافنان جولوجيا دخلت عندك وجزاك الله خير على أهتمامك ب القضايا ويارب نرى من أمثالك كتير من يهتم بهؤلاء الطلبة ..


جزاك الله خير يا
Arabian GiRl

وفعلا والله انا لما بفضفض بحس براحة اوى .. أفضل من انى احس انى بكتب موضوع أنشى .. ربنا يكرمك على ردك ويجعلة فى ميزان حسناتك ..


جزاك الله خير يا أروى الطويل .. انا يمكن مش معاك اوى فى الوصف دة علشان احنا لو رحنا صحراء هنهرب من الواقع خلينا نغير الواقع من غير منهرب ..

وطبعا انا فهمك بس علشان محدش يفهم غلط ويفتكر ان الهروب والاستسلام أفضل ..

جزاك الله خير




جزاك الله خير يا كليوبترا على ردك .. والله انا سبب حبى ليهم هو هجوم الناس عليهم بيزودنى حب فيهم اوى .. ربنا يزيد المحبة ونحاول معاهم اننا نصلح .. أمين يارب العالمين ..





حبيب قلبى وروحى والله العظيم انا فرحت اوى اوى اوى لما شوفت تعقيبك على موضوعى .. جزاك الله خير يا جميل .. وجعلة الله فى ميزان حسناتك .. والله يا إبن توفيق انا حسيت ب الكلام دة اوى .. وفعلا أبكانى ..على حال الأمة ..
وفعلا دى ضريبة وكل مفتكر الرسول صلى الله عليو وسلم وألى كان بيحصلة .. بصبر أكتر وأكتر .. لأن رؤية الرسول مش سهلة خالص .. يارب تشرفنى على طول يا حبى وجزاك الله خير




جزاك الله خير يا أخت أمل غنيم وفعلا دى ضريبة للمناضل وألى عاوز ينشر دعوة ربنا وأن الضريبة دى ذى مقال أخونا إبن توفيق انها موجودة من زمان من أيام الرسول صلى الله علية وسلم .. وإننا هنفضل ندفعها لحد مينتشر الإسلام ويحكم .. جزاك الله خير










حبيب قلبى خطاب .. يا جميل انا وانتا واحد ومش مهم لو كانت الإخت امل غنيم أفتكرتك انتا.. أحنا واحد يا أخت أمل فعادى ..

جزاك الله خير

mac said...

كما قالو مقال من القلب
جزاك الله خيراً وفك قيد المظلومين

كش ملك said...

جزاك الله خير يا جميل

وشكرا على مرورك يا ماك

واحـــد مـــــن الـنـــاس said...

النصر في النهاية للحق بإذن الله
وربنا يثبتك ويثبتنا يااااارب

Anonymous said...

جزاك الله خيراً كثيراً على المقال ده
صادق و معبر جدا ماشاء الله:)

"عاوز تضمن انهم ميرشحوش نفسهم .. لا متخفش مش هتفرق كتيير خالص .. الحق موجود موجود حتى لو أصحابة ماتوا ."

دحضرتك قلت الكلمة دي... و عندك حق فعلاً...
ان كانوا هما فاكرين في يوم اما يمكسوا شخص او اتنين و عاوزين يخلوهم عبرة لمن اعتبر... هما الي هيبقى عبرة لمن يعتبر.. الناس بتزداد حباً للدين و حباً للخير
و الناس الي بقو بيحبوا يدافعوا عن الاسلام اكتر و اكتر... و نقطة الخوف جواهم مابقتش زي زمان... لأن القضية بقت اوضح و الهدف بقى اوضح و اكبر و اشمل لكل الناس انها تدخل تشتغل عشانه
النقطة مش نقطة اخوان او غير اخوان... النقطة نقطة مسلم بيحب دينه و مهما حصل هيفضل يشتغل عشانه... هدفه الجنة.. و عينه مش بتقل عن ماهوا دون الجنة
و حاسه ان بجد ربنا بيجعل تدبيرهم تدميرهم... بكل الي بيعملوه عشان يخلوا الناس يكروهوا الاخوان و يكروا الاسلام و العمل ليه
كل ده اتقلب عليهم و بقى عدد محبي العمل للاسلام اكتر و اثبت... اجيال بتيجي احسن مننا و القضية شاغلة مخهم حتى اكتر مننا
الاجيال بتاعت عاشئة و انس مالك و احمد شوشة و سارة و احمد فرحات...
كل ده ماكنش هيطلع لوحده لو ماكنش عندهم ابتلائات...
ثبتهم و أعانهم الله جميعاً

اعتذر عن الاطالة
و جزاك الله خيراً مرة اخرى
سلام عليكم

shimaa said...

بجد رينا يكرمك يا محمد فى حاجات كتير عفرفتها من كلامك ربنا يذيدك علما تنفع به الاخرين ونفسك وربنا يفك اسرى كل المظلومين امين
عارف احلى حاجة فى الكلام انه طالع من القلب 000ولى طالع من القلب يدخلالقلب على طول
وفى حاجات كتير خطا فى حياتنا بس لازم نواجه هذا الخطا والا الموت افضل