Tuesday, October 16, 2007

هما وهما


هناك فرق بين طلاب الاخوان المسلمين وبين جماعة الاخوان المسلمين انفسهم !
كثيرا ما ينتابنى هذا الشعور .. على الرغم من ان الفكر بين الطلاب والجماعة واحد إلا انى اجد غير ذالك ..
المفروض اصل الجماعة فى كتاب الامام حسن البنا وجميع كتب الاخوان انهم ليسوا حزب وهذا ما كان ينادى به الامام حسن البنا
ولكن الظروف اوقات الامام غير الظروف الان .. وانا اعزذر الاخوان ومن حقهم ان يبأخذوا هذة الخطوة
وانا اعتبرها فى صالحهم وبالعكس لو مكنش الاخوان أخذوا هذة الخطوة ماكن اصبح اخوان من وجهه نظرى ..
كل وقت وله أذان
فكان هو هذا اذان جماعة الاخوان ان يغيروا حتى يستطيعوا ان يطبقوا افكارهم ..
ولكن تعالى نتكلم عن طلاب الاخوان وخوضهم الانتخابات الطلابية
بس فى الاول مش عاوز حد يفتكرنى انى بقارن بين حاجتين جامدين انا بس بعطى مثال ليس اكثر
بس الطلاب بقه حاجة تانية خالص
بقالهم اكتر من 4 سنين بينادوا بانتخابات نزيها وفى كل مرة بيعملوا مظاهرات والتحامات بينهم وبين الامن وفى كل مرة بيتشطبوا وفى كل مرة بيطلع المتحدث الرسمى ويقول احنا هنعمل وهنعمل
وفى الاخر مش بيعملوا حاجة خالص
اتحاد طلاب حر موازى لإتحاد الطلاب العادى
وفى الاخر ميكونش ليها انشطة وفى الاخر
ولا حاجة تيجى السنة الجاية ونفس التمسلية والمسلسل
نفس الاسطوانة وفى الاخر ولا حاجة
انا كنت اقصد ان جماعة الاخوان لما حسوا ان موقفهم صعب بعد التعديلات الدستورية فكروا انهم يعملوا
حاجة وهى البرنامج الحزبى
الطلاب بقالهم اكتر من سنين وسنين وهما زى مهما
مفيش فكر جديد .. مفيش اى حاجة جديدة
اكنهم اتعودوا على الشطب والمظاهرات ومفيش اى حد خرج يقول تعالوا نغير سياستنا المرة دى او توجهتنا
محدش فكر انهم يستخدموا راى عام اوسع شوية يمكن المرة دى يحصل تغيرات كتيرة او حاجة
محدش فكر انهم يروحوا لجنة الحريات فى نقابة الصحفيين ويعرضوا مشاكلهم
يمكن تتحل لما يكون الراى العام اوسع او حاجة
مش عارف
بس اللى انا عاوز اقوله
انهم لازم يشوفوا حاجة تانية يعملوها
يعنى يجددوا فكرهم بدل مهو اسطمبا واحدة
وبس .

18 comments:

cleopatra said...

البوست جامد جدا .. وصريح جدا جدا

وانا متفقه معاك تماما


بس ان شاء الله ليا عودة بكرة .. بعد ما اشوف رياكشيون الطلبة المرادي عامل ازاي

نـــــــور said...

اعتقد موضوع الشطب دا قديم وكله عارف اللي فيها والاتحاد الحر دا فعلا قديم برده
ومافيش حاجة بتتقدم منه لأنه كل ما بيحاولوا يعملوا حاجة يإما بتتلغي بسبب الامن يا بيتحولوا هما انفسهم مجالس تأديب وغيره

الفكرة مين يدي طلاب الاخوان المجال انهم يعبوا عن نفسهم بحاجة جديدة او قديمة حتى !!!! دا بجد مهازل بتحصل عندنا في الكلية وبشوفها بعيني ماحدش بيقولي وفي الجامعة عامة

ربنا يهدي .. ويكرم .. ويوفق ..

وكل عام وانتم بخير ، وعيد سعيد علينا وعليكم .. وعساكم من عواده بالخير والبركات

Anonymous said...

ما فيش مشكله فى فكرة الاتحاد الحر بس المشكله فى التنفيذ و التفعيل

الفاتح اليعقوبي said...
This comment has been removed by the author.
الفاتح اليعقوبي said...

السلام عليكم ازيك يامحمد ولا اقولك بلاش ازيك ماانا بشوفك علي طول
بص ياجميل
مع احترامي لكل كلامك بس كلامك نفسه عليه كلام
اول حاجة علاقة الاخوان بطلاب الاخوان هي علاقة الجزء بالكل يعني طلاب الاخوان جزء من جماعة الاخوان ولكن لهم سياسات مختلفة تناسب انهم طلاب وفي جامعة وهكذا قس علي كل الاوجه للاخوان في كل مكان فمثلا طلاب الاخوان في جامعة عين شمس لهم سياسات مختلفة عن الاخوان في جامعة القاهرة غير طلاب الاخوان في حلوان
وهكذا


مع احترامي الشديد ليك يامحمد في حكاية كل وقت وله اذان انا مثلا مش مؤمن بحكاية حزب الجماعة لاسباب عندي بس اخوانا الاكبر منا قدرا ومقدارا وعلما وفهما استشاروا بعضهم البعض والشوري قضت انهم يقيموا حزب للاخوان فانا يجب ان ارضي واعمل معهم في هذا الامر ولا اقول لا هذا راي
وكل وقت وله اذان علي فكرة ايام الامام البنا رحمه الله كان اولي من دلوقتي ان الاخوان يعملوا حزب لان كان في حراك سياسي اكبر من كده بكتير وثورجية ووفديين ومصر الفتاة واحزاب اخري وكان الشعب نفسه مؤمن ومشارك في العملية السياسية فعلي كلامك فاعتقد انه كان من الاولي انهم يعملوا حزب عشان يسايروا الاحزاب الاخري



الانتخابات
بص ياحبي كلامك والله جميل ماشي عايزين نغير ونعمل حاجة جديدة وانت بتقول انهم لازم يشوفوا
ايه يشوفوا دي هو مش انت منهم برضه ولا
ياسيد محمد الشطب والكلام السيناريو اللي بيحصل كل سنة اللي انت بتتكلم عليه ده ليه تاثير قوي جدا علي الامن في الجامعة ومش عايز اقولك انه بيمشي بيقلب الجامعة عليهم تعرف يعني ايه اعتصام مفتوح يعني عصيان مدني يعني الدنيا تتقلب
تقولي طب ليه منعملش كده
اقولك من الاخر الصف بتاعك ميستحملش الصف بتاعنا مليان عيوب والتربويات للاسف نازلة شوية فتخيل حصل الكلام ده وطبيعي هتيجي بعده الابتلائات معلش ياحمادة انت لو جالك تحقيق في البيت عمو هيلعبلك في الهسهس بتاعة نفوخك وهتونن بعدها تخيل لو مثلا اتاخدت شهر ولا حاجة
فانا بعمل اللي اقدر اعمله وفي نفس الوقت بحاول اهم من ده كله اني اافظ علي الصف يعني مروحش استفز الامن وهو يضربلي في الناس بتتاعتي اه في اخوة هتشيل وتستحمل وفي اخوة تانية ممكن تقع منك
يامحمد ياحبيبي السنة اللي فاتت وكلات انباء العالم كله كانت بتتكلم عن طلاب جامعة القاهرة واللي عملوه صح ولا غلط وارجع وقتها للعاشرة مساء وتسعين دقيقة والجزيرة والعربية والقنوات دي كلها


الاتحاد الحر بقي موضة قديمة هو اساسا اتفعل عشان يبقي موضة قديمة ولاجديدة
تضيقات رهيبة من الامن بتوصل لمجالس تاديب وفصل واعتقال زي ماحصل حلوان وفي اخوة اللي اتفصل تيرم واللي اتفصل سنة واللي اتفصل تلاتة
بالمرة يامحمد هل احنا واقصد مثلا انا وانت قد ابتلاء زي انك تتفصل تلات سنين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الاجابة عندك
انا ممكن ارد علي الشطب بس هل الناس اللي معايا ممكن تتحمل مش كل الناس بنفس ظروفنا واحوالنا
وحكاية نقابة الصفيين دي فكرة حلوة بس هتبقي زيها زي اي حاجة

بلاش روح الياس دي احنا بنعمل لله ولله الحمد انه ياجر علي الاعمال وليس علي النتائج
فانا بعمل اللي عليا بحاول اعرف الناس انا مين وبستغل فرصة زي الانتخابات في اني بوصل فكري للناس وبحاول درء ورد الشبهات الباطلة عني
والسلام

كش ملك said...

ماشى يا استاذ عز .. عملنا انتخابات

الاتحاد الحر والعالم كله عرف والجرايد كتبت وحصل مصايب والعالم اتقلب وبعدين

قصة كل سنة مفيش رد مماثللللحدث .. مفيش تفاعل يعطى اثر اقوى .. يعنى قبل الاتحاد الحر مكنش فى حاجة اسمها اتحاد حر وكانت الانتخابات اتحاد الطلاب وخلاص ووقت ما الطلاب يتشطبوا كانوا بيعملوا حجات كتير ومظهرات والكلام ده كله وبعدين خلاص تنتهى القصة .. اخوانا فكروا فى حجات كتيرة وكان افضل الحجات اللى فكروا فيها كانت الاتحاد الحر .. طبعا اول سنة يحصل فيها الاتحاد الحر هى اول سنة ندخل فيها الكلية انا وانت ..وكان ردها جامد جدا وعملت فرقعة جامدة جدا وطبعا كانت بالنسبة ليا حاجة قوية .. بس للأسف لم يتم فيها انشطة كاما تم الوعود .. فقولت عادى ان شاء الله السنة اللى بعدها هنبدء فى الانشطة .. وبدء السنة ورا سنة وفى الاخر جت سنة رابعة ونفس الحوار اتحاد حر بدون انشطة وفى الاخر رد فعل قوى ومظاهرات ونخرج من الكلية ويجى طلاب تانيين يعملوا نفس الموضوع وخلاص


طيب فين الحل...

قولى حل ملموس

خالد - كلام من القلب said...

مبدأيا معترض على الكلام ده كله

وكنت بتكلم مع عز النهارده على تعليقى على الموضوع ده

وبقوله كنت محضر صفحتين

رد على التدوينة دى

لكن يا حبيب قلبى

عايز تنهى القصة دى اتكلم مع حد فاهم القصة وهو هيقنعك

كلامك يا اخى بيؤكد ان فى حاجة مش واصلة لك

ولو طلبت منى اوضح واشرح كل قصة ولية اتعملت اخوك موجود وفى الخدمة .

إخوانى مخربش said...

هاهاها

بص اجدع حاجة يكون لها تاثير وحاجة جديدة جدا

اعملوا نعش الحرية وشلوه وروحوا ادفنوا

طبعا الجديد هنا هى فقرة الدفن فى حين ان المرات السابقة كنا نكتفى بالتشيع فقط

نداء الإسلام said...

سبحانك ربي

نفس الخاطرة بالظبط جاءت لي ونفس كلام الأخ خطاب

أنا فعلا كتير بقف في الجامعة محتارة جدا علي اللي بيحصل خصوصا إن جامعة القاهرة بتمتاز بتجمع معظم كليتها في حرم جامعي واحد والمفروض إن يكون في تجديد عندنا في العمل الإسلامي

حتي بتوع الأمن عندنا لما ضربوا في كليتي واحد أخ قالوا سبوهم كبيرهم مظاهرة وشوية هتافات

صراحة نحن في مرحلة جمود داخل العمل الجامعي ومن أنفسنا يحدث هذا وبكل أسف

Anonymous said...

جزاكم الله خير بس ده كان رايى

وجزاكى الله خير يا نداء الاسلام وحقيقى انا اللى كاتب الموضوع مش خطاب

جزاكم الله خير

طبيب مسلم said...

صراحة
المفروض هم يتعلموا من الي حصل ده
ويشوفوا سبب الشطب ايه
يعني من العجيب ألقيهم قبل الانتخابات منزليت قايمة باللي هيدخلوا الانتخابات منهم
يعني بيقولوا للمن ربنا يخليك اشطبلنا الكام اسم دول
طب ليه مش يدخلوا ناس مش معروفة أصلا
ومش تبع الجماعة
او تبعها جديد
ومش معروفلهم صاحب
يجربوا
بدل ما هم بيريحوا الامن كل مرة
ويقوولوهم خدوا الاسماء دي

أرجوا إنكم تكونوا فاهميني

الفاتح اليعقوبي said...

السلام عليكم
يااخ محمد انت قلت رايك لانك سامحني مش متحمل مسئولية حاجة يعني انت عايز تاخد اي رد فعل وخلاص طب ياجميل حاجة انت مردتش عليها مستعدين نفعل الاتحاد الحر كويس
بس انت مستعد للبلاء بعدها ومردتش علي سؤالي انت مستعد تتفصل تلات سنين عشان تشارك بفعالية في الاتحاد الحر؟؟؟؟؟؟؟؟؟؟؟؟؟؟؟
مستني ردك
في ناس في حلوان لما فعلوا الاتحاد الحر اقل واحد فيهم اتفصل تيرم يعني سنة ضاعت منه
واعلي واحد فصلوه تلات سنين

وبعد ده كله للاسف احنا اساسا عاملين الاتاد الحر عشان الطلبة تشارك مش عشان انا بس اللي نشارك ونصرف تفعيله محتاج فلوس كتير احنا كمان اللي هنصرف عليها

يااخ محمد الانتخابات مؤحلة لو انك توقن بهذا فانك سوف تعمل بطاقة من نار في العمل الدعوي مع الطلاب لانك تضع كل سنة لبنة العملية مش واحد يطلع وخلاص يقولك الكلام اللي انت قولته
وبعيد لك تاني انت مش مسئول عن حد فبتتكلم بحماس وربنا ياجرك عليه بس عايزين الحماس ده في العمل الدعوي ويفترض انك فاهم ظروف الناس لو انت عايش معاهم بوجدانك وحياتك



ايوه اخرنا اننا نعمل مظاهرة وخلاص لاننا طلبة في الاول والاخر مش بلطجية وطبيعي امر الابتلاء
اما ماهو ليس من الطبيعي ان ينام الدعاة في بيوتهم او ينصرفوا الي امور اخري غير دعوة الله
هذا مماكسبت ايدينا
يامحمد لو نستحق النصر لنزل علينا النصر
والسلام اخي في الله
ومتزعلش من كلام عمك

عمر عاشق القرآن said...

انا بأيدك فى ان طلاب الاخوان لازم يغيروا بقى السنة دى

ده حتى الطلبة زهقوا من "الرد المزلزل" اللى بيتعمل بقاله 12 سنة هو هو

حتى طلاب الاخوان نفسهم فيه منهم اللى حماسه قل اوى او انعدم خالص

كمان بايدك أوى أوى أوى أوى ان طلاب الاخوان مختلفين عن الاخوان خااااااااااالص

ده رايى

عمر عاشق القرآن said...

انا بأيدك فى ان طلاب الاخوان لازم يغيروا بقى السنة دى

ده حتى الطلبة زهقوا من "الرد المزلزل" اللى بيتعمل بقاله 12 سنة هو هو

حتى طلاب الاخوان نفسهم فيه منهم اللى حماسه قل اوى او انعدم خالص

كمان بايدك أوى أوى أوى أوى ان طلاب الاخوان مختلفين عن الاخوان خااااااااااالص

ده رايى

Anonymous said...

انا متفق مع كلام محمد اربع سنوات نفس الكلام عاوز اشوف حاجة جديدة ويكون ربنا راضى عنها

Anonymous said...

ربنا يكرمكم ان شاء الله
على فكرة كلام محمدجميل وانا متفقة معه بس هو من الاخوان ياريد يقول رئيه ولا فى حاجة تمنع ارجو الارد ashky

Anonymous said...

ياسيدى اتحاد حر , واخوان , والعلميه , واتحاد الطلاب
المهم انتوا عايزين تعملوا ايه تحت اى مسمى من المسميات دى ؟؟؟
الفكره انى بقالى اربع سنين فى الكليه ودى الخامسه بحاول افهم الاخوان بيزعقوا ليه وبيعملوا انتخابات ومظاهرات ومشاكل ليه .... ولحد دلوقتى مش عارفه
نفسى اعرف انتوا عايزين ايه بالظبط واللى انتوا عايزين توصلوله ده ليه عايزين توصلوله باسم الاخوان مش كل المسلمين
اكيد مش قصدى انى اقلل من احترامى للاخوان واكيد مش واخده منهم موقف عدائى ... الفكره انى مش فاهمه
سلاااااااااااااااااام

shimaa said...

محمد كلامك جميل بس كان المفروض انك لاتقول على لى بيقره تدون انه للاموت