Monday, September 10, 2007

هتوحشنى يا علاء



فعلا الواحد مبيحسش بحد الا لما يفتقده ..

بقبله كتير وبتكلم معاه وبنضحك ولما بكون زعلان بشوفه همى كله يتشال ..


مش عارف نفسى الايام ترجع تانى عشان بس اشوفه نفسى


والله انا فعلا ندمان على كل ساعة او ثانية عدت من غير متكلم معاه او منفضلش على طول مع بعض ..


علاء محترم اوى وجميل اوى وفعلا عمرى مشوفت حد بجماله


ولا بقمة ذوقه كانت الضحكة بتخرج منه على القلب على طول


مينفعش منضحكش لازم نضحك علاء ده حاجة ميوصفهاش حد ومهما اتكلمنا مش هنعرف نوفى جماله ..


فى مرة كنت زعلان من حاجة فى الكلية وكنت مخنوق اوى ..


والله اول مشوفت علاء جى نحيتى ضحكت بطريقته اللى معودنا عليها اتشال كل الهموم اللى جوايا ..


حسيت انى مش زعلان خالص ..


يااااااااااااه يا علاء بجد انا اسف اسف اوى انى مشبعتش منك


والله انا بندم بندم اوى انى فعلا مشبعتش منك صح ..اه لو ترجع الايام تانى يا علاء والله مش هسيبك خالص


يارب بجد بجد يا رب وسع قبرة واجعله روضه من رياض الجنة


.. يارب لا تحرمنا من رؤيته فى الاخرة واجمعنى معه عند الحوض يا ارحم الراحمين


يارب اغفرله وارحمه وارضى عنه ..


يارب انك عفو كريم تحب العفو فعفو عنه


يارب والله انه عبدك وجاهد فى سبيلك وتمنى الشهادة لوجهك فأرضى عنه وتقبلها يا ارحم الراحمين


يامن رحمتك وسعت كل شئ


يارب لا تغفر له ذنبه بدعوتى ولا بعمله اغفرها برحمتك يا ارحم الراحمين


والله انى احبه فيك فأدخله جنتك وحشرنى معه ومع رسولك الكريم



سلام يا علاء


سلام يا اجمل انسان فى الدنيا


دمعت العيون والقلوب لفراقك يا اعز الناس



والله انى احبك فى الله

11 comments:

Anonymous said...

الله يرحمه

و يرحمنا اذا صرنا الى ما صار اليه

Anonymous said...

راجعون واللهي دمت القلوب ودمعت العيون وانا لفراقك لمحزونون

بحب الحرية said...

إن العين لتدمع والقلب ليحزن ..ولا نقول إلا مايرضى ربنا

إنا لله وإنا إليه راجعون

احمد الجيزاوى said...

كل عام وانتم بخير وعادة الله عليكم وعلى الاهه الاسلاميه بكل خير
كل عام وانتم منصورين واقوياء
كل عام ومصر بخير
احمد الجيزاوى

عدى النهار said...

ربنا يرحمه رحمة واسعة ويعفو عنه ويصبر أهله

إنا لله وإنا إليه راجعون

Rehab Saber said...

انا لله وانا اليه راجعون

هون على تفسك يا محمد

ونحسبه شهيد ان شاء الله :(

Anonymous said...

انا لله وانا اليه راجعون

اسلام ابوغزاله - مدونة ليه بس ؟ said...

بصراحة انا لم احضر عهد الاستاذ محمود ولكني احببته دون ان اراه ,,
إنا لله وإنا إليه راجعون

الفاتح اليعقوبي said...

ان لله وانا اليه راجعون
الواحد والله قلبه اتوجع بس ربنا يرحمنا ويرحمه
اسال الله ان يجمعنا في جنته ودار مقامه حيث الانبياء والصالحين والشهداء والصديقين وحسن اولئك رفيقا

الكل يدعي يااخوانا بقلبه
اللهم بلغنا رمضان
اللهم بلغنا رمضان
اللهم بلغنا رمضان

والسلام

فلسطينية الهوى said...

فعلا الموت اصعب مصيبة واقساها على النفس

ربنا يتغمده بواسع رحمته

Anonymous said...

الله يرحمه ويحسن اليه
الحاجه الغاليه مبيتحسش بيها الا بعد لما تتخطف مننا
صحيح معرفش علاء الله يرحمه بس كفايه كلام اللى يعرفوه عنه
ربنا يصبر كل اللى يعرفوه ويصبر اهله
ويارب نتعلم من موته ان لدنيا فانيه
الله يرحمه وينعم علينا جميعا بالصبر والرضا