حياة فى يومين وثلاث ليالى..

بدء اليوم كالعادة صحيت من النوم عادى وحضرت الشنطة بلوازمها كلها .. ونزلنا لحد موصلنا لنقطة التجمع .. وركبنا الأوتوبيس عادى .. ولكن ظهر بعض المشاكل فى البداية .. والدي في البداية كان عاوز يركب الأتوبيس ذي اى حد تانى .. بس المشكلة ان حظة جة فى االمكرباص.ا والدى مش عاوز يركب االمكرباص .. فتخانق مع الراجل .. فكان كلامهم ..

والدى: ممكن نركب ..
المسئول : ثوانى حضرتك ..
والدي :: طيب
أنتظر والدى طويلا حتى نفذ صبرة ..
والدى : كابتن ممكن نركب ..
المسئول :ثواني ..
والدى : ثوانى اية يا ريس عوزين نركب ..
المسئول:طيب أتفضل اركب فى المكرباص دة ..
والدى : نعم
المسئول: أتفضل اركب حضرتك فى المكرباص دة ..
والدى : مكرباص اية .. انت بتهزر انا استنا دة كلة عشان اركب المكرباص ..
المسئول ::حضرتك عاوز اية ..
والدى : انا هركب فى الأتوبيس و بعد شجار طويل بين والدى والمسؤول .. ركب والدى فى الاوتوبيس

والمشكلة الكبرى اننا قاعدناا فى الكرسى ألي أمام الشاشة ..وكمان تحت السماعات على طول ..

يعنى الأفلام والأغاني .. يلا ربنا يستر ..

انا كلة دة منتظر الأوتوبيس يمشى ..

ومنتظر

بابا مشاكل.. مسكتش .. راح قال للمسئولة عوزين بقة نعرف أنتى هتسكنينا فين بقة هناك ..
بس بابا دة مشكلة ...........

قالتة المسؤولة تعالى أأعدك فى أتوبيس لوحدك ..

طبعا بابا موفقش .. كالعادة لازم يختلف ...
بدء اليوم .. السندوتشات.... حيث ألانشون والجبنة وما أدراك بالريحة ..

طبعا بابا كالعادة بيعرفنى بمصر .. على أساس أنى أجنبي وهو المرشد ..
المهم وصلنا المصيف او العمارة المهم هيبدء توزيع الشقق على المسافرين..

والدى انتظر عقبال ميجى دورة .. وطبعا كالعادة .. والدي اتخانق تانى مع نفس الراجل ..
عشان مش معبر والدى خالص ..

المهم بعد شجار عنيف مع والدى والمسئول حتى عرف والدي كالعادة يخرج من المشاجرة بفايدة وهى شقة على البحر على طول ..

يسلام عليك يا بابا..

الجو هناك فظيع اوى .. انا برجح لو اى حد عاوز يريح دماغة شوية من اى حاجة .. اى حاجة .. من المشاكل والحياة كلها يروح هناك .. انا فعلا كنت تعبان أوى أوى .. مكنتش طايق حاجة خالص .. كان نفسى اغير جو اوى .. بس الحمد لله انا كويس دلوقتى ..

المهم نكمل بقة .. غيرنا لبسنا ونزلنا عشان نتمشى .. الجو على البحر فظيع اوى اوى .. انا بفكر انزل الصور بس مش دلوقتى .. يلا المهم الحمد لله ...على الرغم من ان الجو حلو ومن انى غيرت جو ألا انى مكنتش فرحان اوى .. كان نفسى احضر المؤتمر .. كان نفسى اتكلم مع الناس .. ( أصل بعيد عنكم انا مبصدق أفتح ومحدش بيعرف يوقفنى .. يعنى ذى مبيقولوا كدة .. مواطن ومخبر وحرامى .. انا المواطن بس مكنش فى مخبر أما الحرامى فمازال موجود وأكيد انتم عرفين مييين ))

بس أحلى حاجة طلعت فيها من اليوم الأول البنطلون أصلى اشتريت بنطلون جديد .. بجد انا مش مصدق أصلى ب الظبط كدة بقالي حوالى سنة مجبتش لبس جديد دة أنجاااز .. ومحدش يتريق عليا ....

دة تفصيل اليوم الأول...........................:

اليوم الثانى:

وماأدراك ما اليوم الثانى .. صحينا من الساعة 8 الصبح .. كان فى حوار كدة صغير بين بابا وانا ..

بابا:محمد يلا أصحى
انا : نعم سيبنى يابابا انا عاوز انام ..
بابا: يلا يبنى علشان ننزل البحر
انا :دلوقتى !!! بص روح انزل انت وأختى وبنت عمتى وجيبوا السمك وتعالوا ..
بابا: يلا يبنى بطل كسل ..
انا : مش قادر والله يا بابا انا منمتش امبارح كويس ..
بابا : ماشى انت حر ..

خرج والدى وأختى وبنت عمتى وانا نمت .. كان حوالى الساعة0 8.5
دخل بابا عليا تانى .. قولتلة انت لحقت تيجى وببص على الساعة لآتها 9 ينهاااااااااار يا بابا .. سيبنى انام بقة ..

طبعا انتم عرفين بابا ويسلام على أختى ولا بنت عمتى مسبونيش خالص انام .. واحد يضرب والتانى ب الماء والثالث بيغنى بصوت عالى ..

المهم بعد حرب كبيرة بينا .. صحــيــت

المهم نزلنا البحر والجو كان جميل اوى اوى .. بجد كان رائع .. أعدنا حوالى ساعتين بعدين مشينا
وروحنا السوق القديم .. سوق ملابس فى بور سعيد المهم .. جبت بقة النهاردة قميص لونة ابيض وواحد تانى لونة أحمر على أبيض.. وبعد كدة روحنا.
غيرنا ونزلنا تانى بس بعد العشاء .. قبل مننزل سمعنا صوت المطرة .. ففرحنا اوى اوى .. اصل بعيد عنكم أحنا بنحب المطرة عدا بابا .. المهم كان الجو جميل اوى والمطرة كدة يتنزل ..
والدى عمال يقول يلا نروح وانا وأختى وبنت عمتى لأ يا بابا حرام عليك الجو جميل لو عاوز تروح روح أنت .. طبعا بابا مش عاوز يسيبنا ... المهم وأحنا مشينا نفسنا هوتنا على فطير ب الكريمة ..

قصة الفطير دى بقة غريبة اوى اوى ..
احنا متعودين فى مصر اننا لما نقول عوزين فطير بتجلنا فطيرة كدة صغير ويدوب على قدنا ...
الحمد لله على كل شء .. المهم روحنا بقة للراجل الفطيرى وقولنا لة إحنا عوزين 3 فطاير ب الكريمة .. الراجل ضحك علينا فأحنا استغربنا فسألنا انتم عوزين 3 !!! قولنالة اة ..
المهم دفعنا الفلوس ومنتظريين الفطير .. المهم بعد مخلص الفطير وخدناة .. حسيت انة تقيل اوى اوى وانا بشيلة ..قولت لوالدى هو الفطير مالة تقيل اوى كدة لية .. قالى عادى علشان انت مبتكلش .. المهم قولت لأختى طيب خدى كدة شوفى .. فقالتلى اة فعلا هو مالة تقيل اوى كدة لية .. المهم بنفتح اول واحدة لإناها كبييييييييييييييييييييرة اوى .. بجد كبيييييييييييييييييييييييييرة فوق متتخيلوا .. أحنا فضلنا نضحك ضحك .. المهم روحنا البيت ويدوبك كل واحد فينا كل قطعة صغيرة اوى .. وسيبنا الباقى .. بعد عذاب كبير اوى مع النفس .. هكلها مش هكلها كدة يعنى ...
بس خلاص كدة اليوم اليوم الثانى خلص .. انا بقة فضلت أعد على الاب توب وهما نايميين ..
كان نفسى انزل اوى بس يلا النوم كبس عليا ومنزلتش ...

أنتظرونى بقة مع اليوم الثالث ودة أخر يوم ...

اليوم الثالث::
المفروض اننا هنتجمع الساعة واحدة .. صحينا بدرى علشان نحضر الشنط وكالعادة والدى المشاغب صحانا الساعة السابعة صباحا .. وانا أيضا كالعادة مصحيتش وهما حضروا كل حاجة بس.. متفتكروش أنهم سبوني ونفضوا.. لا طلع كل دة على دماغى بعد كدة .. المهم انا بقة بعد مصحيت على أعتقادى انى هغير علشان يدوب هننزل ونلحق نجيب لبس عشان نلحق نرجع ذى مقولتلكم الساعة واحدة .. المهم لبسنا ونزلنا وروحنا سوق اللبس وانا جبت بنطلون تانى وكام قميص .. المهم خلصنا المفروض بقة هنروح علشان نلحق الأوتوبيس .. روحنا البيت وكان مكتوب ورقة على الباب التجمع الساعة واحدة ظهرا .. عادى يعنى اية الجديد .. الجديد بقة اننا بعد مجبنا الشنط ونزلنا ملأناش حد خالص نزل غيرنا قولنا عادى يمكن نزليين .. فسألت المشرف قالى اننا هنتجمع الساعة 4 قولت ينهااااااااااااار .. قولت لبابا يلا نطلع قالى ياعم خلاينا أعدين .. قولتلة لا طبعا..
.. فخدت المفاتيح وطلعت انا .. وبعد مطلعت هما جم ورايا .. المهم فضلنا منتظريين لحد الساعة 4 والاوتوبيس

الحمد لله جة ..
المهم حملنا الشنط ومشينا .. جة وقت القلق .. المفروض ذى محنا عرفين ان فى بورسعيد فى جمارك .. احنا بقة مكناش نعرف خالص .. وانا معايا الاب توب

والمفروض انى قبل مدخل هسجلة عندهم علشان لما أخرج ميتخدش علية جمرك .. المهم جة وقت الجمرك وانا كنت خايف لأن الجمرك علية ألف جنية على الأكثر .. وإحنا معناش فلوس.. فلو مدفعناش هيخدوة .. المهم طول الطريق عمال أستغفر يارب أستر ويسر.. الناس بطمنى بتقولي متخفش انا بقالى سنتين بدخل وبخرج من بورسعيد ومتفتشتش خالص وناس تانية بتقول انهم لو فتشوا بيشوفوا الشنط من برة كدة وخلاص .. قولت الحمد لله ان شاء الله هنعدى ...الجمرك قربنا منة خلاص وانا قلبى بينفض .. قولت أنظر من الشباك واشوف منظر التفتيش .. لاقيت مصيبة .. الناس بتتفتش جامد اوى .. لدرجة انهم كانوا بيرموا الشنط كلها على الأرض ويفتشوها واحدة واحدة
جة الدور على الأوتوبيس بتاعنا ونزلنا كلنا .. وبدء التفتيش .. واحنا بنخرج شنطنا وبقرب خلاص على المفتش وفجأة قالى عدى عدى حاجة كدة والله معرف .. قالى عدى خلاص.. على الرغم ان كان فى ناس ورانا ومعانا أتفتشوا وأتاخد منهم خمسين جنية .. سبحان الله .. انا استغربت اوى ..
الحمد لله عديت وركبنا الأوتوبيس ووصلنا الحمد لله بسلامة..
بس قبل مختم وقولكم هدفى من كتابة هذة الخاطرة .. ان فى اليوم الأول وإحنا نزليين نتمش شوفنا شعب بورسعيد وهما بيحتفلوا بيوم المولد النبوى .. كانت ب النسبة لية أحتفالهم حاجة غريبة اوى .. انهم عتدهم معتقدات غريبة اوى .. ذى مثلا سيدى كذا وسيدى كذا والزار .. والطبل والرأس ..حجات غريبة اوى .. سبحان الله الواحد مستغرب اوى .. بنتذكر الرسول صلى الله علية وسلم مرة واحدة فى السنة ويوم منتذكرة ونصلى علية نتبع تقاليد وعاادات ليس لها اى قيمة ولا تتبع فى حياة الرسول .. لأ والحمد لله مصر لسة بخير ,, الأمن كان بيحميهم على الرغم من انهم عمليين شبة مظاهرة او على الأقل تجمع وموقفين الشوارع والأمن عادى حميهم وماشى وراهم .. سبحان الله علشان جهلة هما بيحموهم .. اما لو كانوا بيتكلموا عن الحرية هتلاقى الأمن بيعتقلهم .. يلا نسيبكم مع الصور ..

ودى الإسعاف عشان لو حصل حاجة لحد..(متلقهاش خالص وقت المظاهرات)

ودة الأمن بيوقف الشارع عشان هما يمروا...
*************************

لاتعــليـــــــق

والسلام عليكم ورحمة الله وبركاتة ..

مليون 20

20
مليون جنيه ترميمات لهرم سقارة

كش ملك

الاثنين الأسود

يوم توجه لمصر الصفعة الكبرى تعديل الدستور دعنا نطالع بعض المواد المعدلة


مادة 5 : لا يجوز القيام بنشاط سياسى له مرجعية دينية
اولا ما هو الدين ؟؟
يقول الله تعالى : "ان الدين عند الله الاسلام" اذا فينص الدستور على انه لا يجوز القيام بنشاط سياسى له مرجعية اسلامية
و اتسائل هنا عن المرجعية التى نتخذها فى تسيير امورنا السياسية و غيرها
من قال ان الاسلام لا سياسة فيه و كان الرسول هو الحاكم و قائد الجيش و مبرم الاتفاقيات و المعاهدات ؟

مادة 12:
رعاية الاخلاق و حمايتها و شارع الهرم افضل دليل
التمكين للتقاليد المصرية الاصيلة .. اعتقد انه من الاولى التمكين لتعاليم الله لا لتقاليد بالية
مراعاة المستوى الرفيع للتربية الدينية .. و ذلك بجعل التربية الدينية مادة فرعية فى المدارس و عامة يمكنك ملاحظة المستوى الرفيع للدين فى نسب التسيب و الانحلال و ترك الصلاة


حق الترشيح لمجلس الشعب ينظم وفقا للقانون .. فلا تعجب من استثناء اصحاب الفكر الاسلامى من الترشيح
ثم "حد ادنى للمرأة" ما الفائدة من ذلك ؟
المفترض ان الاختيار للاصلح بغض النظر عن الجنس او اللون


الغاء الاشراف القضائى و جعل الاشراف بالتعيين
و بالتالى من السهل تعيين اصحاب الانتماء للحزب الحاكم او موظفين ضعفاء يمكن اجبارهم على التزوير
و هذا يعتبر حلا رائعا للصداع الذى يسببه القضاة الشرفاء



فيمكن اعتقالك لانك ملتحى او لأنك تصلى بتهمة الارهاب
ثم اين هذا الارهاب ؟
الم تقضى الدولة على الجماعات المتطرفة ؟
و اليس من الاولى القضاء على الانحلال ؟

تقليص لمهام مجلس الشورى


يمكنك مطالعة جميع التعديلات من هنا
حمل الملف من هنا


كان لابد من التحرك من قبل الغيورين على الاسلام و مصر



خرجت مسيرة فى جامعة القاهرة تحمل تابوتا مشيعة جنازة مصر




كلمة احد الطلاب عن الرسول القدوة



الجنازة تتحرك



و على الجانب الاخر

تتجلى شطحات طلاب اتحاد الطلبة المعين حيث خرجو فى مسيرة باسم يوم الوفاء العالمى او ما شابه .. عبارة عن طابور طويل من الافارقة يحملون اعلام بلادهم و تنطلق الزغاريد و الطبول و المزامير ولا يعلم الطلاب ما الذى يجرى بالضبط






و فى وقت خروج مسيرة جنازة مصر احتل طلاب الاتحاد المكان امام القبة ليطبلوا و يغنوا تعديلاتنا الدستورية اول خطوة للحرية و لك ان تراهن على انهم لا يفقهوا اى شىء عن التعديلات و انظر الى ذلك الشاذ الذى يرقص ابتهاجا بالتعديلات و ستصدقنى





بعيدا عن التزوير

قام طلاب الاخوان بجامعة القاهرة بعمل استفتاء حول التعديلات كانت نتائجه كالتالى
المشاركون : 21 الف طالب و طالبة
المعارضون للتعديلات : 18000
المؤيدون : 2000
ممتنعون : 1000

دعك من هذا
الشباب المشغول بالاغانى و الكرة و الافلام لا يعلمون شيئا عن التعديلات و لا يريدون ان يعلموا لاحظت هذا على تعبيرات الوجوه و التعليقات التى كنت اسمعها ممن يشاهدون المسيرة تعليقات غبية تدل على حالة التغييب و اللامبالاة من شباب مدمر
تسمع من يهتف بخفة ظل نادرة :
" كيموووو تعال ياض هتتقفش" هذا لانه وقف يتسائل عما يحدث
"تعديلات ايه يا عم و احنا مالنا " له العذر فلا حرج على الاطفال

هذا غير ما بلغنى عن ان الفتيات فى الجامعة ايضا لا يعلمن شيئا عن التعديلات ولا عجب

اضحك معى
1- بيان باسم طلاب الانشطة اوله اية قرانية : "ولا تكتموا الشهادة و من يكتمها فإنه إثم قلبه "
اولا هى : (آثم ) و ليس (إثم )
ثانيا فى البيان يقولون : (كلنا مصريون مسلمون و مسيحيون )
و هى جملة لها معنى : لا يهم دينك مؤمن بالله او عابد حجر او بقر المهم انك مصرى
فجعل الانتماء الاهم للوطن لا للاسلام
ثم ان كانو يستشهدون بآيات القران ألم يروا الاية الكريمة : "و لن ترضى عنك اليهود ولا النصارى حتى تتبع ملتهم" ؟

2- بيان اخر من اتحاد طلاب كلية حقوق اوله الاية القرانية : " ان جائكم فاسق بنبأ فتبينوا .... "
ثم يقول امين الاتحاد : (و لكن يرى الاخرون ان التعديلات سوف تضر بنفوذهم و مصالحهم و لكن هم القلة و نحن الكثرة بإذن الله نحن جميعا مع الرئيس و نؤيده )
اى نفوذ هذا الذى يتحدث عنه و المعارضون يملأون المعتقلات ؟
ثم اى قلة التى يتحدث عنها فى حين ان مؤيدى جماعة الاخوان على سبيل المثال يفوق عددهم عدد اعضاء الحزب الحاكم ؟
ارجو ان يعلم ان الكذب حرام .. فكما ان الاية التى استشهد بها من الاسلام فتحريم الكذب من الاسلام ايضا

اضحك مرة اخرى
اعلان ضخم فى احد ميادين القاهرة تقرأ فيه : ميعادنا يوم الاثنين للاستفتاء على تعديل الدستور لنقول "نعم"


نضحك ام نبكى ؟


ختاما

قال رسول الله صلى الله عليه و سلم :
"بدأ الاسلام غريبا و سيعود غريبا فطوبى للغرباء "

كش ملك

TAG

دعوة كريمة من الاخت Ms
عبارة عن تاج
اجابات خطاب بالازرق و اجابات محمد بالاحمر

اسم مدونتك ؟

كش ملك

كش ملك

لماذا اخترته.. ماذا تقصد به ؟

الاسم ابتكره محمد و احسست انه يلخص رسالة المدونة كما اوضحنا فى بداية اللعبة

مممممم.. مش عارف بس حسيت انة هيعبر على ألى جواية

هل فكرت في إغلاق المدونة.. والسبب؟؟

لا لم افكر فى ذلك لانى اعتقد انها تحوى قيمة مضافة جيدة

لا الحمد لله .. ومش ناوى .. علشان من وجهه نظرى ان المدونات عموما بتوصل الافكار من شخص لأخر ..فممكن حد يتغير بسببها..

صورتك فى المدونة ..رمزيتها ؟

هى صورة لى و لمحمد صنعتها بالفوتوشوب و لا ادرى ان كان لها رمزية محددة

هى صورتى الحقيقية من الأول ..

طبيعة كتابتك فى المدونة بشكل عام ..سياسة ..قصة ..عبث ..كلام فاضى ؟

قد يبدو للوهلة الاولى ان المدونة سياسية و هذا غير صحيح .. عن كل شىء اكتب

انا بردة وضحتها فى اول بوست لية .. ان كش ملك تعبر عن كل حاجة خبر او حدث او فعل ,, يجب الوقوف عندة .. ولا يمر

لماذا تدون أصلا ؟

لأوصل رسالة ملخصها : "لقد فهمت هذا الأمر خطأ .. أعد التفكير فيه"

علشان اوصل افكارى للأموات

أحلى جملة قيلت لك فى وصف مدونتك ؟

ربنا يباركلكم ان شاء الله وتصبح من اشهر المدونات ....ونفخر بأننا نعرف من يكونوا اصحاب كش ملك ...

لم أتذكر .. لأنى لا أهتم كونها أجمل مدونة ولكنى أهتم كونها أفضل من حيث أظهار الحقيقة .

التعليقات بالنسبة لك ..أهميتها ؟

روح المدونة

أكيد انا بوصفها بالقلب .. لأن بيها بتدينى قوة للبوست ألى بعدة ..

أحلى بوست كتبته ..ضع اللينك ..ثم اذكر لماذا ؟

"جوون يا خبر ابيض " لان هذه القضية تؤرقنى منذ زمن و كنت دوما احلم باليوم الذى اكتب فيها مقالا طويلا

هى كانت فضفضة فى وقت كنت مخنوق أوى أوى..حوار مع غريب

أفضل مدونة قرأتها ..يمكن اختيار عدة مدونات ؟

انا اخوان

أفضل مدونة لدى .. هى كل المدونات ألى كتبها فى السيدبار لأنى مبحطش أى مدونة ألا لو كانت مأثرة فيا ..بس لو قولنا الأفضل هقول .. أنسى

أفضل بوست قرأته ..يمكن اختيار اكتر من لينك؟

ادخل اقرا الشات

افضل بوست ب النسبة لية .. هو أفضل بوست يظهر الظلم

هل خسرت صديق بسبب كتابة هنا ؟

لا الحمد لله

لأ الحمد لله

حد قل ادبه فى التعليق ..ايه رد فعلك ؟

لم يحدث و لو حدث سأحذف تعليقه

لأ الحمد لله محصلش .. ولو حصل أكيد هدلتها .

أسوأ مدونة ..الاجابة اجبارية ..يمكن اختيار عدة مدونات ..هما كتير اصلا

اى مدونة تحمل فكرا غير اسلامى

مدونة جمال مبارك

أسوأ بوست ؟

بوست دافع كاتبه عن الحقيرة "نوال السعداوى"

الوريث .. جمال مبارك

أسوأ مدون ..مهو هتجاوب هتجاوب ؟

كريم عامر

جمال مبارك ..

أنســى أحسن !!

البداية كانت من هنا .. فى مرة كنت قاعد مع والدى .. فكنا بنسمع ألى حصل فى مجلس الشعب من فبركة التعديلات الدستورية .. فقالى بكل بساطة .. يابنى أنت إن شاء الله أول متخلص تسافر برة على طول

فقالى انك فى مصر مش هتعرف تعيش بعد ألى حصل فيها .. يابنى أمشى أحسن وسيبك من مصر ..

انا مكنتش عارف أرد علية أقولة ايه .. مش عارف هل أرد الرد المفروض ان الواحد بيقولة .. لأ انا مصرى ومش هخرج برة مصر .. حسيت انها شعارات بنرددها وخلاص .. انا كنت تعبان اوى أمبارح .. كنت حاسس انى نفسى مرة فى حياتى أحس انى نايم وانا مش شايل هم حاجة .. مش عارف كنت عاوز أقولة لو انا سفرت وكذا شب ساب بلدة وسافر ميين هيحررها من النظام الفاسد مين يقف ضد النظام ويقول لأ .. ...مين

انا يمكن أتأخرت اوى فى أخر كتابات لى على البلوج .. بس كان بسبب ضيق نفسى .. كنت حاسس انى مخنوق أوى وتعبان .. كان نفسى أدخل أكتب فى البلوج بس مش عارف لية بعدت ..

نفسى فى يوم أصحى بقة من النوم واحس ان كل ألى بيحصل دة مجرد حلم .. حلم ..

وأن التعديلات الدستورية دى مجرد حلم ..

انا مشتت مش عارف أكتب .. حاسس بحجات كدة غريبة .. هل الناس بتمر بحجات ذى دى .. وبيحسوا انهم فى مرة بيتكلموا وبيكتبوا حجات مبتتفهمش .. أنا مشكلتى أن محدش بيفهمنى ..

حاسس انى فى وادى والعالم كلة فى وادى تانى خالص .. كلمت ناس كتير عن التعديلات ,الى ممكن يحصلنا منها .. وكان الرد أنى مجنون ..

مش عارف أمتى هنفضل فى السلبية دى .. مش عارف أمتى بقة هصحى من الحلم ألى انا فية دة .. انا متأكد ان مفيش تعديلات دستورية .. وأن بلادنا بطبق الشريعة الإسلامية .. وأن مفيش أعتقلات خالص .. وأن الناس كلها أغنية .. مفيش فقراء .. مفيش محتجيين .. مفيش حرب فى فلسطين ولا الشيشان ولا أفغانستان ولا فى أى بلد عربية ..

أحنا فى سلام

أكيد كل دة كان حلم .. حلم بيراود كل أنسان .. حلم بنشوفة وأحنا نايمين .. أنا مش عارف حد فاهمنى ولا بردة لسة بكلم نفسى .. هل فعلا انا فى وادى والعالم كلة فى وادى ..

أنا أول مرة فى حياتى معرفش أتكلم او انى أكتب خالص .. حاسس بإن العالم غريب اوى .. ناس بتجرى للقمة العيش .. وناس بتجرى لحبها فى السلطة .. وناس غلابانة ملهاش ولا فى الطور ولا البرسيم .. وناس بتناضل من أجل حريتها .. وشباب ضايع ميعرفشس اى حاجة فى أى حاجة ..

انا نفسى مش فاهم حاجة .. انا بكتب علشان عاوز أكتب .. علشان عاوز أفضفص .. بس أزاى مش عارف .. أزاى أوصل مش عارف ..

من يومين كدة كنت بكلم واحد صحبى بردة والدة فى السجن .. كنت عمال أكلمة أمبارح عن البلد أصلى كنت بردة أمبارح تعبان .. شكلى كدة هفضل تعبان ..

فكان هو كمان تعبان .. اصل باباة أتاخد فأكييد زعلان ..

مش عارف بأيت أخاف أنى أكلم حد أو أفضفض معاة لحسن يكون هو كمان تعبان ويشيل هم على هم .. هو دة كان سبب عدم دخولى البلوج .. كنت خايف انى أخنق حد تانى .. ولا مهى باينة من البلوجات الكل تعبان .

أمتى هترجع تانى يازمان .. أمتى ؟؟؟

أنا أسف لو كان الهم زاد عندكم ..أقولكم أكنى مكتبتش حاجة ..

المفروض ان دة كان أخر كلامى .. وكنت خلاص عرضت البوست .. بس فى واحد كنت بكلمة على الماسينجر وكنت بحكيلة .. فرد عليا .. وقال لى حاجة واحدة بس ..

أقرء ألى على الصورة دى ..

انا فعلا كنت خلاص هحس بيأس بس أقرء كدة الكلام دة .. هتحس براحة قوى .

يمكن دى الحاجة الوحيدة ألى الواحد ممكن يطلع بيها من الكلام دة كلة ..

..