كش ملك

الشيخ رجب طيب اردوغان بائع الكعك

2011-06-09T13:44:00.000+02:00

الشيخ رجب طيب اردوغان بائع الكعك

العثماني المفتخر بأجداده، حفيد الدايات و البايات ، الذي هالته أشلاء الفلسطينيين المتناثرة في غزة ، فانتفض في دافوس و غيرها ضد زعيم عصابات الصهاينة إنه الطيب رجب أردوغان، اقرأ فيما يلي بضعة سطور من حياته.

ولد في 26 فبراير من عام 1954 م في حي قاسم باشا أفقر أحياء اسطنبول ، لأسرة فقيرة من أصول قوقازية تلقى رجب تعليمه الابتدائي في مدرسة حيه الشعبي مع أبناء حارته ، ويحكى أن مدرس التربية الدينية سأل الطلاب عمن يستطيع أداء الصلاة في الفصل ليتسنى للطلاب أن يتعلموا منه ، رفع رجب يده ولما قام ناوله المدرس صحيفة ليصلي عليها ، فما كان من رجب إلا أن رفض أن يصلي عليها لما فيها من صور لنساء سافرات ! .. دهش المعلم وأطلق عليه لقب ” الشيخ رجب ” .أمضى حياته خارج المدرسة يبيع البطيخ أو كيك السمسم الذي يسميه الأتراك السمسم ، حتى يسد رمقه ورمق عائلته الفقيرة ثم انتقل بعد ذلك إلى مدرسة الإمام خطيب الدينية حتى تخرج من الثانوية بتفوق .ألتحق بعد ذلك بكلية الاقتصاد في جامعة مرمره بالرغم من اهتماماته المبكرة بالسياسة إلا أن كرة القدم كانت تجري في دمه أيضا ، يكفي بأن أقول أنه أمضى 10 سنوات لاعبا في عدة أندية !

بعد إلتحاقه بالجيش أمره أحد الضباط حلق شاربه ( الشارب يعتبر ضد القوانين الكمالية ) فلما رفض كان قرار فصله طبيعياً !

بدأت قصة زوجه من رؤيا رأتها أمينة المناضلة الإسلامية في حزب السلامة الوطني ، رأت فارس أحلامها يقف خطيبا أمام الناس – وهي لم تره بعد – وبعد يوم واحد ذهبت بصحبة الكاتبة الإسلامية الأخرى شعلة يوكسلشلنر إلى اجتماع حزب السلامة وإذا بها ترى الرجل الذي رأته في منامها .. رأت أوردغان .. وتزوجوا بعد ذلك واستمرت الحياة بينهما حتى وصوله لسدة الحكم مشكلين ثنائيا إسلاميا جميل .. لهما اليوم عدد من الأولاد .. أحد الأولاد الذكور سُمي ” نجم الدين ” على اسم استاذه نجم الدين أربكان من فرط اعجابه وإحترامه لإستاذه ، وإحدى بناته تدرس في أمريكا لعدم السماح لها بالدراسة في الجامعة بحجابها !

بدأ اهتمامه السياسي منذ العام 1969 وهو ذو 15 عاما ، إلا أن بدايته الفعلية كانت من خلال قيادته الجناح الشبابي المحلي لحزب ” السلامة أو الخلاص الوطني ” الذي أسسه نجم الدين أربكان ، ثم أغلق الحزب وكل الأحزاب في تركيا عام 1980 جراء انقلاب عسكري ، بعد عودت الحياة الحزبية انضم إلى حزب الرفاه عام 1984 كرئيس لفرع الحزب الجديد ببلدة بايوغلو مسقط رأسه وهي أحدى البلدات الفقيرة في الجزء الأوربي في اسطنبول ، وما لبث أن سطع نجمه في الحزب حتى أصبح رئيس فرع الحزب في اسطنبول عام 1985 وبعدها بعام فقط أصبح عضوا في اللجنة المركزية في الحزب .

لا يمكن أن أصف ما قام به إلا بأنه انتشل بلدية اسطنبول من ديونها التي بلغت ملياري دولار إلى أرباح واستثمارات وبنمو بلغ 7% ، بفضل عبقريته ويده النظيفة وبقربه من الناس لاسيما العمال ورفع أجورهم ورعايتهم صحيا واجتماعيا ، وقد شهد له خصومه قبل أعدائه بنزاهته وأمانته ورفضه الصارم لكل المغريات المادية من الشركات الغربية التي كانت تأتيه على شكل عمولات كحال سابقيه

بعد توليه مقاليد البلدية خطب في الجموع وكان مما قال : ” لا يمكن أبدا أن تكونَ علمانياً ومسلماً في آنٍ واحد. إنهم دائما يحذرون ويقولون إن العلمانية في خطر.. وأنا أقول: نعم إنها في خطر. إذا أرادتْ هذه الأمة معاداة العلمانية فلن يستطيع أحدٌ منعها. إن أمة الإسلام تنتظر بزوغ الأمة التركية الإسلامية.. وذاك سيتحقق! إن التمردَ ضد العلمانية سيبدأ ” ولقد سؤال عن سر هذا النجاح

الباهر والسريع فقال

”لدينا سلاح أنتم لا تعرفونه إنه الإيمان ، لدينا الأخلاق الإسلامية وأسوة رسول الإنسانية عليه الصلاة والسلام ” .

للنجاح أعداء ، وللجرأة ضريبة ، وبدأ الخصوم يزرعون الشوك في طريقة ، حتى رفع ضده المدعي عام دعوى تقول بأنه أجج التفرقة الدينية في تركيا وقامت الدعوى بعد إلقاءه شعرا في خطاب جماهيري- وهو مميز في الإلقاء – من ديوان الشاعر التركي الإسلامي ضياء كوكالب الأبيات هي :

مساجدنا ثكناتنا

قبابنا خوذاتنا

مآذننا حرابنا

والمصلون جنودنا

هذا الجيش المقدس يحرس ديننا

فأصدرت المحكمة بسجنه 4 أشهر .. وفي الطريق إلى السجن حكاية أخرى

وفي اليوم الحزين توافدت الحشود إلى بيته المتواضع من اجل توديعه وأداء صلاة الجمعة معه في مسجد الفاتح ، وبعد الصلاة توجه إلى السجن برفقة 500 سيارة من الأنصار ! .. وفي تلك الأثناء وهو يهم بدخول السجن خطب خطبته الشهيرة التي حق لها أن تخلد .

ألتفت إلى الجماهير قائلا : ” وداعاً أيها الأحباب تهاني القلبية لأهالي اسطنبول وللشعب التركي و للعالم الإسلامي بعيد الأضحى المبارك ، سأقضي وقتي خلال هذه الشهور في دراسة المشاريع التي توصل بلدي إلى أعوام الألفية الثالثة والتي ستكون إن شاء الله أعواماً جميلة ، سأعمل بجد داخل السجن وأنتم اعملوا خارج السجن كل ما تستطيعونه ، ابذلوا جهودكم لتكونوا معماريين جيدين وأطباء جيدين وحقوقيين متميزين ، أنا ذاهب لتأدية واجبي واذهبوا أنتم أيضاً لتأدوا واجبكم ، أستودعكم الله وأرجو أن تسامحوني وتدعوا لي بالصبر والثبات كما أرجو أن لا يصدر منكم أي احتجاج أمام مراكز الأحزاب الأخرى وأن تمروا عليها بوقار وهدوء وبدل أصوات الاحتجاج وصيحات الاستنكار المعبرة عن ألمكم أظهروا رغبتكم في صناديق الاقتراع القادمة “

أيضا في تلك الأثناء كانت كوسوفا تعاني ، وبطبيعة الحال لم يكن لينسى ذلك رجب الذي كان قلبه ينبض بروح الإسلام على الدوام، فقال ” أتمنى لهم العودة إلى مساكنهم مطمئنين في جو من السلام، وأن يقضوا عيدهم في سلام، كما أتمنى للطيارين الأتراك الشباب الذين يشاركون في القصف ضد الظلم الصربي أن يعودوا سالمين إلى وطنهم “

عد خروجه من السجن بأشهر قليلة قامت المحكمة الدستورية عام 1999بحل حزب الفضيلة الذي قام بديلا عن حزب الرفاه فانقسم الحزب إلى قسمين ، قسم المحافظين وقسم الشباب المجددين بقيادة رجب الطيب أردوجان وعبد الله جول وأسسوا حزب التنمية والعدالة عام 2001 .

خاض الحزب الانتخابات التشريعية عام 2002 وفاز بـ 363 نائبا مشكلا بذلك أغلبية ساحقة ومحيلا أحزابا عريقة إلى المعاش !

لم يستطع أردوغان من ترأس حكومته بسبب تبعات سجنه وقام بتلك المهمة صديقه عبد الله جول الذي قام بالمهمة خير قيام ، تمكن في مارس من تولي رئاسة الحكومة بعد إسقاط الحكم عنه . وابتدأت المسيرة المضيئة ..

بعد توليه رئاسة الحكومة .. مد يد السلام ، ونشر الحب في كل اتجاه ، تصالح مع الأرمن بعد عداء تاريخي ، وكذلك فعل مع أذربيجان ، وأرسى تعاونا مع العراق وسوريا .. ، ولم ينسى أبناء شعبه من الأكراد ، فأعاد لمدنهم وقراهم أسمائها الكردية بعدما كان ذلك محظورا ! ، وسمح رسميا بالخطبة باللغة الكردية ، و أفتتح تلفزيون رسمي ناطق بالكردية ! .. كل هذا وأكثر ..

العلاقة بين تركيا وإسرائيل مستمرة في التدهور منذ تولي أردوغان رئاس الحكومة التركية ، فمثلا إلغاء مناورات “ نسور الأناضول ” التي كان مقررا إقامتها مع إسرائيل و إقامة المناورة مع سوريا ! ، التي علق عليها أردوغان : ” بأن قرار الإلغاء احتراما لمشاعر شعبه ! ” إ، أيضا ما حصل من ملاسنة في دافوس بينه وبين شمعون بيريز بسبب حرب غزة ، خرج بعدها من القاعة محتجا بعد أن ألقى كلمة حق في وجه ” قاتل الأطفال ” ، دم أردوغان المسلم يغلي حتى في صقيع دافوس ! ، واُستقبل في المطار عند عودته ألاف الأتراك بالورود والتصفيق والدعوات !

فى الخاتمة اود ان اشكره واقول له جزاك الله عنا كل خير وأود ان ادعوا له بالتوفيق فى الانتخابات القادمة وان شاء الله تستمر فى رفع الاسلام اعلى واعلى ومنتظرينك رئيس مرة اخرى على تركيا ان شاء الله ليستمر نضالك للاسلام والمسلمين

قالوا عنه

دكتور راغب السرجانى . أردوجان.. عملاق في زمان الأقزام !!

دكتور راغب السرجانى . قصة الحركة الإسلامية في تركيا

رجب طيب أردوغان

فهمى هويدى . حوار مع أردوغان

مصادر

http://ar.wikipedia.org/wiki/%D8%B1%D8%AC%D8%A8_%D8%B7%D9%8A%D8%A8_%D8%A3%D8%B1%D8%AF%D9%88%D8%BA%D8%A7%D9%86

http://www.aljazeera.net/NR/exeres/C4432EAE-D0FA-456D-A46B-808D5B62B5C3.htm?GoogleStatID=1

http://www.middle-east-online.com/?id=73209

http://www.aljazeera.net/NR/exeres/BF197CBD-4F17-4CF3-96A0-3944F115AADF.htm

من ميدان التحرير الى الإخوان

2011-05-29T20:49:00.004+02:00

الإخوان !!!

لماذا الإخوان ؟؟

سؤال سواء كان تعجب او استفهام لا اعرف لماذا الإخوان ؟

بدأ اسامة الدرة فى كتابه من الإخوان الى ميدان التحرير الذى كنت اتوقع ان يتكلم عن بطولات الإخوان فى ميدان التحرير وماذا فعلوا داخل الميدان. لم اكن اتوقع انه لن يتطرق الى هذا الاتجاه حيث من الوهلة الاول من قراءه اسم الكتاب توقعت انه سوف يتحدث عن الاخوان والميدان والبطولات ...وهكذا ولكنى وجدت غير ذلك ..

فى بداية الكتاب تحدث اسامة عن رقصة الفيل فقال

هل مازلتُ من الإخوان؟

لقد ضاق عليّ التنظيم فقررت أن أنعم باستراحة

لكني مازلت مشغولا ً بالإخوان طول الوقت

تغيرت أفكاري..صحيح

لكني مازلت ابن هذه الجماعة

الأمر ليس بيدي و لا بيدهم

إن سنين عبّأوني فيها بأني ابنٌ وهم آباء

بأني أخٌ و هم إخوة

و بأن بيني بينهم رباطَ الحب في الله و الأخوة

هذا أقوى مني و منهم

كما أن لي في الإخوان محبين

هناك من يرى أن الإخوان لو أبعدتْ مثلي، فالخسران ليس أنا

لهذا مازلت أشعر أن الإخوان قضيتي

قرأت هذا الكلام فتوقفت وسألت نفسي لماذا ادافع عن الإخوان رغم اختلافي معهم .. لماذا اتعصب لهم إذا تحدث عليهم احد بغير صواب او بصواب ... ألم اترك الإخوان من مدة.. لماذا استمر فى الدفاع عنهم واغطى على أخطائهم على الرغم انى اعلمها واعلم انها بالفعل أخطاء .. يأتي الاخ بالخطأ فإذا تحدث عنه احد أحاول ان اعطيه مبرره ولكن إذا فعل اي شخص اخر خطأ خارج الإخوان فلا اتركه من انتقادي .. لماذا مازلت اشعر بوجودي معهم على الرغم من عدم وجودي تنظيميا...

هل بسبب كما قال اسامة اننا تربينا معهم على انهم اخوة وأباء واننا تربطنا رباط الحب فى الله والاخوة.. لا اعرف الحقيقة

أستكمل اسامة كلامه عن رقصة الفيل واستوقفتني هذه الكلامات:-

قال لي أ.بلال فضل يوما ً: "انت لما تسيب الإخوان هيكون ليك مستقبل مذهل في الكتابة"

و أنا أريد أن أكون كاتبا مهما

و سياسيا ً أباشر الشأن العام

فأنا أحب السياسة، و أظن لو مارستها سأكون سعيدا، فأمثالي ما خُلقوا إلا للصراع

لكني كذلك أريد أن أظل قريبا ً من الإخوان

لا أريد التنظيم أن يركبني ويتحكم في حركاتي و سكناتي

لكني أحب أن أظل قريبا من "خزانات النور" فيها، أعني شبابَ الجماعة

فشباب الإخوان نور و نقاء وحماس دافق، و لو كانوا في نظام مفتوح لأثروُا الأرض و ملأوها جمالا

و ربما يكون هذا العهدُ عهدا ً نرى فيه خزانات النور تُفتح لينتفع بها من في الأرض

لماذا يشعر بعض شباب الاخوان بأنهم مهمشون...اتذكر فى هذا الموقف عندما كنت فى الجامعة وكنت فى السنة الثانية وكنت مع الإخوان فى هذه الفترة.. كنت لا اعرف شئ عن الإخوان وكنت اسمع ما يرددوه على انه الكلام الاول والاخير.. كنت إذا اردت ان اعطى رأى كنت اسمع كلمتين " السمع والطاعة " وانا من الشخصيات التي لا تتناسب مع هذه الكلمات فكنت لا ارى نفسي داخلها كلما اسمع هذه الكلمات اتحول الى شخص اصم لا اعرف صواب هذا ام خطأ حتى إذا أخذتني الحماسة لكي انفذ فكره معينه إذ ارى انها لا تتناسب مع افكار الجماعة او بالاخص لا تتناسب مع افكار شباب الإخوان فى هذه المرحلة.. ولانى من الاشخاص او من الشخصيات التي لا استطيع ان استمر على فكرة السمع والطاعة ولانى حماسي وشديد الحماسة عن غيرى فقررت الخروج من الجماعة وكانت هنا بداية تحقيق الذات...المقصد ان لماذا لم تتبنى الجماعة الشباب الاكثر حماسا .. مثل ما قاله اسامه فى كتابه انه كان يريد ان يكون كاتبا كبيرا لانه يحب الكتابة فعندما رأى ان التنظيم سوف يركبه ويتحكم فى حركاته فتركهم لكي يصنع نفسه ويجد لها المكانه الراضيه ومثل ما فعل اسامة فعل كثير من الشباب مثلى ومثل غيرى..

كما سمعنا منذ قليل ان الإخوان اعلنوا عن عدم وجود ممثلين لها بالإئتلاف

http://www.dostor.org/politics/egypt/11/may/29/43647

السؤال هنا

لماذا تستخدم الجماعة هذا الاسلوب ؟؟؟ لماذا لا تحتضن هؤلاء الشباب وتسمع آرائهم ووجهات نظرهم وتعرف انها لابد ان تفصل عن حياة الشاب الشخصية وحياه كفرد داخل الجماعة.. لماذا لا يرى الإخوان انه من الممكن ان يختلف الشباب مع التوجهات الجديدة للإخوان.. لماذا لا يسمعوا الرأي والرأي الاخر كما يقولون.. انا هنا لا أذم على الإخوان ولكنى احبهم وارى من نفسي شخص يدافع عنهم ويستنكر اخطائهم وانا لا اعلم لماذا افعل هذا...

الخوف ان يأتي بوم لا ادفاع عنهم ولكنى اكون فرد من الاشخاص الذين يهاجمونهم سواء بحق او بغير حق.

ولكن فى النهاية ما أردت ان اوصله من هذه التدوينة هم ثلاث اشياء :-

1- انصحكم بقراءه هذا الكتاب لانه رائع بالذات إذا كنت من الإخوان

2- رسالة الى الإخوانسواء القيادات او الافراد :- اهتموا بمن هم دونكم واهتموا بشبابكم لانهم رعاه وحماه الإخوان

3-رسالة لشباب الإخوان:- قياداتكم ليسوا بأنبياء او بملائكه من الممكن ان يصيبوا او يخطئوا فإعترفوا بأخطائهم يعترف الناس بكم

كش ملك

2011-05-28T15:15:00.001+02:00

قولتها كام مرة قبل كدة ؟ وهتقولها تانى ولا خلاص ؟

يوم سعيد

2010-03-31T23:07:00.000+02:00

النهاردة انا سعيد اوى ...حسيت النهاردة انى بدأت أرجع زى زمان..لما كنت بكون قريب من الناس وكنت بساعدهم ..حسيت بفرحة اوى ... كان عندى النهاردة معادين..الاول مع واحد اتعرفت عليه على النت كان محتاج كساعدة فى المجال العمل اللى انا بشتغل فيه وهو الموارد البشرية والثانى كان محتاج مساعدة فى انه عاوز يغير وظيفتخ بس كان قلقان ...بغض النظر عن اللى انا غوضت فيه بس حسيت قد ايه انى سعدتهم النهاردة وقد ايه انى غيرت اتجاه تفكيرهم..ياااااااه انا مبسوط اوى انى بدأت ارجع زى زمان...الحمد لله

المرة دى بقى جاتلى فكرتين....اول فكرة انى عاوز اعمل جمعية خيرية اسميها مجددون ,طبعا زى اسم برنامج عمرو خالد ونفسى برضة ارفع نفس الشعار وهو التنمية بالايمان بس عشان احنا فى دولة متخلفة اول مهقول حاجة زى دى ممكن ميخلونيش اعملها ولا يدولى التصريح...المهم انا عاوز اعمل الجمعية دى عشان تفيد الشباب اللى فى مرحلة الثانوية و الجامعة والمتخرجيين على انى ادرسلهم التخطيط والاهداف وإدارة الوقت والحاجات اللى بتنميهم وتحددلهم هدف فى الحياة وتغير فكرهم من سلبى الى ايجابى ويكونوا صناع قرار وبالتالى صناع حياة...والتانية انى عاوز اعمل جروب على الفيس بوك اسميه الاصدقاء اجمع فية كل الناس الكويسة ونتعرف كلنا على بعض ونجتمع على حاجات خير ...انا مبسوط اوى انا ان شاء الله هعمل الحاجت دى فى اقرب فرصة...

الحمد لله على كل شئ ..بس انا زعلان شوية مع الفرحة الكبيرة اللى جوايا ان زوجتى وحشيتنى اوى من اول مرتبطنا ومعداش يوم إلا وكنا بنتكلم ونطمن على بعض بس بسبب الظروف وان الواحد معهوش ولا مليم يكلمها على الموبيل وبسبب انها كمان مش معاها زيي بالظبط وكان عدها شغل النهاردة فمتكلمناش إلا دقيقة واحدة فحاسس انى مفتقدها اوى ...بس ان شاء الله هكلمها بكره...

يارب عود عليا الايام الجاية على خير يا اكرم الاكرمين وساعدنى على عمل هذا الخير

الأحكام

2009-08-20T00:06:00.000+03:00

ياه وحشتنى المدونة اوى .... ووحشنى تعليق الناس عليها .... ياه مفتقد حاجات كتيييير

يمكن زى كل مرة مش عندى حاجات اقولها.... بس عندى مشاعر كتيير جوايا نفسى اقولها بس مش عارف
مش لاقى حد يفهمنى ... ليه فى مشاكل فى الحياة اوى كدة ليه الحياة مش سهلة ... لازم الواحد يتعب ويدور على كل حاجة نفسه ومجتمعه وعالمه..

لية لازم نتعب فى كل حاجة نوصلها ... لية فلا شك وسوؤ نية حتى من اقرب الناس ليك... يه محدش بيفهم حد .. ليه اول حاجة نفكر فيها ان اللى قدمنا ده اكيد كداب.. غشاش... وهكذا

فين ايام زمان يمكن مكانتش زى برضة محنا بنتمناها بس اكيد مش زى دلوقتى.

ليه لازم نفسر كل حاجة بنقولها وبنعملها اننا نيتنا فيها سليمه ليه التاس متفهمش هيا لوحدها كدة

اش معنا احنا بنفهمهم صح لحد مبظهر الخطأ

لحد امتى حنفضل كدة

مغيبين

مش كدة وبس

2009-01-27T10:37:00.000+02:00

انا عاوز اسأل سؤال

هو أمتى الواحد بيفهم الحاجة غلط ويتعامل معاها وأمتى يفهمها صح ؟

السنة الجديدة

2008-12-14T11:36:00.000+02:00

انا فرحان ان السنة الجديدة جاية وبرضة انا خايف اوى منها

فرحان لانى بفكر اعمل خطة بقى فى حياتى كلها من اول السنة بعد التغيير اللى انا حولت فى خلال السنة اللى فاتت اعملها

بس خايف من ايه

من أحداث السنة الجديدة

فى ايه مش عارف

ربنا يسهل

جبنة وخيار

2008-10-19T10:06:00.001+02:00

"الحمد لله "

كانت هذه الكلمة التى انهت بها أمرءه عجوز كلامها حينما كانت تلتقط اللقمات الأخيرة من الجبن والخيار حيث كان يجلس معها زوجها وكانوا قد أشتروا قطعة من الجبن لا تزن الربع كيلو وأيضا الخيار الذى لا يزن الثمن كيلو حيث كانوا يلتقطوا غدائهم كأى إنسان ولكن فى المسمى .. وكانوا يجلسون فى جانب من الطريق حيث ظهر عليهم المشقة من تعب الطريق فأرادوا ان يستريحوا ويأكلوا أكله لا تعنى الكثير لأحد منا فكانت أعينى عليهم فى هذا اليوم وأنا انتظر أحدى أصدقائى .. كل ما جذبنى فى هذا المنظر هو مدى حمدهم وشكرهم لنعمة ربنا التى أعطاها لهم وانا عينى ترتجف من الدهشة ليس لإنى لم أشاهد هذا من قبل بلا شاهدته كثير ولاكن هذه المرة غير كل مرة حيث التعب الشديد والأرهاق الذى يظهر على وجوههم وحيث المكان الصغير فى جانب من الطريق فوق الرصيف والجلسه على ركبتيهم كل هذا ليستطعموا لقيمات من الجبن والخيار والغريب الذى شدنى وجعل أعينى تنظر إليهم هى البسمة التى تملئ وجوههم كأنهم أستطعموا قطعة كبيرة من النعم التى لا يستذوقها غير الأكابر أصحاب العربيات والملايين وغيره وغيره.

وفى الجانب الأخر رجل عجوز كان يستلقط أنفاسه الأخيرة من الجرى وراء الأتوبيس وكل ما يحمله هو كيس به قطع من الخبز وكل ما يقوله أيضا وهو يسرع لكى يلحق بالأتوبيس " ثوانى يابنى " كل أمانيه فى هذه اللحظة ان ينتظر السائق لكى يركب ويذهب ويستريح من التعب الذى لم يبارحه فى هذا اليوم وكانت الإبتسامة تنير وجهه عندما لحق بالأتوبيس .

وأما الأخر فكان الرجل يجلس فى عرباة ذات الثلاثين فى الثلاثين متر والتكييف والراحة والهدوء والسرعة التى لا تفرق معه إذاحدث شئ لانه يعلم كل العلم إن لديه المال الذى سيعوضه إذا حدث شئ .

أخيرا.......,

هى دى الحياة

اللهم انك عفو كريم تحب العفو فاعفوا عنا

بطاطا .. يا حبوب

2008-09-24T23:56:00.000+02:00

موضوعي اليوم فعلا ممكن يستفز الكثير من الناس

احنا شايفين في الآونة الأخيرة شغالين علينا اعلانات المدام فشخرة وجوزها الاستاذ محسن

منظر وعايزين يفهمونا ان هو دا حال الامة المصرية والاسرة المصرية

ان احنا مفتريين وبتوع فشخرة ومظاهر كل دا علشان اشتكينا من غلاء الأسعار وكأن لسان حالهم يقول

(مش انتو اللي اشتكيتوا؟؟ خدوا عندكم بقى)

بإختصار يا سادة يا كرام اعلانات مدام فشخرة والاستاذ محسن هي اعلانات تصور اسرة مصرية مفترية الى ابعد

الحدود وطبعا الاسرة دي لا وجود لها ولا حتى اسرة شبيهة لها في ارض الواقع

تخيلوا انهم مصورين الاسرة المصرية بتتسحر بخروف !!

لالالالالا استنوا دا مش خروف بس دا اللي شاف الاعلان هيعرف تعليمات السحور بتاعة مدام فشخرة حاجات

بحوالي 2000 جنية

والله هم يضحك وهم يبكي

انا عايز

اعرف انهي منطق يقول ان ممكن اسرة تتسحر في يوم بالمبلغ دا؟؟

والله دا لو عازمين جانكيز خان والمدام والاولاد ومعاهم كمان هولاكو مش هيتسحروا كدة

بجد حاجة تحرق الدم

لا والراجل اللي بيتكلم في الاعلان دا عليه رزااااااااااالة

وهو بيقول

اللى يولع الأسعار و يخرب الجيوب هوا الفشخرة و المنظرة يا حبوب

ونقول ليه السكر غلي وليه الرز غلي وايه اللي غلى التوم ياعم صحي النوم

والله بجد لو حد من دولة تانيه شاف الاعلان دا اقل حاجة هيقول علينا اننا نستاهل الابادة الجماعية

للاسف ميعرفوش ان المواطن المصري (العادي يعني....مش ساويرس(ولو انه موش بيتسحر) ولا عز ولا طلعت مصطفى
يكفيه طبق فول بالزيت وبيضة وعلبة زبادي في السحور وفي الفطار هو صنف واحد ولو عمل صنفين ينعي حظه طول

الاسبوع

واخيرا انا لله وانا اليه راجعون

صراع مع النفس

2008-09-09T08:00:00.000+02:00

السلام عليكم ورحمة الله وبركاته.

انا فى صراع مع شخصيتين .. شخصية نفسها تستمر زى مهيا وهى شخصية محمد القديمة ( المرح اللى بيحب الهزار - اللى شايف الناس كلها كويسة ومحد بيكون وحش غير لما نتعامل معاه بطريقة وحشة ) طبعا محدش فاهم حاجة . تعالوا هحكلكوا حكاية صغيرة يمكن تفهمومها .

انا زمان لما كنت فى الكلية مع أصحابى .. كنت بحب اهزر وكانت شخصيتى اللى معروف بيها هى المرح والعفوية يعنى لما بحب حد مش بعرف أخبى لازم أقوله ممكن تقولوا عبيط بيوقع على نفسة على طول .. شايف الناس كلها كويسة وان الدنيا فى كويس بس ومفيهاش حاجة وحشة خالص او ممكن نقول ان ظروفها هى اللى بتغيرنا يعنى لو الشخص نفسة وحش بسبب ظروف مرت عليه ساعتها مقدرش اقول انه وحش لا بقول ان الظروف هى اللى جعلته كدة .. انا بقى كنت كدة شايف الدنيا وردى .. الناس جميلة والحياة أجمل بس اللى يفتحلها دراعه .. وان الناس كلها 100 % وقصة 100 % دى كبيرة اوى ..

هحكلكوا الحكاية .. انا كنت بشوف الناس كلها انها 100 % كويسة وكنت بتخانق كتير مع خطيبتى فى الموضوع ده وأفضل أقولها يابنتى اسمعى الكلام الناس كويسة وطول محنا كويسين معاها هما يكونوا كويسين .. وهى تقولى يابنى اسمع الكلام لازم تكون 80 - 20 طبعا

وقصة 80 - 20 دى طويلة بس مش قوى

تعالوا هحكلكوا الحكاية انا خطيبتى اللى بحبها اوى على طول بتبص للناس بدرجات متفاوته .. يعنى ممكن تنظر لواحد انه 80 -20 وواحد تانى 70 - 30 ومعنى الكلام دة ان الرقم الكبير هو رقم الرضا عم الشخص والرقم الصغير هو رقم الحذر من الشخص نفسة عششان لو عمل اى حاجة وحشة متتصدمش وهى بالطبع حطاله نسبة تغيير فلو حصل عادى مهى متوقعة فبالتالى مبتتعبش.

انا بقى أتصدمت

عشان كدة غيرت رأى.

وهكون بشخصية جديدة ..

حد فاهم حاجة؟

انا خلاص خطبت

2008-08-12T10:17:00.000+03:00

بيقولوا

(محمد خطب خلاص يا جدعان)

العنوان المكبوت : البقاء لله

المكان : داخل افواج القلب

الزمان : راح خلاص

الموضوع : محمد شاب طموح .. كل ما يأمل فيه هو عمل فى مكان برفوشنل ( زى مبيقولوا ) عاوز عربية بروفيشنل ( برضة زى مبيقولوا ) وعاوز يعيش حياه كووووول ويخلف عيال كوووووووول يقولوا على ان الأستعمار ده حمار

المهم نرجع لموضوعنا .. الواد ده بقى تخيلوا خطب .. ينهاااار .. اه والله خطب وخلاص بدأ الهموم ..

الشقة فين يا محمد .. والله عمال ادور يا عمو.

طيب المكان عاوزة يكون فين يا عمو .. ياريت حاولينا ..

طيب البيسين يكون قدام البيت ولا فى البدروم .

ينهاااااااااااار .. يلا يا محمد

أبدأ فى الحياة المشغولة وأعمل لنفسك بيزى ( زى ميقولوا) اظاهر ان كل الناس هتقول بس عليا.

يلا ربنا يخليلى المدونة اللى بتفضحنى على طول

سلاموووووووووووووز

ادخلوا قولولى البقاء لله

الجزء الاول

2008-07-13T14:20:00.000+03:00

السلام عليكم ....

انا نزلت قبل كدة موضوع عن السر او the secret

وقولت انى هتكلم عنه ان شاء الله .

فأنا قررت والحمد لله بعد حرب مع النفس وتفكير عميق انى انزله النهاردة

وانا قاعد برضة فى الشغل .. مش عارف ليه الحاجات الجامدة مش بتيجى إلا فى الشغل ليه

يلا يارب اعرف اشرحه ..

المهم فى البداية انا احب انى اوضح كام نقطة .

1- حابب انى فى الاول اتكلم عن نيتى انا ليه ناوى انزل شرح تفصيلى عن هذا الكتاب ..

انا يمكن نيتى اول مقرأت الكتاب هى انى كنت عارف انه بيتكلم عن النفس البشرية وبيتكلم عن التغيير ولكن بطريقة غيرمباشرة.

بس وانا بقرأه كنت بحس فعلا بمعنى كل كلمه .. انتم يمكن هتشوفوا وانا بنزله هتلاقونى بنزل بعض الجمل اللى بالانجليزى عشان مهما حصل انا مش هقدر اشرحها زى مهى موجودة لإن معاناها بالانجليزى اجمل من انها تترجم ..فأنا نيتى ان يمكن واحد بس يدخل المدونة ويقرأ الكلام ده وفعلا يتغير .. ويحاول انه يكون ليه بصمة ولو كانت صغيرة فى حياته تأثر فيه او تأثر فى حد تانى ويتغير بسبب كدة .. فيارب اقدر اغطى الجزء ده ..

2- النقطة الثانية برضة حابب ان الناس تحاول توسع ثقافتها وتقرأ فى كل حاجة سواء كان انجليزى او عربى عشان فعلا فى كتب جميلة بالانجليزى فعلا رائعة انا مش بقول انى جامد فى الانجليزى والكلام ده .. انا اساسا لما بقرأ كتاب بالانجليزى بيكون جمبه القاموس على طول .. بس بحاول فانا اقصد انكم برضة تحاولواا فى الموضوع ده عشان هيفدكم اوى.

المهم ندخل بقى فى صلب الموضوع ..

انا النهاردة مش هتكلم اوى وارغى بس انا هقول فكره عامة عن الموضوع عموما وبعدين هبقى اتخصص في كل نقطة ونحاول نجرى فيها حوار مع بعض ونخرج بحاجات مستفيدين بيها .

فى البداية زى مقولت ان الكتاب اسمه السر اوthe secret

بيتكلم عن التغيير او بيتكلم عن السر اللى بيخلى الواحد يعمل اللى هو عاوزة بطرقة صحيحة ويحقق مكنونته

ووجوده ورغبته فى الإشباع.

بدأ الكاتب فى البداية بتقديم بعض الجمل عن هذا السر والذى يقوم بعض الكتاب او المستشرقين او الفلاسفة بالتحدث

عن السر

المهم وانا بقرأ الكتاب كانت دماغى عماله تيجى وتروح

ايه هو السر وليه سموه بالسر

هل من الممكن ان يكون هذا السر هومفتاح الابتكار

وكنت عمال اجرى بالصفح يمكن القطالسر بس مش عرفت

واسئلة كثيرة وكثيرة راودتنى عند قرائه هذا الكتاب

فى بداية الكتاب كان هناك بعض الجمل كما قولنا عن بعض الفلاسفة والأساتذة عن هذا السر

وسوف اسردهم كماهما بالانجليزى

The Secret gives you anything you want: happiness,
health, and wealth

You can have, do, or be anything you want

We can have whatever it is that we choose. 1 don't
care how big it is

This is the Great Secret of Life.

Alt of this happened because of knowing how to
apply The Secret

طبعا انا مش جبت كل حاجة .. بس انا اللى عاوز اقوله فى المرحلة دى ان الواحد مننا بيكون عنده طاقة كبيرة اوى وانه بيفضل يبحث عن الحاجة اللى هو يقدر يعملها عشان يفرغ فيها الطاقة دى .. انا اوقات بيقبلنى ناس كتير كل مسئلهم عن هدفهم او اقولهم انتم نفسكم تكونوا ايه .. يقولوا ان نفسهم يكونوا حاجة كويسة بس ايه هى مش عارفين

انا مش بقول انهم غلط لا خالص هما عندهم الطاقة انهم يكونوا حاجة مختلفة بس ازاى مش عارفين

انا يمكن عندى كلام كتير بس هخليه لبعد كدة

بس احنا هنتكلم مع بعضيتا عن الحاجات اللى الواحد يبدأ بيها عشان يكون احسن وعن المشاكل اللى الواحد بتواجهه فى انه يضع هدف فى حياته انا طبعا مش خبير ولا الكلام ده انا عادى بس انا خدت بعض الخطوات فى سنوات كتيرة عشان اكون كويس فأنا هقول اللى عملته عشان محدش يمر بالفترة دى كلها ويختصر احسن الطريق على نفسه.

و يمكن مش بعرف اشرح اوى بس هحاول انى اوصلكم الكلام اللى حسيت بيه وانا بقرأ الكتاب

يارب اقدر

وجزاكم الله خير

احساس بدون وصف

2008-07-12T01:43:00.000+03:00

اوقات بقعد مع نفسى وافضل اقول هو الماس اول مكتشفوه قالوا عليه ماس ..

ولا فضلوا يفكروا لحد مكتشفوا الاسم ..

طيب لما الواحد بيقول لحد انت عامل زى الماس ..

بيكون فرحان اوى على الرغم من ان كلمة الماس مكنتش موجودة قبل كدة ..

طيب ده بيتقال على الجماد ..

طيب لما الواحد بيكون بيحب حد اوى يقوله ايه

مذكراتى

2008-07-09T22:41:00.000+03:00

السلام عليكم ورحمة الله وبركاته

طبعا انتم فاكرين الموضوع اللى كتبته قبل كدة اللى اسمه اصحاب ذو فكر راقى

فى الاخر كنت كاتب انى هتكلم عن المراحل اللى عدتها فى حياتى سواء كانت فى الدراسة او الانشطة اللى فى الكلية او الحياة عموما

فإن شاء الله ناوى اتكلم عن الموضوعات الاتية خلال الفترة القادمة ان شاء الله

عشان فى ناس فعلا انا محتاج اتكلم عنهم عشان فعلا الناس دول ضافوا لحياتى كتير وعلمونى حجات كتير

ان شاء الله هتنزل على 5 اجزاء

قسم إدارة

our vision

ABC

LIVE

بداية للتنمية البشرية

انــــــــ شـــــــــاء الله

اوقات بحن

2008-07-06T14:14:00.000+03:00

الواحد ساعات بيعدى عليه اوقات يحن لحاجات كتيرة اوى فى حياته .. سواء من اول حياته لحد دلوقتى

يعنى من اول مكان فى الحضانة وهو لسه بيلعب مع اصحابه او ممكن نقول ان الوقت ده كان كل حاجة يعرفها فى الحياة هى اللعب انه يصحى من النوم وينزل الحضانة وعارف انه رايح عشان يلعب وعشان يقابل اصحابه.. وأول مخلاص بدأ يكبر شوية والحياة بدأت تكبر بكل حاجة بمشاكلها وبهمومها وبفرحها وبكل حاجة بس طبعا فى الوقت ده مكنش الواحد بيفكر إلا برضة فى حياته اللى بتتلخص فى اللعب وتحقيق بعض الاهداف اللى الواحد ميعرفش كانت ايه بس عارف ان هناك حاجة محتاج الواحد ان يشبعها بس ايه مش عارف .

وبدأ الواحد يكبر .. ويكبر لحد موصل للثانوية ومعارفه بدأت برضة تكتر اصحاب .. اصحاب .. اصحاب وبدأ فى الفترة دى يختار بين الاصحاب الكويسين والاصحاب اللى مش كويسين او السوء بمعنى اخص.. وبدأ يروح فى الجهه اللى بتحقق اهادفه بس ايه هى اهدافه ميعرفش بس برضة اللى ممكن نسميها الإشباع..

يمكن الواحد مش فكر إلا متأخر فى موضوع الاهداف بس الحمد لله فكر وعرف ..

المهم كبر وبدأ يدخل الجامعة ويتعرف على اصحاب جدد تانى ليهم فكر اكبر وطموحات اعلى وبدأ يفكر انه يكون زيهم

وفعلا بدأت الاهداف من هنا تنطلق .. وبقى ليه اهداف نفسه يحققها.

وسعى كتير وفضل يمشى مشاوير كتير فى حياته متجه الى الهدف اللى عاوز يحققه ..

واتخرج .. واشتغل وحقق جزء من الاهداف وبيسعى انه يحقق الباقى ..

بس برضة بحن لطفولتى .. انى العب وارجع تانى افكر فى حياتى البسيطة ..

حجات كتيرة الواحد مش بيفتكرها إلا لما يكون عاوز يفتكرها.

يلا هنفتكرها وهننساها ونرجع تانى نفتكرها

المهم انها تكون دافعه ايجابية للى بعد كدة

يلا ربنا يسهل ويستر

امتى هتعلم؟

2008-07-03T16:07:00.000+03:00

اوقات كتير الواحد بياخد قرارات غلط فى حياته.

طبعا فى البداية ميعرفش ان القرار ده غلط .. بس بيخده

وفى الاخر يندم على القرار ده

ويرجع تانى وياخد قرار تانى وبرضة يندم على القرار اللى خده

وياريته يتعلم

يارب علمنى .. انا محتاج انك تعلمنى وتخلينى لو مرة فى حياتى اخد قرارات ومندمش عليها.

اصحاب ذو فكر راقى

2008-06-29T23:50:00.000+03:00

اولا : السلام عليكم ورحمة الله وبركاته

ثانيا : اهلا بيكم فى مدونتى ونورتوها كالعادة.. ويارب تكون حلقة التواصل بينا لو الدنيا شغلتنا

طبعا انا مش بعرف اتكلم فى حجات ذى كدة.. يعنى

بس انا يمكن الشركة اللى شغال فيها عملتلى عيد ميلاد كدة واحتفالنا..

بس يمكن العيد الميلاد ده مش اثر فيا ذى مانتم اثرتوا فيا..

بجد انا مش بتكلم كلام وخلاص او انى لازم اقول الكلام ده ..

بس الشركة لازم تعمل الموضوع ده كشئ من التحفيز للموظفين فكان عادى بس مش هقول انى مكنتش مبسوط

.. لا طبعا .. بس عارفين لما يكون فى حد دخل وقال لحد تانى كل سنة وانت طيب

ومهتم انه يقوله كدة بتكون احسن من اى حاجة مخططه مسبقا..

فبجد انتم ناس جامدين جدا جدا ..

وفعلا يمكن كل واحد منكم اثر فيا سواء كان فى شغل فى الكلية او احداث بسيطة او اصحابى طبعا

يمكن السنة الجديدة معرفش هيكون فيها ايه ..

مين الناس الجداد اللى ممكن اقبلهم فى خلال السنة الجديدة وحياتى هتكون عامله ازاى ..

بس الحاجة اللى متأكد انى فعلا هفتقدها هو انتم ..

مش شعارات والله ولا حاجة بس فعلا انتم ناس تعطى ولا تنتظر المقابل ..

يعنى يمكن اغلبكم لما اشتغلت معاه فى كذا حاجة كان فعلا بيعلمنى

مكنش بيخاف انى اكون احسن منه او انى اخد مكان اكبر منه ..

لأ كان كل همه اننا نتعلم من بعض ..

اما فى الواقع العملى هيكون عكس ذالك ...

الناس كل كلامها بالفلوس وعمرى مهديلك خبرتى ببلاش

عشان انت تكون احسن منى بس خلينا نقول ان ده مجرد توقع..

تعالوا بقى ندخل فى المهم ..

انا حابب اقول استفدت ايه من كل واحد منكم...

سواء كان فى الشغل ذى مقولنا او انشطة او مقابلات عابره ..

اولا:

استاذى الكبير طارق شحاتة(اتعلمت منه ازاى اكون hard worker

ثانيا :

عمرو عادل يمكن مصدفناش اننا اتعملنا اوى مع بعض

بس اتعلمت منك انى مينفعش كل حاجة اخدها على نفسى عشان متعبش

ثالثا :

اتعلمت من خالد انى وقت الشغل لازم اكون حازم ووقت خارج الشغل

لازم اكون مهيس بمعنى الكلمة..ودى كانت فعلا حاجة فيا محتاج اعدلها ..

شكرا اوى يا خالد .. وعلى فكره انا جى الحفلة ان شاء الله :)

رابعا:

اما استاذة امانى الحكمة .. اتعلمت منها انى اكون حكيم وانا بتكلم

خامسا:

اما نيرفانا فيمكن متعملناش اوى مع بعض بس اتعلمت

منها انى مش لازم اعرف الناس فى الواقع وبس لأ فى ناس

كويسين من غير متشوفهم فى الواقع واوقات يكونا احسن كمان من الواقع

سادسا:

اما استاذ سامو فأحنا متعملناش خالص مع بعض ..

بس بجد شكرا جدا على اهتمامك وبجد يمكن الكلمة بسيطة بس معناها بالنسبة ليا كبير

سابعا:

اما العموووود الكبير ابراهيم الشرقاوى ..

اتعلمت منك ان الواحد ممكن يواظب بين حياته الدعوية وبين حياته الشخصية فعلا قدوة .. جزاك الله خير

ثامنا :

استاذى الكبير اشرف .. ذو العقل المدبر ..

فعلا والله اتعلمت منك انى اكون هادى جدا فى اتخاذ قراراتى

واشوف الحل من ابعاد مختلفة واحاول اوصل لحل مشترك افضل من حل واحد يرضينى انا بس

.. بجد ربنا يكرمك ويجزيك عنى خير

تاسعا:

استاذة انجى جزاك الله خير على اهتمامك يمكن برضة

مش اتقبلنا او اشتغلنا مع بعض بس اهتمامك بإنك تقوليلى كل سنة وانت طيب

خلانى فعلا اقولك شكرا بمعانى مختلفة .

.يمكن ذى مقولت انك تفتكريها عادية بس بالنسبة ليا فعلا مش عادية

عاشرا:

استاذة خلود عموود اورفيجن والعقل المدبر ..

بجد اتعلمت منك حجات كتييييييير اوى ..

اكتر حاجة اتعلمتها انى اكون مرن فى تعاملاتى وكمان

انى احفز اللى قدامى انه يعمل اللى هو عاوزه بس بطريقة مختلفة ..

بجد اتعلمت منك الولاء .. ازاى يكون عندى ولاء لحاجة فعلا انا مؤمن بيها ..

بجد جزاكى الله كل خير ويارب نتقابل فى الواقع العملى مع بعض عشان اتعلم منك اكتر واكتر..

الحادى عشر :

استاذة اميرة انا اتعلمت منك انى احاول اسمع مشاكل الناس

واحاول اوصل لحل لمشاكلهم

وان الدنيا مفهاش انا وبس لأ فيها ناس محتاج الواحد برضة

يسمعهم ويحل مشاكلهم ,, بجد جزاكى الله خير وربنا يوفقك فى حياتك .

الثانى عشر:

اسلام يوسف والله العظيم انا مش عارف اقول ايه عنك ..

بس ونعم الصديق اللى مهما حصل مش يقطع علاقته خالص بأصدقاءه ..

اتعلمت منك الوفاء انى ازاى اكون وافى مع اصحابى وانى لازم اسأل عنهم ..

يمكن انا لسه مش طبقتها بس هعملها ان شاء الله بمساعده اكتر منك ..

ياريت مش تزعل منى انى مش بسأل بس عشان خاطرى فعلا مش تبعد بسببى..

بجد جزاك الله خير ونعمة الصديق.

الثالث عشر :

استاذة امنية يمكن احنا مش اتقبلنا مع بعض إلا وقت اورفيجن

والارقام الناطقة ( وده سيم مش حد يعرفه :) غير الفيجنييرز)

بس اكيد لو كان فى فرصة شغل كنت اكييد هتعلم منك كتييير

لإنى اؤمن اوى ان كل واحد عنده حاجة مش عند التانى

ولو كلنا اتجمعنا هنكمل بعض .. فبجد شكرا اوى على ذوقك.

الرابع عشر :

استاذتنا الكبيرة ذو الفن الراقى والذوق الرفيع ..

وطبعا استاذتنا فى اكبر مجمع طلابى لحاملى الافكار ABC

فعلا والله اتعلمت منك الهدوء وحاجة تانية مش لقيلها معنى تانى غير الروشنة :)

الرابع عشر :

سيد يمكن احنا اتقبلنا كتييييييييييير اوى اوى بس

مكنش فى وقت فى كل مرة نتكلم فيها بس انتا بتفكرنى بأيام الصياعة بتاعتى .

. فتخيل ممكن اكون اتعلمت منك ايه ... انى مرجعلهاش تانى خالص خالص .. :)

انا عارف انى فعلا طولت عليكم

بس الحاجة الاخيرة اللى هقولها بجد انتم فعلا ناس جامدة جدا وفعلا والله الكلام ده مش كدة وخلاص .. بس كل واحد منكم فعلا جواه حجات رائعة لو استغلها صح هيكون مثل القائد محمد الفاتح والقائد صلاح الدين ,يكون من مخططى المستقبل وقواد الحضارة اللى كل واحد مننا بيتمنى انها ترجع تانى لمصر ..

جزاكم الله خير

وفى النهاية انا حابب انى اتكلم عن السنة اللى فاتت ان شاء الله بس فى بوست اخر هينزل خلال ايام

هتكلم فيه عن

اولا: قسم إدارة وفريق إدارة

ثانيا: our vision

ثالثا :ABC

رابعا : LIVE

خامسا : بداية للتنمية البشرية

ان شاء الله

رد على مدونة رؤية

2008-06-27T03:25:00.000+03:00

يمكن انا مكنتش هنزل الموضوع ده .. وكنت ناوى انزل حلقات عن كتاب the secret

بس وانا بقرأ التدوينة بتاعت سالى فى مدونة رؤية

شدنى سؤال كانت كتباه ..

وهو .. من المسئول عن الظلم والقهر والكرة والقتل والدماء؟

انا يمكن مش اتفرجت على الفيلم ولا حتى البوست عرفت منه ملامح الفيلم اوى

بس لما قرأت السؤال ده استلهمت بعض المشاعر اللتى جعلتنى اسأل هذا السؤال

بالفعل من هو المسئول عن هذا ..

فكانت اجابتى هى .. الشعب فى كل مكان

فكنت اكتبها وانا خائف ان يهاجمنى احد ويعتقد انى بجانب الحكومة .. وادافع عنها ..

ولاكنى ارى ان الشعب بكل جوانبه وطبقاته هو المسئول ..

ارى السكوت عن الظلم ادى الى تفشى مرض الظلم حتى اصبح عادة يسمعها الناس ولا يتأثرونا بشئ

هناك العديد من الامثلة إذا ذكرها احدنا لن ننتهى من ذكرها لليوم التالى ..

ولكن هل السبب كما قالت الاستاذة سالى .. هو عدم وجود وحدة وطنية فقط

ام هناك اسباب اخرى لا يعلمها احد..

ولكن مازلت احتار فى نفس السؤال

من المسئول عن القهر والظلم !

وكالعادة

2008-06-25T07:51:00.000+03:00

بصمتى

My Impress

ادعولى..............

THE SECRET

2008-06-22T17:13:00.000+03:00

The Secret gives you anything you want: happiness,
health, and wealth.

اعلان

2008-06-11T15:37:00.000+03:00

السلام عليكم ورحمة الله وبركاته

انا كنت محتاج شقة يا جماعة

لا تقل عن 80 متر ولا تزيد عن 110

وياريت تكون ايجار قديم

اما لو موضوع التقسيم او المكان او الشكل مش مهم

المهم انها تكون ايجار قديم

ياريت اللى يعرف ولاحاجة يكتب ويقولى

الموضوع فعلا والله جد ومحتجينها اوى

لو حد يعرف يقولى

وجزاكم الله خير

انا فرحاااااااااااان اوى ..

2008-06-01T14:59:00.000+03:00

ازيكم .. والله وحشتونى اوى

انا عارف انى مش بكتب ويمكن بعضكم افتكر انى نسيت المدونة او انى اهملتها ..

بس مش كدة خالص .. ومش هقول انى مشغول والكلام ده بالعكس انا كنت فاضى بس مش ليا نفس ادخل على المدونة ..

بس سيبكم من الكلام الكتير ده اللى ملهوش لازمة.

انا فرحان اوى النهاردة وده مش على الفاضى ..

بس هى لاسباب كتيرة اوى اوى

هقولكم السبب الاول بس طبعا فى سبب تانى مهم اوى بس لما يحصل ان شاء الله هقولكم عليه ..

(thirty thirty) السبب الاول .. انى لقيت شغل فى شركة استشارات إدارية اسمها

وانا هشتغل في الموارد البشرية

هى consulting & business solution

طبعا ان شاء الله هبدأ اول مخلص الامتحانات .. هتخلص ان شاء الله 15/6

اما السبب التانى مش دلوقتى ..

هتعرفوه بعدييييييييييييييييين

ادعولى اوى عشان يحصل ...

مجلتنا

2008-05-02T00:31:00.000+03:00

السلام عليكم ورحمة الله وبركاته

ازيكم يا مدونين يا جامديييييييييين اوى اوى

ايه اخباركم

بصوا بقى انا المرة دى جى وانا عاوز اشاركم معايا فى الموضوع ده بجد

ان شاء الله هنعمل مجلة

وهنزلها الاسبوع اللى بعد القادم يعنى السبت اللى بعد الجى

طبعا المجلة هتكون شاملة كل حاجة

المفروض اللى هيعملوها طلاب من قسم إدارة اعمال جامعة القاهرة

وذى مقولت هتكون شاملة كل حاجة عن تجارة وعن السوق وعن الاهداق الشباب وعن السياسة والاجتماع والاقتصاد وكل كل كل حجاة ممكن تتخيلوها

فكنت عاوزكم يا مدونيين يا جامدين انكم تشاركونا فى الموضوع ده

عن طريق ترشيحاتكم للمواضيع ..

يعنى كل واحد هيرشح موضوع هو كتبه قبل كدة وشايف انه مهم ولازم الطلاب يعرفوه

طبعا احنا الشريحة المستهدفة هم طلاب الجامعة والخريجين ايضا

اى من سن 17 سنة ل سن 25 سنة

اخر معاد ان شاء الله لتسليم المواضيع هتكون يوم الاثنين القادم ان شاء الله

اى 5/5 ان شاء الله

يتم ارسالة اسم الموضوع عن طريق لينك للموضوع من المدونة بتعت صاحب الموضوع

ياريت يا جماعة بسرعة عشان نلحق ننزل المجلة

وجزاكم الله خير

الورقة والقلم

2008-03-27T10:28:00.000+02:00

الورقة والقلم احد المشاعر التى يختفى بواسطتها الانسان ..

اوقات من الندم والعذاب يأتى بدون ان يبكى عليها احد وإذا بكى كان الالام الذى يسعى اليه ..

فللورقة والقلم كل الاحترام والتقدير

مدونة جديدة

2008-02-29T17:48:00.000+02:00

السلام عليكم

اعزائى زوار المدونة

توقفت عن الكتابة فى هذه المدونة منذ فترة ليست بالقصيرة

و الحقيقة ان المدونة اوحشتنى , و كلما طالعت تدويناتى القديمة عادت الى ذكريات يخيل الى انها من ماض سحيق

رغم انها لم تتعد العام

كان لى هدف من وراء الكتابة هنا ..اعتقد انه هدف جيد و يستاهل مواصلة الكتابة

لكننى لا ادرى لماذا فقدت حماستى للمواصلة

ربما اعود ل"كش ملك" يوما ما لأواصل الكتابة

أما الآن فقد أنشأت مدونة جديدة ذات طابع مختلف

وادى ديسون

بإسم جديد و هو : ديساروف

و للاسم الجديد قصة ربما ذكرتها فى المدونة الجديدة

كما ذكرت فان للمدونة طابع مختلف .. حالم قليلا ..خيالى بعض الشىء

لكنه لن يبتعد عن الواقع كثيرا

ان شاء الله

خطــاب

شباب ناجح

2008-02-18T08:43:00.000+02:00

ادخل على هذا اللينك ..

http://www.d1g.com/video/show/?id=1374015

كان يا مكان .. فى قديم الزمان

2008-01-15T23:15:00.000+02:00

كان يا مكان فى قديم الزمان .. كان هناك ولد لديه قدر كبير من الايجابية ولكنه لا يعرف كيف يستغل هذه الايجابية .. كان يجلس هذا الولد تحت شجرة تفاح وفى احد الاوقات وهو يجلس تحت هذه الشجرة ويضع يده متشابكتان يفكر فى طريقة يستغل فيها طاقته الايجابية إذ بتفاحة تقع على الارض فكانت بداية الانطلاقة بالنسة له .. فأصبح ايجابى واخترع قانون الجازبية ..

وفى نفس الزمان القديم كان هناك ولد يفكر ايضا كيف يقرا كتاب .. حتى يكون ايجابيا ولكنه تأتى علية فترات من الوقت لا يستطيع ان يستغل الوقت الذى يأتى فى ظلام الليل بسبب تكدس الظلام ولكنه فكركيف يستغل هذا الوقت الضائع .. ففكر هذا الولد حتى ام باختراع الكهرباء وبالفعل استطاع هذا الولد الصغير ان يستغل الوقت الليلى..

وايضا فى نفس الوقت والزمان وفى نفس الايجابية والتفكير والخروج من الاواعى الى الواعى والخروج من التقليدية والسلبية الى تنشيط نقطة الارتكاز فى العقل .. راى هذا الولد الصغير كيف قومه يعبدون الاصنام التى لا تضر ولا تنفع .. ففكر هذا الولد الصغير وخرج ايضا من المنطق او ما كان سائر فى هذا الوقت انه المنطق الى الامنطقى بالنسبة

لقومه ..ولكنه فكر حتى لا يكون مثل الاله التى تعمل بدون ناتج وفى النهاية كان الرجل العظيم سيدنا ابراهيم

وَإِذْ قَالَ إِبْرَاهِيمُ لأَبِيهِ آزَرَ أَتَتَّخِذُ أَصْنَامًا آلِهَةً إِنِّي أَرَاكَ وَقَوْمَكَ فِي ضَلاَلٍ مُّبِينٍ (74) وَكَذَلِكَ نُرِي إِبْرَاهِيمَ مَلَكُوتَ السَّمَاوَاتِ وَالأَرْضِ وَلِيَكُونَ مِنَ الْمُوقِنِينَ (75) فَلَمَّا جَنَّ عَلَيْهِ اللَّيْلُ رَأَى كَوْكَبًا قَالَ هَذَا رَبِّي فَلَمَّا أَفَلَ قَالَ لا أُحِبُّ الآفِلِينَ (76) فَلَمَّا رَأَى الْقَمَرَ بَازِغًا قَالَ هَذَا رَبِّي فَلَمَّا أَفَلَ قَالَ لَئِن لَّمْ يَهْدِنِي رَبِّي لأكُونَنَّ مِنَ الْقَوْمِ الضَّالِّينَ (77) فَلَمَّا رَأَى الشَّمْسَ بَازِغَةً قَالَ هَذَا رَبِّي هَذَآ أَكْبَرُ فَلَمَّا أَفَلَتْ قَالَ يَا قَوْمِ إِنِّي بَرِيءٌ مِّمَّا تُشْرِكُونَ (78) إِنِّي وَجَّهْتُ وَجْهِيَ لِلَّذِي فَطَرَ السَّمَاوَاتِ وَالأَرْضَ حَنِيفًا وَمَا أَنَاْ مِنَ الْمُشْرِكِينَ (79)....

وكان يامكان ..

وفى زمان بعد هذا الزمان ولكنه ليس بكثير فكر بعض المدونيين انهم يكونوا ايجابيين

انهم يستغلوا اجازتهم

بس من غير ميعرفوا انهم هيتقبلوا

كل واحد عنده حاجة بس تقابلوا صدفة

وكانت الفكرة هى الفكرة

انهم يكونوا ايجابيين .. ازاى مش عارفين

بس هما بداوا يفكروا ووصلوا لبعض النتائج التى لا بأس بها

فكروا ان يكون فى يوم للنظافة العالمى فى احد المناطق الفقيرة

.. ليه لأ مش حقهم

فكروا انهم يرمموا احد البيوت الفقيرة ..

برضة ليه لأ مش حقهم انهم يعيشوا مستقرين من غير ميخافوا

فكروا انهم يروحوا دار ايتام

وبرضة هنقول ليه لأ...

فكروا ومازالو يفكروا

فكر معانا نعمل ايه

يمكن نعمل فكرتكويمكن ليه ده اكيد

نعمل فكرتك وتاخد ثواب الابتسامة او الفرحة اللى هتدخل قلب الناس اللى هتسعدهم

ومش بس ثواب ليه منغيرش فى العالم ونكون افضل ناس حتى

لو بأقل الطرق.

تعالوا نبنى اول طوبة .. ونشوف هنقف لحد الدور الكام

ومين بعدينا هيكمل المبنى.

ليه بنستنى حد هو اللى بيبنى واحنا وراه.. ليه منكونش احنا اللى نبدا

تعالوا نفكر مع بعض

ونشوف احنا ممكن نعمل ايه

هل هننتصر .. وهننجح حتى لو كانت حاجة بسيطة .. ولاهنقلب يوم من ايامنا

او صفحة من صفحات حياتنا من غير محط بصمتى هنا فى الصفحة دى

واقول يا جماعة اعملوا كذا

يلا مستنى ايه

فين بصمتك اللى هتكتبها النهاردة فى كتاب حياتك

...

مدونة آن الأوان

مدونة كش ملك

مدونة فوق صحصح

مدونة منطقة عمل

مدونة عاشق الحقيقة

ومازالت المدونات جارية التحميل

**********

ومازالت الافكار قادمة.

1-كل المدونين يعملوا جمعية للتبرع ونوصلها بنفسنا للايتام والمعوقين ومرضى السرطان ومش بس الناس يتبرعوا بفلوس وبس دول يتبرعوا باكل ولبس وكمان في حاجة ليه ما بنفكرش نعمل في الجمعية دي سكن للشحاتين واطفال اللي ما عندهمش بيوت للسكن وبرضو داخلين في التبرعات .

2-ممكن نساعد الطلبة المكفوفين اللى بيكونه فى دار الايتام وعايزين حد يقرأ لهم او يكتب لهم الدروس على الكمبيوتر ، مثلا دار رسالة فيها مكفوفين محتاجين مساعده مننا

3-بص ياديدو عايزين نهتم بفئة مفيش كتير بيهتموا بيها فئة المسنين...عايزين نختار جميعات للمسنين ونعمل زياررات دورية للمقيمين فيها هنستفيد منهم كتير وتبقى حاجة جامدة بجد..و اننا لو عملنالهم مشاريع صغير يستغلوا فيها وقت فراغهم ويشعروا انهم نافعين لانفسهم وللمجتمع...وهكمل تحميل للافكار وابعتلك

تخلف شعب مصر

2008-01-05T20:12:00.000+02:00

مش عارف ايه التخلف الى الشعب فيه دا ؟
بقى يوم خسارة الاهلى هو الاكثر حزنا خلال العام الماضى ؟
و فى المركز الاخير يوم تزوير الاستفتاء على الدستور !!!
لو فعلا وصلنا لدرجة التخلف دى يبقى نستاهل الى بيجرالنا
!!!!

الامتحانات والضغط النفسواوى

2008-01-04T15:47:00.000+02:00

مش عارف بقالنا 19 سنة بنمتحن وبرضة بنترعب من الامتحانات

لية مش عارف

ادعوووووووووووووووووووولى اوى عشان انا قلقان

ان ربنا ييسرلى كل صعب

بجد يا جماعة محتاج دعوتكم اوى

متنسونيش

وجزاكم الله خير

وسنة جديدة

2007-12-31T19:37:00.000+02:00

ان شاء الله النهاردة7 200-12-31 هو أخر يوم فى السنة الميلادية..
الموضوع ان أغلب الناس للاسف بتحتفل فى اليوم ده بالليل و تسهر و بعدين النور يطفى و الناس تعد لغاية مالساعة تيجى 12 و السهره تبدأ

أحنا بقى ان شاء الله حنيجى على الساعه 12 الا ربع كده كل واحد حيدخل الغرقة بتاعته و حيطفى النور برضه لكن علشان نصلى قيام ليل لغياة بعد الساعه 12 بشويه ... نعبد ربنا فى وقت ناس كتير أوى بتعصيه فيه ...نحمد ربنا و نشكره على أنه سبحانه و تعالى أنعم علينا بنعمه الاسلام و الصلاه و القيام
أحبتى فى الله
من منا كان نفسه يهاجر مع رسول الله صلى الله عليه وسلم؟
طبعا كلنا.....
طب خدوا الحديث ده
قال صلى الله عليه وسلم :"عبادة فى الهرج كهجرة ألى" الهرج هو كثرة اللهو فما بالكم باللى بيحصل قى رأس السنة. أظن ان احنا لو نستغل الفرصة دى يبقى حاجة جميلة اوى.
وفقنى الله واياكم الى كل خير

منقول

وعيد سعيد

2007-12-18T22:51:00.000+02:00

كل سنة وانتم طيبين

وعيد سعيد مبارك علينا كلنا ان شاء الله

وادعولى اوى يا جماعة عشان الامتحانات

2007-11-26T13:05:00.000+02:00

لماذا لا نعرف قيمة من نحب إلاحين يغادروننا ؟

ولماذا نتعلق بأي شيئ منهم..بعد رحيلهم؟!

الجزء الثالث

2007-11-21T19:27:00.000+02:00

نكمل الباقى :

5- thunder power

كان فى فترة السراية برضه .. واحدة زميلتى قالتلى ان فى شغل سيلز و مرتبه كويس قلتلها طيب مفيش مشاكل .. المهم ادتنى رقم الراجل عشان اكلمه و اخد ميعاد
كلمته فعلا و حددت ميعاد و رحت .. دخلت لقيت شقة صغيرة كدة و مرتاحتش للجو يعنى محستش انها حاجة جامدة..المهم الاوفيس بوى قالى معاك cv ? رحت مديله الفلاشة فدخلها للراجل جوة و سابنى قاعد شوية..طبعا فاهم انا الحركات دى
شوية و دخلت .. كانو اتنين قاعدين واضح انهم هم الى ماسكين الموضوع..واحد فيهم مكنتش مرتاحله خالص و تأكدت انى لو اشتغلت معاهم كان لازم هيحصل مشاكل بينا
هى شركة بتعمل ديزاين للمواقع و بتدى دومين و الكلام دا .. شغل نت يعنى .. و هم كانو عايزين ولاد للسيلز و بنات للتيلى سيلز..هو مرتبهم كان كويس بس زى ماقلت محستش انها شركة جامدة و كمان كنت قلقان من شغل السيلز و اللف والدوران
كمان حاجة انا صعب انى ابيع او اسوق لمنتج انا مش واثق في مدى جودته ..
المهم دى كانت غلطة منى لانى كان لازم اجرب و حتى لو الشغل فيه مشاكل احاول انا اظبطها..بس الحمد لله ادينا بنستفيد

6- logic

رحت انترفيو عادى فهمت انى هشتغل فى الماركت ريسيرش بس شغلى هيبقى داتا انترى و المرتب كان كويس..كنت رحت الانترفيو دا فى فترة السراية برضه
طبعا الداتا انترى شغل معوق بس انا قلت انى هبقى موجود فى جو الماركت ريسيرش و اكيد هستفيد و هتعلم
متصلوش بيا الا بعدها بفترة طويلة .. تعالى بكرة .. قلت ماشى
اكتشفت بقى ان الداتا انترى ليه قسم لوحده يعنى كل الى بعمله فى الحياة الداتا انترى بس..اشتغلت بضمير عادى جدا بس كنت مخنوق من الشغل و مخنوق برضه من جو العمل .. لان المكان الى كنت فيه كان كله بنات و دا قيد حريتى قوى و ملقتش حد اصاحبه
بعد 5 ايام من العمل الممل خفت لحسن الشغل دا يأثر على دماغى و ابقى غبى ولا حاجة .. فى كمان حاجة تانية خنقتنى انهم كانو قالو اننا بنقبض باليوم و مع كدة رجعوا قالو : طيب بعد اسبوع .. ربنا يسهل .. قريب
دا طبعا انا لا اقبله فقررت انى مكملش معاهم .. قعدت بس حوالى 5 ايام

7- شركة استشارات هندسية

فى اول الاجازة خااااالص واحد صحبى قالى عايز تشتغل قلت ماشى .. فقالى طيب انه هيدى رقمى لاحد قرايبه و هيكلمنى .. قالى انه عايز واحد مخلص و انه قاله عنى اشعار و كلام كدة :D
المهم الراجل متصلش الا بعديها بكتييييييييييير كان فى اواخر ايام السراية .. لما اتصل حصل موقف بايخ قوى
يوميها كان يوم فحت نزلت الجامعة خدت الشهادة و بعدين طلعت على اكاديمية المدينة ف طريق سقارة عشان اديهم السى فى و بعدين رجعت الجيزة و بعدين رحت المعادى و بعدين رحت للراجل دا
هو اتصل بيا لما كنت فى الجيزة .. قالى انا فلان قلتله مين ؟ المهم افتكرت الموضوع .. اه اهلا و سهلا و بتاع .. قالى ممكن تجيلى انهاردة قلتله ممكن ... قالى طيب العنوان: كذا كذا
انا كنت واقف فى نص ميدان و مش معايا قلم فطلبت معايا غباء : فقلتله طيب ممكن تبعتلى العنوان فى sms ? طبعا الراجل اتغاظ و ليه حق قالى انا فى شغل هنا مش فاضى للكلام دا .. المهم حفظت العنوان و كتبته عندى على الموب
خلصت مشوار المعادى و بعدين روحت البيت قعدت نص ساعة و بعدين نزلتله ( كان يوم فحت بضمير حى )
المهم رحت لقيت المكان فاضى مفيش حد غيره موجود .. اكتشفت ان الشغل مجرد بس حاجات ادارية و انى اكون متواجد بس طول النهار.. و مرتبه مش قد كدة
الراجل نفسه لما اتكلم معايا قالى لا الشغل دا ميناسبكش و كدة .. كان راجل محترم جدا بصراحة

8- NSGB

كان والدى خد السى فى بتاعى و اداه لحد معرفة .. فبعدين اتصلوا و حددولى ميعاد انترفيو بكرة .. المشكلة بقى انها شركة تأمين على الحياة !!!
طبعا مكانش ينفع مروحش عشان والدى ميبقاش شكله وحش .. و يوميها كنت عيان جدا بس رحت و انا عايز ابوظ الموضوع
المهم رحت لقيت مكان نضيف جدا و دخلت قابلت الراجل .. قالى انها شركة تامين تبع بنك nsgb و قعد يشرحلى طبيعة الشغل بالتفصيل وانا مش مركز قوى بفكر ازاى اخلع
لحد ف الاخر قالى انت متوقع مرتب كام .. قلتله يعنى مفيش رينج محدد .. المهم اصر انى اجاوب على السؤال
مش فاكر جاوبت ولا لأ بس قلتله .. عشان بس ابقى صريح انا دلوقتى عندى جيش و لسة موقفه هيتحدد فى شهر 11 قالى طيب مفيش مشاكل لما تخلص موضوع الجيش تقدر تبقى معانا ان شاء الله .. و هو المطلوب اثباته :D سلام عليكم
بعدها بفترة طويلة قبل الكشف بتاع الجيش بشوية والدى قالى انهم عايزنى اروح اشتغل معاهم فرفضت طبعا ..

9- ECCO

اتصلت شركة اسمها ايكو و قالولى تعالى بكرة انترفيو .. على حظى كان تانى يوم رايح منطقة التجنيد اخلص ورق هناك و طبعا هناك يومهم بسنة فملحقتش ميعاد الانترفيو و مرحتش
بعدين بعتلهم ايميل اعتذار و قلتلهم انى ممكن اروح فى وقت تانى بس متصلوش
بعدها عرفت انها شركة حلوة وواحد صاحبى بيشتغل هناك دلوقتى .. بس يلا الحمد لله لعله خير

10 - شركة ريكروتمنت تعبانة

الشركة دى كلمتنى انا وواحد صاحبى تانى قالوله تعالى 4 العصر قالهم ماشى .. انا بقى قلتهم لا مينفعش خليها الظهر كدة قالو شغال
لما كلمت صحبى و عرفت انهم كلموه برضه قلتله سيبك انت تعال معايا نروحلهم الظهر و رحنا فعلا على 12 كدة
طول الطريق عمالين نتريق على البنت الى اتصلت بينا .. اصلها بتقول : فى شغل فى بنك و شغل فى (اوتيل) .. صحبى مسمعش كلمة اوتيل فى الفون .. لازم يعيشوا الدور يعنى ؟ يلا ما علينا
المهم رحنا .. دخلت انا الاول المكان الى هعمل فيه الانترفيو راحت دخلتلى واحدة أجارك الله بس واضح انها عندها حر مزمن ضربنا الانترفيو فى السريع و كان اى كلام
حصل موقف جامد .. لما خلصت طلعت هى قدامى و مشيت لحد الباب و راحت فتحته و انا رحت قعدت جنب صحبى .. فقالتلى لا انت خلاص كدة .. قلنالها اننا مع بعض .. بس جامد .. شكلها كان وحش :D
بس فكان عادى يعنى حاجة اى كلام

11- ريكروتمنت ايجبت ( تانى )

اتصلوا قريب قالولى فى وظيفة فى كايرو سكان .. ابعتلى السى فى بتاعك على الميل دا
بعت السى فى راحت بعتالى تفاصيل الوظيفة .. مرتبها جامد بس الوظيفة موظف ريسبشن
عامة متصلوش ..

12- تيلى بيرفورمانس

الشركة نزلت اعلان فى الاهرام فبعتلها عادى
جم اتصلوا بعدها بفترة تعالى بكرة انترفيو .. رحت اتلطعت شوية .. المهم فى الاخر دخلنا قاعة نعمل جروب انترفيو
البنت من اولها قالت .. الى عنده مشكلة يشتغل فى بنك يمشى من دلوقتى .. ففى ناس مشيت.. انا طبعا مش ملطوع كل دا عشان امشى .. فقعدت
الشركة بقى هى نظام كول سنتر .. شركة فرنسية بتفتح فرعها فى مصر و عايزة ناس كتير و اول مشروع ليها هيبقى مع سيتى بانك !!
فالمهم قعدت تكلم كل واحد من الى قاعدين شوية .. كان فى ناس من كل شكل الى كلية حاسبات على الى كلية مش عارف ايه على الى بيشتغل فين ..
قعدت تسال كل واحد اسالة بالانجلش و فى ناس اتعصرت .. لما جه دورى الحمد لله الانجلش بتاعى كان كويس قوى لانى شغال فى كورس انجلش حاليا فلسانى ماشى حلو
مسالتنيش كتير .. ففهمت انها عجبها الانجلش و طريقة التفكير لانى قلتلها انا عايز اشتغل كول سنتر عشان احتمالين : الاول انى اكمل في الكارير دا .. التانى انه يبقى الخطوة الاولى لمجال الماركتنج
توقعت انى خلاص اكسبتد الحمد لله ..
من كان يوم اتصل بيا واحد .. كنت واقف فى ميدان لبنان .. فبيقولى احنا تيلى بيرفورمانس تعال بكرة عشان تاخد جواب العمل
معاك قلم ؟ قلتله لا انا فى الشارع ؟ قالى طب فى كشك قريب ؟ قلتله لا انا فى ميدان :D
المهم قالى العنوان و حفظته كان سهل يعنى .. و رحتلهم تانى يوم خدت جواب العمل دا و الورق المطلوب منى
و المفروض هبدأ التدريب على اخر الشهر دا ان شاء الله

تمت

الجزء التانى

2007-11-20T15:33:00.000+02:00

نكمل بقى

3- السراية

الموضوع بدأ كالتالى :
واحد صاحبى كلمنى على شغل و قال لواحد صاحبنا تالت..فرحنا نقابل الراجل عشان نعرف ايه الموضوع
رحنا لقينا شقة لسة بتتوضب و فى عمال شغالين فيها و كدة المهم قعدنا مع الراجل قالنا انه مدير التسويق فى الشركة
و فهمنا انها شركة استثمار عقارى فى اسكندرية و عايزين يفتحو فرع فى القاهرة عشان المشروع الجديد بتاعهم
المهم قعدنا فترة نفكر و انا كنت محتار لان الراجل قلنا لازم تقعدوا 3 شهور مينفعش نمشى قبلهم و دا كان معناه انى مش هعرف اروح منحة جيل المستقبل الى كنت مخطط انى اخدها
بس بعد التفكير اتفقنا احنا التلاتة اننا نتوكل على الله .. سافرنا اليكس شفنا مكان المشروع.. هو عبارة عن برجين واحد على البحر و التانى على قصر اثرى هناك
و رحنا مقر الشركة هناك خدنا فكرة عن شغل الشركة و حاجات اتعلمناها عشان الشغل
و هناك كلنا اكلة غريبة هى خليط بين الفطير و الحواوشى .. طبعا لا داعى لذكر اننى اصبت بالمغص.. بس كان يوم فحت لاننا روحنا فى نفس اليوم
خدنا بقى مفاتيح الشقة و بعدين لما رحنا لقينا انها محتاجة تظبيط كتير .. المكاتب مخلعة .. الارض محتاجة تتجلى .. فى حاجات لسة موصلتش من اليكس .. الخ
كان وصل ساعتها شاب من فرع اسكندرية يمسك الفرع الجديد اسمه محمد .. قعدنا فى فترة تظبيط الشقة حوالى 3 ايام..و كنا بنطبق اليوم كله من10 ل10
المهم لعدة اسباب صاحبى الى قالى على الشغل قرر انه ميكملش و بالفعل ساب الشغل و كملت انا و انور
كان معانا برضه استاذ جمال .. دا قريب احد اعضاء مجلس الادارة .. وجودة كان مهم لانه راجل واسع العلاقات و بيخلص فى اى حاجة .
طالبنا انه يبقى معانا واحد كمان بس دا لم يتم . كان فى اعلان بينزل شبه اسبوعيا فى الاهرام فكان اليوم دا بقعد انا و انور طول اليوم .. باقى الايام بقى واحد بيعد شيفت الصبح وواحد شيف بليل
و كنا شايلين بعض يعنى الى عنده مشوار عايز يخلصه ييجى بليل و التانى ييجى الصبح .. و هكذا
المهم كان يوم الاعلان دا بيبقى فحت و ضغط جامد على خط التليفون و الناس كلها الى بتتصل مستواها المادى عالى اه بس مش على مستوى اسعار المشروع
افتكر مرة واحد كان بيسألنى على السعر فقلتله كذا .. قالى ربنا يديكو الصحة !!
دا يوم الاعلان .. اليوم الى بعده بيبقى فى اتصالات قليله و باقى الاسبوع مفيش اى حاجة ...
هنا بقى اهم نقطة .. ان الناس فى الشركة مقدروش يوصلوا للناس المستهدفة من المشروع يعنى معملوش تسويق صح للمشروع
انا و انور محبيناش نبقى موظف عادى بيجى يقضى وقت و خلاص و ياخد مرتب .. عملنا تقرير و بعتناه اليكس عن الوضع و حطينا افكار تسويقية و دعائية اعتقد انها جامدة لا داعى للخوض فيها عشان التطويل
المهم مفيش استجابة خالص .. كل الى خدوه من الكلام الكبير الى بعتناه اقتراحين :
1- يتحط ارقام موبايلاتنا على الاعلان عشان الضغط على الخط الارضى
2- يتحط صورة الview المطل على البحر ( و دى حطوها مرة و بعدين رجعو للاعلان القديم التعبان )
المهم حاولنا كتير قوى بس مكانش فى اى استجابة..بل ان استاذ جمال سافرلهم اليكس و قابل عضو مجلس الادارة دا و اتكلم معاه كتير
.. و بالتالى قررت انى اسيب الشغل بعد ما قعدت هناك حوالى شهر و نص تقريبا
انا اول ما رحت الشغل توقعت حاجة و طلعت صحيحة .. انهم مكانوش فاتحين الفرع بناء على دراسة معينة و تخطيط دقيق .. لا كانت مجرد تجربة تكلفتها كلها مش اكثر من تكلفة اعلان واحد فى الاهرام
كان فى اخطاء كتير بس لا داعى للتطرق ليها .. بس فعلا ادركت ان فى مشكلة ادارية كبيرة جدا فى مصر
كان فى بقى مواقف و طرائف كتيييييير فى المرحلة دى يمكن اطرف موقف لما فى يوم قررت انى اشتغل انور صاحبى
اتصلت من البيت و عملت نفسى عميل .. لا و ايه قعدت اتكلم بالانجلش..هو الانجلش بتاعه كويس بس من المفاجأة بقى اتلخبط و كانت مأساة
بعدها اتصلت و اتكلمت عربى عادى فالمهم بقوله طيب فى مهبط طيارات هليكوبتر ؟ قالى لأ ممكن تركنها فى الجنينة طبعا انا فتحت فى الضحك و كشفنى
هو بقى عملها فيا كتير و مكنتش بكشفه دايما لانه بيعرف يغير صوته بس معملش فيا اشتغالة جامدة.. انا بقى بعدها علطول بقى بيفقسنى لانى مبعرفش اغير صوتى
بس فعلا اشد حاجة فى الشغل لما يبقى معاك واحد صاحبك .. يعنى رغم ان كل واحد كان بيشيل شيفت بس الى كان بييجى الصبح كان غالبا مش بيمشى فى ميعاده بل بيمشى متاخر كتير
بيبقو فاهمين بعض و بيساعدو بعض كتير ... فى موقف جامد عدى على الواد انور على فكرة ممكن يخش هو يحكيه
بمناسبة انور الولد دا من اطيب الناس فى اصحابى و راجل بحس انه نقى لا بيلعب ولا بيحور و راجل بمعنى الكلمة .. هو ما شاء الله بدأ بداية كويسة فى الكارير بتاعه فى مكان تانى ربنا يوفقه

4- شركة مش فاكر اسمها :
كنت فى السراية و وواحدة اتصلت بيا .. هى شركة بترول تقريبا فى المهندسين و عايزين ناس فى ال hr
كانت عايزانى اروحلها ف نفس اليوم طبعا مكانش ينفع .. فقلتلها طيب هاجى ماشى بس انا عندى جيش لسة موقفه متحددش فايه النظام ؟ ياكل معاكو الكلام دا
فقالتلى طيب هسأل هنا و اكلمك تانى .. و طبعا متكلمتش

سوق العمل فى اشهر

2007-11-13T13:35:00.000+02:00

اليوم اتكلم عن فترة من حياتى و هى الفترة ما بين التخرج و الحصول على الاعفاء من الخدمة العسكرية

قولولى مبروك
:D

هتكلم عن خبراتى مع سوق العمل فى الفترة دى لسببين :
1- ربما دا يضيف لخبرات الناس حاجة ولو قليلة
2- عشان عايز ارتب افكارى

بسم الله نبدأ :

1- اسلام اون لاين

فى فترة الامتحانات كنت شفت اعلان على موقع عشرينات
job vacancy
المهم لقيت انهم عايزين واحد يمسك منتدى .. طبعا انا اهتميت جدا لانى راشق على النت منذ ردح من الزمن
ظبطت السى فى على اساس الوظيفة دى
بمعنى انى كتبت فيه خبراتى على النت و كتبت انى عندى بلوج و الكلام دا
المهم بعد ما خلصت الامتحانات بشوية لقيتهم بيكلمونى و اكتشفت انهم موقع اسلام اونلاين القسم الانجلش
الراجل قالى تعالى بكرة اعمل تست
رحت عملت التست على الكمبيوتر كان بالانجلش و فيه اسألة عامة و اسألة مواقف و غيره .. كان امتحان شديد يعنى
المهم الراجل قالى لو نجحت فى التست دا هنكلمك تيجى تعمل انترفيو فى خلال اسبوع كدة
طبعا عدى اسبوع اسبوعين تلاتة .. انا قلت انا كدة سقطت .. بعدها فوجئت انه اتصل
انا كنت عايز اقوله انت لسة فاكر
المهم رحت وواثق من نفسى جدا و رحت قعدت مستنى .. شوية و راحو مدخلنى مكتب لقيت 3 قاعدين .. راجل شكله افريقى او امريكى و بنتين .. البنتين شكلهم جداد فى الاتش ار و كان شكلهم قلقانين زيى .. الراجل بقى كان جامد
طبعا الانترفيو انجلش و انا مرة واحد نسيت الانجلش .. عكيت عك محترم يعنى
لا و كمان نزل عليا غباء مغولى لما الراجل قالى شايف نفسك فين بعد سنة ؟؟ قلتله فى الجيش :D
يالا ما علينا .. هو لما عرف انى عندى جيش راح معلم على السى فى
طبعا عرفت انى كدة سقطت و متصلوش بعدها .. بس بصراحة كان اصعب انترفيو عدى عليا لان الراجل كان بيسأل فى تفاصيل دقيقة جدا بالانجلش يعنى موقفى من النصارى و حاجات كدة فى وقت الانجلش بتاعى كان فى التليين .

2- ريكروتمنت ايجبت

دى شركة ريكروتمنت يعنى توظيف كانت نزلت اعلان فى الاهرام و بعتلها
المهم كنت فى كلية طب بقابل ناس صحابى كانو مخلصين امتحانات لقيت واحدة بتكلمنى بالانجلش
فرديت عليها بالعربى راحت قالتلى :
sorry u're supposed to talk i english
قلت اوكى و ماله .. هى اسمها بولين و مش مصرية اصلا
طبعا كنت فى الشارع و سامع بالعافية .. زهقتها منى مش سامعها خالص
المهم قالتلى انها هتبعتلى التفاصيل على الميل و ان الشغل فى موبينيل و الانترفيو بكرة قلتلها بتحصل :D
روحت بقى لقيت باعتنلى ميل فيه عنوان الشركة .. فى المقطم !!! يااااه دانا عمرى مارحته ولا عايز اروحه
و العنوان اصلا باعتينه فى عريضة كأنى رايح القمر مثلا
بس بصراحة كانت وصفة جامدة وفرت عليا السؤال ..و فى واحد صحبى كان سبقنى بكام ساعة فظبطتنى برضه
المهم رحت هناك دخلت لقيت جروب قاعد .. نزلو علينا بامتحان انجلش متخلف و امتحان اى كيو عينك متشوف الا النور
غالبا محدش نجح فيه .. المهم
خلصت انا و اتنين تانيين فى نفس الوقت فدخلونا مكتب كدة ..و جه واحد رحب بينا و بتاع
هو الشغل كان كاستمر سيرفس فى موبينيل .. فالراجل قعد يبص فى السى فى و يسأل كل واحد سؤالين هبل كدة
باباك بيشتغل ايه تاريخ ميلادك كام .. حاجات كدة
فهمت انه كان بيشوف الاكسنت بتاعة كل واحد فى الانجلش اللهجة يعنى
فجه على الانتين التانيين قلهم انتو متنفعوش عشان الانجلش بتاعكو
جالى انا قالى الانجلش بتاعك كويس بس المشكلة عندك فى الجيش...خييييير
بس انا مزعلتش لانى مقاليش انى الانجلش بتاعى مينفعش .. و دى موبينيل يعنى

هووووف تعبت .. هكمل بعدين ان شاء الله
الحلقة الجاية بقى ..
السرااااااااااية :D

الاهداف حقيقة ام سراب

2007-11-04T00:56:00.000+02:00

السلام عليكم ورحمه الله وبركاته

طبعا العنوان غريب شوية انا عارف بس انا برضة لما سمعت الكلام ده استغربت ..

هى القصة بسيطة ..

كنت المفروض انى بعمل تحقيق فى الكلية عن اهداف الشباب وهل هما عندهم اهداف ..

يعنى المفروض انى كنت بغطى الموضوع كله بكل جوانبه ..

المهم فى مرة كنت بسأل طالبة فبقولها انتى عندك هدف

فقالتلى اه انى افضل فى كلية تجارة لمدة 10 سنوات

فستغربت اوى ليه هى بتقول كدة فقالتلى انها عاوزه تفضل فى الكليه مع الشلة الحلوة دى والاصحاب ..

ففضلت استدرجها فى الكلام اكتشفت ان الولد اللى معاها عنده نفس القصة نفسه برضة يفضل فى الكلية الوقت ده

.. حسيت من كلام الشباب فى الكلية ان اغلبيتهم مش عارف يفرق بين الهدف والوسيلة وكمان هناك كتير من

الشباب مش عندهم هدف كتير منهم بيقولوا ان الاحوال الخارجية هى اللى سبب ان الشباب مش عندهم هدف وبعضهم

بيقول ان السبب ان الاب والام مبنوش من الاول قيمة الهدف فى نفوس اولادهم

وبعضهم بيقول الاحباط هو اللى مخليهم كدة

انا بس مستغرب هل فعلا العيب فى الشباب وليه معندهمش هدف

ولا العيب من البيت اللى مش بيهتموا بااولادهم اساسا

ولا العيب من ايه اصلا

هل من الاحوال الاقتصادية

يمكن عشان الشباب اللى نفسهم يحققوا هدف مش عارفين

عشان معندهمش التكاليف

المادية اللى تحققلهم هدفهم

طيب الشباب دول هيعملوا ايه

الشاب اللى بيقول ربنا يرحمنى لو ملقتش شغل ده هيعمل ايه
ولا الشاب اللى فاقد الامل بسبب الوسايط هيعمل ايه

.. هيوجهوا مشاكلهم ازاى ..

واللى المفروض نعمله ..

مش عارف

عموما انا همرر الموضوع ده على بعض الناس اللى بيأثروا فيا يمكن اعرف الحل منهم

عصفور المدينة

حراس الحقيقة

اليعقوبى

خطاب

واختها رنين الصمت stop here

جسر التواصل

واخيرا:

ان الاوان

من وجهه نظر كل من ملك وان الاوان

هى أنا

2007-10-23T11:04:00.000+02:00

نظرت اليها و قلت : اين انت ؟
اجابت : انا وطنك

اطرقت برأسى و قلت : و ما أنت؟
اجابت : انا جزء منك

فكرت مليا ثم سألت : هل اغضبك كثيرا ؟
اجابت: بل انا قلبك

اشحت بوجهى و فكرت : هل انساكى ؟
اجابت : بل انا عقلك

سالت : هل نظرت لغيرك ؟
اجابت : بل انا عينك

نظرت من جديد و سألت : من أنت ؟
اجابت : انا امك و اختك و ابنتك و حبيبتك

شعرت برجفة و بعد تردد سألت : متى نفترق ؟
اجابت : لن نفعلها حتى ندخل الجنة سويا ان شاء الله

هما وهما

2007-10-16T21:15:00.000+02:00

هناك فرق بين طلاب الاخوان المسلمين وبين جماعة الاخوان المسلمين انفسهم !

كثيرا ما ينتابنى هذا الشعور .. على الرغم من ان الفكر بين الطلاب والجماعة واحد إلا انى اجد غير ذالك ..

المفروض اصل الجماعة فى كتاب الامام حسن البنا وجميع كتب الاخوان انهم ليسوا حزب وهذا ما كان ينادى به الامام حسن البنا

ولكن الظروف اوقات الامام غير الظروف الان .. وانا اعزذر الاخوان ومن حقهم ان يبأخذوا هذة الخطوة

وانا اعتبرها فى صالحهم وبالعكس لو مكنش الاخوان أخذوا هذة الخطوة ماكن اصبح اخوان من وجهه نظرى ..

كل وقت وله أذان

فكان هو هذا اذان جماعة الاخوان ان يغيروا حتى يستطيعوا ان يطبقوا افكارهم ..

ولكن تعالى نتكلم عن طلاب الاخوان وخوضهم الانتخابات الطلابية

بس فى الاول مش عاوز حد يفتكرنى انى بقارن بين حاجتين جامدين انا بس بعطى مثال ليس اكثر

بس الطلاب بقه حاجة تانية خالص

بقالهم اكتر من 4 سنين بينادوا بانتخابات نزيها وفى كل مرة بيعملوا مظاهرات والتحامات بينهم وبين الامن وفى كل مرة بيتشطبوا وفى كل مرة بيطلع المتحدث الرسمى ويقول احنا هنعمل وهنعمل

وفى الاخر مش بيعملوا حاجة خالص

اتحاد طلاب حر موازى لإتحاد الطلاب العادى

وفى الاخر ميكونش ليها انشطة وفى الاخر

ولا حاجة تيجى السنة الجاية ونفس التمسلية والمسلسل

نفس الاسطوانة وفى الاخر ولا حاجة

انا كنت اقصد ان جماعة الاخوان لما حسوا ان موقفهم صعب بعد التعديلات الدستورية فكروا انهم يعملوا

حاجة وهى البرنامج الحزبى

الطلاب بقالهم اكتر من سنين وسنين وهما زى مهما

مفيش فكر جديد .. مفيش اى حاجة جديدة

اكنهم اتعودوا على الشطب والمظاهرات ومفيش اى حد خرج يقول تعالوا نغير سياستنا المرة دى او توجهتنا

محدش فكر انهم يستخدموا راى عام اوسع شوية يمكن المرة دى يحصل تغيرات كتيرة او حاجة

محدش فكر انهم يروحوا لجنة الحريات فى نقابة الصحفيين ويعرضوا مشاكلهم

يمكن تتحل لما يكون الراى العام اوسع او حاجة

مش عارف

بس اللى انا عاوز اقوله

انهم لازم يشوفوا حاجة تانية يعملوها

يعنى يجددوا فكرهم بدل مهو اسطمبا واحدة

وبس .

العائدون .. الحلقة الرابعة

2007-10-01T01:07:00.000+02:00

القصة الرابعة
توبة شاب عاق لأمه
مؤثرة

ح. ح. م. شابّ ذهبت إلى الخارج… تعلم وحصل على شهادات عالية ثم رجع إلى البلاد… تزوج من فتاة غنية جميلة كانت سبباً في تعاسته لولا عناية الله… يقول ح. ح. م:

مات والدي وأنا صغير فأشرفتْ أمي على رعايتي… عَمِلَتْ خادمة في البيوت حتى تستطيع أن تصرف علي، فقد كنت وحيدها… أدخلتني المدرسة وتعلمتُ حتى أنهيت الدراسة الجامعية… كنت بارّاً بها… وجاءت بعثتي إلى الخارج فودّعتني أمي والدموع تملأ عينيها وهي تقول لي: انتبه يا ولدي على نفسك ولا تقطعني من أخبارك… أرسل لي رسائل حتى أطمئن على صحتك.
أكملتُ تعليمي بعد مضي زمن طويل ورجعت شخصاً آخر قد أثّرتْ فيه الحضارة الغربية… رأيتُ في الدين تخلفاً ورجعية… وأصبحتُ لا أؤمن إلا بالحياة المادية -والعياذ بالله-.
وتحصلتُ على وظيفة عالية وبدأت أبحث عن الزوجة حتى حصلت عليها وكانت والدتي قد اختارت لي فتاة متدينة محافظة ولكني أبيتُ إلا تلك الفتاة الغنية الجميلة لأني كنتُ أحلم بالحياة (الأرستقراطية) (كما يقولون)… وخلال ستة أشهر من زواجي كانتْ زوجي تكيد لأمي حتى كرهتُ والدتي… وفي يوم من الأيام دخلت البيت وإذا بزوجي تبكي فسألتها عن السبب فقالت لي: شوف يا أنا يا أمك في هذا البيت… لا أستطيع أن أصبر عليها أكثر من ذلك.
جنّ جنوني وطردتُّ أمي من البيت في لحظة غضب فَخَرجَتْ وهي تبكي وتقول: أسعدك الله يا ولدي.
وبعد ذلك بساعات خَرجتُ أبحث عنها ولكن بلا فائدة… رجعتُ إلى البيت واستطاعت زوجتي بمكرها وجهلي أن تنسيني تلك الأم الغالية الفاضلة.
انقطعت أخبار أمي عني فترة من الزمن أُصِبْتُ خلالها بمرض خبيث دخلت على إثره المستشفى… وعَلِمتْ أمي بالخبر فجاءت تزورني، وكانت زوجتي عندي وقبل أن تدخل علي طردتْها زوجتي وقالت لها: ابنك ليس هنا… ماذا تريدين منا… اذهبي عنا… رجعت أمي من حيث أتت!.
وخرجتُ من المستشفى بعد وقت طويل انتكستْ فيه حالتي النفسية وفقدت الوظيفة والبيت وتراكمت علي الديون وكل ذلك بسبب زوجتي فقد كانت ترهقني بطلباتها الكثيرة… وفي آخر المطاف ردت زوجتي الجميل وقالت: مادمتَ قد فقدت وظيفتك ومالك ولم يعد لك مكان في المجتمع فإني أعلنها لك صريحة: أنا لا أريد… طلقني.
كان هذا الخبر بمثابة صاعقة وقعتْ على رأسي… وطلقتها بالفعل… فاستيقظتُ من السُّباتِ الذي كنت فيه.
خرجتُ أهيم على وجهي أبحث عن أمي وفي النهاية وجدتها ولكن أين وجدتها؟!! كانت تقبع في أحد الأربطة تأكل من صدقات المحسنين.
دخلت عليه… وجدتها وقد أثر عليها البكاء فبدت شاحبة… وما إن رأيتها حتى ألقيتُ بنفسي عند رجليها وبكيتُ بكاءً مرّاً فما كان منها إلا أن شاركتني البكاء.
بقينا على هذه الحالة حولي ساعة كاملة… بعدها أخذتُّها إلى البيت وآليت على نفسي أن أكون طائعاً لها وقبل ذلك أكون متبعاً لأوامر الله ومجتنباً لنواهيه.
وها أنا الآن أعيش أحلى أيامي وأجملها مع حبيبة العمر: أمي -حفظها الله- وأسأل الله أن يُديم علينا الستّر والعافية.

2007-09-30T00:05:00.000+02:00

القصة الثالثة
توبة الممثلة السابقة شمس البارودى

في حوار أجرته إحدى الصحف مع شمس البارودي الممثلة المعروفة التي اعتزلت التمثيل وردّاً على سؤال عن سبب هدايتها قالت:

البداية كانت في نشأتي.. والنشأة لها دور مهم. والدي -بفضل الله- رجل متدين، التدين البسيط العادي.. وكذلك كانت والدتي -رحمهما الله- كنت أصلي ولكن ليس بانتظام.. كانت بعض الفروض تفوتني ولم أكن أشعر بفداحة ترك فرض من فروض الصلاة.. وللأسف كانت مادة الدين في المدارس ليست أساسية وبالطبع لم يكن يرسب فيها أحد ولم يكن الدين علماً مثل باقي العلوم الأخرى الدنيوية.. وعندما حصلت على الثانوية العامة كانت رغبتي إما في دخول كلية الحقوق أو دراسة الفنون الجميلة، ولكن المجموع لم يؤهلني لأيهما.. فدخلت معهد الفنون المسرحية، ولم أكمل الدراسة فيه حيث مارست مهنة التمثيل.. وأشعر الآن كأنني دفعت إليها دفعاً.. فلم تكن في يوم من الأيام حلم حياتي ولكن بريق الفن والفنانين والسينما والتليفزيون كان يغري أي فتاة في مثلي سني -كان عمري آنذاك 16-17 سنة- خاصة مع قلة الثقافة الدينية الجيدة.
وأثناء عملي بالتمثيل كنت أشعر بشيء في داخلي يرفض العمل حتى أنني كنت أظل عامين أو ثلاثة دون عمل حتى يقول البعض: إنني اعتزلت..
والحمد لله كانت أسرتي ميسورة الحال من الناحية المادية فلم أكن أعمل لحاجة مادية.. وكنت أنفق العائد من عملي على ملابسي ومكياجي وما إلى ذلك.. استمر الوضع حتى شعرت أني لا أجد نفسي في هذا العمل.. وشعرتُ أن جمالي هو الشيء الذي يُستغل في عملي بالتمثيل.. وعندها بدأت أرفض الأدوار التي تُعرض عليً، والتي كانت تركز دائماً على جمالي الذي وهبني الله إياه وعند ذلك قلّ عملي جداً.. كان عملي بالتمثيل أشبه بالغيبوبة.. كنت أشعر أن هناك انفصاماً بين شخصيتي الحقيقية والوضع الذي أنا فيه.. وكنت أجلس أفكر في أعمالي السينمائية التي يراها الجمهور.. ولم أكن أشعر أنها تعبّر عني، وأنها أمر مصطنع، كنت أحسّ أنني أخرج من جلدي.
وبدأت أمثل مع زوجي الأستاذ حسن يوسف في أدوار أقرب لنفسي فحدثت لي نقلة طفيفة من أن يكون المضمون لشكلي فقط بل هناك جانب آخر. أثناء ذلك بدأت أواظب على أداء الصلوات بحيث لو تركت فرضاً من الفروض استغفر الله كثيراً بعد أن أصلّيه قضاءً.. وكان ذلك يحزنني كثيراً.. كل ذلك ولم أكن ألتزم بالزي الإسلامي.
وقبل أن أتزوج كنتُ أشتري ملابس من أحدث بيوت الأزياء في مصر وبعد أن تزوجت كان زوجي يصحبني للسفر خارج مصر لشراء الملابس الصيفية والشتوية!!.. أتذكر هذا الآن بشيء من الحزن، لأن مثل هذه الأمور التافهة كانت تشغلني.
ثم بدأت أشتري ملابس أكثر حشمةً، وإن أعجبني ثوب بكمّ قصير كنت أشتري معه (جاكيت) لستر الجزء الظاهر من الجسم.. كانت هذه رغبة داخلية عندي.
وبدأت أشعر برغبة في ارتداء الحجاب ولكن بعض المحيطين بي كانوا يقولون لي: إنكِ الآن أفضل!!!.
بدأت أقرأ في المصحف الشريف أكثر.. وحتى تلك الفترة لم أكن قد ختمت القرآن الكريم قراءة، كنت أختمه مع مجموعة من صديقات الدراسة.. ومن فضل الله أنني لم تكن لي صداقات في الوسط الفنـي، بل كانت صداقاتي هي صداقات الطفولة، كنت أجتمع وصديقاتي -حتى بعد أن تزوجت- في شهر رمضان الكريم في بيت واحدة منا نقرأ الكريم ونختمه وللأسف لم تكن منهن من تلتزم بالزي الشرعي.
في تلك الفترة كنت أعمل دائماً مع زوجي سواء كان يمثل معي أو يُخرج لي الأدوار التي كنت أمثلها.. وأنا أحكي هذا الآن ليس باعتباره شيئاً جميلاً في نفسي ولكن أتحدث عن فترة زمنية عندما أتذكرها أتمنى لو تمحى من حياتي ولو عدت إلى الوراء لما تمنيت أبداً أن أكون من الوسط الفني!!
كنت أتمنى أن أكون مسلمة ملتزمة لأن ذلك هو الحق والله –تعالى- يقول: (وما خلقت الجنّ والإنس إلا ليَعبدون).
كنت عندما أذهب إلى المصيف أتأخر في نزول البحر إلى ما بعد الغروب ومغادرة الجميع للمكان إلا من زوجي، وأنا أقول هذا لأن هناك من تظن أن بينها وبين الالتزام هُوَّةٌ واسعة ولكن الأمر -بفضل الله- سهل وميسور فالله يقول في الحديث القدسي: (ومن تقرب إلىّ شبراً تقربت إليه ذراعاً ومن تقرب إلى ذراعاً تقربتُ إليه باعاً، ومن أتاني يمشي أتيته هرولةً).
وكانت قراءاتي في تلك الفترة لبرجسون وسارتر وفرويد وغيرهم من الفلسفات التي لا تقدم ولا تؤخر وكنت أدخل في مناقشات جدلية فلسفية وكانت عندي مكتبة ولكني أحجمت عن هذه القراءات دون سبب ظاهر.
كانت عند رغبة قوية في أداء العمرة وكنت أقول في نفسي: إنني لا أستطيع أن أؤدي العمرة إلا إذا ارتديت الحجاب لأنه غير معقول أن أذهب لبيت الله دون أن أكون ملتزمة بالزي الإسلامي.. لكن هناك من قلنَ لي: لا.. أبداً.. هذا ليس شرطاً.. كان ذلك جهلاً منهن بتعاليم الإسلام لأنهن لم يتغير فيهن شيء بعد أدائهن للعمرة.
وذهب زوجي لأداء العمرة ولم أذهب معه لخوفي أن تتأخر ابنتي عن الدراسة في فترة غيابي.. ولكنها أصيبت بنزلة شعبية وانتقلت العدوى إلى ابني ثم انتقلت إليّ فصرنا نحن الثلاثة مرضى فنظرت إلى هذا الأمر نظرة فيها تدبر وكأنها عقاب على تأخري عن أداء العمرة.
وفي العام التالي ذهبت لأداء العمرة وكان ذلك سنة 1982م في شهر (فبراير) وكنتُ عائدة في (ديسمبر) من باريس وأنا أحمل أحدث الملابس من بيوت الأزياء.. كانت ملابس محتشمة.. ولكنها أحدث موديل.. وعندما ذهبتُ واشتريت ملابس العمرة البيضاء كانت أول مرة ألبس الثياب البيضاء دون أن أضع أي نوع من المساحيق على وجهي ورأيت نفسي أكثر جمالا..
ولأول مرة سافرت دون أن أصاب بالقلق على أولادي لبُعدي عنهم وكانت سفرياتي تصيبني بالفزع والرعب خوفاً عليهم.. وكنت آخذهم معي في الغالب.
وذهبتُ لأداء العمرة مع وفد من هيئة قناة السويس.. وعندما وصلتُ إلى الحرم النبوي بدأت أقرأ في المصحف دون أن أفهمَ الآيات فهماً كاملاً لكن كان لدي إصرار على ختم القرآن في المدينة ومكة.. وكانت بعض المرافقات لي يسألنني: هل ستتحجبين؟ وكنت أقول: لا أعرف.. كنت أعلق ذلك الأمر على زوجي.. هل سيوافق أم لا... ولم أكن أعلم أنه لا طاعة لمخلوق في معصية الخالق.
وفي الحرم المكي وجدت العديد من الأخوات المسلمات اللائى كُنَّ يرتدين الخمار وكنت أفضل البقاء في الحرم لأقرأ القرآن الكريم وفي إحدى المرات أثناء وجودي في الحرم بين العصر والمغرب التقيتُ بإحدى الأخوات وهي مصرية تعيش في الكويت اسمها (أروى) قرأتْ عليّ أبياتاً من الشعر الذي كتبته هي فبكيت، لأنني استشعرت أنها مسّت شيئاً في قلبي وكنت في تلك الفترة تراودني فكرة الحجاب كثيراً ولكن الذي من حولي كانوا يقولون لي: انتظري حتى تسألي زوجك.. لا تتعجلي… أنت مازلتِ شابة… الخ) ولكن كانت رغبتي دائماً في ارتداء الحجاب قالت الأخت (أروى):
فليقــولوا عـن حجابـــي لا وربـي لـن أبـــالــي
قـد حماني فيــه دينـــي وحبـــــاني بالجـــلال
زينتـي دومــاً حيـائــي واحتشــامي هـو مالـــي
ألأنــــي أتـــولــى عـــن متــاعٍ لـــزوالِ
لامنـي النـاس كـأنـــي أطلب الســـوء لحــالـي
كم لمحـت اللــوم منهـــم في حــديث أو ســــؤال
وهي قصيدة طويلة أبكي كلما تذكرتها… استشعرت تتحدث بلسان حالي… وأنها مست شغاف قلبي.
وبعد ذلك ذهبت لأداء العمرة لأخت لي من أبي توفيت وكنت أحبها كثير -رحمها الله- وبعد أداء العمرة لم أنم تلك الليلة واستشعرت بضيق في صدري رهيب وكأن جبال الدنيا تجثم فوق أنفاسي… وكأن خطايا البشر كلها تخنقني… كل مباهج الدنيا التي كنت أتمتع بها كأنها أوزار تكبلني… وسألني والدي عن سبب أرقي فقلت له: أريد أن أذهب إلى الحرم الآن… ولم يكن الوقت المعتاد لذهابنا إلى الحرم قد حان ولكن والدي -وكان مجنداً نفسه لراحتي في رحلة العمرة- صحبني إلى الحرم… وعندما وصلنا أديتُ تحية المسجد وهي الطواف وفي أول شوط من الأشواط السبعة يسّر الله لي الوصول إلى الحجر الأسود ولم يحضر على لساني غير دعاء واحد… لي ولزوجي وأولادي وأهلي وكل من أعرف… دعوت بقوة الإيمان… ودموعي تنهمر في صمت ودون انقطاع… طوال الأشواط السبعة لم أدعُ إلا بقوة الإيمان وطوال الأشواط السبعة أصل إلى الحجر الأسود وأقبّله، وعند مقام إبراهيم عليه السلام وقفت لأصلي ركعتين بعد الطواف وقرأت الفاتحة، كأني لم أقرأها طوال حياتي واستشعرت فيها معانٍ اعتبرتها منة من الله، فشعرت بعظمة فاتحة الكتاب… وكنت أبكي وكياني يتزلزل… في الطواف استشرت كأن ملائكة كثيرة حول الكعبة تنظر إلي… استشعرت عظمة الله كما لم أستشعرها طوال حياتي.
ثم صليت ركعتين في الحِجر وحدث لي الشيء نفسه كل ذلك كان قبل الفجر… وجاءني والدي لأذهب إلى مكان النساء لصلاة الفجر عندها كنت قد تبدلت وأصبحت إنسانة أخرى تماماً. وسألني بعض النساء: هل ستتحجّبين يا أخت شمس؟ فقلت: بإذن الله… حتى نبرات صوتي قد تغيرت… تبدلت تماماً… هذا كل ما حدث لي… وعدتُّ ومن بعدها لم أخلع حجابي… وأنا الآن في السنة السادسة منذ ارتديته وأدعو الله أن يُحسن خاتمتي وخاتمتنا جميعاً أنا وزوجي وأهلي وأمة المسلمين جمعاء.

العائدون..الحلقة الثانية

2007-09-26T17:43:00.000+02:00

القصة الثانية
توبة والد الشيخ أحمد القطان

الشيخ أحمد القطان -جزاه الله خيراً- كان هو السبب -بعد توفيق الله- في هداية والده يروي لنا القصة فيقول
أصيب والدي -رحمه الله- بمرض في الغوص حيث كانوا على ظهر سفينة فضربتهم صاعقة..
فقد كانوا داخلين في شط العرب يحملون التمور وكانت هناك سفينة كويتية معطلة تحتاج إلى بعض التصليح فطلب ربّان هذه السفينة من ربّان السفينة الأخرى التي فيها والدي أن يساعده فيجر معه (المحمل) حتى يخرجه من المكان الضحل إلى المكان العميق. فوعده أن يساعده في وقت آخر بعد أن يستقي الماء ويجره إلى المكان العميق إلا أنه كان مستعجلاً وكان محمّلا بضاعـة ثقيلة فلم يف بوعده إذ (خطف) بالليل خفيـة وترك صاحبه الذي وعده قال والدي -رحمه الله -: فلما خرجنا من الخليج العربي جاءت سحابة فوق السفينة فبرقت ورعدت ونزلت منها صاعقة على الشراع فاحترق كله..
فكان والدي ممن أصيب بهذه الصاعقة إذ أصيب بمرض أشبه بالشلل.
وكان التجار يلومون ربان السفينة ويقولون له: لو أنك ساعدت ذلك الرجل صاحب السفينة المعطلة لما حدث ما حدث... ولكن... قدرّ الله وما شاء فعل...
ثم عادوا بوالدي -رحمه الله- إلى بيته وأصبح مقعداً لا يستطيع المشي وأكل ما عنده من مدخرات حتى أصبح يخرج وهو يزحف إلى الشارع لعله يجد من يجود عليه ولو بكسرة خبز.
ولما بلغت به هذه الحالة وامتد مرضه ما يقارب العشر سنوات وهو جالس البيت بلا علاج وصفوا له شيخاً من المنتسبين للدين يقرأ على الناس الآيات والأحاديث للاستشفاء. واستدعي ذلك الشيخ الذي يسمونه (الملا) وكان أول سؤال وجّهه إلى والدي -مع الأسف الشديد- : (كم تدفع على هذه القراءة؟!فقال والدي -رحمه الله- : أنا رجل فقير ومقعد وليس معي في جيبي إلا هذه النصف روبية هي ثمن طعامي أنا ووالدتي.. فقال (الملا) هذه لا تكفي .. وطلب أكثر من ذلك.. فلما لم يعطه والدي ما يريد خرج ولم يقرأ عليه شيئاً.
وهنا أحسّ والدي بامتعاض شديد وتولد عنده ردّ فعل عنيف جعله يكره الدين ويكره من ينتسب إلى هذا الدين... وأصبحت هذه الحادثة دائماً على لسانه لاسيما وأنه كان فصيحاً وذكياً يقول الشعر ويضرب الأمثال.. فسلط تلك الفصاحة وذلك الذكاء للسخرية بالمتدينين بسبب ذلك الموقف الذي وقفه ذلك الملا.
ومرت الأيام...
ويقدر الله -جل وعلا- أن يأتيه رجل فيقول له: لماذا لا تذهب إلى المستشفى (الأمريكاني) الذي يمدحه الناس ويثنون عيه وفيه طبيب جيد اسمه سكيدر... الخ وهو مستشفى تابع لإرساليات التبشير (النصرانية) التي تعمل لتنصير المسلمين أو إخراجهم من دينهم على الأقل..
فقال والدي ولكن كيف أستطيع الوصول إلى هذا المستشفى وهو بعيد عني بيتي وأنا لا أستطيع المشي.
ولم تكن في ذلك الوقت مواصلات تنقلهم كما هو الآن إلا عند أناس يعدون على الأصابع ومن هؤلاء المعدودين ذلك المستشفى المذكور حيث كان يملك سيارة وعند الدكتور سكيدر..
وعند أذان الفجر زحف والدي رحمه الله على فخذيه من بيته إلى المستشفى (الأمريكاني) فما وصله –زحفاً- إلا قبيل الظهر وكان ذلك في فصل الصيف.
يقول رحمه الله : فلما وصلت إلى جدار المستشفى لم تبق فيّ قطرة ماء لا في فمي ولا في عيني ولا جسمي... وأحسست أن الشمس تحرقني وأكاد أموت حتى إني لا أستطيع أن أتكلم أو أصرخ أنادي.. فدنوت من الجدار ونمت وبدأت أتشهد استعداداً للموت.
يقول: ثم أغمي عليّ وظننت أني متّ فلما فتحت عيني إذا أنا في بيتي وبجواري دواء..
قال: فسألت الناس الذين كانوا يعالجون في المستشفى: ماذا حدث؟ فقالوا: إن الناس قد أخبروا الطبيب بأن هناك رجلاً قد أغمي عليه عند جدار المستشفى فنظر من النافذة فرآه فنزل مع الممرضين وحملوه ودخلوا به ثم بعد ذلك قام بتشخيصه تشخيصاً كاملاً حتى عرف المرض وأعطاه حقنة ثم بعد ذلك أعطاه الدواء وحمله بسيارته الخاصة وأوصله إلى البيت.
قال والدي -رحمه الله-: فلما وضعتُ يدي في جيبي وجدتُ بها خمس روبيات فسألت: من الذي وضع هذه الروبيات في جيبي؟ فقالت الوالدة وضعها الدكتور الذي أحضرك إلى هنا!!!.
وهنا يظهر الفرق الكبير بين ما فعله هذا (المبشر) النصراني وبين ما فعله ذلك (الملا) سامحه الله.
إن هذا النصراني لم يدعُ والدي إلى دينه بطريقة مباشرة وإنما أحسن معه المعاملة لكي يستميل قلبه ومن أصول الإرساليات التبشيرية (التنصيرية) التي تدرس لهم وقرأناه في الكتب ودرسناها نحن أنه ليس من الشرط أن تجعل المسلم نصرانياً.. -إن جعلته نصرانياً فهذا تشريف للمسلم (هكذا يقولون)- ولكن إذا عجزت أن تجعله نصرانياً فاحرص على أن تتركه بلا دين فإن تركته بلا دين فقد حققت المطلب الذي نريد.
الشاهد أن الوالد رحمه الله شُفي وقام يمشي وظل ذلك الطبيب يزوره في كل أسبوع مرة ويتلطف معه ويمسح عليه وينظفه ويعالجه إلى أن تحسنت صحته وقام يمشي وبدأ يعمل ثم بعد تزوج فلما رزقه الله بابنه الأول -وهو أنا- ظل ولاؤه لهذا الطبيب لدرجة أنني لما بلغت الخامسة من عمري وبدأت أعقل بعض الأمور كان يأخذني كل أسبوع في زيارة مخصصة إلى ذلك الدكتور ويلقنني منذ الصغر ويقول: انظر إلى هذا الرجل الذي أمامك. إنه هو سبب شفاء والدك.. هذا الذي كان يعالجني في يوم من الأيام ويضع في جيبي خمس روبيات بينما يرفض (الملا) علاجي لأني لا أملك هذه الروبيات..ثم يأمرني بتقبيل يده.. فأقوم أنا وأقبل يده.
واستمرت هذه الزيادة المخصصة لذلك الدكتور إلى أن بلغت العاشرة من عمري.. في كل أسبوع زيارة وكأنها عبادة.. يدفعني إليه دفعاً لكي أقبّل يده.
ثم بعد ذلك استمر والدي يسخر من المتدينين ويستهزئ بهم، فلما هداني الله إلى الطريق المستقيم وأعفيت لحيتي بدأ يسخر ويستهزئ باللحية.
فقلت في نفسي: إنه من المستحيل أن أنزع صورة ذلك (الملا) من رأسه وصورة ذلك الدكتور من رأسه أيضاً إلا أن أحسن المعاملة معه أكثر من (الملا) وأكثر من الدكتور وبدون ذلك لن أستطيع.
فظللت أنتظر الفرصة المناسبة لذلك طمعاً في هداية والدي. وجاءت الفرصة المنتظرة.. ومرض الوالد مرضاً عضالاً.. وأصبح طريح الفراش في المستشفى حتى إنه لا يستطيع الذهاب إلى مكان قضاء الحاجة إذا أراد ذلك وكنتُ أنا بجواره ليلاً ونهاراً فقلتُ في نفسي هذه فرصة لا تقدّر بثمن.
وفي تلك الحال كان -رحمة الله عليه- يتفنّن في مطالبة يختبرني هل أطيعه أم لا؟
ومن ذلك أنه في جوف الليل كان يأمرني بأن أحضر له نوعاً من أنواع الفاكهة لا يوجد في ذلك الوقت فأذهب وأبحث في كل مكان حتى أجدها في تلك الساعة المتأخرة ثم أقدمها له فلا يأكلها.. فإذا أراد أن يقضي الحاجة لا يستطيع القيام فأضع يدي تحت مقعدته حتى يقضي حاجته في يدي.. ويتبول في يدي.. وأظل واضعاً يدي حتى ينتهي من قضاء الحاجة، وهو يتعجّب من هذا السلوك... ثم أذهب إلى دورة المياه وأنظف يدي مما أصابهما.
وقد تكررت هذه الحادثة في كل عشر دقائق مرة.. نظراً لشدة المرض حتى أنني في النهاية لم أتمكن من وضع يدي كلما تبرز أو تبول.. لكثرة ذلك.
فلما رأى والدي هذا التصرف يتكرر مني أكثر من مرة أخذ يبكي.. فكان هذه البكاء فاتحة خير وإيمان في قلبه.. ثم قال لي: إنني ما عرفت قيمتك إلا في هذه اللحظة.
ثم سألني: هل جميع هؤلاء الشباب المتدينين مثلك؟.. قلت له: بل أحسن مني، ولكنك لا تعرفهم.. وكانوا يزورونه ويسلمون عليه.
فبدأ يصلي ويصوم ويحب الدين ويذكر الله.. ولا يفتر لسانه عن ذكر الله وقول لا إله إلا الله محمد رسول الله وأسبغ الله عليه هذا الدين فقلتُ: سبحان الله.. حقاً إن الدين هو المعاملة.

القصة القادمة بإذن الله
توبة الممثلة السابقة: شمس البارودى

العائدون .. الحلقة الاولى

2007-09-25T03:13:00.000+02:00

لقيت عندى فى البيت كتاب اسمه العائدون الى الله و مؤلف الكتاب اسمه محمد بن عبد العزيز المسند
الكتاب تصفحته بداعى الفضول و شدنى جدا جدا بجد كتاب رهيب و فيه قصص قوية جدا جدا
طبعا واضح من الاسم انها قصص لتائبين بس الجميل هنا ان القصص لناس معاصرين مش قدام يعنى
و فى منهم ناس مشهورين زى ما هنشوف قدام الغريبة بقى ان فى ناس تابت بسبب الكتاب !!!
و دا منشور فى الجزء التالت
المهم نبدأ فى الجزء الاول و القصة الاولى :

القصة الأولى

توبة الشيخ أحمد القطان

الشيخ أحمد القطان من الدعاة المشهورين والخطباء المعروفين يروي قصة توبته فيقول: إن في الحياة تجارب وعبراً ودروساً… لقد مررت في مرحلة الدراسة بنفسية متقلّبة حائرة… لقد درست التربية الإسلامية في مدارس التربية – ولا تربية – ثمانية عشر عاماً. وتخرجت بلا دين… وأخذت ألتفت يميناً وشمالاً: أين الطريق؟ هل خلفت هكذا في الحياة عبثاً؟.. أحس فراغاً في نفسي وظلاماً وكآبةً.. أفر إلى البر… وحدي في الظلام لعلي أجد هناك العزاء، ولكن أعود حزيناً كئيباً. وتخرجت في معهد المعلمين 1969م وفي هذه السنة والتي قبلها حدث في حياتي حدث غريب تراكمت فيه الظلمات والغموم إذ قام الحزب الشيوعي باحتوائي ونشر قصائدي في مجلاتهم وجرائدهم. والنفخ فيها. وأخذوا يفسرون العبارات والكلمات بزخرف من القول يوحي به بعضهم إلى بعض حتى نفخوا فيّ نفخة ظننت أنني أن الإمام المنتظر؟ وما قلت كلمة إلا وطبّلوا وزمّروا حولها… وهي حيلة من حيلهم. إذا أرادوا أن يقتنصوا ويفترسوا فرداً ينظرون إلى هويته وهوايته ماذا يرغب… يدخلون عليه من هذا المدخل. رأوني أميل على الشعر والأدب فتعهّدوا بطبع ديواني نشر قصائدي وعقدوا لي الجلسات واللقاءات الأدبية الساهرة… ثم أخذوا يدسون السم في الدسم.
يذهبون بي إلى مكتبات خاصة ثم يقولون: اختر ما شئت من الكتب بلا ثمن فأحم كتباً فاخرة أوراقاً مصقولة… طباعة أنيقة عناوينها: (أصول الفلسفة الماركسية)، 0المبادئ الشيوعية) وهكذا بدءوا بالتدريج يذهبون بي إلى المقاهي الشعبية العامة، فإذا جلست معهم على طاولة قديمة تهتز… أشرب الشاي بكوب قديم وحولي العمال… فإذا مرّ رجل بسيارته الأمريكية الفاخرة قالوا: انظر، إن هذا يركب السيارة من دماء آبائك وأجدادك… وسيأتي عليك اليوم الذي تأخذها منه بالثورة الكبرى التي بذأت وستستمر… إننا الآن نهيئها في (ظفار) ونعمل لها، وإننا نهيئها في الكويت ونعمل لها، وستكون قائداً من قوادها. وبينما أنا اسمع هذا الكلام أحسّ أن الفراغ في قلبي بدأ يمتلئ بشيء لأنك إن لم تشغل قلبك بالرحمن أشغله الشيطان… فالقلب كالرحى… يدور… فإن وضعت به دقيقاً مباركاً أخرج لك الطحين الطيب وإن وضعت فيه الحصى أخرج لك الحصى. ويقدّر الله – سبحانه وتعالى - بعد ثلاثة شهور أن نلتقي برئيس الخلية الذي ذهب إلى مصر وغاب شهراً ثم عاد. وفي تلك الليلة أخذوا يستهزئون بأذان الفجر… كانت الجلسة تمتد من العشاء إلى الفجر يتكلمون بكلام لا أفهمه مثل (التفسير المادي للتاريخ) و (الاشتراكية والشيوعية في الجنس والمال)
…ثم يقولون كلاماً أمرّره على فطرتي السليمة التي لا تزال… فلا يمرّ…أحس أنه يصطدم ويصطكّ ولكن الحياء يمنعني أن أناقش فأراهم عباقرة… مفكرين… أدباء… شعراء… مؤلفين كيف أجرؤ أن أناقشهم فأسكت. ثم بلغت الحالة أن أذّن المؤذّن لصلاة الفجر فلما قال (الله أكبر) أخذوا ينكّتون على الله ثم لما قال المؤذن (أشهد أن محمّدا رسول الله) أخذوا ينكّتون على رسول الله، صلى الله عليه وسلم. وهنا بدأ الانفعال الداخلي والبركان الإيماني الفطري يغلي وإذا أراد الله خيراً بعباده بعد أن أراه الظلمات يسرّ له أسباب ذلك إذا قال رئيس الخلية: لقد رأيت الشيوعية الحقيقية في لقائي مع الأبنودي الشاعر الشعبي بمصر وهو الوحيد الذي رأيته يطبّقها تطبيقاً كاملاً.
فقلت: عجباً… ما علامة ذلك؟!!. قال: (إذا خرجنا في الصباح الباكر عند الباب فكما أن زوجته تقبله تقبلني معه أيضاً وإذا نمنا في الفراش فإنها تنام بيني وبينه…) هكذا يقول… والله يحاسبه يوم القيامة فلما قال ذلك نَزَلَتْ ظلمة على عينيّ وانقباض في قلبي وقلت في نفسي: أهذا فكر؟!! أهذه حرية؟!! أهذه ثورة؟!!
لا وربّ الكعبة إن هذا كلام شيطاني إبليسي!! ومن هنا تجرأ أحد الجالسين فقال له: يا أستاذ مادمت أنت ترى ذلك فلماذا لا تدع زوجتكم تدخل علينا نشاركك فيها؟ قال: (إنني ما أزال أعاني من مخلفات البرجوازية وبقايا الرجعية. وسيأتي اليوم الذي نتخلص فيه منه جميعا...) ومن هذه الحادثة بدأ التحول الكبير في حياتي إذ خرجت أبحث عن رفقاء غير أولئك الرفقاء فقدّر الله أن ألتقي باخوة في (ديوانية) كانوا يحافظون على الصلاة... وبعد صلاة العصر يذهبون إلى ساحل البحر ثم يعودون وأقصى ما يفعلونه من مأثم أنهم يلعبون (الورقة). ويقدّر الله أن يأتي أحدهم إلىّ ويقول: يا أخ أحمد يذكرون أن شيخاً من مصر اسمه (حسن أيوب) جاء إلى الكويت ويمدحون جرأته وخطبته، ألا تأتي معي؟ قالها من باب حبّ الاستطلاع.. فقلت: هيا بنا.. وذهبت معه وتوضأت ودخلت المسجد وجلستُ وصليتُ المغرب ثم بدأ يتكلم وكان يتكلم وافقاً لا يرضى أن يجلس على كرسي وكان شيخاً كبيراً شاب شعر رأسه ولحيته ولكن القوة الإيمانية البركانية تتفجر من خلال كلماته لأنه كان يتكلم بأرواح المدافع لا بسيوف من خشب. وبعد أن فرغ من خطبته أحسستُ أني خرجت من عالم إلى عامل آخر.. من ظلمات إلى نور لأول مرة أعرف طريقي الصحيح وأعرف هدفي في الحياة ولماذا خلقت وماذا يراد مني وإلى أين مصيري.. وبدأت لا أستطيع أن أقدم أو أؤخر إلا أن أعانق هذا الشيخ وأسلّم عليه. ثم عاد هذا الأخ يسألني عن انطباعي فقلت له: اسكت وسترى انطباعي بعد أيام.. عدتُ في الليلة نفسها واشتريت جميع الأشرطة لهذا الشيخ وأخذتُ أسمعها إلى أن طلعتِ الشمس ووالدتي تقدم لي طعام الإفطار فأردّه ثم طعام الغداء وأنا أسمع وأبكي بكاءً حارّاً وأحسّ أني قد ولدتُ من جديد ودخلتُ عالماً آخر وأحببتُ الرسول صلى الله عليه وسلم، وصار هو مثلي الأعلى وقدوتي وبدأتُ أنكبُ على سيرته قراءةً وسماعاً حتى حفظتها من مولده إلى وفاته صلى الله عليه وسلم، فأحسستُ أنني إنسان لأول مرة في حياتي وبدأت أعود فأقرأ القرآن فأرى كل آية فيه كأنها تخاطبني أو تتحدث عني (أوًمنْ كانَ ميتاً فأحييناه وجعلنا له نوراً يمشي به في الناس كمن مثله في الظلمات ليس بخارج منها…) سورة الأنعام نعم.. لقد كنت ميتاً فأحياني الله… ولله الفضل والمنة… ومن هنا انطلقتُ مرة ثانية إلى أولئك الرفقاء الضالين المضلين وبدأت أدعوهم واحداً واحداً ولكن… (إنّك لا تهدي من أحببت ولكنّ الله يهدي من يشاء وهو أعلم بالمهتدين)… أما أحدهم فقد تاب بإذن الله وفضله، ثم ذهب إلى العمرة فانقلبتْ به السيارة ومات وأجره على الله. وأما رئيس الخلية فقابلني بابتسامة صفراء وأنا أناقشه أقول له: أتنكر وجود الله؟!! وتريد أن تقنعي بأن الله غير موجود؟!! فابتسم ابتسامة صفراء وقال: يا أستاذ أحمد.. إنني أحسدك لأنك عرفت الطريق الآن.. أما أنا فاتركني.. فإن لي طريقي ولك طريقك.. ثم صافحني وانصرفت وظل هو كما هو الآن؟ وأما البقية فمنهم من أصبح ممثلاً ومنهم من أصبح شاعراً يكتب الأغاني وله أشرطة (فيديو) يلقي الشعر وهو سكران... وسبحان الذي يُخرج الحي من الميت... ومن تلك اللحظة بدأت أدعو إلى الله رب العالمين

القصة القادمة : توبة والد الشيخ احمد القطان

منشد الشارقة

2007-09-18T13:41:00.000+02:00

التفاصيل دى واخدها كوبى من منتدى كل الطلبة

فكرة المسابقة باختصار

المسابقة.. تعد الحدث الإنشادي الأضخم على الإطلاق في العالم العربي والإسلامي

وهي تحاكي نماذج برامج صناعة النجوم واختيار النجوم عبر التصويت في المسابقات الغنائية الشهيرة ..

أخذت الفكرة منها فقط وقامت بتطويعها إسلاميا بشكل راق ..

مع الاحتفاظ بكل السمات والشروط الخاصة بالنشيد الإسلامي وعدم مصاحبتها للآلات الموسيقية ..
يتابع ويتفاعل في هذا الحدث عمالقة الإنشاد الإسلامي من المحيط حتى الخليج ...

ويستضيف البرنامج يوميا منشدون ودعاة وعلماء ..

يقوم نظام المسابقة على إجراء تصفيات داخل كل دولة عربية – ليس كل الدول العربية – لاختيار منشد ممثل لهذه الدولة في التصفيات النهائية المقامة في شهر رمضان في إمارة الشارقة للمنافسة على لقب ( منشد الشارقة )

- تتكون لجنة التحكيم من الأساتذة : ( أبو الجود – أبو راتب – أحمد بو خاطر – وانضم إليهم هذا الموسم المنشد السعودي : سمير البشيري ) .

انطلقت فاعليات المسابقة للمرة الأولى في رمضان الماضي..

واستمرت طوال أيام الشهر وفاز باللقب المنشد اليمني عمار العزكي وكان التفاعل والصدى واسعا وكبيرا

ونجحت الفكرة نجاحا مدويا ..مما دعى المنظمين –حكومة الشارقة والرعاة الرسميون – إلى إقامة موسم ثاني للمسابقة ( منشد الشارقة 2 ) ..

المهم .... تمت التصفيات في القاهرة هذا العام منذ أشهر وقدم إلينا من أعضاء لجنة التحكيم الأستاذ ( أبو الجود )

وتنافس على تمثيل مصر أكثر من سبعين منشدا مصريا في فندق ( الماريوت ) بالزمالك ... وفاز بحمد الله بالمركز الأول المنشد : ( محمد عباس ) .. وهو-زميلنا بجامعة القاهرة- وصوت جديد وفريد نأمل أن يضيف جديدا للساحة الإنشادية عامة وللإنشاد في مصر خاصة بإذن الله تعالى ..

محمد الآن يخوض المسابقة وسط منافسة شرسة من 15 منشد من مختلف الدول العربية

(الإمارات-ولها ممثلان-وسوريا ولبنان والأردن وسلطنة عمان والعراق والسعودية واليمن والجزائر -وممثلها قوي جدا-والمغرب والسودان والصومال و...)

والطريف أن المتسابق العراقي يدرس أيضا بكلية طب القاهرة

أي أن جامعة القاهرة وكلية الطب بالخصوص لها ممثلان في المسابقة

ووسط ضعف التصويت له نظرا لأن قناة الشارقة لا تحظى بالشعبية الكافية في مصر

وحرام أن يضيع هذا الصوت المميز دون أن يأخذ فرصته الكافية

والمطلوب..تنظيم حملة دعم لمحمد يقوم بها الزملاء في جامعة القاهرة تبدأ من هنا ..من الساحة.

.والأهم تصويييييييت لمحمد طوال شهر رمضان
المصدر

محمد انا قابلته قبل كدة فى كلية طب و سجلتله مقطع على الموبايل
ما شاء الله صوته قوى
و الحدث فى حد ذاته جميل بس للأسف مش واخد شعبية و مش معروف زى البرامج المعاقة ستار ميكر و غيرها

دا مقطع بصوت محمد

السهرات بتذاع الساعة 8 مساء و الجمعة 10 مساء.. الاعادة 10 و نصف صباحا
و اليوميات 4 و نص عصرا .. عبارة عن فسح ورحلات وطرائف اليوم السابق
على قناة الشارقة و قناة شدا

لن ننسالك يا علاء

2007-09-17T17:20:00.000+02:00

لا تنسوه من صالح دعائكم ونسألكم الفاتحة

بداية

2007-09-12T01:50:00.000+02:00

السلام عليكم ورحمة الله وبركاتة

اولا انا مش هطول

ده بس يعتبر اعلان عن برنامج

ان شاء الله فى برنامج هيذاع على قناه modern tv ان شاء الله

تردد القناه 10758

القناه اغانى انا اتمنى اننا نفتحها بحرص وياريت منتفرجش عليها

نفتحها وقت البرنامج بس

بالله عليكم

البرنامج اسمة بداية للداعية عصام حمدى

هيذاع من الساعة 10 للساعة 11

الرنامج هيتكلم عن اخلاقيات الرسول صلى الله علية وسلم

ياجماعة عوزين نفعل البرنامج ده عشان القناه مش كويسة ولو نجح البرنامج هيستمر بعد رمضان

فهيكون فى مكان للدعوة فيه كبير اوى

يا جماعة بجد لازم نتفرج على البرنامج الناس تعبت فيه اوى

وكمان

وايه الفقى صاحبة مدونة فلسطينية الهوى .. مصرية الارض

طبعا كان فى ناس تانيين بس هما مرضوش يقولوا على اسمهم

وفى النهاية . الفقير الى الله

محمد اللى هو انا

ده موقع القناه فيها منتدى جوة

وكمان فى ساحتين اسمهم

موعدنا الجنة واسلاميات

عوزين نضغط على الساحتين دول

ونحاول نكلم ناس ونعرفهم الطريق الصح

يلا يا جماعة الدعوة الى الله جت لحد عندكم

؟؟؟؟؟؟؟ها هتعملوا ايه

هتوحشنى يا علاء

2007-09-10T23:49:00.000+02:00

فعلا الواحد مبيحسش بحد الا لما يفتقده ..

بقبله كتير وبتكلم معاه وبنضحك ولما بكون زعلان بشوفه همى كله يتشال ..

مش عارف نفسى الايام ترجع تانى عشان بس اشوفه نفسى

والله انا فعلا ندمان على كل ساعة او ثانية عدت من غير متكلم معاه او منفضلش على طول مع بعض ..

علاء محترم اوى وجميل اوى وفعلا عمرى مشوفت حد بجماله

ولا بقمة ذوقه كانت الضحكة بتخرج منه على القلب على طول

مينفعش منضحكش لازم نضحك علاء ده حاجة ميوصفهاش حد ومهما اتكلمنا مش هنعرف نوفى جماله ..

فى مرة كنت زعلان من حاجة فى الكلية وكنت مخنوق اوى ..

والله اول مشوفت علاء جى نحيتى ضحكت بطريقته اللى معودنا عليها اتشال كل الهموم اللى جوايا ..

حسيت انى مش زعلان خالص ..

يااااااااااااه يا علاء بجد انا اسف اسف اوى انى مشبعتش منك

والله انا بندم بندم اوى انى فعلا مشبعتش منك صح ..اه لو ترجع الايام تانى يا علاء والله مش هسيبك خالص

يارب بجد بجد يا رب وسع قبرة واجعله روضه من رياض الجنة

.. يارب لا تحرمنا من رؤيته فى الاخرة واجمعنى معه عند الحوض يا ارحم الراحمين

يارب اغفرله وارحمه وارضى عنه ..

يارب انك عفو كريم تحب العفو فعفو عنه

يارب والله انه عبدك وجاهد فى سبيلك وتمنى الشهادة لوجهك فأرضى عنه وتقبلها يا ارحم الراحمين

يامن رحمتك وسعت كل شئ

يارب لا تغفر له ذنبه بدعوتى ولا بعمله اغفرها برحمتك يا ارحم الراحمين

والله انى احبه فيك فأدخله جنتك وحشرنى معه ومع رسولك الكريم

سلام يا علاء

سلام يا اجمل انسان فى الدنيا

دمعت العيون والقلوب لفراقك يا اعز الناس

والله انى احبك فى الله

علاء

2007-09-10T22:41:00.000+02:00

بلغنى خبر وفاة احد زملائنا فى الكلية و اسمه علاء جبة

لما قريت الخبر على مدونة محمد عبد العاطى مكنتش عارف هو مين
بس لما شفت صوره عرفته
يمكن مكنش بينا تعامل بس كنت بشوفه كتير عند المسجد بتاع الكلية

توفاه الله قبل رمضان بايام قليلة..يمكن دا بيدى احساس بقيمة الدعاء الى بنردده كتير: اللهم بلغنا رمضان
علاء كان موصى واحد عنده فى بلده انه يتختمله القران يوم عرسه
و فعلا انهاردة اتختمله القران مرتين
الناس هناك كانت مصرة انه عرسه .. لانه مات -نحسبه- شهيد
لانه مات غريقا
علاء كان بيكلم واحد صاحبه مش فاكر مين دايما عن الشهادة
عايزين نموت شهداء
يا رب اقبله شهيدا و الحقنا به
انهاردة برضه زى ما واحد صحبى راح العزاء حكالى كان المسجد متقفل على اخره و الناس فرشت برة المسجد كمان فى صلاة الظهر و صلاة الجنازة .. و المسجد كان ضخم مش صغير
و مع ان بلده تعتبر بعيدة الى حد ما "البدرشين" بس الناس راحتله بعدد كبير قوى
لما صاحبى حكالى على التفاصيل دى فكرت
يوم ما اموت هل هاموت شهيد ؟ ولا زيى زى اى حد
يوم ما اموت كام واحد هيصلى عليا و هيمشى فى جنازتى
يا ترى حد هيبكى عليا ؟
حد هيهتم اصلا ؟ ولا مجرد خبر زى اى خبر
مش عارف

اوسطه مغفـــرة

2007-09-02T15:16:00.000+03:00

هتكلم ان شاء الله عن رمضان فى شكل خواطر بما انه كلها ايام و الشهر الكريم يبدأ
بس اولا بعتذر عن عدم الكتابة لمدة تقارب الشهر .. يمكن فى بعض الاحيان كنت بحس ان الكلام كله اتقال
كلام كلام كلام كلام
كله مكرر
و فى بعض احيان قلت انا هدفى من المدونة دى اظهار الحقيقة المختبئة بفعل التعتيم الاعلامى و غسيل المخ الى بنتعرض له كمسلمين فى العصر الحالى .. بس الناس عارفة الكلام دا كله
و الناس الى مش عارفة مش بتدخل المدونة اساسا
دى كلها افكار لسة فى دماغى و فعلا بتولد احباط ملوش حدود
بس ان شاء الله هستمر..على الاقل هكتب الكلام دا .. لنفسى

رمضان

1
انا فاكر من عدة اعوام كنت بضايق لما رمضان ييجى
ييييه هنصوم بقى و نموت من الجوع .. مش عارف الناس فرحانه بيه ليه
هو بس اجمد حاجة فيه البرامج الجامدة زى الكاميرا الخفية و غيرها
لحد ما ربنا كرم و الواحد عرف قيمة الشهر دا
2
من الحاجات الجامدة فى رمضان سلسلة الشياطين
كدة خلصنا من احد اعدائنا .. بس لسة باقى عدوين
النفس و شياطين الانس
يمكن سلسلة الشياطين بتعمل شغل فعلا و الواحد بيبقى قريب من ربنا و حالته الايمانية مرتفعة
بس الاتنين الى قلت عليهم برضه ما بيتوصوش
3
دلوقتى احنا مستنيين رمضان بفارغ الصبر .. قرفانين من الذنوب والمعاصى و مستنيين الشهر الى اوله رحمة و اوسطه مغفرة و اخره عتق من النار
بنجهز جداولنا فى رمضان
صيام ايمانا و احتسابا ؟ صدقة ؟ حسن خلق ؟ قران ؟ قيام ؟ تهجد ؟
كلام جميل
4
شياطين الانس يسكتوا ؟
لا ازاى
تلاقى بقى الجماعة اياهم نازلين بما لذ و طاب فى التليفزيون
مسلسلات رمضان - فوازير - برامج رمضان- افلام- الخيمة الرمضانية حيث الشيشة !
انا مش فاهم يعنى ايه علاقة دا كله برمضان ؟
هو تقريبا عايزين يعوضوا غياب شياطين الجن
هجمة اعلامية شرسة و قذرة

5
من المظاهر الرمضانية فى بلدنا الحبيب برضه الحجاب الرمضانى
يعنى دخل رمضان حط الحجاب خلص رمضان شيل الحجاب
و طبيعى ان اغلب الى بيعملو كدة بيبقوا من العينة دى
عامة دا نموذج الحجاب المنتشر ف رمضان و غيره
و دا البوست الى كتبته ضمن الحملة بتاعة الحجاب
الواحد بيفكر يعد فى البيت فى رمضان ( عملتها رمضان قبل الماضى)
6
رمضان فرصة ذهبية برضه للتغيير
ناس كتير ربنا بيكرمها بالالتزام فى رمضان بالتحديد
بيبقى وقت مناسب جدا للانطلاقة الاولى
ربنا يكرم و يثبتنا على الايمان

7
دى مواقف متفرقة من الى بنشوفها فى رمضان

اخيرا ادعولى يا جماعة كتير
عندى جيش ادعولى اخد اعفاء او تاأجيل

مجمـع تاجات

2007-08-30T12:27:00.000+03:00

فى تاجات كتير وصلت و اتاخرنا فى الرد عليه فها نحن ذا خطاب بالازرق محمد بالاخضر

من امام الجيـــل

هل تحرص بصدق علي تجديد النيه قبل الدخول علي النت؟؟؟

ليس دائما

احيانا

ما رأيك في جريده الدستور؟؟؟

احسن الوحشين و ان كان هذا لا يمنع انها جريدة فائقة السوء

شايف انها كويسة بالنسبة للموجودين دلوقتى
ما رأيك في شويه المدونات دي..(أنا إخوان..إبن أخ..حلم الحريه..مش حاسكت..جهاد المصري)؟؟

انا اخوان .. كانت اقوى المدونات
الباقيين مليش عليهم ملحوظات معينة

مواقع اخبارية اكثر من كونها مدونات

هل بعد قراءتك للإجابتين إللي فاتوا ..حسيت إن أنا أيه؟؟ولا تنسي الصدق.؟
مش فاهم قوى ؟

انت امام الجيل

هل تثق في جريده الدستور؟؟؟
لا

بالتأكيد لا

أنا بحبكو في الله..فهل تحبونني...ولا تنسوا الصدق؟؟
انا لا اعرفك للاسف
.. مدام نحن مسلمين فنحن اخوة فى الله ...احبك الله الذى احببتنى فيه

هل تعمل في السياسه والعمل العام أكثر من الربانيات والروحانيات؟؟؟
اعتقد نعم .. للأسف

نعم .. للأسف

هل الدستور تحب الإخوان,,ولا بتستغلها؟؟
لا اعتقد لانها ليست ذات توجه اسلامى صحيح
تستغلها ولكن هذا فى مصلحة الاخوان

التااااااااااااااااااااااااج الثانى

احلى بوست كتبته ...ضع اللينك , ثم اذكر لماذا؟

صراخ كثير

أفضل مدونة قرأتها؟

شاب مصرى

شاب مصرى

هيحصل ايه لإيميلك لما تموت ؟؟

30 يوم و يتقفل

مش عارف

اديت الباسورد لمين؟

ولا حد
ولا واحد

كانت إيه طبيعة علاقتك بيه؟

....

اسمك؟

تقدر تقولى خطاب

محمد

المشهور بيه وسط اصحابك؟

ناس تعرف اسم خطاب و ناس تعرف اسمى الحقيقى

و ناس تعرف الاتنين

ديدو

شخصيتك نوعها إيه؟

هادئة
عصبية نوعا ما

السفر بالنسبة لك؟

حلم

حقيقة

وقت فراغك بتعمل فيه إيه؟

كمبيوتر و نت

قراءة ونت

المود بتاعك؟

حاليا عادى

هادى

الصفات اللي أخدتها من بابا؟

الذكاء

العصبية

الصفات التي أخدتها من ماما ؟
الطيبة
الصبر
اكتر ست حاجات بكرهها؟
الظلم- ان حد يعيش الدور - الغباء- الحكم بغير ما انزل الله
الظلم .. الفقر..الغباء..والاكل الزيادة لما يترمى فى الزبالة ..والكلاب..الاغنياء لما يتكبروا على الفقراء
اكتر ست حاجات بحبها؟
فتة الشاورما - انجوى ميكس شيكولاتة كفاية كدة :D

:D
الاغنياء لما يكونوا متواضعين.. الحرية .. الاذكياء..كورة القدم .. وفتة باللحمة..والاردن

الانترنت بالنسبه لك؟

لا غنى لى عنه

بيتى التالت

دا وصل مرتين : من فلونا و من طيف

انت مين ؟؟
خطاب
محمد

مين اكتر ست اشخاص بتحبهم ؟؟

الرسول - سيدنا عمر - والدتى - و ناس تانية ...
الرسول صلى الله عليه وسلم .. سيدنا عمر بن الخطاب.. وسيدنا بلال ..والدى ..ووالدتى.. واختى
انت سعيد؟
لك الحمد انى حزين حزين
الجملة دى بحبها انا اه مش سعيد بس لله الحمد على كل حال
الحمد لله على كل شئ
لو اجتمعت انا وحسني مبارك في غرفة واحدة؟

معتقدش انى هعمل حاجة غير انى هبصله بكراهية
مش عارف مفكرتش فى الموضوع ده ممكن معملش حاجة وممكن اعمل .. مش عارف
لو معاك مليون ونص جنيه......تعمل بيهم ايه؟

هشترى سيارة و ابنى عمارة و اتجوز
برضة مش عارف
بتحب مصر؟

لا
اه الحمد لله
بتحب البنات؟

مش كلهم فى بنات كويسة و بنات لأ

مش فاهم
انت مسلم ؟

الحمد لله

الحمد لله
ليه؟

لانه الدين الحق مش لانى لقيت نفسى مسلم و ان كانت دى نعمة
عشان( اقرا بأسم ربك الذى خلق خلق الانسان من علق)

مين اكتر شخصية ما تقدرش تستغنى عنها في حياتك؟وليه؟

والدتى
والدتى
ايه اكتر موقف محرج اتعرضت ليه في حياتك؟واتصرفت ازاي؟

مش فاكر اكتر موقف محرج بس مرة طلعت فى حفلة عشان اشتغل فيديو كنا عملناه و الفديو مشتغلش .. الصوت بس اشتغل فرحت لمقدم الحفلة قلتله خش على الفقرة الى بعدها على ما نظبط اه و مرة اتطردت من المدرج
مرة كنت رايح اسلم على واحد صحبى وكان واقف مع واحد صاحبه تانى وكانوا بيتكلموا فى حاجة سر فأنا مكنتش

اعرف وكنت عمال قاعد معاهم فى الاخر لما اتخنقوا منى قالولى ممكن تتفسح شوية بس

ايه الأمنية اللي بتدعي ربنا دايما انه يحققها لك؟
الموت على الشهادة

انا اسف احب اخليها لنفسى

واحد من 80 مليون واحد

2007-08-21T14:33:00.000+03:00

الاسم: احمد عوض عبد الله

السن:19 سنة

الدراسة:كلية تجارة انجليزى جامعة بنها

التقدير : جيد جدا

عائلته:لديه اخت تخرجت من دفعة 2005 من نفس الكلية والجامعة

والدته ربه منزل

هوايته: يحب التمثيل ولديه قدرة عالية على ذالك

امنياته:ان يصبح رجل اعمال مثل ابيه لانه يرى نه مثل سويرس وغيرة وليس هما اذكى منه

المشكلة:بسيطة خالص من وجهه نظر الحكومة

التفاصيل : توفى والده جراء حادث طفيف وهو دفع 10 مليون جنية للضرائب ادى ذالك الى سكتة قلبية فتوفى

لانه لم يكن لديه هذا المبلغ فتم حجز شركاته فأدى الى وفاته

رد فعل الحكومة: الحصول على المال مهما حصل وايه يعنى مات زى اى حد

المصدر: صاحبى فى نفس العمارة اللى فيها فى بورسعيد

عندما تتحدث بسمة

2007-08-12T04:34:00.000+03:00

انا برضة استغربت لما شوفت المدونة بتاعتها

يعنى ممكن تقولوا انى انبهرت بكتباتها وب الذات القصص بتاعتها

ممكن الكلام يكون بسيط بس المعنى كبير اوى

فعشان كدة انا اتشرفت انى اضع مدونتها عندى

هى اولا اسمها بسمة

وفى سنة اولى اعدادى

ودى مدونتها

وكمان اختها صاحبة مدونة طيف

يلا يا بسمة استلمى اول تاج

بطاقتك الشخصية ؟

تشمل اسمك وسنك وعنوانك وفى سنة كام واهتماماتك وهواياتك كل ده ..

يعنى ب التفصيل

ليه فكرتى تعملى مدونة ؟

ايه اللى هنشوفة فى مدونتك هيفرقها عن غيرها ؟

هتتعملى مع اختلاف وجهات النظر ازاى؟

دى اسئلة على الماشى

بس فى تانى بس مش دلوقتى عشان متزهقيش من اولها

سؤال لمعالى الريس

2007-08-10T10:46:00.000+03:00

اللون الاحمر .. احذر

اللون الاخضر انسى ياباشا

******************

امتى ياريس هناكل لحمة

امتى ياريس هناكل فتة ..

يا معالى الريس الشعب جعان والاسعار بتغلى .. نفسهم يكلوا اى حاجة

اى حاجة يا معالى الريس

البطاطس ب 2.50 الكيلو والخيار 300جنية ..

واللحمة 35 جنية والفراخ 9.50

امتى هناكل لحمة ياريس

الفلية ب 26 جنية الكيلو

عاوزين بس ياريس ناكل

مش عاوزين كفيار اللى قولت ان الشعب بيكله واحنا منعرفش ايه الكفيار اصلا

ياحبيبنا ياريس

ياللى الشعب اختارك

ونجحت بأرادته مش بالتذوير ولا الرشوة ولا الكلام الفارغ اللى بيقول الناس عنه

بس ياريس عوزين حاجة واحدة

مش عاوزين إلا غيرها

عاوزين ناكل اى حاجة

بس غير الفول .. زهقنا من الفول

عاوزين ناكل لحمة كل 3 شهور مرة

عاوزين ناكل فراخ كل 3 شهور مرة

بس المهم نكلها نحس بوجودها

امتى ياريس

الاسعار بتغلى

بالله عليك يا ريس قولنا امتى

عارفين ان اللى حوليك هما اللى بيسرقوا

وهما السبب وان حضرتك بسبب انشغالك مش تعرف

وبسبب طيبة قلبك مش تعرف

ياريس احنا مش منعنهم يسرقوا

بس بدل ميسرقوا 2000 خليهم يسرقوا 1000

ياريس يسرقوا اى حاجة

بس ناكل ياريس لحمة

امتى يا ريس

انا بس حبيت ابعت لحضرتك الرسالة دى يمكن بسبب انشغالك الكبير

متعرفش ان الاسعار غليت

وربنا معاك ومعانا ياريس

امتى هتوصل الرسالة يا ريس)(