مجمـع تاجات

فى تاجات كتير وصلت و اتاخرنا فى الرد عليه فها نحن ذا خطاب بالازرق محمد بالاخضر

من امام الجيـــل

هل تحرص بصدق علي تجديد النيه قبل الدخول علي النت؟؟؟

ليس دائما

احيانا

ما رأيك في جريده الدستور؟؟؟

احسن الوحشين و ان كان هذا لا يمنع انها جريدة فائقة السوء

شايف انها كويسة بالنسبة للموجودين دلوقتى
ما رأيك في شويه المدونات دي..(أنا إخوان..إبن أخ..حلم الحريه..مش حاسكت..جهاد المصري)؟؟

انا اخوان .. كانت اقوى المدونات
الباقيين مليش عليهم ملحوظات معينة

مواقع اخبارية اكثر من كونها مدونات

هل بعد قراءتك للإجابتين إللي فاتوا ..حسيت إن أنا أيه؟؟ولا تنسي الصدق.؟
مش فاهم قوى ؟

انت امام الجيل

هل تثق في جريده الدستور؟؟؟
لا

بالتأكيد لا

أنا بحبكو في الله..فهل تحبونني...ولا تنسوا الصدق؟؟
انا لا اعرفك للاسف
.. مدام نحن مسلمين فنحن اخوة فى الله ...احبك الله الذى احببتنى فيه

هل تعمل في السياسه والعمل العام أكثر من الربانيات والروحانيات؟؟؟
اعتقد نعم .. للأسف

نعم .. للأسف

هل الدستور تحب الإخوان,,ولا بتستغلها؟؟
لا اعتقد لانها ليست ذات توجه اسلامى صحيح
تستغلها ولكن هذا فى مصلحة الاخوان

التااااااااااااااااااااااااج الثانى

احلى بوست كتبته ...ضع اللينك , ثم اذكر لماذا؟

صراخ كثير

أفضل مدونة قرأتها؟

شاب مصرى

شاب مصرى

هيحصل ايه لإيميلك لما تموت ؟؟

30 يوم و يتقفل

مش عارف

اديت الباسورد لمين؟

ولا حد
ولا واحد

كانت إيه طبيعة علاقتك بيه؟

..

....

اسمك؟

تقدر تقولى خطاب

محمد

المشهور بيه وسط اصحابك؟

ناس تعرف اسم خطاب و ناس تعرف اسمى الحقيقى

و ناس تعرف الاتنين

ديدو

شخصيتك نوعها إيه؟

هادئة
عصبية نوعا ما

السفر بالنسبة لك؟

حلم

حقيقة

وقت فراغك بتعمل فيه إيه؟

كمبيوتر و نت

قراءة ونت

المود بتاعك؟

حاليا عادى

هادى

الصفات اللي أخدتها من بابا؟

الذكاء

العصبية

الصفات التي أخدتها من ماما ؟
الطيبة
الصبر
اكتر ست حاجات بكرهها؟
الظلم- ان حد يعيش الدور - الغباء- الحكم بغير ما انزل الله
الظلم .. الفقر..الغباء..والاكل الزيادة لما يترمى فى الزبالة ..والكلاب..الاغنياء لما يتكبروا على الفقراء
اكتر ست حاجات بحبها؟
فتة الشاورما - انجوى ميكس شيكولاتة كفاية كدة :D

:D
الاغنياء لما يكونوا متواضعين.. الحرية .. الاذكياء..كورة القدم .. وفتة باللحمة..والاردن

الانترنت بالنسبه لك؟

لا غنى لى عنه

بيتى التالت

دا وصل مرتين : من فلونا و من طيف

انت مين ؟؟
خطاب
محمد

مين اكتر ست اشخاص بتحبهم ؟؟

الرسول - سيدنا عمر - والدتى - و ناس تانية ...
الرسول صلى الله عليه وسلم .. سيدنا عمر بن الخطاب.. وسيدنا بلال ..والدى ..ووالدتى.. واختى
انت سعيد؟
لك الحمد انى حزين حزين
الجملة دى بحبها انا اه مش سعيد بس لله الحمد على كل حال
الحمد لله على كل شئ
لو اجتمعت انا وحسني مبارك في غرفة واحدة؟

معتقدش انى هعمل حاجة غير انى هبصله بكراهية
مش عارف مفكرتش فى الموضوع ده ممكن معملش حاجة وممكن اعمل .. مش عارف
لو معاك مليون ونص جنيه......تعمل بيهم ايه؟

هشترى سيارة و ابنى عمارة و اتجوز
برضة مش عارف
بتحب مصر؟

لا
اه الحمد لله
بتحب البنات؟

مش كلهم فى بنات كويسة و بنات لأ

مش فاهم
انت مسلم ؟

الحمد لله

الحمد لله
ليه؟

لانه الدين الحق مش لانى لقيت نفسى مسلم و ان كانت دى نعمة
عشان( اقرا بأسم ربك الذى خلق خلق الانسان من علق)

مين اكتر شخصية ما تقدرش تستغنى عنها في حياتك؟وليه؟

والدتى
والدتى
ايه اكتر موقف محرج اتعرضت ليه في حياتك؟واتصرفت ازاي؟

مش فاكر اكتر موقف محرج بس مرة طلعت فى حفلة عشان اشتغل فيديو كنا عملناه و الفديو مشتغلش .. الصوت بس اشتغل فرحت لمقدم الحفلة قلتله خش على الفقرة الى بعدها على ما نظبط اه و مرة اتطردت من المدرج
مرة كنت رايح اسلم على واحد صحبى وكان واقف مع واحد صاحبه تانى وكانوا بيتكلموا فى حاجة سر فأنا مكنتش

اعرف وكنت عمال قاعد معاهم فى الاخر لما اتخنقوا منى قالولى ممكن تتفسح شوية بس

ايه الأمنية اللي بتدعي ربنا دايما انه يحققها لك؟
الموت على الشهادة

انا اسف احب اخليها لنفسى

واحد من 80 مليون واحد

الاسم: احمد عوض عبد الله

السن:19 سنة

الدراسة:كلية تجارة انجليزى جامعة بنها

التقدير : جيد جدا

عائلته:لديه اخت تخرجت من دفعة 2005 من نفس الكلية والجامعة

والدته ربه منزل

هوايته: يحب التمثيل ولديه قدرة عالية على ذالك

امنياته:ان يصبح رجل اعمال مثل ابيه لانه يرى نه مثل سويرس وغيرة وليس هما اذكى منه

المشكلة:بسيطة خالص من وجهه نظر الحكومة

التفاصيل : توفى والده جراء حادث طفيف وهو دفع 10 مليون جنية للضرائب ادى ذالك الى سكتة قلبية فتوفى

لانه لم يكن لديه هذا المبلغ فتم حجز شركاته فأدى الى وفاته

رد فعل الحكومة: الحصول على المال مهما حصل وايه يعنى مات زى اى حد

المصدر: صاحبى فى نفس العمارة اللى فيها فى بورسعيد

عندما تتحدث بسمة

انا برضة استغربت لما شوفت المدونة بتاعتها

يعنى ممكن تقولوا انى انبهرت بكتباتها وب الذات القصص بتاعتها

ممكن الكلام يكون بسيط بس المعنى كبير اوى

فعشان كدة انا اتشرفت انى اضع مدونتها عندى

هى اولا اسمها بسمة

وفى سنة اولى اعدادى

ودى مدونتها

وكمان اختها صاحبة مدونة طيف

يلا يا بسمة استلمى اول تاج

بطاقتك الشخصية ؟

تشمل اسمك وسنك وعنوانك وفى سنة كام واهتماماتك وهواياتك كل ده ..

يعنى ب التفصيل

ليه فكرتى تعملى مدونة ؟

ايه اللى هنشوفة فى مدونتك هيفرقها عن غيرها ؟

هتتعملى مع اختلاف وجهات النظر ازاى؟

دى اسئلة على الماشى

بس فى تانى بس مش دلوقتى عشان متزهقيش من اولها

سؤال لمعالى الريس

اللون الاحمر .. احذر

اللون الاخضر انسى ياباشا

******************

امتى ياريس هناكل لحمة

امتى ياريس هناكل فتة ..

يا معالى الريس الشعب جعان والاسعار بتغلى .. نفسهم يكلوا اى حاجة

اى حاجة يا معالى الريس

البطاطس ب 2.50 الكيلو والخيار 300جنية ..

واللحمة 35 جنية والفراخ 9.50

امتى هناكل لحمة ياريس

الفلية ب 26 جنية الكيلو

عاوزين بس ياريس ناكل

مش عاوزين كفيار اللى قولت ان الشعب بيكله واحنا منعرفش ايه الكفيار اصلا

ياحبيبنا ياريس

ياللى الشعب اختارك

ونجحت بأرادته مش بالتذوير ولا الرشوة ولا الكلام الفارغ اللى بيقول الناس عنه

بس ياريس عوزين حاجة واحدة

مش عاوزين إلا غيرها

عاوزين ناكل اى حاجة

بس غير الفول .. زهقنا من الفول

عاوزين ناكل لحمة كل 3 شهور مرة

عاوزين ناكل فراخ كل 3 شهور مرة

بس المهم نكلها نحس بوجودها

امتى ياريس

الاسعار بتغلى

بالله عليك يا ريس قولنا امتى

عارفين ان اللى حوليك هما اللى بيسرقوا

وهما السبب وان حضرتك بسبب انشغالك مش تعرف

وبسبب طيبة قلبك مش تعرف

ياريس احنا مش منعنهم يسرقوا

بس بدل ميسرقوا 2000 خليهم يسرقوا 1000

ياريس يسرقوا اى حاجة

بس ناكل ياريس لحمة

امتى يا ريس

انا بس حبيت ابعت لحضرتك الرسالة دى يمكن بسبب انشغالك الكبير

متعرفش ان الاسعار غليت

وربنا معاك ومعانا ياريس

امتى هتوصل الرسالة يا ريس)(

لا تبكى يا قلب على ماض قد وضعة القدر لك

هؤلاء هم الرجال الذين لم يعرفوا لليأس طريق

رجال لم يقعوا فريسة للمقاهى والجلوس على الطرقات منتظرين مساعدة الحكومة

هؤلاء الرجال على الرغم من بيئة عملهم وعلى الرغم من ظروفهم إلا إنهم يعملون من اجل لقمة العيش

التى يعلمون كل العلم ان الله هو الرزاق وليس احد غيرة

على الرغم من صعوبة عملهم إلا إنهم لا يعتبروها صعبة مدام انهم يبحثون عن لقمة العيش الشريفة

وهذا ما قاله عبد الرحمن وهو احد الرجال اللذين يمارسون هذا العمل على الرغم من خطورة

يقول بصوت عالى لأبنه ويسأله سؤال

لماذا نعمل هكذا ؟؟

فيجيب عليه الطفل الذى لا يتجاوز عمرة عن 9 سنوات

. من اجل لقمة العيش يا أبى

لقمة العيش الذى قال عنها عبد الرحمن

انها لا تساوى من يسرق او من ينهب او من يرشو او يرتشى بل قالها بصوت عالى

انها لقمة شريفة كأنه اراد من هذا العرض ان يرسل برسالة الى الناس

وخاصة من على علوا فى الارض كبيرا

اراد ان يرسل برسالة صغيرة اليهم انه يعمل هذا من اجل لقمة العيش الحلال

عبد الرحمن يمارس هذة المهنة منذ 5 سنوات

وفى كل لحظة يعلم ان الله اذا امر بموته لمات بواسطة السكاكين او النار

ولكنة يقول ان الاعمار بيدى الله وانه مدام العمل شريف واللقمة شريفة فإنى انهى يومى بشكر الله

وعدم القلق على نهايتى

عبد الرحمن عند محادثتى معه لم استطع غير إنى اترك له العنان

وكلى اذانا صاغية كل ما اريده هو الاستماع اليه وكيفية تعبيره عن هذا

كنت خلال العرض انظر الى الطفل الذى لا يتجاوز عمرة التاسعة

كنت ارى عينيه وكيفية التعبير عن ما بداخله

وكيفية نظرة للاولاد مثل عمره

كنت اعلم انه يشعر بكسر من داخله يريد ان يلعب ولكنه لم يستطع

لانه إذا لعب سيخسر لقمة العيش التى يكافح من اجلها

رايت عينيه ارادت ان تبكى ولكن لم يستطع حتى لا يشعر ب الضعف

فيأتى أحد فيعطف عليه يريد ان يظهر بكل القوة

""وفعلا ظهر""

وعلى الرغم من الرد الذى كان يقوله لأبيه عندما كان يسئله

اين نحن؟؟

كان يقول بكل قوة اننا فى ارض الله

نعمل لكى نكسب من عرق جبيننا

لا نريد حسنة من احد من يريد ان يدفع فليدفع ومن لا يريد فرزقنا على الله

كانت كلمات اطلقها الطفل بكل قوة دخلت الى قلبى جعلت منه عيونا دامعة

عند انتهاءة من العرض اردت ان اذهب اليه لأقبله

ولكن تحاشدت عليه الاباء والامهات والاطفال

سعدت كثيرا عندما رايت هذا

اردت ان اذهب اليه ولكن تساقطت دموع من عينى

لم استطع ان امنعها فتركته حتى لا يشعر بشئ فيبكى بعد الفرحة فابتعدت وتركته

وشعرت بهذه الكلمة تنبض بداخلى

لا تبكى يا قلب على ماض قد وضعة القدر لك

*************************************

اترككم مع العمل الشاق

السكاكين

بيوزع على الاطفال هدايا

بيمر من داخل النار و السكاكين برضة

بياخد من الاطفال فلووس

انا بس كنت عاوز اقول فى الاخر ان الحاوى ده مش زى اى حاوى ..

ولا الولد ده زى اى ولد بيعيش

It's all about house music

كنت ارسلت مقالة صغيرة ساخرة لجريدة الدستور و اتنشرت بس فى اجزاء حذفت منها , المقالة اهى..و هعلم الاجزاء الى حذفت بالاحمر



المقهى و الكافيه..ربما يقومان على نفس الفكرة الا ان الفارق بينهما يظهر جليا من خلال مستوى الرقى او بالعامية "النضافة", فشتان الفارق بين مقهى بلدى و كافيه ك"سيلنترو" مثلا .. فإن قدر لك و دخلته يوما تطالعك اول ما تطالعك فاترينات بها انواع من المأكولات و المشروبات ربما لم ترها من قبل و بالطبع لا تجرؤ على السؤال عن كنهها او سعرها. لا تلبث طويلا حتى تكتشف انه امامك خيارين:

smoking zone التوجه الى ال

non-smoking zone التوجه الى ال

تتخذ قرارك طبقا لمدى حبك للدخان, تنتظر ال"ويتر" ليحصل على طلبك بعدما امضيت بضع دقائق فى مطالعة اسماء المشروبات العجيبة..و بما انك تحب المغامرة فانك تطلب الموكا و لا مشاكل بشأن ال 12 جنيه ثمنها. تأمل على خلق الله من حولك..هناك على اليمين عدد من رجال الاعمال يبرمون صفقة مليونية و كان الكافيه افضل مكان لذلك فى وجهة نظرهم, و على يسارك شاب اوروبى يحدق فى شاشة جهاز اللاب توب الخاص به فقط لتكتشف تقنية الواى فاى او الانترنت بلا اسلاك. فإن نظرت امامك فلابد ان تقع عينك على شلة من الشباب و البنات الكووووول او الهاى كلاس, يبحثون و يناقشون احدث البومات عمرو و فرق الهيفى ميتال.
. "it's all about house music"
هكذا يهتف احدهم فى حكمة شاعرا بأنه قد توصل لاكتشاف مذهل
بمناسبة الميوزك..هل تسمع تلك الاغنية تتردد من نظام الساوند سيستم المتطور ؟ "كلمة واحدة و كلمتين حلوة يا بلدى..غنوة واحدة و غنويتن قمرة يا بلدى" انها المرة الخامسة منذ جلست..قد تتعجب من اصرارهم على هذه الاغنية بالذات رغم ردائة الكلمات والالحان, و لكنك لا تفقه شيئا فى الاغانى يا صديقى..
it's all about house music كما اتفقنا..
تتذكر انك سمعت ان المغنية امرأة يهودية..هل لهذه المعلومة اهمية ؟ دعك من هذا و ادفع الحساب و لا تفكر ابدا بمنح الويتر "تيبس" فالمبلغ الذى تظنه محترما قد يدفعه هو لمنحك تيبس..هل ابقيت شيئا للعودة للمنزل ؟ جميل تخرج شاعرا بأنه كان حلما جميلا..ربما لن تفيق منه الا مع قرع قطع الدومينو و الطاولة فى قهوة الفيشاوى التى تقضى فيها سهرتك اليومية حتى منتصف الليل. هل تفكر فى زيارة الكافيه مرة اخرى ؟ هذا قرار حكيم ولكن فلتؤجلها لاول الشهر المقبل يوم قبض المرتب..و لتبدأ رحلة مسلية مع البحث عن معنى كلمة ال
house music



مش عارف؟؟ رغم ان الموضوع ملوش لزمة و مش مقالة ذات قيمة بس مش ظريف انه يتم التعديل على كلامك و نشره بدون موافقتك